2017年2月16日 星期四

Oxford Path換書

由於我的oxford path會籍已經過期,所以已經好一段時間冇換書。雖然我好少用oxford path,但依然有入一D Oxford Path用家group,見到oxford path的服務越來越差,真係好後悔浪費左咁多錢去買一套不用善及售後又唔好的教材。

一直以來, oxford都比姐姐去換書,依家就唔比。試問手停口停的家長們又點得閒走到去佐敦換(仲要唔近地鐵)。放工大家都想一支箭咁返屋企親子啦,唔通仲出去換書咩?!就算叫我星期六去換我都唔想啦,點解唔比姐姐換喎???真係十萬個不理解!!唔通姐姐會拎D書去賣咩???

其實小朋友玩咭唔見一兩張好閒事,個家長話oxford path要佢比$500買過成盒唔比換!!(⊙o⊙) (⊙o⊙) (⊙o⊙)  講真, 迪士尼美語世界我都唔見過咭,成盒比佢,佢都唔會數少左邊張就換比我啦!!點解幾萬蚊買套教材,只不過想要少少售後服務換下書咁都成個乞兒咁求人換。可以用幾萬蚊買套oxford path,但唔見左幾張咭都要比錢買。重點係500蚊,唔係5蚊喎。比左幾萬蚊仲想賺多500蚊*@_@* 佢真係食水深!

沒有留言:

張貼留言