假日親子活動 - 整餅

未開始時大家勁開心

因為疫情嘅緣故，花媽基本淨係同花花草草點對點咁出去，而去得最多嘅地方就係花婆婆屋企，但係有時候都覺得小朋友太慘啦，所以今日搵咗一個特地節目，整餅整蛋糕！✌🏻

草草第一次用廚房工具

好彩花婆婆幫我手，如果唔係...以花媽嘅實力，都幾難完成作品！🤣🤣而我最欣賞呢個地方，就係有晒食譜、材料、工具俾一家大細或情侶打發時間😊雖然裏面嘅員工未必話識整餅，但起碼我又唔使洗唔使煩唔使準備材料，對於花媽我呢一種冷嗎來講係非常之有用！

睇吓花花幾努力鋪餅底！

對於整蛋糕來講，花媽只可以話我係一個新手！基本上整任何嘢食… …都唔係我最在行嘅地方！🤣🤣而花花亦都揀咗一個中難道嘅乳酪蛋糕...咁就大家一齊努力啦💪🏻

花花努力咁量度完，再撈埋啲材料！

花婆婆醒啊，揀咗做朱古力曲奇，成件事快我哋勁多，當草草整完嘅時候…...就不停走來走去，男仔真係對整嘢食冇乜興趣，定係遺傳咗我嘅基因？🙄🙄

花婆婆比花花一齊參與

我地即時試用草草整朱古力曲奇呢個成品，原來曲奇暖暖地咁食真係好好食！😋但唔知點解花媽總覺得有少少燥燶味...而朱古力曲奇🍪因為顏色問題而見唔佢燶左...

睇下草草又玩鉸剪😑

花媽之所以咁認為自己唔可以做蛋糕，因為今次其實我哋整呢個乳酪蛋糕… …係失敗嘅！😔本身應該會有三層色、又要返屋企食野...沖涼...每層等15分鐘...所以整左兩層我地就走了！😜

放埋D藍莓🫐先

小朋友最開心其實都係放下生果...放下dressing同decorations...完成後就照合照！總結：花媽首先覺得下次要同姐姐一齊玩🤣整野食真係姐姐做最好。

終於完成