澳門兩日一夜

對於花花來說，已經不是第一次到澳門了。每一次花爸都說要同花花到澳門觀光塔，但每次因因種種原因而冇去，今次就因為天氣唔好而冇去了。花花亦因此再同我竾閒逛威尼施仁，老老實實呀，對於花媽同花花又真係幾悶架。最開心只係可以享用酒店浴珤來一個親子浸浴。

今次逛街，花婆婆為花花買來了一個Cath Kidston的小斜咩袋，對於花花來說，呢個袋真係有D大，但花花喺鏡入面見到自己揹住呢個袋，怕羞又含蓄咁笑，真係唔捨得唔買比佢架。我一心諗住花花會選白底玫瑰花款的袋，點知佢選擇左紅底白心心款。好期待花花自己識行又可以揹住呢個袋啊!

另一分享，原來一歲以下坐船去澳門是免費的，但一歲以上就要付費了。各家長要注意啊!

花媽見工

已經全職照顧了花花一段時間，如果你問我願唔願意唔再做FTM而去working mom，我可以十萬個肯定咁講我唔願意。我十萬個希望陪住花花渡過佢的頭三年，因為頭三年就是決定性格的重要三年。如果我要工作的話，呢三年的性格就會經花婆婆的照顧而形成。我不是說花婆婆不好，只係婆婆對花花過份溺愛，我怕會寵壞花花。

花媽好耐冇穿上高跟鞋及好耐冇見工了。心情真係好茅盾。

通便的小米藜麥

今晚我們一家人同花公公花婆婆及朋友們一齊去元朗食法國菜。唔知係呢間餐廳旺花花定點呢?平日兩日一大的花花,今晚大左三次(一早已經大左一次了)。好尷尬啊!要不停換片片而且大大真係好臭(>﹏<)

後來花媽細心一想，今日花婆婆不小心直接煮了小米加藜麥，當中冇加上白米。平日花媽用大量白米加小量小米藜麥的，可能藜麥比較粗糙，會較為通便呢。

深入探討迪士尼美語世界及oxford path

今日花妹又係gym玩到好忘我了!

早前有一個在迪士尼美語世界工作的朋友嚟我家探我同花花，由於我家中有一套oxford，佢就問一下我的意見覺得兩套教材的分別。同讓我好好了解迪士尼美語世界。

首先，不得不承認美語世界在BB界能夠生存到現在十幾年，必然有佢的道理。除左Micky同Minnie夠可愛的同時，美語世界的配套的確唔少。例如有playgroup、有畢業典禮、有外籍人仕打電話比小朋友唱歌傾計等等。相對oxford始終只有三年歷史的確冇咁好配套。

好多人誤解了迪士尼主張小朋友睇DVD，但其實佢地都主張同小朋友睇書,玩咭機及poster等,能夠大大提升親子關係。

由於oxford一定要講故事比小朋友時，所以父母就要有少少的英文底子了。當然你可以比小朋友用點讀筆或播CD的 story audio 比小朋友聽，但講故事比小朋友聽絕不是搬字過紙，除左睇到咩講咩仲要加以想像。有人話連故事書的封面都能講30分鐘啊!

Oxford Path正正因為要講英文故事，四大長老又唔識英文，又唔想比小朋友學左賓式英文，咁唯有自己教啦！在職父母如果放工時間準時還可，經常要OT就可能會半途放棄同小朋友講故事了。所以我覺得oxford比較適合FTM及英文唔差的爸媽。說實話，由於我天天講兩次故事比花花，親子時間又多左了。親子時間真的好sweet呢!♡(^ε^ )♡

迪士尼則可以比在職爸媽，因為開著電視BB就乖乖學習了。當然父母都要付出時間同Bb玩playmate啦,要是父母連少少時間都唔付出,那能要求教材放係到小朋友就自己會識呢?的確迪士尼真係好 user friendly ，而且如果父母英文唔算太好及太忙，都可以麻煩工人姐姐或四大長老代為播碟同玩遊戲！

其實聽完朋友講解，花媽內心真係掙扎左一下要唔要多買一套迪士尼比花花，當然花爸及花婆都覺得唔平又有一套教材已經好足夠了。

未能同屋企人有共識唔緊要,攞套試用裝返屋企了解下先啦!
http://www.worldfamily.com.hk/ffp/sl/preaf143

環保尿布

看到呢張相，花媽真係唔可以唔讚下自己的堅持。由花花出世至今，我地一直採用環保尿布，我相信花花至今買的尿片不超過一千蚊。尿布基本上首次購買大約二千蚊後就冇任何費用。

當然使用環保尿布有時真係好麻煩架，如果花花一大便左，我就要幫花花洗果條充滿咖哩積的尿布。本來真係覺得好麻煩架，後來經朋友介紹用左韓國出品的一個BB專用去污劑，噴幾下再浸幾浸刷幾刷，污積好快冇了。如果天氣好，尿布都乾得好快，但天氣唔好就要過夜先乾到，一日多的7-10尿布都有機會架!所以花媽家的萬百旗不是來自於花爸而是花花`(*^﹏^*)′

823廣華媽媽一歲生日Party

雖然未正式到花花一歲，但係一班一齊經歷起跌、係孕期前後互相支持的廣華媽媽們預早為我們的9月BB慶祝生日。點解提早咁多?因為我地BB由9月頭分怖到9月尾，而一歲針都係呢段時間打的，為免其中有BB有反應唔出席唔到，我地都決定提前一年月慶祝。

真係要好感謝冊劃單位娜姐，我呢D小角色就只係去同帶份禮物去交換*@_@* 呢4個鐘我真係覺得自己好忙，因為要同媽媽們吹水。雖然花妹滿場飛，我同花爸決定由佢自己發展，即使佢趴左去枱低我地都唔理~^o^~ ~^o^~ 我同花爸好一致咁認為BB係我地視線範圍係安全，我地都會放手比佢去摸索的。

母乳手工皂

點解花花笑得可以咁搞笑咁傻架?!媽媽真係好唔捨得離你而去上班。由於今日有客人預約，花媽一早準備好花花午餐就去返工了!一邊等客人一邊做客人的order。兩個閃石手機殼總算完成了一個啊！

之後花媽直接去荔枝角整母乳手工皂，因為花媽有三包過期母乳，唔好浪費。如果你問我間野叫乜名，花媽已經唔記得了，但係花媽朋友介紹話只收材料費，不防去試試吧。

其實花媽對冷製法手工皂略有淺淺認識，因為花媽阿姨正是太子某DIY手作坊的負責人。其實花媽可以請教阿姨，但阿姨生意太好了，那我直接出去學吧。其實說是只收材料費，當中材料已賺了不少(不好意思，花媽在阿姨公司工作過，知道原材料成本啊!)。但人家提供地方又冷氣又工具又教學，賺一點錢也正常。花媽將來已必再去學整別款母乳皂呢!

但宣傳一下阿姨於太子的店，阿姨絕對是貨真價實的商人。佢的東西唔便宜是有原因啊！佢用的原材料及香薰油都是從外國入口(絕不是內地)，而市面上很多皂模都是由佢店賣出，我見過不少DIY手工皂達人都係佢的常客，所以話阿姨其實是原材料供應商啊!當然都要教一下diy 班啦!

http://www.aromadiyshop.com.hk/

Pario playgroup

今日Pario playgroup訓練一下Bb的大肌肉發展。只要Bb捉住媽媽食指而行,將足球放於BB前面要BB踢，當然一開未必踢到，要扶住BB成個人及捉住腳要佢踢。 再而係要BB跨過毛巾要有塔出第一步的感覺。最後要BB推住有重物的箱箱行。當然BB未必推到啦，一定要媽媽的協助。

同場加影花花爬上枱面食飯(>﹏<)  點解你要咁百厭???? 唔知係咪花花旦大了，佢開始好貪靚。佢會從櫃中取出頭cool再自己帶上頭`(*^﹏^*)′  當然佢係帶唔中要媽咪幫佢啦，不過真係好搞笑。仲要帶到讚佢靚佢就好開心!

2015 Nepia x mama BB照大賽

希望各位靚哥哥姐姐叔叔姨姨可以投花花一票。半年尿片就在你們手!花花係一個乖乖精靈BB。花花很八掛不愛睡，令花媽每天都忙得連坐下時間都沒有，但花花那個單眼皮的熊貓眼及冧爆花媽的笑容，可以令花媽的辛勞一掃而空(有時)。 \(╯-╰)/
花媽辭職，為的全心全意照顧花花，但同時我們家收入亦減少了，所以花媽不介意再辛苦一點用尿布，但晚上及去街總要用尿片吧。Nepia 送出的尿片，一般BB用的半年量，花花最少夠用一年多呢!希望大家能多多支持花花啊!

https://p.antavo.com/DHb/1561/+15428/#vote

Tutor Time Last Day

不經不覺原來今日係tt last day啊! 因為下星期放summer holiday，所以今個月只有三堂，而變相我地今日last day了。

可能班主任及英文老師離開了，TT一時調動唔到老師，所以由上個月開始到今日已經換左兩次班主任兩次英文老師，而今日的英文老師真係好hea。把聲好低沈吸引唔到小朋友而且唔會帶動氣氛，反而年紀好似細過我的過度hyper班主任Miss Pinky真係好投入，我真係好欣賞佢呢。細心一問原來佢係主要N班老師呢。真係估佢唔到。

今日同tt媽媽們討論了一下。依家已有york,pips,sjc及zenith可以交表了。think則可以download form但9月先交表。如果在tt繼續讀就可以到入學年齡足2歲可優先直上N班。而10月就會有簡介會了。同花花離開tt而去noble place唔知係咪正確的選擇，但我希望我冇選錯啦!

Little Gym

每逢星期一我都會同花花返little gym，花花最enjoy就係可以爬嚟爬去、行嚟行去、跑嚟跑去同跳來跳去。除左前一樣外，後三樣都需要花媽附助，所以花媽都因此而瘦左唔少架。哈哈

今日班上好多人啊!我估都有12位小朋友，係花媽同花妹上little gym有史以來第一次咁多人。Miss Karen今日同花媽講，以花妹11個月大上bird class已經有好好表現，先唔好理Ms Karen係咪氹花媽先啦，花媽已經好開心了。作為媽媽最開心的唔係別人稱讚我靚唔靚而係稱讚自己的小朋友。♡`(*^﹏^*)′

超豪兒童桌椅組合

太開心了!訂左的桌椅終於到了。係Jojo姨姨及Melody姐姐送比花媽的生日禮物，作為媽媽當然別無所求，凡事都以小孩行先啦!由於花媽住唐樓的關係，送貨人員上樓又要加錢，咁好啦!唯有自己係順豐站拎啦。由於我又怕放地下會污糟，所以就算單手開大閘及行六層樓梯一直都唔敢放到桌椅。講真，上到去六樓我真手手軟又手震。不過花花一見到張桌同椅就一直“嘩嘩嘩”咁叫。作為媽媽的我，當然好開心啦！直情用晒所有力立即重新整理花花的房，放心桌椅仲放埋書。結果，花媽對手至少震左20分鐘(>﹏<)  哈哈

你睇花花坐得幾enjoy

骨科覆診

又嚟到心情凝重同緊張的一天了。花花今日要到廣華覆診，見到醫生哥哥(應該醫生比花媽仲要細 ⊙o⊙)  。照樣醫生都係話有機會影響行路，花媽心情一沈之際，我問醫生花妹的長短腳有冇問題。醫生哥哥話睇xray條骨，花花長短腳並唔嚴重♡(^ε^ )♡  花媽放下心頭大石，一切向好啦!

放下花花

 

今日終於可以放低花花幾個鐘同廣華媽媽們一齊出去。放低左花花既擔心又爽皮。終於唔洗揹到膊頭痛唔洗揹住個大袋入面除左銀包電話其他野都唔屬於我。自由是多麼可貴└(^o^)┘ 但快樂時光過得特別快，好快我又要接返花花。雖然花婆婆好想繼續湊，但其實我真係好唔放心。

再晚上帶埋花花見各KE靚姨姨同姐姐。好耐冇見喇。Maple姐姐同Sam姨姨更加係未滿月見過就冇見過了。依家連Sam姨姨都離開了大韓，我地08的香港crew全部解散*@_@* 依家只得番4個senior。今次聚會得知所有人都安好(睾別係花媽好朋友maple姐姐)我都覺得好開心。最希望車厘姐姐快D搵個男朋友啦!希望我地08KE babies由吱吱同花花再加上去啦。唔會下個會唔會都係女呢♡(^ε^ )♡ 

多多gym room

花花最鐘意多多入面的gym room (其實應該叫play room多D)。入面有滑梯、千秋、彈彈床、車車同感管爬行通道。花花最鐘意就係呢個小小的滑梯。唔知點解佢特別滑，花花坐上去由要我扶佢成個人落嚟到我扶佢手仔滑落嚟。仲有兩堂我地就離開多多了，希望新的學習環境花花會更鐘意啦! 其實講到尾，唔捨得應該只有花媽我。╯﹏╰ 由花花唔知咩事比我帶佢返playgroup，到依家一去到門口知道會開心尖叫。希望新playgroup花花一樣會鐘意啦。

花媽正日生日

基本上花花冇時定，打邊爐都冇時定喔!

今晚約了花公公、花婆婆、花爸爸及一班朋友們一齊慶祝花媽媽及Karen姐姐的生日。由於花花由早到晚都訓冇超過2小時，所以到尾段已經體力透支去搵周伯伯玩了。

其實花媽對邊爐又愛又狠。打邊邊的確好食特別有靚牛肉的地方，可狠每次都有一大陣味，每次回家我都狠心為花花徹底沖涼，即使佢訓左我都會整醒佢。雖然花媽冇潔癖，但絕對唔鐘意同牛肉味共枕`(*^﹏^*)′

多謝各位同花媽慶祝生日啊！
我的第一個身為人母的正日生日。

Little Gym

即使今日係花媽生日，花媽依然要做廿四孝媽咪帶同花花去gym玩。由於花花已升birdy但其他哥哥姐姐已識行，好多時要做walk及run，呢個時候花媽的確好辛苦，因為我要住花花一齊walk and run(⊙o⊙) 呢個時候，我真心希望花花識行啊!但同時又唔可以太急進，此終花爸同我都怕花花腳仔會唔夠力或唔舒服。

今日little gym 教counting 1-10。例如拍波波數1-10下，pop the bubbles數1-10，hold住企數1-10及跳跳跳數1-10。當然花花唔會咁順嘆啦，當我數1 -10佢就走去爬爬爬`(*^﹏^*)′

Esther 姨姨屋企玩水

今日有幸得到Esther 姨姨的邀請，花花終於可以玩水了! Esther 姨姨仲開左個大水池，同哥哥姐姐年玩又有好多玩具玩啊！哥哥姐姐都一歲半了，個個都試行同試好多指令，而花花都仲未識行呢`(*^﹏^*)′ 

起初花花怕羞死都唔肯落水(女仔真人越大越扭捏)，但後來見到哥哥姐姐玩得好開心，不期然由唔落水->落水坐一各自己玩->四園爬。由於見到哥哥姐姐都可以行嚟行去，花花終於忍唔住扶住池邊行左一小步然後再坐低\(╯-╰)/ 所以話呀，花花係懶嘅。

慶祝花媽生日O8姨姨們

第一次以媽媽的身份嚟過生日，好開心呀!更奲多謝jeanjean同belbel有心地為我慶祝喝次冇蠟燭生日Party!其實我又感動又開心架，只係唔講出口。都好多謝你地抱住揹住BB都行6層樓嚟搵我。//(ㄒoㄒ)// 好希望我地intake3的媽媽group可以越來越多人啊!!!

媽媽們

爸爸們

又一居遊戲室

今日花爸返工花公公返大陸，咁花媽決定返娘家陪花婆婆啦！反正花婆婆又想見花花。同花婆婆飲完茶，我地經過遊戲室，本身花媽都唔想留底架，但花花尖叫又好開心，咁好啦！我就陪花花玩半小時啦!由於有其他大哥哥，花花簡直無視花媽 (>﹏<)  花媽就係跟住花妹尾，花妹 開心到勁爬。我孛係好期待花妹識走識行時同佢去親親大然及好好享受家庭樂呢。

跌倒花花

作為媽媽的，子女生病或受傷都一定想為子女承受。當自己整到BB時，個女仲痛過自己整到。唉！頭先我就好失敗咁倒跌左花妹了 T_T

話說我休息緊，突然聞到有異味，打開花妹片片即時見到便便啦!咁我就去洗手間幫花妹洗patpat了。唔知係咪啱啱起身，個人冇乜力，竟然單手抱花妹時失重心，花妹向後跌倒撞落monitor到。結果左邊眼角擦損左，花妹立即大喊。唉…當時我立即抱直花妹，除左講“對唔住”之外我都唔知可以講乜了 %>_<%

後來幫花妹仔細檢查時，應該冇咩傷口了。下次一定要再更小心呀！！

Pario

今日又到星期四，我地又一早返Pario喇!今日教左花花係一個透沙袋、有花紋沙袋及布袋取出鈴鈴或搖鈴。當然花花掛住八掛人地而未做到(只取出兩粒鈴鈴但袋有三粒鈴鈴)，而布袋入面的野花花完全冇意慾攞出嚟―,.―  但後來轉左食物盒佢就好快手拎左出嚟。咁好明顯係拎嘅野作怪啦!哈哈

下一個活動就係比BB坐大波波練平衡了。當然有BB喊住唔肯啦，而花妹又un又轉超開心，仲笑卡卡聲仲要對手唔扶住任何野，超信任張姨姨。張姨姨話佢又大膽又貪玩啊！

原來BB13個月大的面部感管會比較好，貼左貼紙會識自己撕下。暫時花妹未識啊！張姨姨話依家要練習一下入錢箱了。所以我都急不及待買左個小錢箱比花妹入呢

我其實好想知花花點解訓覺就咁大汗嘅X﹏X。大汗妹呀

照x-ray

由於花花出世時甩胶，所以time-to-time都要返醫院檢查。由出世,到拆石膏,5個月大到現在快11個月大都各照一次xray。但越大個越懂事就越難照。，因為花花已經識驚識認人識反抗。

今日花花入到去開頭冇事架，點知被3個xray人員圍住，佢就開始驚了，要佢訓係到就更難，因為自從佢識反身後，我要訓底佢換片都已經好難了。由於花花不斷掙扎同哭鬧，所以醫護人員將花花五花大綁。掙扎其間，花花可能被索帶所傷，紅左一達。作為媽媽，見到咁樣仲要親手捉住自己女女的腳，真係百般滋味在心頭。

但好彩小朋友覩善忘，比塊餅餅已經唔記得之前的唔開心。相反，我個心仲係好痛啊!(>﹏<) 

Tutor Time

花花最鐘意多多gym room呢個爬爬玩意

花花返埋今個月tutor time，10月就會轉去Noble Place了。只係site visit過 Noble Place，其實地方真係冇tutor time咁大咁靚，但我就貪佢人少少可能對小朋友更專注及有愛心。當然暫時仲未上過我唔知情況啦！因為Noble Place最多一班只會有8個BB而 Tutor Time一班最多有12個架。但12個學生的情況應該只出現過一定兩個月啫。

但係學費方面，的確Noble Place平過Tutor Time好多。$2800返星期1-5，每天1小時。相對Tutor Time $2190 (今年9月加至$2380)，每星期返一日1.5小時。

花花睡姿

不得不分享花花訓覺的睡姿。哈哈…明明好地地，頭向床頭。突然坐起身攬住個枕頭，正當我心諗“死喇!又要做奶咀”之際，花花嚟一個鯉魚反身向後捱左落去。就係咁………係攬住個枕頭，頭向床尾咁……訓番。

JT studio

今日同花花去左新蒲崗的JT studio影學生相。Jacky哥哥真係好有耐性啊!$60有17張全檔比返我，仲包12張學生相及一份可以直接到快圖美印A4(6張學生相)的檔案，可以直接到快圖美印$2有6張了。真係誠意推介呀!!!

雷公田

安安全全又到星期日，yeah!!!爸爸終於放假了!!!食完早餐，爸爸就話同我地出發到雷公田睇羊羊同烏龜。花花初次懈后黑色羊羊，由於覺得太陌生了，所以一直攬實花媽。而龜伯伯走得太遠我地睇唔到了。好期待花花識行時，花媽可以買草草比花花餵羊羊呢!

被寵壞的花花

10分鐘前

10分鐘後

花花就是被婆婆寵壞!!!細細個有car seat，花花一直都乖乖坐架，間唔中婆婆好想抱花花，要求可以抱住花花坐車。作為花媽的我一時心軟，竟然同意了(這是最錯誤的做法)。自此，花妹都唔太願意坐在car seat上。當然花媽唔會因為花妹哭鬧而低頭啦！大約在car seat上哭鬧10分鐘左右，花妹就唔再喊了。

所以呢，作為父母一定要狠心啊!