雙眼皮花妹

花媽經常覺得如果花妹係雙眼皮，一定又靚又可愛!但雙眼皮的花妹唔係成日可以見架!一般只可以係花妹訓醒的數秒或花妹發燒生病而面腫腫可見。其實雙眼皮真係精靈好多架!

好啦!單眼皮似花爸，雙眼皮似花媽啦!

拆石膏

經過6星期的打石膏，花妹終於可以拆石膏了!望落花妹的腳，原本有硬硬的石膏保護，突然間冇左石膏好似變得弱不禁風。從未感受過花妹的左腳，原來係如此脆弱如此柔軟的。

 花妹的腳因為包得太耐，所以有一點水腫同甩皮啊!

荔園一天遊

適逢花花今日10個月1天大，花爸又閒係屋企，食完早餐再處理完家中事務，我地就出發過海了!花妹大鄉里出城，咁大個女都未去過港島區架。今天行程先坐巴士到天星碼頭再坐天星小輪到中環(回想起花媽上次坐天星小輪應該係同花爸剛拍拖時坐了!)

話咁快我地到達荔園了!對於花媽來說，荔園的童年回憶不多，我最記得應該係坐鐵皮摩天輪同坐前面有釘釘的船。好可惜花妹實在太細，所以遊戲都玩唔到，如果唔係花妹一定好開心!

花爸話呢個佢細個好鐘意玩!

花妹開心到連4pm餐都冇食，直接返花婆婆到食晚飯。

花妹獨照，呢張相佢有一點怕，因為太多人望住佢，佢怕羞呀!哈哈

完回我地坐MTR返花婆婆到晚飯了!

回家後，花妹完全放電!平時電量200的花妹，9pm入睡了!

石膏花

早前不是講過由於花花一出世就先天性膝蓋甩胶而要打石膏嗎?睇住佢果隻瘦瘦的腳要用一舊重過佢隻腳的石膏包住，見到都真係好心痛!😢😢

正正因為果隻石膏腳，即使我唔係成日抱花花都令到我有媽媽手。幸運地花花細個真係比較乖，唔會因為尿濕或扭計而哭鬧。每當佢一喊就必定因為肚餓，同時花花出世一個月左右已經戒夜奶，可以11pm訓到第二朝的7am。(依家就冇咁聽話了!!😞)

其實花花甩胶的腳就只有花爸見過，當時花爸只同我形容花花一出世就可以做yoga，腳可以直接踢上頭做一字馬。但我心諗BB筋骨柔軟,可以踢上去又幾難呢?後來花爸同我講怕當時我會擔心所以冇直接同我講，其實花妹的腳係向前屈上去而唔係向後屈的。真係感謝花爸的體貼同冷靜，以免我產後會唔開心。

另外，最要感恩係花妹在政府醫院出世，否則醫花妹的腳應該數十萬計呢。😌😌現在花妹住院費$50一天(一共住了四天)一天及只交還尿片紙巾便可。

回顧 - 花花的第一天 2014年9月25日

真的有一點後悔自己沒有將花花的第一天開始記錄下來。現在問我花妹幾點出世,我真係忘記了。只記得近黃昏時段,因為生完後花婆婆同花爸爸就買晚餐比我食-火腿通粉。只經歷7小時左右的陣痛,我真心覺得花妹好鍚我。花妹絕對唔係輕磅BB,41週出世,體重3.64kg。

看著花妹健健康康就是我的心願。出世後花妹被送到加護病房,因為太百厭了😂😂在花媽肚內膝蓋甩胶,出世後要打6星期石膏及帶6星期腳cool。