放假玩自己日 - AIA

草草表示：請你食

話說花爸公司送左兩張AIA入場券連代幣加小食，我同花爸只需買兩張小童就可以入園玩，係覺得好抵的心態下，我地決定熱都要去🤣🤣結果真係好攞命

AIA 摩天輪 🎡不可缺

張入場券包埋玩摩天輪，我地只係比兩個小朋友錢就有得坐！真心抵！不過依家因為疫情，所以唔洗同人共用cabin，平時$160的包廂變成$20包廂。

又要影🤣

講反今次AIA玩先，真係唔洗唱咁多錢玩，唔抵！基本冇乜野玩，除左彈彈床同碰碰車外，真係唔需要玩，所以一個小朋友唱$100 Token都覺得多左🤣🤣平時我同花爸都一定唱作成蚊比小朋友玩🥲今次叫做省唔少。

食晚飯都坐唔定

難得去到港島，我地又坐下丁丁周圍行一陣。然後再返屋企附近Dinner ☺️真係…返到屋企沖完涼已經準備入睡🤣

EpicLand 愉景灣

 

好多人啊！一定要預先購票

https://www.epiclandhk.com/

其實今次去Epicland主要因為花花一早放左暑假，但因為疫情，小朋友基本上好少機會出去玩，見同學仔的時間又唔多，所以花花小學有同班家長提議暑假一齊出去玩🥰結果速成左成件事！

同時，花媽好建議各位特別假日去玩，一定要預先上網book定...唔好以為愉景灣好遠，但其實又有得玩又陽光與海灘 🏖 真係好多一家大細一齊去玩！嚟緊花媽有時間都想同花花草草再去玩啊！

咁都同大家分享一下，基本上花花草草都大個仔大個女...係我未準備好，佢地耳仔已經聽唔入我同佢地講的一字一句。奉勸各位家長，係落樓梯前要brief定小朋友🤣🤣例如話佢知我邊到等你，你可以邊到搵到我之類😌😌

當中有好幾個活動花媽會建議如果冇人一定要排左先，例如Rock Climbing, 跳彈床等等...大人都有個高空行繩索都要預先去到時立即排隊！而花媽推薦要玩彩紅滑梯，花花推薦玩垂直高滑梯，草草推薦兒童波波繩索！總有一款啱你地玩架！

除左遠以外，極力推薦！而且仲有Cafeteria...爸爸媽媽唔玩可以邊食邊等小朋友啊！☺️

Rugby試堂

 

今朝一早9:30am集合玩Rugby 🏉 

某日花媽撞到中學同學，因為大家小朋友都係同一集團讀書，所以雖然少見，但都好多嘢傾。嗰日我見到我個朋友點解唔使拖住個仔嘅，佢就話我知佢參加咗區內的欖球隊，而且好平，所以佢都叫我搵下😁

而我地都搵反近我地屋企的欖球會，第一堂係免費試堂。其實主要都係比小朋友跑下跳下拉下筋，烈日 ☀️ 下真係連大人都覺得熱🥵

拉筋好重要啊❣️

由於草草一直缺乏大肌肉嘅訓練，所以有啲手眼協調，或者可以叫做四肢不靈活🤣🤣跑步是長期處於蘭花手成個女仔咁樣，而花花則運動細胞強烈，好多野都handle得非常好👍🏻有花花帶住草草我地都比較安心！

由於花媽同花爸都係第一次同小朋友去欖球會，所以唔建議各位準備同小朋友參加戶外活動嘅家長一定要帶大量嘅水，含有乾冰的冰袋及毛巾、風扇、可以的話帶埋椅子過去，必要時可以坐低休息吓。☺️

因為限聚的緣故，要隔星期上堂...$400（已半價）玩到2021年8月底，另加$400製服。各區收費不同，請自行問Google大神☺️

Legoland Discovery Centre HK

自製父親節Tie

又到一年一度的父親節！我地花花草草當然唔會放過花爸🤣一朝早我地同花花草草試堂玩Rugby，然後再畫畫😁之後再去Legoland!Rugby的話我地一陣再開個post同大家分享，今次先講講我地在Legoland的經歷🥰

要踩單車咁先會升高的飛船😂

其實花媽一直好想帶花花草草去Legoland玩，好可惜因為疫情飛人唔到，所以今次就去一去位於K-11 Musea到玩一玩！當然小朋友就一定掛住玩機動遊戲，而大人好似我同花爸就想欣賞具有香港特色的Lego展覽館😌

大佛...好逼真😍

花媽真心欣賞展覽，有馬場、大佛、大澳、MTR...各具香港特色的Lego成品！亦有好幾個地方可以比大家參考同注意⚠️

1. 平日會有團體 （一大一小的票出售，但必須於網上訂購），而假日亦都會建議於網上預訂，以免到時去到門口買唔到飛而白行一趟

https://www.legolanddiscoverycentre.com/hong-kong/en/tickets-passes/

2. 3歲以下的小baby是免費啊！😊

3. 場內限時3小時任玩，但如果人數唔多其實會寬限可以玩多一陣。

4. 場內有Food Store,可以場內買野食，因為地方唔大，其實冇乜野玩。

5. 平時花媽有買開LEGO，以為可以在K11 Musea LEGO Shop買一樣可以儲積分，但原來呢間Lego Shop同其他 Lego store不同，所以不能儲積分啊！同時，如果係買左HK Legoland年票先會有折扣！建議不用特意係呢間Lego Shop買Lego!

總結： 玩一次就夠，不用花錢買年票！🤪

蝶豆花園

大埔蝶豆花園☺️

本身今日預約咗去迪士尼，但因為前幾日花婆婆話打算今日去揼骨，要取消我地的行程，所以我就決定連同姐姐及花花草草去其他地方玩。真係覺得好彩冇去迪士尼，之後聽返人哋話迪士尼今日好多人，排隊都排好耐🙈

仲有考平衡嘅繩索玩，但完全唔會因為平衡力差而跌倒🤣

當我努力搵地方去時，咁啱喺Facebook突然見到有個post關於蝶豆花園，唔知係廣告定咩呢...但見到有得餵草泥馬，即管Send whatsapp問一問😅但唔知點解send whatsapp冇人應...所以都打電話去問下有冇開門，始終咁遠我都唔想摸門釘。當我打電話去嘅時候，有一個比較冇禮貌嘅職員接電話...應該唔休做，或者好少人好似花媽咁麻煩仲要打過去問吓🤣🤣

花花草草勁鍾意呢個球形千秋

既然佢話開門，我就連同花花草草及姐姐一齊去咗碟豆花院玩啦！😁😁原來去到都唔少人個喎，喺門口仲有五隻好可愛嘅草泥馬迎接我哋，但我哋冇即刻為草泥馬，而我哋選擇去咗玩其他項目先。

Cafe check point 

講講入場費俾大家知， $200一個大人， $150一個小朋友。基本上都係任玩，除咗天鵝船只可以踩一次，草泥馬$60餵一次，三歲以下小孩免費。

重點環節

如果你問我覺得抵唔抵玩，花媽就覺得最抵只係餵草泥馬，其他內容就未算係好吸引。😅其實佢哋嘅概念好好，有教蜜蜂嘅成長過程...又有玩的地方比小朋友。不過就有一點被荒廢嘅感覺..

草草係個hammock 跌咗落嚟🤣🤣

事原佢有一個地方講蜜蜂🐝點樣成長...但入面有好多畘之都唔知左，例如隻蜂后😅搞到我都唔知點同花花草草解釋，而入面本身有冷氣都長期關咗...好似同理念有一點不乎

係呢個返去影相真係好靚😍

而佢一開始都會有個理念，就係拎住張地圖，在唔同嘅地方cup印仔，但除咗門口嗰個印仔嘅印台係有墨之外...其他點的印台都係冇墨🤣感覺...又係好荒廢

仲有可以燙印鎖匙扣

咁當然都會有值得一讚嘅地方啦，好似佢有個cafe...雖然我哋冇坐低食嘢，但走入去都有一個幾chill嘅感覺，仲有個打卡位，好迎合而家嘅潮流影下女神相🤣不過女神相呢樣嘢就唔係太啱花媽啦！

佢仲有一啲整鎖匙扣嘅位置，同埋裝飾佢送嗰個布袋嘅位置。要留意小孩嘅package係冇包整鎖匙扣同布袋嘅印章。而小孩嘅package入邊有一個有顏色嘅小錢罌及沙畫。

一齊踩天鵝船

同埋見到佢地落足心機整咗好多新嘅影相📸️區，但嗰啲影相都係需要付費嘅，例如一啲比較靚嘅位置同background，只可以付費影相😅所以花媽都冇特別同花花草草去嗰度影相呀！

充滿着彩色嘅橋

佢每個入場者，都會比三個token你去夾公仔，如果唔夠亦都可以$10玩買一個token，但花媽發現後來花花個袋少咗三個token，大家記得入場時check清楚每個個袋入面係咪都齊晒所有野，我只能說忙中有錯😅而亦都好好彩，我哋夾到一個草泥馬公仔✌🏻

總結如果你問我會唔會再去多一次蝶豆花園，可能未必會亦都覺得一次就夠😎。因為始終兩個大人及兩個小朋友，唔計食嘢我哋都用咗接近$1000，加埋車費就一定過千，性價比低...而且入邊除咗有人管理草泥馬以外，其他位置都冇乜人管理😅

天空之鏡，感覺有啲流🤣

疫情下的迪士尼樂園

乜野姿勢🤣

疫情下...終於可以再入迪士尼樂園玩了👏🏻👏🏻👏🏻平身打算星期六日去，但full booking...咁啱花爸花媽都星期五放假，所以我地一家四口連同姐姐一齊入園玩！今日我地入到去已經2點幾了，因為我地要等埋花花放學☺️但都無阻我地的心情

咁正常好多🤣

一去到最觸目當然係最新的睡公主城堡啦！花花草草影相都影左幾個字😑😑然後仲要係城堡低下見到睡公主同小朋友影相啊！如果花媽細個可以成日去迪士尼就好了...

上次同草草入園，草草仲未可以玩飛熊山谷，今次草草長高了！終於可以一試...點知🤣🤣入去係威係勢，出嚟再問佢玩唔玩多次...佢話夠了，有少少恐怖😌原來...草草咁細膽！

好靚的堡壘...又令我想起新天鵝堡

因為天雨關係，今次我地睇多左show！睇左lion king 👑...花花草草極之投入👍🏻👍🏻真係估唔到！睇show的過程中，花媽不期然在想...真心希望疫情快一點結束。

由於預約好快爆滿，所以建議大家及早預約，但亦唔需要怕好多人，當大家排隊時，可能會見到大排長龍，但因為有間距，所以感覺雖然好似好多人，但其實排隊嘅時間非常之短！

迪士尼入園預約：可按此預約入園

 

假日親子活動 - 整餅

未開始時大家勁開心

因為疫情嘅緣故，花媽基本淨係同花花草草點對點咁出去，而去得最多嘅地方就係花婆婆屋企，但係有時候都覺得小朋友太慘啦，所以今日搵咗一個特地節目，整餅整蛋糕！✌🏻

草草第一次用廚房工具

好彩花婆婆幫我手，如果唔係...以花媽嘅實力，都幾難完成作品！🤣🤣而我最欣賞呢個地方，就係有晒食譜、材料、工具俾一家大細或情侶打發時間😊雖然裏面嘅員工未必話識整餅，但起碼我又唔使洗唔使煩唔使準備材料，對於花媽我呢一種冷嗎來講係非常之有用！

睇吓花花幾努力鋪餅底！

對於整蛋糕來講，花媽只可以話我係一個新手！基本上整任何嘢食… …都唔係我最在行嘅地方！🤣🤣而花花亦都揀咗一個中難道嘅乳酪蛋糕...咁就大家一齊努力啦💪🏻

花花努力咁量度完，再撈埋啲材料！

花婆婆醒啊，揀咗做朱古力曲奇，成件事快我哋勁多，當草草整完嘅時候…...就不停走來走去，男仔真係對整嘢食冇乜興趣，定係遺傳咗我嘅基因？🙄🙄

花婆婆比花花一齊參與

我地即時試用草草整朱古力曲奇呢個成品，原來曲奇暖暖地咁食真係好好食！😋但唔知點解花媽總覺得有少少燥燶味...而朱古力曲奇🍪因為顏色問題而見唔佢燶左...

睇下草草又玩鉸剪😑

花媽之所以咁認為自己唔可以做蛋糕，因為今次其實我哋整呢個乳酪蛋糕… …係失敗嘅！😔本身應該會有三層色、又要返屋企食野...沖涼...每層等15分鐘...所以整左兩層我地就走了！😜

放埋D藍莓🫐先

小朋友最開心其實都係放下生果...放下dressing同decorations...完成後就照合照！總結：花媽首先覺得下次要同姐姐一齊玩🤣整野食真係姐姐做最好。

終於完成

D2 Place 雪の泉 荔の湯

滿心歡喜入去玩😊

 

今日同花花草草去左D2 place 玩順便拎Cap, 我地首先消費左$500，就可以免費入去荔の湯玩，記得要消費啊，如消費$200只可以一人入去😢但確實只能當一個小景點影相。入去出示收據，消費$500會送一個小杯墊，呢個是在D2 Place 2期的

有個日式沒水大浴池

入到去其實有一些小玩意玩，但必須成為會員先可以玩，即使願意直接付款亦不能玩😅，所以我地就冇玩了。隨便影張相就算...唔洗錢入去睇下都可以，但都幾無聊😒

重要景點：雪の泉

記得啊！取票要於D2 Place一期，但景點於D2 Place二期 10被再上一層的天台。最早場次是在3pm，我們1pm拎款，不用排隊，人不多。不過可能聖誕期間會比較多人啊😉

花花要影女神相

因為佢地噴出來的是bubble,有機會整到小朋友眼睛啊！家長要注意啊⚠️不過的確小朋友玩得好開心，更加係因為佢地從未見過真雪。

花花以為呢個泉係熱架😂😂

由於限人數，當中的人唔算多，在疫情下有一點戶外活動真係好開心了！當係苦中一點甜😌😌本身都唔覺得旅行係一件奢侈的事，現在覺得真係有得去要快D去！

令我更想去日本😍

 

綠田園

可以餵下羊同牛啊！

疫症數字慢慢咁回升，花媽好相信嚟緊又有一場嚴重的時間要去仗，所以親依家可以出街我地就出多D😌今次帶小朋友親親大自然。去左位於天水圍的綠田園，有免費泊車...即使唔揸車，去到天水圍西鐵站再轉的士都好方便👍🏻

碰碰車

同小朋友去玩就預左燒錢，就當刺激下香港經濟啦😂小朋友乜都話玩，不過當然都有推介同唔推介的活動。碰碰車、坐船、滑車及餵羊都好好玩啊！

花花餵魚

其中我覺餵坐船餵魚一定要玩，$90 10分鐘再分買買魚糧，船唔算難踩，花婆婆同花媽帶兩個小朋友都好易處理。好似花媽我一個踩都完全冇問題。

草草餵魚

平時好cool的草草仲開心到邊划船邊高歌 🎶 比小朋友感受下大自然真係好開心🥰玩左幾個鐘...小朋友又累，我地大人都攰。但值一得👍🏻

最唔抵玩遊戲，千萬不要玩

同埋綠田園有得BBQ，限聚令四人一爐都唔錯。今日星期日下午2點左右去到，唔算多人。不過唔知點解綠田園內地味甚重😅有少少似反左大陸。

十二生肖像

正當我哋準備走之際，打算玩最後一個遊戲，就見到花媽個好朋友啦！😄本身冇諗過比佢哋玩滑草，因為花媽覺得係澳門唔使錢可以無限玩嘅遊戲，但係而家要比$60玩6分鐘，感覺好似好貴。所以我當時冇比花花草草玩，但係因為朋友仔仔好想玩，我哋三個大人帶住三個小朋友一齊玩。 原來亦都係佢哋最enjoy嘅一個遊戲！

巧遇好朋友