幼稚園面試攻略免費講座

 「迪士尼美語世界」線上免費講座

主題：幼稚園面試攻略

講座內容:

🔹細B v.s. 大B v.s. 超大B？

🔹Top 5 熱門幼稚園面試重點

🔹幼稚園面試攻略&技巧

🔹家長如何為小朋友作面試前準備？

日期：2021年10月16日（六）

時間：2:30-3:30pm

對象：0-3歲小朋友家長

形式：線上ZOOM

費用：全免

凡參加者可獲贈精美禮品🎁

有興趣可以直接按以下連結報名👇🏻

https://bit.ly/3FeTAG6

🌟報名截止日期 : 

2021年10月11日晚上11點59分

N班 K1 拍片interview

 

呢段時間真係好多朋友問我點樣拍片interview，朋友都認為我好有經驗，因為我有兩個小朋友，大女仲要係細B嘅時侯，都有好多間學校嘅Offer，好多人都問我點訓練。其實冇話點樣訓練，我主要同小朋友玩😌而家我都見市面上有好多唔少面試玩具出售，反而以花媽嘅經驗來講，我都冇特別買一啲面試玩具比佢哋玩，其實我用最多時間都係迪士尼美語世界呢套玩具，點解我用玩具來形容？因為我真係本住同小朋友玩的模式比佢地學習，當中冇壓力嘅時候，小朋友玩得固然開心同樣地亦都學到。👍🏻

我甚至乎見到有朋友今年同我講話收到個interview嘅內容，連應付拍片嘅能力都冇，因為佢嘅小朋友完全合乎唔到面試嘅要求，所以決定唔拍放棄。😣花媽都明白真係好心力交瘁，又要拍片又要剪片！所以我成日都話準備小朋友絕對唔係今日教佢，佢聽日就識。機會永遠都係留俾有準備嘅人！

其中一間九龍塘N班要求面試內容（from 朋友）

所以我成日好建議我的朋友唔好林急抱佛腳，想輕鬆去教小朋友反而用一套更加有系統嘅教學才工具先會幫到你！雖然有好多人同我講話呢一套迪士尼與世界絕對唔平，但我想都會問返大家您報playgroup或者買書買玩具好平嗎？🤨我以前都行過一條比小朋友嗰幾個playgroup嘅路，錢都用咗但係小朋友乜嘢都學唔到😩更何況上年疫情嘅關係，小朋友係屋企日日無所事事...過來人身份同大家分享🥰

想幫自己省時省錢咁教小朋友，申請隻兒歌CD了解一下啦😊

http://www.worldfamily.com.hk/ffp/sl/preaf143

線上家長講座

有好多家長都想了解迪士尼美語世界嘅教學模式，因為環境嘅因素甚至乎冇乜時間所以都唔可以了解！
今日我個顧問send咗一個迪士尼美語世界嘅講座俾我發比身邊嘅朋友，如果有心想了解更了多嘅你哋，歡迎直接聯絡顧問啊😊

如需要提供會員編號，請提供👉🏻H042640👈🏻
參加者將會得到夏日禮品包啊！

🏠遊戲中學習 Home Learning🏠
          ❤️線上家長講座❤️

日期：2020年5月16日（星期六）
時間：2:00pm - 2:30pm
適合對象：0歲-2歲家長
形式：Zoom線上講座
講者: 「迪士尼美語世界」資深教育顧問
             Katrina Chung  鍾家莉小姐

成功報名後，講座當日會Whatsapp已登記的家長Zoom連結

🤯最近小朋友同家長多咗留係屋企 日對夜對
🤯好多家長都遇到唔知點教小朋友嘅難題...
🤯最慘係Playgroup無得返，仲有幾個月就要N班/K1面試...

想教但有心無力唔知點教？
想教但小朋友坐唔定唔專心？
想教但教咗三日三夜3秒鐘忘得一乾二淨？

講座中會分享如何在家中
🔹提升語言表達能力
🔹透過遊戲訓練小朋友大小肌肉、手眼協調
🔹點樣利用在家時間輕鬆準備，令小朋友係面試中突圍而出

*凡參加講座者可獲贈夏日禮物包*🎁

有興趣可以直接按以下連結報名👇🏻
https://forms.gle/gN4E4rKG4DoExmtJ7

一條龍英基國際學校 - ESF

和花花兩年的班主任Ms Tania

我們畢業了！👩🏻‍🎓👨🏼‍🎓👩🏾‍🎓👨🏿‍🎓👩🏼‍🎓👨🏽‍🎓

🎉🎉🎉🎉心儀ESF 的朋友仔，好消息啊！

只要是2020年8月後入學的小朋友，ESF將保證有Y1的學位。ESF將會是一條龍的國際學校，由K1-Y13。相信將會引起一番激烈的考ESF幼稚園的狀況🧐

亦因為呢個原因，小朋友的英文根基更重要。

ESF “We teach in English, not teaching English”

不要認為英文可以在學校學，因為ESF只會收聽得明英文的小朋友啊😊

https://www.esf.edu.hk/2019/03/08/through-train-system/

花花的小學畢業證書

不經不覺已經兩年了，花花在ESF兩年了！亦是人生邁向另一個階段的新挑戰👍🏻👍🏻希望花花能保持現在開心及好學的習慣。明年將升讀Year 1的花花，已不㫕人小baby了，越來越大個越來越老積。我真的很感恩當年選擇了國際學校這條路，在香港要開心愉快學習基本不能，同時英文根基很重要。如果小朋友的家長都能天天和小朋友講英文，我相信考上英基不難。但以花媽呢種返工時間多過放工時間的普通香港人，要教出一個2歲interview時滿口流利英語的小朋友，基本不可能。那我就要一D工具去幫我一下...而我感謝我當初選擇了迪士尼美語世界😊

小朋友能同不同國籍老師打成一片

很多人認為考入國際學校，有錢就得🙄。不過...我想講，現在國際學校一位難求，有一D更係waitlist 遙遙無期😓除非爸爸媽媽能比幾十甚至幾百萬出來買個學位，不過如果要我比咁多錢，我會選擇另一條小朋友在家都有外國般環境的系統教具比小朋友。

花花第一個好朋友是Gloria😊

最近花媽有另一位朋友女女考入了澳洲掝際學校，同樣地父母都是土生土長的香港人，但女女郤出奇地考入了澳洲國際。朋友話去interview的小朋友家長都是流利母語英文，而自己都驚講錯英文唔敢講野。但試問一對在職及操港式英文的家長點能改變女女的英文口音及說英文的自信心呢？🧐🧐細問之下，原來朋友女女同花花草草一樣用了迪士尼美語世界😲😲

如果有意改寫下一代人生的爸爸媽媽，歡迎聽下我的教育顧問了解一下，佢一D都唔hard sell架👍🏻👍🏻👍🏻直接按link就可以聯絡佢了

http://www.worldfamily.com.hk/ffp/sl/preaf143

ESF AM offer

望穿秋水,終於等到ESF的信了.真係好開心!!!因為ESF收左花花,仲要係收左AM...真係好好彩!!花花終於可以擺脫PM命了 😁

雖然好多人都會誤解只要有錢便可以入到國際學校，對!多年前可能係咁...但現在好多中產的家長都能負擔下而選擇讀國際學校時，相對能考入國際學校並不容易了。我只能說...有些小朋友連面試的機會都未必有,因為有不少小朋友的父母是舊生,亦有不少是有兄姐在讀。

高興的ESF考的並不多,主要希望收的小朋友會聽講英文。現在希望花花能考上year 1吧。

TC ESF

今日放半日,等我同花花可以有少許親子時間

來到2017年,花花又要再面試。ESF面試機會都要waiting list,只有TC因為收生不足而繼續招生。由於花花生性活潑好動,要係比花花讀傳統本地學校應該好辛苦。為免花花成為可憐香港小孩的一份子,我真的很希望花花能成功考入ESF。

基本上,ESF的面試唔係叫interview,而係play section,故明思意即係“玩”。對小朋友來說玩係冇難度,主要係邊玩邊同小朋友傾計時見到小朋友係有英文對答及識英文的。有幸花花能聽講英文。當中花花仲同老師講“Daddy is working. papa is sick”―,.―  明明就冇病...再加一句“Daddy sees the doctor.” 當然去得ESF的小朋友及家長都有一定的英文底子,當中有不少外國人。所以如果能考入的話,我都會非常感恩。

場內setting十分簡單,有幾張桌任由小朋友隨意地坐,有書,有blocs,有lego,有泥膠及有drawing。通過遊戲來玩同小朋友溝通。相對傳統的學校,沒有考核顏色數字等等,相對簡單但更不知收生準則。

有左姐姐後,花花都變成可以靚靚的小公主了。

崇真同think result

等了又等,終於有一間資助的收左花花了。心情都好開心,因為可以省唔少錢。花花一直考資助都唔成功,可能因為中文比較弱。而think花媽一樣的心儀,可惜因為think後來起左間中學,自以為升價十倍後,要入讀小學已要買20萬債券,即使是幼稚園升上去都一樣,所以花媽就覺得要買20萬債券就唔洗讀think下.決定放棄學位,轉投esf的waiting list。希望可以收花花waiting list啦!

當然考ESF主要小朋友英文一定要好,希望花花成功啦♡^_^♡

朗思K1 interview & 西頁遊

朗思都算係一間遲考的學校同時都係花媽好心儀的幼稚園,因為佢係一間IB school,有小學及今年有埋中學添,花媽太懶,一條龍最穩陣...而且花花明顯唔會係坐定定的小朋友,要花花讀傳統學校應該見家長多架喇,所以花媽還是心儀IB school.好老實,呢間真係花媽最心儀,因為小班又一條龍,而且學費算合理。

講下interview內容先,首先會在一間大房有5個小朋友可選自己鐘意的玩具玩。當然唔合作的花花就係玩完呢樣再玩果樣,坐唔定。再而入另一間房比小朋友同家長到指定老師前答問題及玩玩具。全以廣東話面試,花花一見到老師即時話pain(好唔知醜╯﹏╰ ),老師問花花叫乜名(有答Y(^_^)Y )再比jisaw puzzle佢玩,好快玩成後。再比唔同圖花花問圖中小朋友做緊乜(都識答幾題),再到花媽最怕的顏色環節。色盲的花花答唔到顏色是正常吧,連一樣的都放唔到一齊(⊙o⊙)  然後再係穿繩了。在穿繩同時,老師問花媽平日同花花有乜活動,點解選佢地學校等等。真係希望佢地會收花花啦,因為真係花媽最心儀學校♡^_^♡ 

齊來看大魚

今日早上in完最後一間幼稚園朗思,我地就同花花回家小休一下再出發到西貢行下,順便同姐姐介紹一下西貢。原來姐姐來了香港咁耐,都未去過西貢呢！我同花爸即時變左小導遊。

草草都侐第一次入西貢

去到西貢其實都冇乜好做,主要係行下睇下野同食少少野。而花爸花媽覺得西貢係劏遊客的地方,當然唔會食佢的海鮮啦!

學之園 2nd interview

花花有幸被邀請參加學之園的2nd in,其實入到2nd in已經好開心,因為證明了花花表現理想,所以老師想了解父母多一點。雖然學之園K1 收生唔多,能夠有2nd in已經好好了。

今次花媽花爸早左15分鐘到達,等左一陣到面見時間時,便由老師帶家長及小朋友到房間中玩,當然離位選玩具玩係花花特性,改不了不能坐定定性格😆。由於同group最早去到,所以係時段內第一個家庭進行面試。一心以為會同校長面見,原來同老師面見(在谷中得知其他人都係同校長面見的)。

首先老師問我地想用中定英面見,花媽選擇冇所謂,便由英文老師面見。另一中文老師則同花花玩。老師一共有兩
四個問題。
1. 點解選擇學之園?
2. 平時在家小朋友玩咩為主?
3. 2018年唔會再在紅磡,有冇問題?
4. 你選的係am廣東謝班,如沒有介意上普通話班嗎?
5. 仲有冇其他問題?

希望花媽同花爸答得唔錯,唔好影響花花啦!
*花花離位性格不改的。中文老師同佢玩時又走嚟同我地睇書😂太愛睇書了。

崇真(本地班)及民生 K1 result

花媽對於龍校都係抱住見識的心態,因為以花花活躍的性格,未必係傳統學校喜歡的類型,更何況民生花花尖叫,德望離位,崇真仲要比人恥笑😓 所以對於崇真 wait list及民生 not accepted的結果,花媽一早接受了😄

而崇真email內話想留後補位要某段時間打去,但花媽都唔會留了。反正花媽最心儀的都不是民生及崇真呢!!😌

培正 K1 interview

排2等interview

花媽深信培正interview絕對不能遲,因為一入去先同小朋友操場排隊再跟住上去interview。所以千萬不能遲到啊!!!

首先,校方為左可以準時到達課室進行面試,都會要求父或母一方抱小朋友上課室,有人1樓有人2樓有人3樓。(花媽真心唔明點解幼稚園小朋友要上到3樓上課😨😨) 去到課室就由老師對名邊個小朋友到左邊D未到,同時小朋友就可以玩玩具。老師都算有愛心,期間花花都係到處走玩唔同玩具。跟住叫到小朋友名就出去同家長排隊,再交小朋友比姨姨帶到課室進行面試😊家長則係樓梯口等小朋友出來。

當然花花入去玩就頭也不回,但姨姨帶出來時即來一個冇眼淚的扮喊😒想點呀??

St Cat K1 Result

今日終於收到了St Cat信,真心有少許失望,因為花花只有PM waiting,同時花花讀Manhabit的朋友仔及Pebbles的朋友仔全都只有PM waiting,當然上EK都見到不少收到am 及 pm offer的大細B啦。恭喜各位!!!

不過先要說明唔係Manhabit及Pebbles的小朋友唔叻,只係Manhabit的朋友仔最大都只係7月B最細係花花9月尾。Pebbles的最大係9月中小朋友最細係12月尾小朋友，可能小朋友臨場表現未如理想，所以不獲取錄，但花媽總相信會有更適合自己小朋友的幼稚園。

不過唔緊要,花媽要努力準備自已,因為學之園的interview係in家長,唔係小朋友。

聖羅撒 K1 interview

In完德望再in 聖羅撒,先係門口排左一陣,爾入去排隊登記,再到禮堂等叫名排隊到班房門外面試。一間房約有4-5張面試枱。小朋友同小朋友一齊坐,有老師同佢地玩(應該唔計分),然後主要in父母。

由於花爸來唔到.老師就問爸爸點解唔嚟。再問平日同小朋友做乜架, 去邊到玩,點同小朋友學習,邊個照顧小朋友會邊個接送小朋友返放學等等。都係好基本問題。父母們,加油啊!!

德望 K1 interview

橫風橫雨下完成德望interview,花花表演相當差,應該無望。當係一次經驗吧。

其實早到可照入,由家長其中一人帶小朋友進行面試。一組6定7個小朋友,小朋友每人順序坐在小椅子上,而家長亦順序坐在後方較遠椅子上。課室有3位老師,我相信一位年紀較大的係評分老師,另外一位年輕的及一位Net同小朋友傾計玩遊戲等。由於年紀大老師會派發問卷比家長填,所以我冇太留意老師問的問題。大約應該係問小朋友名及比小朋友從袋中抽出生果及不同玩具,再問乜嚟及顏色等。問題只有一頁及一條題目類似“點解選德望?”只有5分鐘填寫。

由於花花拎左條蕉比我(離位),送禮物又走去我到(離位),所以應該無希望。大家加油啊!!!

學之園 K1 2nd interview

由於花花係學之園表現都唔及其他學校的好,所以我一直唔認為花花會有2nd in,但點都好...點都check左先,喜出望外...竟然有啊😇😇 真心覺得好高興,因為學之園都係花媽心頭好之一,雖然有2nd in未必有offer,但始終證明左花花能做到老師指領。

同時,我真係想提一下美語世界的好處,呢段時間,我同花花in超過十間學校,起碼有一半以上係有net或英語老師interview,說明了英文對現在interview的重要性。即使民生只傳統龍校,以為佢唔算太注重小朋友英語?錯了,interview一個課室抽纖竟然有2個net1個中文老師。換句說詰,小朋友有2/3的機會面對英文老師interview,比例相當高啊!

首先小朋友一定要唔好怕英語,點樣小朋友先唔怕英語?就要製造一個英文語境比小朋友,迪士尼美語世界真係可以比到語境小朋友,不停播歌真係好有用,同時花花依家聽spoken version,用點讀筆及碌咭機都會跟住講,聽CD又會跟住唱。好多時,花花仲會無意間講出句子,例如 Alvis wakes up, Alexis eats apple等。每星期仲有一次同外國的哥哥姐姐傾美語電話,既可訓練小朋友領聽又可訓練小朋友說話。

其次係唔好怕外國人。我有朋友同我講,自己小朋友interview時見到外國人呆左,明顯地係接觸外國人太少了,而花花對外國人並唔陌生,可能因為有參與st andrew church playgroup及迪士尼美語世界的活動,都係同外國人互動的。而美語世界的DVD都有唔少以外國人真人演出的片段,相信可以令小朋友對外國人減低戒心。

最後,美語世界的play along set有好多唔同玩具,直接同簡接教左小朋友顏色(ball及bells)及動物(whats inside? can you guess?)。同時主課程有教小朋友要sharing及takes turn。因為好多時interview都會比一埋玩具比小朋友們一齊玩,從而睇下小朋友有冇搶玩具或唔比人同佢一齊玩。當然,我叫花花唔好掙玩具好難,但呢個時候我會叫花花wait及take turn,一般花花都會合作。

所以,我只能說美語世界唔單止係一套教材,仲有一系列的service。好多人都覺得教材太貴,的確教材唔平,但小朋友的學習先係無價。以香港的教育制度,如果家長唔投放資源,小朋友能夠入到名校,除了好運(小學大抽獎),相信小朋友係天才。但即使小學大抽獎入到名校,英文根基打唔好入要重新適應或到時發力,結果辛苦小朋友又辛苦自己。那何不由小時候開始將學習變成習慣及興趣呢?

想了解便多迪士尼美語世界,記得攞一套試用裝睇下,試用都睇到小朋友好投入架！
http://www.worldfamily.com.hk/ffp/sl/preaf143

培道K1 interview

In 培道真係令花媽有一種莫名的感覺，因為呢一間係花媽的母校，由於幼稚園到小學都用同一個校舍對足9年，所以花媽對學校都有好深印象。由於In創價遲左，花媽都遲左30分鐘先到，但好彩都有得in。但同樣地要排隊約要30分鐘先入得去interview，而且冇地方坐，所以都幾辛苦啊!等待途中，花媽人有三急要去洗手間，UM.......洗手間有少少臭，好大陣UP味。

入到去interview 的密封地點，我地要再等，但可以坐係地下玩住mega block等。之後再由老師抽樣叫你去interview，雖然係花媽母校，但的確花媽覺得IN花花的老師唔算有愛心。

老師首先會問小朋友你叫乜名?今年幾歲?係男孩子定女孩子?佢手上手偶公仔係男孩子定女孩子。跟住比香蕉花花乜呢個乜來的，再比火龍果花花問花花乜來的。當然花花唔識答花龍果只係玩切切樂啦~再比一張圖花花，指住車車問花花邊嚟的，再問花花乜野顏色。再問花花圖中邊隻飛機係黃色....😨😨係咪難左少少呀?!公主圖案係邊...帶皇冠果個係公主呀!(真係咁難!!!)

其實過程老師都比較hea...真係睇你遇上咩老師。因為有家長話會問布偶公仔的眼耳口鼻等等，而花花就完全冇。

價創K1 interview

創價係一間Happy School，主張尊重小朋友的意願，校舍大，老師有愛心學生品德好，校風純樸，而且有政府資助，一直深受家長歡迎。

今日去到就見到大批小朋友同家長一齊出席等面試，相傳學校比較鐘意家長二人一同出席，所以花爸花媽都一同出席。花花interview時間係10點正，但我地就等到11點左右先有得interview。一去到，當然先要登記啦!!估唔到老師們都穿上整齊的制服啊!由於花花被分派到Classroom 1，我地只要係地下果層等待，花媽都留意到樓上應該仲有456號房的，而再上一層就有個小的遊樂場比小朋友玩。為免花花掛住玩唔肯走，花爸花媽只比花花係地下果層。

由於花花等等下已經好累及開始失控，所以花媽走到老師前問老師仲有幾多個人先到花花，老師真係好有禮貌咁話唔好意思要你等咁耐啊~唔計入面的小朋友，仲有三個就到花花了。老師真係太好禮貌了，搞到花媽真係覺得有少少唔好意思。

終於到花花了，面試約只用10分鐘。

老師首先問小朋友叫乜名，邊個同你來及你今年幾歲。再比一張公園圖比小朋友，問小朋友知唔知呢到邊到呀?指住滑梯指住千秋指住沙問小朋友知唔知圖中小朋友玩緊乜呀等等。全以中文作答，當然中文唔好的花花唔識答啦，但老師都好有心機咁教花花講千秋等字。跟住老師會拿出jisaw puzzle比小朋友配對反啱的住置同比lego小朋友自己玩。此時就會問家長以下問題:

1. 平時邊個湊小朋友? 花媽答我自己湊的 (學校應該比較鐘意全職媽媽)
2. 你鐘意創價乜野?(父母都要答)
3. 你欣賞小朋友乜野呢? (父母都要答)
4. 如果am班滿左，你會選pm班嗎?

協恩K1 interview

今日花花協恩interview,in早上9:10。學校好有規律,準時面見。首先家長同小朋友坐在禮堂等到自己號碼就出去排隊。由家長義工帶領,一名家長排藍色線,小朋友排紅線,對名碰貼上sticker。再由家長義工帶領家長及小朋友到房間門外等候,大約6個小朋友一組,再由老師帶領入房玩。當然有小朋友會唔肯入房啦,呢個時候家長在課室門外等候,約3分鐘左右睇下有冇小朋友因喊而被趕出來,被趕出來的可能比家長安慰一下再入去或冇得再入。成功入去的小朋友就開始interview。家長則行去另一邊門接反小朋友。

花媽同其他家長一齊等小朋友時，發現小朋友都係9月出世，相信學校係排過同月齡小朋友一齊interview，的確咁樣係公平一點啊!因為如果遇上1月或2月的小朋友，差成半年真係被比下去呢~

過程十分快,我地9點去到,基本9:30已經上車了。準備去創價了!!!😃😃

何文田維多利亞 K1 interview

一心諗住今朝民生in得差,維多利亞都一定差架啦,所以都唔抱希望的心態。點知一反常態地好心情(⊙o⊙) 喜出個大望來!!!

首到到安排的房門外登記及等待入房。估唔到上年嚟in過,花花今年仲有印象,因為花花一入去就想向前行,佢記得直行有滑梯玩`(*∩_∩*)′  講番面識先,等左一陣已經可以入房了。房入面有5個老師,其中兩個不停mark分。其餘三個分別係廣東話,國語同英文的老師。小朋友坐在有玩具玩的桌子旁,老師通過一邊玩玩具一邊同小朋友傾計,廣東謝老師只問左花花幾個問題就走了,反而國語老師不停同花花傾計,問花花名字,爸爸係邊,識唔識國語等。又教花花用夾子夾香蕉同骨頭放入動物口中,之後英文老師走到花花附近同花花傾計,叫乜名仲問佢魚魚的顏色。之後收拾玩具,再去聽故事同唱歌做動作。

故事中有唔同動物,老師都會叫小朋友同動say hello同say bye.之後再比搖鈴小朋友,聽音樂跟住做動作。今次花花好跟指令,動作又做到,即使入唔到維多利亞我都覺得滿分表現。

民生K1 interview

剛剛同花花in完民生,第一次入民生,真係好大。而且相信幼稚園翻新過,所以都覺得設施又新又靚。完全改變左我對民生的傳統觀感。

首先係排隊登記,記得拎出世紙正本啊！小朋友會被安排到一張枱到玩玩具(有幾個小朋友一齊玩)唔知有冇mark分,但有老師在寫寫寫又會出去睇下另一間房完成未咁。

之後再到另一間房門外等候準備interview,有中文或英文老師interview。唔知係點安排用英文定中文in了,幸運地花花係用英文interview。老師先叫花花坐下,比不同顏色的積木問花花顏色,當然色盲的花花只能答出blue...(>﹏<) 錯左老師會叫小朋友跟佢讀一次。再叫花花拎最鐘意的顏色的積木及講出係乜色。跟住有一張媽媽同小孩玩車車圖,圖外有不同英文字母及數字。老師會指出數字及英文字母叫小朋友講出來,(花花竟然識字母,數字係唔識的),再問圖中的係爸爺定媽媽,佢地玩咩玩具。之後完成,送小禮物及多謝。推椅。完成