Hello 2017

尖東閒逛

又多一個年頭了,新一年有一開始。我希望我們一家平安快樂身體健康。花花草草相親相愛,花媽花爸工作順利,早日置業。

原來新年及聖誕厚福街都有大排檔架`(*∩_∩*)′ 

原本打算同花花草草睇下過期燈飾啦,點知發現唔對路,警察封路喎。咁我地即時問下警察係咪放煙花啦,點知真係放煙花。人多擠迫的地方我地都盡量避免同小朋友去,所以我地決定步行到可以行到的的士站坐的士回家。點知....一行行到紅磡碼頭,黃埔花園對出。(>﹏<)

最後,由於太累關係,2016到2017我地沒有進行倒數。直接訓覺算了^_^;

觀塘Unique Cafe Kitchen

遊玩區比較細,但都夠小朋友放電

今日同花花約埋Manhabit家長一齊到樓上cafe放電 ,去到花花當然比房間入面的playroom所吸引,野都未食就衝左入去了。由於playroom面積比較細,如果太多家長連同小朋友一齊入去就會好窄了。沒有入場費或清潔費,只有最底消費2歲或以上小朋友88元(可叫兒童餐),成人最底消費則要叫178元,晚市好似288元。

唔知以為我地去左大樹先生

可能花媽所點的都未必係招牌菜,所以都麻麻地好食。食物賣相靚但冇乜味(花媽點的係海鮮墨魚汁飯,花媽要左個蕃茄貝殼粉),可能唔啱花口味,花只係食左幾啖兒童餐就唔食了)由於被迫要叫野食, 所以花媽對食品沒有要求。

有大lego

遊玩中小插曲:今日待應都有好似3個,雖然未到坐無虛席, 但又大又細,總共都有大約4枱客,每枱取少有2個小朋友。食食下突然後面枱的家長突然大聲鬧,當然我地唔會出聲,大致上話待應小姐黑面冇禮貌。明白的...我都覺得佢冇禮貌,仲好粗聲粗氣,但鬧佢有用嗎?點解要同待應咁計教,咁鬧法仲有機建立一個壞榜樣比小朋友呢!

又有車車玩

同時playrom可能因為小朋友剛食飽又即玩,突然其中一個小朋友在波波池外面嘔吐,所以員工進行清潔消毒,所以清潔度是滿意的。

地址:Unique Cafe kitchen
觀塘巧明街114號迅達工業大廈2樓B室

愉景新城

花花最愛的氹氹轉

唔同朋友仔去愉景新城,真係唔知有咁多適合小朋友玩的設施。例如鯨魚花園,付費的車轚及各類充氣城堡等。

免費限時的室外遊樂場(鯨魚花園)

先講講鯨魚花園先,是免費開放,但一定要先取飛再等到夠時間先可以進入。所以花媽建議家長一定要先取飛再去行街,但當然唔好係唔係都攞左先啦!因為有其化想玩的小朋友會因為冇飛冇得玩架。但花媽有疑問架...點解免費都要咁小家唔長期開放比小朋友玩呢?! 同時,中間一條大鯨魚真係要小心比年齡較細的小朋友玩,因為好多大少少的小朋友唔會禮讓排隊等等,我真係見到有大少少的小朋友批㬹細少少的小朋友,而且上去滑梯的通道好細,花花都比其化小朋友踩到手啊。為免自己小朋友受傷,盡量唔好玩鯨魚,就算玩都睇緊D!

排隊玩 bouncer

收費的設施則有4-5個大型充氣城堡,有一個大到有成兩個舖位咁長。200蚊有20張飛加送3張飛,小朋友玩得開心,而且有工作人員協助小朋友,所以小朋友都能安全咁玩。每個充氣堡壘約要3-5張飛,能玩5分鐘。

餵奶房的草草(冇人等房時影架)

不能不讚的係愉景新城出左名的育嬰房,但假日人數真係太多,我餵草草都等左多過10分鐘先入到去。不過設施及環都都非常乾淨企理!打點的嬸嬸都好有禮貌。

O8聖誕 Gathering

食蛋糕,當然勁開心啦!

都唔記得有冇同大家講N年前的花媽曾是一名空中服務員,先在Oasis Hong Kong Airlines(已結業)服務兩年及Korean Air服務了一年。在O8(Oasis HK Airlines)工作時,最令我感恩係認識了當時intake 2的朋友。現在intake 2仍在飛行的人,以我所知應該只有3-4人(當時全班20人),說實話,有了家庭後,如要我離開子女唔見面多於一星期的話實在太難受了,所以花媽都唔再打算飛了,而且年紀大了,根本冇乜人會請了。

當然不能少的花媽閱讀時間(花花絕對唔專心X﹏X )

講講今日先,朋友搬左去荃灣,house warming 順便慶祝聖誕同Jasper的生日,當然小朋友最開心又係玩玩玩同收禮物。一間屋,要係有一個識行的小朋友,一定會變得好亂,更何況今日有4個會行的小朋友???藍球,車車,不同散件玩具,一地都係,但我真係好開心,因為小朋友快樂就已經可帶比我無盡的歡樂了。

So far我地intake 2都係一仔一女,bel...等你生個妹妹

玩完再到束下公園放一放電,花花好快都訓著了。晚上我地仲同花爸的朋友到花田燒烤,花田在天水圍附近,真心覺得食物唔錯,而且仲有付費的大型氣墊床比小朋友玩,花媽都好推介,而且太細小朋友可由一名大人免費陪同,十分抵玩呢!

有蛋糕食,順便慶祝Jasper生日!!!

一家人的平安夜

久違了的全家幅

呢個揸車車係好甬小朋友都好鐘意玩的啊!

難得花爸放假,花媽未返新工,我地一家人忙裏偷閒來到愉景新城晚餐同比花花放下電。其實花花好細個時都來過愉景新城,只係當時太細個而未有享用過果到的設施,今日終於可以去玩下。基本上,花花掛住玩連食都唔想食(>﹏<) 

平日花花冇乜機會玩,呢個聖誕假,花花終於可以大解放,年天都是玩玩玩。花媽希望花花能夠從玩樂中學習`(*^﹏^*)′ 這個假期玩得開心D!

美語世界聖誕Party

載歌載舞的xmas party

早前花媽見到有聖誕party報名,當然會錯過呢個機會啦!由於花花十分細膽,好怕見到聖誕老人,所以一直話要同聖誕老人合照,由1歲拖到現在2歲都未實行。

有不少攤位比小朋友玩

其實成個活動安排都非常有心思,去到登記後,會比一張紙我地去玩遊戲,分別有做雪鹿或雪人的親子勞作、為聖誕老人著衫同帽的活動、剪影配對、upload相到美語世界facebook及同聖誕老人影相。完成所以活動後便可以得到一份禮物同一張聖誕兒歌的CD。除左以上活動外,仲有扭氣球姐姐扭氣球比小朋友啊。

員工都好有愛心陪小朋友玩啊!

在活動尾聲仲有來自英國Ammi姐姐同Elvis載歌載舞。當中用的歌都有效地運用反美語世界內的兒歌,以我觀察,大部的小朋友都睇得好投入。仲有唔少小朋友跟住跳跳舞或者拍手呢!!!真係學我 education consultant所言,美語世界的活動係可以比小朋友show off,仲可以建立小朋友的自信呢!

謝謝氣球姐姐的小烏龜

返到屋企,見到禮品包仲有一售迪士尼DVD,Dr. kong鞋油,濕紙巾...等等。其實來活動真係志在參與,冇諗過有禮物收 。其實幾百蚊,有遊戲玩,有禮物收,有得同聖誕老人影相(我望過又一城同聖誕老人合照要80蚊連相架),最重要可以比小朋友接觸更多英文同廻立自信心,呢個先係無價。

由於花花太怕聖誕老人,只可以同背景影相X﹏X 

雖然聖誕party冇得試玩,但留個資料都可以以試玩及參加美語世界的playgroup一次架!!!仲可以D登記及攞份識用裝玩下。

想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

官塘海濱公園

看著小朋友一齊長大,真係好感恩。

今日約左一班9月媽媽一齊官塘海濱公園一齊玩,果到有個長長的長廊比小朋友奔跑,又有個大大的天橋底(有瓦遮頭)比小朋友放電。

睇下邊個持久D先`(*∩_∩*)′ 

當然長長的長廊除左可以欣賞風景外,仲有大片草地比小朋友奔跑,仲有唔少設施比老人家運動,真係老少咸宜。而比小朋友玩的公園除左多蚊外,其他都好好。設施新穎,唔係花媽細個玩的氹氹轉,唔係花媽細個玩的搖搖板...仲有一個大形可以搖的船,基本上所有小朋友玩得好高興。

唔止有瓦遮頭。仲好多野玩架!

後感:真係好開心看住馬年9月BB一齊長大一齊玩,花媽知道小朋友上左幼稚園後,見面時間都會少了,希望依家可以見到就風,小朋友們...請珍惜呢段純真的友誼。

Stanley Plaza

Stanley Plaza

一年一度的stanley plaza,其實花媽都係第一次去及十幾年冇入過赤柱,真係人山人海。最重要係花媽回想想當日做空中飛人時去到德國的幕尼黑,剛好係聖誕節附近,可以感受當地的聖誕氣紛。當然呢到的聖誕氣紛不及幕尼黑,但真係令花媽十分懷念。

當中有不同攤住,有食的,玩的,酒的,用品的,各有特色。而豬手真係好好食啊,花媽不禁要買支德國手工啤來飲一飲,別有一番風味啊!!

擺pose花花

而花花最開心就一定係可以在攤位後面的遊樂場玩。看到花花,真係覺得佢又長大了,鐘意群住大哥哥大姐姐玩。而且膽越來越大,周圍同陌生人講野同微笑,而且現在叫佢擺pose都好有反應了。

親子和菓子

成品

最近見到facebook不停有個廣告話惠康有售親子和菓子,今日咁啱同花花去惠康時見到有得賣,所以買左兩盒玩下($58兩盒)。完戊時間大約1.5小時,雖然主力花媽親手做,但過程因為花花感到好奇,所以好聽話。全程叫佢幫手就幫手,手放腳就手放腳,呢種親子玩具都唔錯,最手花小朋友精神,玩完仲小睡個幾鐘Y(^_^)Y

花花都要自己玩啊

其實過程中仲可以訓練出小朋友手眼協調(由一邊畢到另一邊),專注力及手指肌肉(搓搓搓)。而且花花知道每樣野都要等花媽開水,所以每次都能雙手放腳。雖然有時都會搗亂或做得比較污糟,但對兩歲小朋友來說算係唔錯。

仲用手搓搓搓

其實完成後,製成品又香又似食得,但基於安全理由,花媽都將佢地掉左,始終所有野都係粉溝水製成,花媽覺得似人造色素及食品,玩完影左相便算了。^ _ ^

第一次海洋公園

我地的巨型二人車出場,好好用

今日花爸放假,難得噚日學校表演完,就逃學一日啦!一齊同婆婆去海洋公園一日遊,有得玩,花花當然開心啦！一去到就同花花玩 merry-go-round,就係咁學識左merry-go-round `(*∩_∩*)′  今日唔係假期,相對地內地同胞都比較少,所以都叫做玩得開心的。

Ferris wheels上的花花。唔怕高啊!

其實一直以來,花爸花媽都不斷諗到底買迪士尼定海洋公園年票好呢。但去完海洋公園後,我地還是覺得海洋公園比較好。因為除左玩之外,仲可以比花花認識不同海洋生物,仲有熊貓及猴子呢!相比只有迪士尼的公仔及機動遊戲,我地會比較 prefer 多一點教學的。

花花背後的蜘蛛蟹

之後我地再坐 cable car到對面,玩左一陣解食左lunch。估唔到...一向未中過大獎的花媽,竟然中左隻大公仔比花花Y(^_^)Y 隻公仔仲大隻過草草呢。再後來睇左水簇館及海涿劇場,時間真係過得好快,我地返過對正都4點了。睇多過水簇館同熊貓館就要回家了。連兒童皇國都未去,所以我地決定憑即日票去加錢買年票。買左340日左右可以入去果隻,加大約600多元,所以只要去多3次便有賺了♡^_^♡

花花草草合照

開心share

今日我的美語世界 consultant同我講我的朋友幫佢買左全set

其實呢個朋友唔算熟,但我知佢有左後想入美語世界group時就有問過佢係咪想買美語世界, 當時佢好決絕咁同我講佢唔想買,只想買oxford.由於大家唔算太熟嘅朋友,既然佢話決定買oxford我都唔再加把咀。

當日朋友話要買oxford時,已經好想提醒佢。

後來最近佢問我攞用迪士尼美語世界同oxford path意見時,我照直將我的想法話佢知。佢同我講好擔心accent問題。其實我真係想講,我曾經都擔心過口音問題,但oxford 的顧問同我講唔好用點讀筆住(花花由0歲開始用),自己講故事比小朋友知。其實如果係咁即係我accent 係乜,小朋友accent係乜(>﹏<)

Oxford的書唔係唔好,我只係覺得適合大少少的小朋友啫!

其實我朋友話佢冇買全set oxford,因為覺得冇乜用。如果你問我有冇用,我只會話用係有的,我依家間唔中都會同草草睇下,但單純只係想培養佢睇書,但音樂同字咭我都會用迪士尼為主。因為晚上我都會同花花睇迪士尼的主課程,一搬我都會抱住兩個小babies一齊閱讀♡(^ε^ )♡ 又可以增加親子時間。

如果係好,其實點解買完仲要比較?

相信有唔少人都因為買完oxford得唔到預期效果而覺得後悔。有能力的,當然買晒兩套都冇問題。但如果家庭負擔唔到,買錯左就狠錯難返了。其實oxford path真係好需要家長投入時間同小朋友閱讀。試問在香港呢個連覺都唔夠訓的城市,又邊有咁多家長唔洗返工可以日日同小朋友玩教材呢?交托比姐姐的話,姐姐又會唔會好似家長咁有心機同小朋友玩呢??

其實我已經一早暗示過比朋友叫佢唔好買oxford,可惜oxford path 員工真係太厲害了!依家朋友都覺得oxford path到佢小朋友快1 歲都冇乜成果後決定再買迪士尼。同時佢都冇咁多時間可以同小朋友一齊用呢套教材。呢個真係一個好好的例子,再一次證明家長買左oxford path係會後悔的。我一直都同朋友講迪士尼而好少提oxford path,因為唔想朋友買左oxford後悔,小朋友童年只有一次,用錯教材某程度上係害左自己的小朋友。既然要選擇,我當然會提議各位購買迪士尼美語世界。

想了解更多迪士尼美語世界,記得拎套試用裝睇下啦,入面的歌同DVD小朋友都好鐘意聽同睇架!
http://www.worldfamily.com.hk/ffp/sl/preaf143

廣華9月媽媽xmas party

同一班小朋友一齊慶祝聖誕真係好開心,重點要多謝rain借出屋企。

好難得約到咁多人一齊來交換禮物。由大家陀住,到依家2歲2個月,有人生左第2個,有人準備生,有人打算生.真係好難得有咁多啱玩啱傾朋友。

雖然花媽心知小朋友開始讀書後便會好難再有機會走在一起,但希望最少一年有一兩次機會gathering。各位,友誼永固!大人小朋友都係。

樂基(九龍塘) K1 interview

Interview前有好多小遊戲比小朋友玩,學校真的好細心啊!

聞說陳倩洋的大仔剚讀HKPS及今日有人見佢帶細仔來in N班。嗯...聽說HKPS學術上好谷架,唔知真定假呢。但因為學校有N班,同時可直升上K1,本身K1位都唔多,所以收的只係十幾二十個學生,什至可能冇添...所以花媽都係唔抱大信心,見識見識吧。

首先,學校比小朋友在戶外玩。有用pasta入樽,玩水及玩沙等。跟住聽到老師叫自己號時便去排隊面試。

小朋友同家長一同到課室,跟排序坐。小朋友坐前,大人坐後。首先,英文老師問一條標準問題,家長平日同小朋友空餘時間玩咩。花媽在谷中有問過是否所有家長都要回答,有人話所有人都有答,有人話只有一對父母冇答,而花媽組則只有兩個家庭作答,花媽由於見到冇人有反應,所以先行作答啦!

然後同小朋友唱歌,小朋友跟住做動作。再坐下,叫小友在椅子下取出籃,入面有不同交通工具,小朋友跟老師指領取出同老師手上的交通工具。然後再唱good bye song .

當中一個英文老師坐中間唱歌做指領,另有三個老師評分。

學之園 2nd interview

花花有幸被邀請參加學之園的2nd in,其實入到2nd in已經好開心,因為證明了花花表現理想,所以老師想了解父母多一點。雖然學之園K1 收生唔多,能夠有2nd in已經好好了。

今次花媽花爸早左15分鐘到達,等左一陣到面見時間時,便由老師帶家長及小朋友到房間中玩,當然離位選玩具玩係花花特性,改不了不能坐定定性格😆。由於同group最早去到,所以係時段內第一個家庭進行面試。一心以為會同校長面見,原來同老師面見(在谷中得知其他人都係同校長面見的)。

首先老師問我地想用中定英面見,花媽選擇冇所謂,便由英文老師面見。另一中文老師則同花花玩。老師一共有兩
四個問題。
1. 點解選擇學之園?
2. 平時在家小朋友玩咩為主?
3. 2018年唔會再在紅磡,有冇問題?
4. 你選的係am廣東謝班,如沒有介意上普通話班嗎?
5. 仲有冇其他問題?

希望花媽同花爸答得唔錯,唔好影響花花啦!
*花花離位性格不改的。中文老師同佢玩時又走嚟同我地睇書😂太愛睇書了。

崇真(本地班)及民生 K1 result

花媽對於龍校都係抱住見識的心態,因為以花花活躍的性格,未必係傳統學校喜歡的類型,更何況民生花花尖叫,德望離位,崇真仲要比人恥笑😓 所以對於崇真 wait list及民生 not accepted的結果,花媽一早接受了😄

而崇真email內話想留後補位要某段時間打去,但花媽都唔會留了。反正花媽最心儀的都不是民生及崇真呢!!😌

培正 K1 interview

排2等interview

花媽深信培正interview絕對不能遲,因為一入去先同小朋友操場排隊再跟住上去interview。所以千萬不能遲到啊!!!

首先,校方為左可以準時到達課室進行面試,都會要求父或母一方抱小朋友上課室,有人1樓有人2樓有人3樓。(花媽真心唔明點解幼稚園小朋友要上到3樓上課😨😨) 去到課室就由老師對名邊個小朋友到左邊D未到,同時小朋友就可以玩玩具。老師都算有愛心,期間花花都係到處走玩唔同玩具。跟住叫到小朋友名就出去同家長排隊,再交小朋友比姨姨帶到課室進行面試😊家長則係樓梯口等小朋友出來。

當然花花入去玩就頭也不回,但姨姨帶出來時即來一個冇眼淚的扮喊😒想點呀??

英語為主的K1 interview

前日花花一見到美語世界的booth就即時衝過去

今日同花花返Pebbles，一個家長同我講佢好後悔冇同女兒多用英文溝通，因為佢發現interview後，好多學校都係以英文interview，而且當in外國人時佢囡囡就會目定口呆唔敢出聲。其實我真係覺得好可惜架，因為我覺得佢囡囡雖然係11月細B但好聰明，佢囡囡未足兩歲已經可以講句子仲要係有對答講中文全名。唔知我真係以為佢囡囡同花花一樣大只係個樣生得比較Baby.

花花幾時咁鐘意zippy架 😄

當然，事實上都有部份學校係可以比小朋友選擇以中文或英文作interview例如st cat及劍鳴，有部學校係兩樣都考的例如德望，亦有只考英文的例如SJC、York及金巴倫幼稚園，亦有睇彩數抽的例如民生及只考中文的根德園及崇真本地班等。由於小朋友的first language已係廣東話，我會expect小朋友好容易會學識因為即使家長唔講中文，四大長老甚至街外人都一定以廣東話溝通，聽得多要明白又有多難呢?!但英文就唔同，試問在香港長大的我們，讀足9年免費教育出來的英文是怎樣呢??我只能說,相信要不是花媽係美國讀過書，我諗要我同外國人溝通我都會驚!

我地仲未開呢張桌，原來花花咁鐘意佢!
一見到書，點讀筆就即時想玩。

所以我就好確定要自小給花花一套好的教材，原本買左的oxford path以為一心搵到合適的，仲一心以為英式口音好所以買，但最後買到的唔係英式口音而係一套要家長自行天天同小朋友閱讀的課外書，那我在淘寶買一套oxford reading tree都可以自己教啦!所以到有左草草就買多一套迪士尼美語世界比兩姐弟一齊用，我要的係一套完善的教材，當然迪士尼美語世界的價錢唔平，但真係只可以講要有買貴沒有買錯!!!看到花花呢段時間(特別係現在兩歲的output期)，花花開始會講多了說話，證明花花學習了。當然相比一些胎教已用迪士尼美語世界的小朋友係差一部分，只要上迪士尼美語世界的網頁便可以知道有更多更細的小朋友可以一早認字了。

其實花花很喜歡pompom的

而對於Pebbles的家長同我講自己囡囡一見到外國人就唔出聲，當然都同見得多唔多人有關係啦!我一直都會比花花上playgroup，其實花花都有一段時間好驚見到外國人，除左後期去左美國日日見外國人而唔驚外，美語世界內的演出小朋友及大人都係外國人，見得多就自然唔驚啦。而係香港又可以點先見多一點外國人呢?除了勁貴的playgroup外(有時仲有未必一定係外國人教啊!)，美語世界都提供左一D又平又富趣味性的playgroup比家長同小朋友參與。只要好好運用美語世界呢套教材，小朋友面試真係唔洗怕中文in定英文in。更加唔怕係外國人定本地人in了。

為左小朋友的N班或K1面試著想,真係唔好遲。唔好出年考完晒先嚟講遲同後悔,花媽已經一日提醒你了。拎反套試用裝都好有用架!

http://www.worldfamily.com.hk/ffp/sl/preaf143

St Cat K1 Result

今日終於收到了St Cat信,真心有少許失望,因為花花只有PM waiting,同時花花讀Manhabit的朋友仔及Pebbles的朋友仔全都只有PM waiting,當然上EK都見到不少收到am 及 pm offer的大細B啦。恭喜各位!!!

不過先要說明唔係Manhabit及Pebbles的小朋友唔叻,只係Manhabit的朋友仔最大都只係7月B最細係花花9月尾。Pebbles的最大係9月中小朋友最細係12月尾小朋友，可能小朋友臨場表現未如理想，所以不獲取錄，但花媽總相信會有更適合自己小朋友的幼稚園。

不過唔緊要,花媽要努力準備自已,因為學之園的interview係in家長,唔係小朋友。

聖羅撒 K1 interview

In完德望再in 聖羅撒,先係門口排左一陣,爾入去排隊登記,再到禮堂等叫名排隊到班房門外面試。一間房約有4-5張面試枱。小朋友同小朋友一齊坐,有老師同佢地玩(應該唔計分),然後主要in父母。

由於花爸來唔到.老師就問爸爸點解唔嚟。再問平日同小朋友做乜架, 去邊到玩,點同小朋友學習,邊個照顧小朋友會邊個接送小朋友返放學等等。都係好基本問題。父母們,加油啊!!

德望 K1 interview

橫風橫雨下完成德望interview,花花表演相當差,應該無望。當係一次經驗吧。

其實早到可照入,由家長其中一人帶小朋友進行面試。一組6定7個小朋友,小朋友每人順序坐在小椅子上,而家長亦順序坐在後方較遠椅子上。課室有3位老師,我相信一位年紀較大的係評分老師,另外一位年輕的及一位Net同小朋友傾計玩遊戲等。由於年紀大老師會派發問卷比家長填,所以我冇太留意老師問的問題。大約應該係問小朋友名及比小朋友從袋中抽出生果及不同玩具,再問乜嚟及顏色等。問題只有一頁及一條題目類似“點解選德望?”只有5分鐘填寫。

由於花花拎左條蕉比我(離位),送禮物又走去我到(離位),所以應該無希望。大家加油啊!!!

Noah’s Ark 親子旅行

看住花花長大,好似同同學仔傾計咁

一年一度秋季旅行,係上年差唔甬時間就去左noble place的秋季旅行,今佃花花長大了,去學校的秋季旅行。

條頸長到我影佢唔到的 giraffe

好可惜上次同今次的秋季旅行花爸都join唔到,因為花爸有工作在身,所以我地都不停share相比爸爸,而草草則由婆婆代為照顧。

個景好靚啊!💖

其實花媽都係第一次入馬灣,第一次去Noah’s ark。一直St andrew church 前幾個星期一直都講緊羅雅坊舟,真好...今次比花一個真正的小體驗。同時羅雅坊舟係唔單止坊舟咁簡單,仲有唔同的體驗例如文字館,化石館,未來館,音樂館等(名我唔肯定,但都太約係一d體驗館咁)。對花花來說係比較難,但親子一下亦無防。

見到佢,我即時想起美語世界的circus,
即問花花 acrobat, strong man, circus bear...答啱晒。
誰說現在沒馬戲班???

 後來仲發現原來羅雅坊舟係仲有酒店架,真係如果花爸放假帶同小朋友兩日一夜都算係一個不錯的體驗呢。

Walking look at me.i am walking ...

去完呢個秋季旅行,花媽都筋皮力盡。而花花係車到中途都暈左了(中間冇午睡啊!)

聖誕卡/飾物設計比賽

學校每佃總有一D設計比賽比小朋友及家長親子完成。聖誕呢個普天同慶的日子,花媽都用盡自己的腦汁,完成左我第一份親子(自)設計。雖然有大部份材料要購買,但依然主張癈物利用。不枉花媽當年讀美術,其實我仲係熱愛做手作勞作的,只係冇時間。呢個作品,都用左我幾晚冇得早訓,暗左花花草草訓後先可以製作啊!!!

學校通告話只要參與都有獎狀,為左花花多張紙,我努力下來。有幸仲有機會得到冠亞季冠上台攞獎啊！期待12月15日的聖誕party!

“親子聖誕卡/裝飾”
材料:
樹 -
pompom球3包(12蚊店有售)
爛羽毛球一個
兒童餅餅唔要紙盒一個
厠紙筒一個
樹上小配件 (1x個)
閃閃鐵線 (製作樹頂星星及士的棒用)

雪人-
製作熊貓材料包一個(12蚊店有售)
閃閃鐵線 (製件聖誕帽及鼻)
三粒3mm閃石

聖誕老人-
白色輕黏土 (肉色,紅色,黑色水筆)
牙纖一支

雪地-
白色輕黏土
白色閃粉