Sacramento

去到誠婆婆家好多玩具玩,
第一次去的花花已經好熟地玩玩具了。

噚晚夜晚出發到花婆婆朋友家,距離我地住San Mateo約2小時車程。其實花媽細個都住過 Sacramento 呢個到方兩次,仲夾埋住左成兩個月呢。都勾起我唔少童年回憶啊!

咁啱誠婆婆的孫仔生日,花花同花媽都係第一次參加外國小朋友的生日party,氣氛尚算唔錯,而且出面仲有好多遊戲可以玩,可惜都唔係花花年紀可以玩的。

Starwar 生日蛋糕

慶祝場地係John’s Incredible Pizza,仲有buffet pizza,pasta,salad, dessert同ice cream食。真係食到花媽好飽,反而花花食好少因為佢掛住出去玩嘛。

見ice cream就雙眼發光了。

同場有扭波波

搵左好耐,花花只可以坐下車仔

同去免費的滑梯玩下

誠婆婆家,五房三厠的大宅(⊙o⊙) 

二手迪士尼美語世界

有左草草後,花媽都參加左唔少的媽媽group,好多媽媽都覺得淘寶迪士尼又平又抵用,而我之前都買過淘寶迪士尼,之前其中一個blog都已經講過淘寶迪士尼的唔好處,所以係呢到我都唔再提了。同樣地group內的媽媽都會話買二手迪士尼,到底二手迪士尼好唔好呢?等我同大家分析下啦。

我家那套二手迪士尼

1. 二手迪士尼一般都冇保養,小朋友最鐘意撕書撕咭或者掉野,萬一唔覺意比小朋友撕左本書或者掉爛左部咭機就真係血本無歸。

2.市面上好多二手迪士尼都係因為賣家唔願意去同小朋友玩而放售,而賣家根本唔識用套教材,結果浪費左套教材,試問一個唔識用的人又點可以教你點用套教材呢?

3.好多二手迪士尼都係唔齊。以我呢套為例,賣家呃我話除左點讀筆外就乜都齊,點知返到屋企少左成套書同埋D玩具。要怪只怪自己唔點齊貨同太易信人。

4.即使買一套仲有會籍的教材,但會籍係跟人唔係跟書,到會籍完左又要搵返賣家繼續續會,但又有幾多個人賣左套書比你後仲會繼續幫你續會呢?

5.其實迪士尼美語世界除左書本,DVD同CD外,仲有好多配套,例如playgroup,電話唱歌傾計及一D親子活動等。而且以上等活動都係全英語進行，有唱遊、有Live show，互動好玩，仲可以銜接我地平時同小朋友玩的迪士尼美語世界,完完全全可以將日常學到的迪士尼運用出嚟。

6.一般買二手就一定要去賣家果邊自取,無論貨品齊唔齊都好,要一個人拎咁多書由一個地方返屋企都咪話唔辛苦。當然,你可以話我call車咪得囉!call車你咪唔可以check貨又要比左錢先。到時比人呃就慘了。(請大家唔好介意我咁陰暗面成日諗比人呃,但真係試過一次我怕怕了)

7.二手衫我地都話可以用1比99去清潔,但二手書又可以點清理呢?如果因為二手書內有細菌令小朋友病左反而得不常失呢。

同時,好多媽媽group的家長都會買左迪士尼,佢地好多都會認為雖然貴但物超所值。今日我同花花玩play along入面的玩具。早前佢唔識分tomato, apple同 strawberry,可能因為全都係紅色,但佢今日已經能夠拎晒所有唔同的蔬果比我了。真係只能講“只有買遲,不會買錯”~@^_^@~  而且我越用越對佢有信心。

下次等我講下我比人呃的過程,希望我的故事能夠警醒更多想買二手迪士尼美語世界的家長們,買二手前真係要三思。

點解仲要買二手,攞份試用裝啦！反正唔洗錢
http://www.worldfamily.com.hk/ffp/sl/preaf143

Washington Park

距離我們家只不過10分鐘路程的washington park,真想每日帶花花去放電。好似在唐六時,我幾乎日日都帶花花出去放電,但美國動不動就要揸車,所以就難少少成日出去。

少女味花花

呢到公園好大,相對香港的公園真係好大分別。小朋友都好禮讓,香港反而要成日睇住有冇小朋友會比較霸王。最重要呢到的公園係比狗狗內進,咁先係真正的公園嘛!有人帶狗散步,有人帶小朋友玩,冇大媽跳老舞,又比人開帳幕坐野餐。香港的公園真係太多限制了。

妳高的滑梯,對花花一樣冇難度

唔洗去沙灘都有沙玩~^o^~ 

花花最愛玩滑梯

三藩市downtown

終於有時間去三落市downtown行街。差唔多6-7年冇來,真係變左好多。好有似曾相識的感覺啊!`(*∩_∩*)′  而做左媽媽後,買的野主要係比花花,所以我細個成日行的 urban outfitter我都冇去了。反而轉戰又平又抵買的 old navy。買左兩對鞋仔,兩條裙仔,三條legging,一條牛仔褲同一件冷衫都只係98蚊美金咋!真係好平呀!

來到SF,當然少不了到powell st同cable car留倩影啦!

Old navy內有個大型扭扭機都只係25仙,
打算比花花扭下啦。點知壞左!!!(+﹏+) 

小朋友世界真簡單,一句hi可以玩到攬頭攬頸。

由於SF太凍,本身打算買比細佬的外套
要比花花著住先。

美國playgroup - Gymboree

花媽都係第一次去美國playgroup咋

本來花媽一直想搵學術D的playgroup比花花,奈何呢到係美國,小朋友五歲先開始入學學寫字,要搵學術的playgroup根本冇,所以呢個都照上住先啦。好彩有帶迪士尼過來,都可以比花閒時聽下歌讀下書。

唔知係咪花花太耐冇返playgroup,一開始有D唔慣,但後來習慣了,周圍走又走圍爬。特別的係平日在香港返playgroup的主要係香港人同內地人,今日都係外國人為主,反而我地係少有的黑頭髮呢。

Sir滑梯

Gymboree主要係發展小朋友的手腳四肢,都有唱歌仔咁,花花都玩得好開心。最重要一星期一堂,每個月都只係USD74,相對香港的playgroup或gym真係平到冇朋友。

香港的gym都以膠同護墊為主,
美國反而有木製遊玩架

Roll roll, roll your boat.

今堂都要6-7個小朋友呢!

What’s inside? Can you guess?

之前花媽唔係講過話花花已經識認Playalong玩具入面的動物嗎?由於片長限制未能錄晒全部動物,但花花真係知道晒動物叫聲同動物名稱。真係透過DVD同玩於學習,小朋友認每樣事物都有急速的進步。

**註:請唔好介意花媽的歌聲有D難聽(>﹏<)

仲記得用oxford,個 consultant問我考學校考成點?我話唔算太理想,佢當時同我講“唔緊要,下次努力過啦!”花媽心諗,如果繼續用oxford努力,恐怕我K1都考唔上心儀學校了。而且能夠再努力嗎?N不就是一次機會嗎?難度要花花多考一次N?

幸好我中途轉了用迪士尼,最尾多一間學校收啊!!!


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

BBQ

無限電量的花花

今日同朋友去左BBQ,其實就算細個係美國讀書,今次都係我第一次在美國BBQ咋。當然燒野食的重任都落在男士身上,而我主力都係睇住花花。

花花潮潮由BB變成小朋友lu

只要有得玩,花花即使好累都唔願訓覺。其他朋友的小朋友都比花花細,最大的都只係剛學行。所以花花突然變成大姐姐了。

花花仲識到新朋友仔。

美國的兒童公園的設施同香港大同小異,
只係地下侐舖碎木同地膠的分別

沒有jetlag的花花

唔知係咪小朋友的適應力真係強D呢??花花真係好勁,前晚落機天黑已經訓左,只係早上7am起身。但噚晚12點訓,訓到今朝11am(⊙o⊙)  花媽噚晚完全訓唔著,對住陪電話眼光光。

去costco買野的手推箇真係好大架!

同hilary妹妹一齊睇迪士尼學英文。

 為左唔影響花花英文進度,我帶同書,CD,DVD同玩具比花花坃,但好可惜花花依家比較霸道,當hilary妹妹想掂佢的玩具,佢就去鬧人~_~ 真係播多d sharing比花花聽先得。

強吻hilary的花花

花花美國之旅

臨別的依依不捨,花爸“i love you!”

不算期待的美國之旅來了,終於要同花爸分開一段時間。真係好擔心花爸搬屋同還樓比業主呀!希望一切順利,花爸考試都要順利啊!

入左禁區後真係有情不自禁咁想流馬尿,好似細個去美國讀書咁。呢兩年真係好少離開花爸,仲要一段時間添。原來我係咁唔捨得花爸架!

入到禁區有個比小朋友玩的地方,
玩到花花唔捨得走啊!

當我地想去買支水同少少糖食時,經過機場有個比小朋友玩的設施。唔算大,但勝在可以比小朋友奔跑,可惜志方唔算乾淨,其實地毯真係唔太適合小朋友玩。

上次去日本時已經見到有呢款手推車,
當時都好想比花花坐,今次試到了!Y(^_^)Y 

熟睡的花花

未到兩歲的小朋友可以買infant ticket上機,記得book bulk head seat 仲可以安裝baby bassinet添架!雖然花花under 14kg,但花花比較長,要曲腳訓啊!

成尊佛咁`(*∩_∩*)′ 

最後我地順利到達美國啊!以前花媽即使做crew都成日比人捉入房等,可能我今日個樣太呢hea...又冇叫安檢又冇捉入房。└(^o^)┘

Hello! SFO

石屋咖啡冰室 @ 九龍城

社企開的石屋咖啡冰室,志在陪育年青人做咖啡師,所以食物唔貴而且環境清淨,又少人。有個大平地比小朋友奔跑,真係花媽好喜歡的地方。而且只有兩張長木椅,以花花歲半的高度都爬唔到呢(花花暫時84cm),暫時尚算安全。而且只有一個細細的小門口,小朋友未必會跑去果到玩。就算花媽坐係到都可以清楚睇住花花,唔洗怕比其他較大的小朋友推倒,可以安安靜靜咁歎茶。

大平原任意狂奔

狂奔後的花花

而最大驚喜係有個小博物館,內容主要有關舊九龍城的一事一物。家長都可以帶大少少的小朋友來認識一下舊九龍城!來一個下午茶,經濟又實惠。佢地仲有有實內或室外可選,怕熱可以坐室內,有一D舊式陳例品欣賞啊!

花媽同花婆食左兩個早餐連熱飲都只係$97。在九龍城呢個鬧市中有一點的平靜而且價格實惠,真係值得一試!星期二至日開8am-6pm,逢星期一休息啊。10:30am及2:30pm有導賞團啊!建議平日可泊車到九龍城廣場再經九龍城寨公園行過來約10-15分鐘。九龍城廣場日泊只係$40啊!

咖啡室門口,好古式古鄉吲!

迷你博物館的小擺設
(不要期望,因為博物館真係鄛細,基本呢個係唯一擺設)

特如期來的禮物

花媽又來9月媽媽gathering了

9月媽媽們知道花媽快要同花花去美國玩一個月,所以我地又來一次聚會了!!好開心由大家都係陀住BB到依家BB已經識行識走,成個小童咁款。真係唔講唔信,Candy媽媽的仔仔真係好叻, 由January - December識背,認出大細階的A-Z,識講1-10及會寸apple!天啊(⊙o⊙) 是神童嗎??? Candy話我知仔仔好鐘意睇書,要佢陪睇書教佢...當然花媽都會陪花花,可惜花花揭書係唔會比花媽教,教教下又揭下一頁―,.―  真係同人唔同命!!!

朋友送來的大碼拉拉褲

突然朋友話有大碼拉拉褲可以比我!!!♡_♡ 花花真係差唔多用晒片片,我地正準備要買片片比佢!!!好幸福啊!!!

雅培胎心機

望穿秋水,終於等到胎心機了!!立即試用,聽到草草的心跳,好開心啊!!重點係錄左比花爸聽,但花爸話背景迪士尼歌比草草心跳更清楚\(╯-╰)/

PN result

今個學年,我同花花報左9間PN學校,有1間冇去,兩間冇得面試,所以in左6間。有4間收,兩間waitlist,其實都唔錯的成績吧。等花媽來一年總結覺得學校如何吧!!
Zenith - 作為後備係好事,因為係人都收
Manhabit - 新校,只有九龍城有PN,聽說是蔡繼有校長的女兒開的。有媽媽朋友同花媽講上年有一半小朋友入左蔡繼有,是真的嗎?在Noble Place讀的小朋友都入了Manhabit,暫時未聽到有唔收。
Think - 花花抽唔中interview, PN全中文教學。英文語境比較少,但有國際小學啊!
Creative (沙田) - 花花冇去考,因為收唔到email 通知。自我感覺比較local
Victoria(HMT) - 花花waitlist,其實應該打定輸數,因為我地冇參加過佢地的playgroup,入唔到係正常。有返過佢地playgroup一般都會收的。
SJC - 雖然收左花花,但未必係我地心水。因為讀左PN唔代表直升K1,專收細B的,但唔一定個個收。因為有朋友的9月小朋友都係waitlist,反而有收12月BB。
York - 只要你有報佢的playgroup就一定收。不過有勁多比細B的家長會,成日要父母出席,真係有少少煩。今年開左美孚新校,基本上所有學生都收,大前題係你唔介意去美孚。雖然貴,但好多人都話物超所值。
明慧(太子) - 所有細B都唔收,都係waitlist。所以細B基本唔洗報
學之園 - 花花報左但連interview都冇。因為只收到8月前出世的小朋友。

**好多學校例如st cat, 劍鳴及根德園等都只收大B。如果想小朋友入去的家長都係等K1先報好了,細B的話st cat係連form都唔派啊!

Tutor Time 宣傳片

花花由半歲開始上tutor time,上到一歲就轉去noble place.其實tutor time真係唔錯,只係價錢貴D,我走時加價到$23xx一星期一堂啊,但上兩小時。而且好壞真的在乎老師,有老師hea教有老師投入教,真係睇彩數。

好耐之前tutor time想拍一D宣傳片,估唔到宣傳片現在先upload上facebook。真係好彩仲有片中媽媽Peggy同囡囡都仲係tutor time上堂,如果唔係真係唔知啊!睇返小朋友當時仲好baby,真係好搞笑啊!!花吪真係好似男仔(+﹏+)

Snoopy World @ Shatin

第一次坐小船的花花

簡唔中都同花婆去沙田,花媽經常都想帶花花去snoopy world玩,可惜一係太多人一係冇時間。今日花花唔洗再上playgroup,有時間當然要去一去啦!

呢到最吸引花媽的地方就係有免費的小船坐啊!!!想當年花媽都坐過一次駕...哈哈,當年仲係講緊電話三百萬像已經係好勁!!!但由於草草係到,花媽唔可以同花花玩小船,唯有托花婆婆同花花玩啦!唔知係咪大多小朋友玩呢?!果到的工作人員已經習慣整停船比家長們影相了。`(*^﹏^*)′ 如果小朋友1.2米以下就一定要家長陪同啊!

嬌肖的花花

而school bus又係小朋友最鐘意玩的地方,school bus冇野特別,又冇坐椅但就有小朋友最愛的呔盤一大個。個個排隊玩,可惜花花前面的內地哥哥死都唔肯讓比花花玩,所以花婆婆都勸服左花花離開了。而各位家長大可放心,school bus上有兩部分體式,唔會太熱又唔會夾凍呢!

超開心的花花

而最失望係snoopy world 竟然冇open個滑梯遊樂場比小朋友玩,又唔見得係維修中,希望下次花花可以玩下遊樂場設施啦!