花花。草草。每一天: 7月 2016

2016年7月26日星期二

申請passport

花媽最愛的hysteric寶寶

終於等到今日去申請passport了。真係覺得美國算係好方便,香港可申請passport的地方唔多,而美國就有好多了,因為指定的郵局便可以申請呢！只係最麻煩係有時多人申請有機會一個月都未必有期,而且打電話預約並唔一定有人聽(>﹏<) 這就是美國,乜都慢過人!!!但美國係一個現實的國家,有錢乜都可以特快―,.― 原本要4-6星期process的passport,只有加錢三星期內便可以完成。

由於加左錢,草草的pasport8月16日前便可以完成了!!∩__∩y

2016年7月25日星期一

Magic Mountain Playground

來到美國後,不停發掘新的公園同花花去,今次呢個公園真係好正,個滑梯有成兩層樓咁高,仲搞到好似城堡咁,花媽都好鐘意呢到。

個公園真係應有盡有啊!

個公園其實在Curi Odyssey附近,入去泊車都要擺底6蚊,但呢到真係可以令人好relax,近海又可以睇到飛機升降。放底左草草比花婆照顧,今日終於可以同花花同花爸出去。雖然我未坐完月,但始終花爸山長水遠嚟,冇理由要佢日日在家陪我悶啫,所以我都出左去。

花爸好耐冇同花花去公園親子了

講反Magic Mountain Playground先,真係大少少的小朋友同細少少的小朋友都啱玩,配套又齊又足,連滑梯都有好幾款啊!!!花爸陪花花玩左兩次高滑梯後,大膽花就自己行上去玩了。其實咁高,花媽自己都怕怕(⊙o⊙)

2016年7月22日星期五

噚日打左好幾次電話去攞出世紙果到,冇人聽,留左言又冇人覆。直接衝過去啦,點知同草草覆完診都差唔多4點,去到4點鐘出世紙果到關左門。咁好啦!今朝一早同花爸再去,真係估唔到佢真係有了。好好彩...一切都好順利!希望搞passport同攞到passport都順順利利啦!

美國的出世紙都真係唔平, 30美金一張。為左方便我就一次過拿左5張,依家乜都ready了。只等passport!\^o^/ 好期待返香港啊!

2016年7月19日星期二

細佬出院了

草味小春捲

今日草草同花媽可以出院了。 Y(^_^)Y 草草的黃指數都跌左,花媽主要都係比草草埋身,相信上奶都好快。

初生的腳仔真係好細啊!

由於花爸好快要走了,我地都好想快一D攞到出世紙,之後再申請passport。而代為申請出世紙的人好好啊！佢同我講正常要2星期,但一般佢地交出世紙上去都好快做到。佢星期三交上去,叫我星期四打去問下出世紙ready未。同時又好好彩我打電話去 San carlos post office預約申請passport,係花爸走前竟然有時間比我地申請啊!真係好感恩啊!

2016年7月17日星期日

草草出世了

各位好,我係草草

今日草草終於出世了！！！草草好乖,即使之前開左3度都冇早出嚟,堅持等都爸爸來到美國先出世。花爸星期日到美國,同我地食完晚餐即時入院待產。花爸同花媽係醫院訓左兩晚。草草對媽媽好好,只係痛左45分鐘就出嚟(其實兩小時45分鐘,但後尾的兩小時使用無痛分娩,所以完全唔痛)。

草草同花花真係好似樣

原來美國無痛分娩基本每個人都會使用,對於第一次用的花媽嚟講,只有一個字能形容-“爽”!!!在美國生BB,除左一人一間房,老公可以陪訓,一人一洗手間連浴室,仲可以待產時用電話,重點姑娘們都好nice。仲記得當年花媽係廣華生,姑娘超惡仲要即時收電話有如坐監〒_〒。當然收費大不同,但相信花媽用呢個價錢在美國生草草,香港私家連覆診一定唔得!

草草好乖,等埋爸爸先出世

草草的樣真係同花花一樣,但係只係迷你版花花`(*∩_∩*)′ 因為花花比草草重一磅, size就好似細一個碼咁,真係好得意。要不是教養的問題,花媽真係希望可以生多幾個小朋友啊!♡^_^♡

2016年7月16日星期六

認圖過程

由花花每日讀書,隔日玩字咭。花花本來只能我問“where is the apple?”佢指出邊張咭係apple,到依家花花能指出apple再讀出來。當然apple只係例子,花花仲識 banana, hotdog, cherries, napkins, knief, fork, spoon, tree, bird, moon, star, outside 等等的字。最近仲識將字合併, 例如 apple juice!講真,我冇教過花花,而且我一般只同花花睇無點讀的書,但最近發現花花能合併字應該同fun with words book 2 其中兩頁講合併字有關的。

依家花花22個月,我當時買迪士尼美語世界時,花花大約17個月大,有呢個進度的進步我真係好難想像。當時已陀住草草3個多月左右,算是給草草胎教亦給花花開始使用迪士尼美語世界。真想compare一下花花用oxford path胎教及草草用迪士尼美語世界胎教出來的教乜野分別。唔知到時草草會比花花用得更好嗎?!

依家每日我都同花花草草聽音樂,字咭就教花花時順便胎教一下,希望將來能於月齡上看到花花草草的分別。

如需索取迪士尼美語世界的試用裝,可到以下連結取啊!
http://www.worldfamily.com.hk/ffp/sl/preaf143

2016年7月13日星期三

Gymboree

第一次可以在牆外影花花咋

由於花媽快39週了,而且開左3度,花婆婆都避免我太辛勞,主動代為送花花返gym及同佢玩,當然在美國好少揸車又人生路不熟,花媽一定要一同前往才安心。下星期就到花爸一齊去了,到時我要照顧草草呢`(*∩_∩*)′

Paul媽媽好nice,見花媽大肚,都有幫花媽拉花花。花花又拉下Paul先

今次主題soft and hard,上次就fast and slow。老師會話the cushion is soft, this slide is hard and that slide is soft去比小朋友感受硬及軟。而上星期則上斜is slow落斜is fast等等。始終花花比較慢熱,要熟左地方同人先敢自己去玩。今日轉左老師,所以花花又有少少驚了。

花花準備行落斜了Y(^_^)Y

2016年7月12日星期二

好快見到草草了

又到一星期一次的產檢,今次產檢醫生同我講已經開左3度(⊙o⊙) 我竟然又係後知後覺,相信我好能忍痛。比醫生檢查完我覺得好唔舒服,始終有少許大力。由於美國法例39週後才可催生,所我38wk5的草草未能催生。而且花爸要16號先來到美國,希望可能捱到花爸來啦。而且美國即使開左5度,只要未有生產現像(穿水/見紅/有規律宮縮)都一律回家候產。

現在花媽主要做的訓床,但事實上並唔係你想訓就訓的。因為花花太活躍,佢會不停偷襲或明襲肚內的草草(>﹏<)

開放日或K / pn 17-18 報名表

開放日或K / pn 17-18 報名表
(From mama whatsapp group)

現時報名
啟思附屬 K
大坑東/石硤尾/李鄭屋/觀塘/雋匯/天恆幼兒 pn
ABC Pathways pn / k
聖雅各銅鑼灣 pn / k
聖雅各麥潔蓮 pn / k
聖雅各寶翠園 pn / k
雅士圖 pn / k
施德福 k
約克 pn / k
boxhill pn / k
聖文嘉中英文荃灣 k
任永賢 pn / k
奧基 pn / k
趙靄華 pn / k
萊恩 pn / k
綠茵嵐山 k / pn
柏基香港 / 九龍 pn / k
聖公會慈光堂聖匠 pn / k
榮光 pn / k
救世軍吳國偉 k
偉思 k
柏基海韻 pn / k
英藝 pn / k
宏廣 pn / k
聖若望 pn / k
====================
7/15 明我 pn / k 報名表下載
7/18 聖心公佈報K資訊
7/25 平安福音堂 k 報名
7/30 平安福音堂 k 截止
8/1 真光堅道K報名, 各啟思 pn / k 報名，思博 pn / k 報名
8/8 威廉睿智 pn / k 報名
8/12 真光堅道K截止
8/22 聖公會荊冕堂士德k報名
8/26 宏廣交pn / k 表，崇真k 簡介會
8/27 綠茵浪澄灣/南豐 /坑囗 /馬鞍山 1-9月b pn / k 報名，康傑pn / k 報名
8/29 崇真k 報名
8/30 寶寶1-8b pn 報名
8/31 任永賢 pn / k 截止
9/1 灣仔堂 pn / k 報名，右思維 pn / k 報名，救恩K報名，聖文嘉何文田 k 報名
9/2 安基收表
9/4 康傑pn / k 截止
9/5 寶寶1-8b pn 截止
9/7 循道衛理主恩堂 pn / k 報名，蘇浙pn報名表下載
9/8 寶寶 9-12b pn 報名
9/9 綠茵坑囗pn 截止，蘇浙pn 報名表截止下載
9/10 綠茵南豐 / 馬鞍山1-9月b pn 截止, 平安福音堂簡介會，蘇浙交pn表
9/11 崇真k 截止
9/12 聖若瑟堂 k 報名, 綠茵馬鞍山 10-12b pn 報名
9/14 寶寶pn 9-12b pn 截止
9/17 趙靄華k截止
9/19 明我交pn / k 表
9/20 寶寶 k 報名
9/22 綠茵10-12 月b pn 截止
9/24 聖若瑟堂 k 截止, 綠陽 pn / k 報名, 觀塘浸信會k 報名及開放日，聖若望 pn / k 截止
9/25 聖公會荊冕堂士德k截止
9/26 寶寶 k 截止
9/29 安基 pn / k截止
9/30 安怡 pn / k 截止，右思維 pn / k 截止，女青長青 pn / k 截止，根德園報名資料
10/1 各英基K報名, 天主教海星k報名
10/8 宏廣面試
10/11 路德會救恩 k 報，吳國偉 k 截止
10/15 宏廣面試, 路德會救恩k 截止，聖公會荊冕堂士德簡介會
10/31 大坑東/石硤尾/李鄭屋/觀塘/雋匯/天恆幼兒 pn / k 截止, 聖雅各麥潔蓮及寶翠園截止，各啟思 pn / k 截止，各英基K截止，思博 pn / k 截止，聖文嘉幼兒 pn / k 截止，栢基海韻pn 截止，明我K截止
11/1 聖若望K面試
11/5 任永賢開放日，綠陽k 面試, 聖羅撤 k 報名，聖公會荊冕堂士德k面試，明我K面試，崇真k 面試
11/12 聖羅撒 k 報名
12/3 綠陽pn 面試
12/17 趙藹華pn截止
2/13 明我 pn 截止
2/18 明我pn 面試
3/1 聖保祿幼兒園報名
3/4 聖若望pn 面試
3/5 聖保祿幼兒園截止
3/11 聖若望 pn 面試

2016年7月4日星期一

JULY 4th long weekendp

Ryder Park

Standgord shopping center

呢個long weekend 對花媽,花婆同花花來講都係又充實又攰。第一日我地先到Ryder Park玩。玩完再去standford 行街,花媽仲發現standford 的Janie and Jack比較平呢。所以就退左兩條裙,等佢其他店平D再買反Y(^_^)Y

第二日我地再戰Valley Fair,花媽花婆當然買左女人必買的內衣褲啦!相對香港的內褲,呢邊27.5有5條啊！而胸圍就差唔多價錢。