英語為主的K1 interview

前日花花一見到美語世界的booth就即時衝過去

今日同花花返Pebbles，一個家長同我講佢好後悔冇同女兒多用英文溝通，因為佢發現interview後，好多學校都係以英文interview，而且當in外國人時佢囡囡就會目定口呆唔敢出聲。其實我真係覺得好可惜架，因為我覺得佢囡囡雖然係11月細B但好聰明，佢囡囡未足兩歲已經可以講句子仲要係有對答講中文全名。唔知我真係以為佢囡囡同花花一樣大只係個樣生得比較Baby.

花花幾時咁鐘意zippy架 😄

當然，事實上都有部份學校係可以比小朋友選擇以中文或英文作interview例如st cat及劍鳴，有部學校係兩樣都考的例如德望，亦有只考英文的例如SJC、York及金巴倫幼稚園，亦有睇彩數抽的例如民生及只考中文的根德園及崇真本地班等。由於小朋友的first language已係廣東話，我會expect小朋友好容易會學識因為即使家長唔講中文，四大長老甚至街外人都一定以廣東話溝通，聽得多要明白又有多難呢?!但英文就唔同，試問在香港長大的我們，讀足9年免費教育出來的英文是怎樣呢??我只能說,相信要不是花媽係美國讀過書，我諗要我同外國人溝通我都會驚!

我地仲未開呢張桌，原來花花咁鐘意佢!
一見到書，點讀筆就即時想玩。

所以我就好確定要自小給花花一套好的教材，原本買左的oxford path以為一心搵到合適的，仲一心以為英式口音好所以買，但最後買到的唔係英式口音而係一套要家長自行天天同小朋友閱讀的課外書，那我在淘寶買一套oxford reading tree都可以自己教啦!所以到有左草草就買多一套迪士尼美語世界比兩姐弟一齊用，我要的係一套完善的教材，當然迪士尼美語世界的價錢唔平，但真係只可以講要有買貴沒有買錯!!!看到花花呢段時間(特別係現在兩歲的output期)，花花開始會講多了說話，證明花花學習了。當然相比一些胎教已用迪士尼美語世界的小朋友係差一部分，只要上迪士尼美語世界的網頁便可以知道有更多更細的小朋友可以一早認字了。

其實花花很喜歡pompom的

而對於Pebbles的家長同我講自己囡囡一見到外國人就唔出聲，當然都同見得多唔多人有關係啦!我一直都會比花花上playgroup，其實花花都有一段時間好驚見到外國人，除左後期去左美國日日見外國人而唔驚外，美語世界內的演出小朋友及大人都係外國人，見得多就自然唔驚啦。而係香港又可以點先見多一點外國人呢?除了勁貴的playgroup外(有時仲有未必一定係外國人教啊!)，美語世界都提供左一D又平又富趣味性的playgroup比家長同小朋友參與。只要好好運用美語世界呢套教材，小朋友面試真係唔洗怕中文in定英文in。更加唔怕係外國人定本地人in了。

為左小朋友的N班或K1面試著想,真係唔好遲。唔好出年考完晒先嚟講遲同後悔,花媽已經一日提醒你了。拎反套試用裝都好有用架!

http://www.worldfamily.com.hk/ffp/sl/preaf143

St Cat K1 Result

今日終於收到了St Cat信,真心有少許失望,因為花花只有PM waiting,同時花花讀Manhabit的朋友仔及Pebbles的朋友仔全都只有PM waiting,當然上EK都見到不少收到am 及 pm offer的大細B啦。恭喜各位!!!

不過先要說明唔係Manhabit及Pebbles的小朋友唔叻,只係Manhabit的朋友仔最大都只係7月B最細係花花9月尾。Pebbles的最大係9月中小朋友最細係12月尾小朋友，可能小朋友臨場表現未如理想，所以不獲取錄，但花媽總相信會有更適合自己小朋友的幼稚園。

不過唔緊要,花媽要努力準備自已,因為學之園的interview係in家長,唔係小朋友。

聖羅撒 K1 interview

In完德望再in 聖羅撒,先係門口排左一陣,爾入去排隊登記,再到禮堂等叫名排隊到班房門外面試。一間房約有4-5張面試枱。小朋友同小朋友一齊坐,有老師同佢地玩(應該唔計分),然後主要in父母。

由於花爸來唔到.老師就問爸爸點解唔嚟。再問平日同小朋友做乜架, 去邊到玩,點同小朋友學習,邊個照顧小朋友會邊個接送小朋友返放學等等。都係好基本問題。父母們,加油啊!!

德望 K1 interview

橫風橫雨下完成德望interview,花花表演相當差,應該無望。當係一次經驗吧。

其實早到可照入,由家長其中一人帶小朋友進行面試。一組6定7個小朋友,小朋友每人順序坐在小椅子上,而家長亦順序坐在後方較遠椅子上。課室有3位老師,我相信一位年紀較大的係評分老師,另外一位年輕的及一位Net同小朋友傾計玩遊戲等。由於年紀大老師會派發問卷比家長填,所以我冇太留意老師問的問題。大約應該係問小朋友名及比小朋友從袋中抽出生果及不同玩具,再問乜嚟及顏色等。問題只有一頁及一條題目類似“點解選德望?”只有5分鐘填寫。

由於花花拎左條蕉比我(離位),送禮物又走去我到(離位),所以應該無希望。大家加油啊!!!

Noah’s Ark 親子旅行

看住花花長大,好似同同學仔傾計咁

一年一度秋季旅行,係上年差唔甬時間就去左noble place的秋季旅行,今佃花花長大了,去學校的秋季旅行。

條頸長到我影佢唔到的 giraffe

好可惜上次同今次的秋季旅行花爸都join唔到,因為花爸有工作在身,所以我地都不停share相比爸爸,而草草則由婆婆代為照顧。

個景好靚啊!💖

其實花媽都係第一次入馬灣,第一次去Noah’s ark。一直St andrew church 前幾個星期一直都講緊羅雅坊舟,真好...今次比花一個真正的小體驗。同時羅雅坊舟係唔單止坊舟咁簡單,仲有唔同的體驗例如文字館,化石館,未來館,音樂館等(名我唔肯定,但都太約係一d體驗館咁)。對花花來說係比較難,但親子一下亦無防。

見到佢,我即時想起美語世界的circus,
即問花花 acrobat, strong man, circus bear...答啱晒。
誰說現在沒馬戲班???

 後來仲發現原來羅雅坊舟係仲有酒店架,真係如果花爸放假帶同小朋友兩日一夜都算係一個不錯的體驗呢。

Walking look at me.i am walking ...

去完呢個秋季旅行,花媽都筋皮力盡。而花花係車到中途都暈左了(中間冇午睡啊!)

聖誕卡/飾物設計比賽

學校每佃總有一D設計比賽比小朋友及家長親子完成。聖誕呢個普天同慶的日子,花媽都用盡自己的腦汁,完成左我第一份親子(自)設計。雖然有大部份材料要購買,但依然主張癈物利用。不枉花媽當年讀美術,其實我仲係熱愛做手作勞作的,只係冇時間。呢個作品,都用左我幾晚冇得早訓,暗左花花草草訓後先可以製作啊!!!

學校通告話只要參與都有獎狀,為左花花多張紙,我努力下來。有幸仲有機會得到冠亞季冠上台攞獎啊！期待12月15日的聖誕party!

“親子聖誕卡/裝飾”
材料:
樹 -
pompom球3包(12蚊店有售)
爛羽毛球一個
兒童餅餅唔要紙盒一個
厠紙筒一個
樹上小配件 (1x個)
閃閃鐵線 (製作樹頂星星及士的棒用)

雪人-
製作熊貓材料包一個(12蚊店有售)
閃閃鐵線 (製件聖誕帽及鼻)
三粒3mm閃石

聖誕老人-
白色輕黏土 (肉色,紅色,黑色水筆)
牙纖一支

雪地-
白色輕黏土
白色閃粉

學之園 K1 2nd interview

由於花花係學之園表現都唔及其他學校的好,所以我一直唔認為花花會有2nd in,但點都好...點都check左先,喜出望外...竟然有啊😇😇 真心覺得好高興,因為學之園都係花媽心頭好之一,雖然有2nd in未必有offer,但始終證明左花花能做到老師指領。

同時,我真係想提一下美語世界的好處,呢段時間,我同花花in超過十間學校,起碼有一半以上係有net或英語老師interview,說明了英文對現在interview的重要性。即使民生只傳統龍校,以為佢唔算太注重小朋友英語?錯了,interview一個課室抽纖竟然有2個net1個中文老師。換句說詰,小朋友有2/3的機會面對英文老師interview,比例相當高啊!

首先小朋友一定要唔好怕英語,點樣小朋友先唔怕英語?就要製造一個英文語境比小朋友,迪士尼美語世界真係可以比到語境小朋友,不停播歌真係好有用,同時花花依家聽spoken version,用點讀筆及碌咭機都會跟住講,聽CD又會跟住唱。好多時,花花仲會無意間講出句子,例如 Alvis wakes up, Alexis eats apple等。每星期仲有一次同外國的哥哥姐姐傾美語電話,既可訓練小朋友領聽又可訓練小朋友說話。

其次係唔好怕外國人。我有朋友同我講,自己小朋友interview時見到外國人呆左,明顯地係接觸外國人太少了,而花花對外國人並唔陌生,可能因為有參與st andrew church playgroup及迪士尼美語世界的活動,都係同外國人互動的。而美語世界的DVD都有唔少以外國人真人演出的片段,相信可以令小朋友對外國人減低戒心。

最後,美語世界的play along set有好多唔同玩具,直接同簡接教左小朋友顏色(ball及bells)及動物(whats inside? can you guess?)。同時主課程有教小朋友要sharing及takes turn。因為好多時interview都會比一埋玩具比小朋友們一齊玩,從而睇下小朋友有冇搶玩具或唔比人同佢一齊玩。當然,我叫花花唔好掙玩具好難,但呢個時候我會叫花花wait及take turn,一般花花都會合作。

所以,我只能說美語世界唔單止係一套教材,仲有一系列的service。好多人都覺得教材太貴,的確教材唔平,但小朋友的學習先係無價。以香港的教育制度,如果家長唔投放資源,小朋友能夠入到名校,除了好運(小學大抽獎),相信小朋友係天才。但即使小學大抽獎入到名校,英文根基打唔好入要重新適應或到時發力,結果辛苦小朋友又辛苦自己。那何不由小時候開始將學習變成習慣及興趣呢?

想了解便多迪士尼美語世界,記得攞一套試用裝睇下,試用都睇到小朋友好投入架！
http://www.worldfamily.com.hk/ffp/sl/preaf143

培道K1 interview

In 培道真係令花媽有一種莫名的感覺，因為呢一間係花媽的母校，由於幼稚園到小學都用同一個校舍對足9年，所以花媽對學校都有好深印象。由於In創價遲左，花媽都遲左30分鐘先到，但好彩都有得in。但同樣地要排隊約要30分鐘先入得去interview，而且冇地方坐，所以都幾辛苦啊!等待途中，花媽人有三急要去洗手間，UM.......洗手間有少少臭，好大陣UP味。

入到去interview 的密封地點，我地要再等，但可以坐係地下玩住mega block等。之後再由老師抽樣叫你去interview，雖然係花媽母校，但的確花媽覺得IN花花的老師唔算有愛心。

老師首先會問小朋友你叫乜名?今年幾歲?係男孩子定女孩子?佢手上手偶公仔係男孩子定女孩子。跟住比香蕉花花乜呢個乜來的，再比火龍果花花問花花乜來的。當然花花唔識答花龍果只係玩切切樂啦~再比一張圖花花，指住車車問花花邊嚟的，再問花花乜野顏色。再問花花圖中邊隻飛機係黃色....😨😨係咪難左少少呀?!公主圖案係邊...帶皇冠果個係公主呀!(真係咁難!!!)

其實過程老師都比較hea...真係睇你遇上咩老師。因為有家長話會問布偶公仔的眼耳口鼻等等，而花花就完全冇。

價創K1 interview

創價係一間Happy School，主張尊重小朋友的意願，校舍大，老師有愛心學生品德好，校風純樸，而且有政府資助，一直深受家長歡迎。

今日去到就見到大批小朋友同家長一齊出席等面試，相傳學校比較鐘意家長二人一同出席，所以花爸花媽都一同出席。花花interview時間係10點正，但我地就等到11點左右先有得interview。一去到，當然先要登記啦!!估唔到老師們都穿上整齊的制服啊!由於花花被分派到Classroom 1，我地只要係地下果層等待，花媽都留意到樓上應該仲有456號房的，而再上一層就有個小的遊樂場比小朋友玩。為免花花掛住玩唔肯走，花爸花媽只比花花係地下果層。

由於花花等等下已經好累及開始失控，所以花媽走到老師前問老師仲有幾多個人先到花花，老師真係好有禮貌咁話唔好意思要你等咁耐啊~唔計入面的小朋友，仲有三個就到花花了。老師真係太好禮貌了，搞到花媽真係覺得有少少唔好意思。

終於到花花了，面試約只用10分鐘。

老師首先問小朋友叫乜名，邊個同你來及你今年幾歲。再比一張公園圖比小朋友，問小朋友知唔知呢到邊到呀?指住滑梯指住千秋指住沙問小朋友知唔知圖中小朋友玩緊乜呀等等。全以中文作答，當然中文唔好的花花唔識答啦，但老師都好有心機咁教花花講千秋等字。跟住老師會拿出jisaw puzzle比小朋友配對反啱的住置同比lego小朋友自己玩。此時就會問家長以下問題:

1. 平時邊個湊小朋友? 花媽答我自己湊的 (學校應該比較鐘意全職媽媽)
2. 你鐘意創價乜野?(父母都要答)
3. 你欣賞小朋友乜野呢? (父母都要答)
4. 如果am班滿左，你會選pm班嗎?

協恩K1 interview

今日花花協恩interview,in早上9:10。學校好有規律,準時面見。首先家長同小朋友坐在禮堂等到自己號碼就出去排隊。由家長義工帶領,一名家長排藍色線,小朋友排紅線,對名碰貼上sticker。再由家長義工帶領家長及小朋友到房間門外等候,大約6個小朋友一組,再由老師帶領入房玩。當然有小朋友會唔肯入房啦,呢個時候家長在課室門外等候,約3分鐘左右睇下有冇小朋友因喊而被趕出來,被趕出來的可能比家長安慰一下再入去或冇得再入。成功入去的小朋友就開始interview。家長則行去另一邊門接反小朋友。

花媽同其他家長一齊等小朋友時，發現小朋友都係9月出世，相信學校係排過同月齡小朋友一齊interview，的確咁樣係公平一點啊!因為如果遇上1月或2月的小朋友，差成半年真係被比下去呢~

過程十分快,我地9點去到,基本9:30已經上車了。準備去創價了!!!😃😃

何文田維多利亞 K1 interview

一心諗住今朝民生in得差,維多利亞都一定差架啦,所以都唔抱希望的心態。點知一反常態地好心情(⊙o⊙) 喜出個大望來!!!

首到到安排的房門外登記及等待入房。估唔到上年嚟in過,花花今年仲有印象,因為花花一入去就想向前行,佢記得直行有滑梯玩`(*∩_∩*)′  講番面識先,等左一陣已經可以入房了。房入面有5個老師,其中兩個不停mark分。其餘三個分別係廣東話,國語同英文的老師。小朋友坐在有玩具玩的桌子旁,老師通過一邊玩玩具一邊同小朋友傾計,廣東謝老師只問左花花幾個問題就走了,反而國語老師不停同花花傾計,問花花名字,爸爸係邊,識唔識國語等。又教花花用夾子夾香蕉同骨頭放入動物口中,之後英文老師走到花花附近同花花傾計,叫乜名仲問佢魚魚的顏色。之後收拾玩具,再去聽故事同唱歌做動作。

故事中有唔同動物,老師都會叫小朋友同動say hello同say bye.之後再比搖鈴小朋友,聽音樂跟住做動作。今次花花好跟指令,動作又做到,即使入唔到維多利亞我都覺得滿分表現。

民生K1 interview

剛剛同花花in完民生,第一次入民生,真係好大。而且相信幼稚園翻新過,所以都覺得設施又新又靚。完全改變左我對民生的傳統觀感。

首先係排隊登記,記得拎出世紙正本啊！小朋友會被安排到一張枱到玩玩具(有幾個小朋友一齊玩)唔知有冇mark分,但有老師在寫寫寫又會出去睇下另一間房完成未咁。

之後再到另一間房門外等候準備interview,有中文或英文老師interview。唔知係點安排用英文定中文in了,幸運地花花係用英文interview。老師先叫花花坐下,比不同顏色的積木問花花顏色,當然色盲的花花只能答出blue...(>﹏<) 錯左老師會叫小朋友跟佢讀一次。再叫花花拎最鐘意的顏色的積木及講出係乜色。跟住有一張媽媽同小孩玩車車圖,圖外有不同英文字母及數字。老師會指出數字及英文字母叫小朋友講出來,(花花竟然識字母,數字係唔識的),再問圖中的係爸爺定媽媽,佢地玩咩玩具。之後完成,送小禮物及多謝。推椅。完成

World family magazine

每次一有world family magazine,花花總是愛不釋手。

唔好以為買左迪士尼美語世界(DWE)的教材就只有聽CD,睇書,玩咭,睇poster,玩玩具,睇dvd。其實DWE每兩個月就會出一本magazine,裏面除左介紹嚟緊有咩活動,仲歡迎用家家長分享使用心德,所以花媽都分享左一篇小文章,希望鼓勵買左DWE的家長要堅持使用,小朋友都會覺有所成。同時,花媽都可以從其他家長文中偷師,睇下有咩好方法教導花花。另外,只要投稿一經刊登,就可以免費獲得精美米奇老鼠書桌一張。所以,買又點只買一套教材咁簡單,仲有野送Y(^_^)Y。好野,花花同草草又有新桌子用了。

看到我的文章嗎??

再講講world family magazine先,每兩個月出版一次,內容大致講下最近有咩活動可以報名等等。另外仲有一本小雜誌叫world family kids world,每期都會有關於zippy and friends唔同的故事。好似今期就講關於聖誕節,噚日花花收到雜誌就立即拎住要爸爸同佢講故事了。而書本亦汞有點讀筆可以額外購買。暫時花媽未有買比花花,等花花大少少,我地集齊多少少故事時可以當比課外讀物比花花自己一邊點讀一邊睇。而且入面仲有少少exerciae比小朋友當習作做z選買DWE的父母,真係唔好當magazine係垃圾,其實佢地係寶呢!!!

故事內容

係呢到我再同大家share一下我的文章,係教小朋友問口說謝的。

作為一個全職媽媽,能夠每天看著小朋友成長除了開心還有憂心。開心當然不用多說,但憂心卻有很多,憂心小朋友生病、沒有便便、不說話等等。生病我可以帶女兒睇醫生,沒有便便我可以比女兒多吃蔬果,但不肯開口說話真的令我很頭痛。

雖然我的女兒在1歲時已會發出20個不同的音,但音字限於“b”及“p”音的字,例如“爸”,“ball”,“bubble”及“婆”等字。作為媽媽當然想快一點教懂孩子說話,所以我每天外出都會告訴女兒“tree”,“sky”,“grass”,“sun”及“moon”等字。在家則和女兒玩playmate咭機,每天約5-10張字咭,每日三次,其中一次我還會錄音。聽說小朋友很喜歡模仿大人,所以我拿起mic,先自己講再把mic放到女兒咀邊,起甴她也不肯開口,但某一天,她突然開口跟著字咭讀字。更不能相信的是有一次佢突然指著樹說“tree”,晚上指著天空說“star及“moon”。

原來一直在玩的過程中,女兒已經不斷吸收,只是沒有動力使她開口說出來。而playmate咭機正正激發了她開口說,現在她除了會拿著mic說生字,現在剛兩歲聽到ABC也會唱了。


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

學之園 K1 interview

校長送給每個學生的一份禮物

今日花花去左學之園interview,由入去到走剛好用左一小時。

首先入到去登記(記得帶正本出世紙啊！),交45元,員工會給小孩給媽媽一人各一個名牌扣住方便老師認出學生。等待大約10分鐘便由老師叫名interview了。大約6個小孩入一間課室,每人安排與一個老師面試,家長則坐在小孩旁邊。有人考英文有人考廣東話,相信係填報名表時已選面試語言。老師首先會介紹自己再問小孩名稱,由於花花怕羞所以答好細聲,老師第二次問先知花花有答。跟住比張圖有一個男仔兩個女仔。老師叫花花指出邊個男仔及邊個小朋友在讀書。跟住老師就問花花喜歡閱讀嗎?花花點頭就比本書花花叫媽咪一齊睇,當然花媽就好似本時咁比花花自己揭書,揭到邊頁就加以解釋。例如有個奶樽,花花自己講milk, alvis drinks milk.我就同老師講alvis is her little brother. 老師再問花花do you drink milk?花花答yes.大約花花揭到邊頁我就同佢講少少野。第一個面試完了等埋其他小朋友到另一間房。

到另一間房係有兩個外籍老師,老師自我介紹完就叫小朋友坐下。先唱open shut them warm up,其中一個老師在mark小朋友有冇跟住做動作。之後有不同動物叫小朋友出去搵反動物baby作配對。完成6個小朋友再唱good bye song,再到最後一間房。

最後房間應該冇mark分,主要小朋友玩玩具大人填問卷。有兩條問題,大約係咁...
1. 你期望學之園可以比到乜野你的小孩?
2. 講出選校3個重要元素爾加以說明(類似係咁)

完成再等校長送出圖中精美禮品。重點要記住選班啊。普英班是零廣東話的。

各位good luck!

金巴倫英文幼稚園K1 result

今日下午收到金巴倫英文幼稚園,喜出望外地花花收到了offer仲要係am offer。真係好吸引...花爸同花媽都好開心,因為金巴倫都係一間唔錯的學校。花爸同花媽都好注重英文語境,金巴倫雖然係兩文三語,但每日只有40分鐘英文堂,花爸花媽無疑地覺得其夠多,學校入面只有5位英文老師,所以花爸花媽都覺得未必合適。

經過簡介會後,花媽真係好心儀金巴倫,只係語境唔夠聖若望好。即使聖若望排名唔夠金巴倫高,花媽都會選擇聖若望。花媽認為應該選一間適合小朋友的學校,而不是因為名次而選呢。

SJC result

承蒙SJC的錯愛，一直冇諗過花花會考到SJC，最後竟然收左花花，的確喜出望外。一個神秘的面試，相信主要考分離，其實只要有返N班，相信小朋友唔難做到。花媽花爸都好意外，當我同花爸講時，花爸都唔相信。而係花媽心目中就有一個疑問了，學校應該會選會合適自己的小朋友，究竟N及K1都收花花的SJC係咪真係覺得花花係咁適合呢學校呢??

其實花媽花爸都心儀SJC，原因好簡單，因為SJC全英語教學，只有中文課用中文外，其他全以英文，久而久之...小朋友互相的溝通都變成英文了。花爸花媽一直都覺得中文係母語，唔會講得唔好，但英文唔係母語，講得唔好用得唔好係好正常，但好多小朋友因為英文唔好而唔敢講唔敢用，所以花爸花媽一直堅持英語的重要性，最少我們有著唔希望花花怕英文。

劍鳴K1 面試

等待室有書讀有玩具玩

劍鳴的感覺似fun fair多過面試 ,其實咁都好架,小朋友冇咁大壓力嘛!!!我們選以英文面試,一間課室容納兩位小朋友各自面試,一個in中文一個in英文。

首先,老師會照問小朋友乜名,旁邊的係邊個咁打開話題。花花照舊唔答名,老師就問花花係咪叫Alexis呀?花花點頭了。後來問旁邊係邊個,花花即望住我笑笑口咁答媽咪。(我好冧駕當時♡^_^♡ ) 老師比4張咭花花抽,其實最終都問晒4張的,有杯/手/蘋果/香蕉,分別要講出係乜野嚟,仲有問咩色(除左手冇問顏色)。再拎積木叫花花又左邊碗放到右邊碗及疊高。然後就拎架車仔問花花係乜嚟,再在地下推架車仔,叫小朋友執起比反老師。老師送出小禮物,要求小朋友說謝謝。推椅子。完成

有小朋友杲愛的泡泡

 樓下就好似fun fair咁,有泡泡有做magic wand,有音樂樂器玩,有書賣。花媽都買左6本書比花花。

花花超愛玩呢個

崇真K1面試

今日精神奕奕的雙眼皮花花

今日崇真面試,以為唔可以揸車上去,點知膽粗粗上去又放行喎!!!Good.唔洗抱花花上長命斜花媽即時覺得有運行`(*^﹏^*)′

崇真流程尚算smooth,花花時間係1440,我地早左少少到,其他早到的都係1440等入校,只有少數係1440的家長。其實1500花媽同花花已開始下山,可想而知幾快!!!

首先家長及小朋友進入禮堂,等待員工check齊文件就比張粉紅紙證明文件齊全可交比老師。再到課室門外等候面試。過程簡單快捷,考花花的老師親切友善,聞說亦有老師黑面好惡。

面試模式二人PK賽,即兩個小朋友(家長坐小朋友後面)一齊考,題目一樣時做。由於花花中文唔好,所以花媽都好驚今次的interview會冇反應,幸好有返Pebbles同Manhabit,中文進步不少。

老師會先問小朋友叫乜名,食左飯未等等。(花答得好細聲, 口upup我當佢識答架喇\^o^/ )跟住老師比一杯/一毛巾問小朋友乜嚟架同用嚟做乜(芘花完全唔識,隔離小朋友提埋佢)。後來老師比一個膠螺絲及膠配件,叫小朋友搵出顏色與螺絲相同的配件(由於花唔識聽,做錯我亦不足為奇,平常心)只係隔離爸爸一見花拎錯,忍不住笑左出嚟！天啊！乜野人嚟架???咁黑心嘅!!! ╰_╯ 不要緊!下一個環節,老師叫小朋友跟佢拍三下鼓,在老師提示下,花花都成功拍了三下,而另外小朋友就同老師講唔拍\(╯-╰)/  well...太聰明太有主見亦不一定係好事。最後老師送出玩具講謝謝推椅,面試成功.!趕下場劍鳴了。

金巴倫英文幼稚園 K1面試

金巴倫的戶外遊樂場,每個小朋友都玩得好開心

今日花花有又一村同金巴倫的interview,但由於撞期,最終花媽決定in金巴倫,因為心儀佢 montessori的教法,而且上次簡介會十分精彩,冇悶場同睇得出小朋友真心鐘意學校及有歸屬感,所以特別欣賞呢間學校。

花花超愛呢間小屋

先講流程,首先登記,等叫名入內面試,花花組內6人一組,但花媽估計最多8人。因為面試房內有8張小朋友坐的椅子。一個家長陪同小朋友面試,一個負責聽講座及見老師。

小朋友面試全以英文作答,首先老師同小朋友warm up做下熱身過動再唱hello song做動作。之後老師帶住手偶一個一個咁問小朋友叫乜名?坐後的係爸爸/媽媽嗎?再叫小朋友同手偶握手。之後叫小朋友出去外面取老師所講的水果再放回桌上(apple/orange/banana/pear)。老師拎住不同顏色的木圈圈叫小朋友放回屬於圈圈色條柱內。再問小朋友不同動物名(dog/elephant/cat/lion) 。再唱head shoulders knees and toes。小朋友就去另一桌上玩lego。疊高同打橫順序放。玩完放返入籃坐回媽媽前面,記得推椅子啊!

In完.又爛一對絲襪

而問家長4 條問題。
1. 假期同小朋友去邊玩?
2. 點解選呢間學校?
3. 邊個照顧小朋友?
4. 忘了。記得補反

St Cat K1 interview

人龍。。。(圖自朋友)

能夠稱為神校,相信係每一個家長都希望小朋友能入的幼稚園。花花上屆因為未到年齡連報PN的機會都冇。今年,終於可到神校見識一下。可能花花係下午頭一場,而且我地的時間係1:45pm,我地都早左15分鐘到。人龍唔多,但考完時(⊙o⊙) 人多到你唔信,神校斜對面澳洲國際學校企滿家長,連抄牌的人員都有兩位助陣。

考前唱歌仔,心情大靚。

首先,可能花媽早到,所以in完都只係2pm。成個過程流暢,首先先到一間房進行登記(信中提及要帶掛號紙,但登記時冇問花媽取),然後按所選用邊種語言interview來分人面試。大約5個小朋友一組,帶到一間房(房內4張桌都有lego)。小朋友坐下就開始自己玩lego,有喊要鎷咪陪玩,有自己玩,有人搶玩具,有人玩疊高。當中老師會同小朋友以廣東話講野(花花係考英文的),當然大部分小朋友都係掛住玩玩具而無視老師,都有少量會有回應老師,亦相信係大B。玩完後,小朋友就跟住媽媽在操場等老師叫名帶入房間面試。

In完仲識學人扮pose影風格相

來到最緊張的環節,老師叫家長填一下問卷,而老師就開始interview.花媽相信問卷只係比D野媽咪做,所以都冇好用心填,只係求其填一兩句。問題有4條。
1. 對小孩在學校學到咩
2. 用兩句或兩個字形容小孩性格
3. 當小孩在public扭計時,你會點?
4. 點培養小朋友學習興趣
當家長填問題時。外籍老師便問小孩“whats your name?”“how old are you?”當然花花冇出聲。後來老師就話咁我地玩遊戲先啦(英文)。
1.考puzzles - 4格豬仔puzzles,老師放一塊,小朋友放3塊
2.夾夾仔 - 有隻rabbit,老師夾一個夾子,小朋友夾一個,total兩個
3.揾不同-三張卡(ball)其中一張唔同。比兩張一樣老師
4.指眼耳囗鼻 -rabbit的耳仔係邊
5.看圖指出或講出老師講嘅物件和動物 -有張picnic圖指出車車仔邊同老師指住鴨仔問花係乜嚟
6.講顏色拼卡住圓形玩具-有一個圓形可以卡住的玩具叫小朋友玩同問小朋友其中一個顏色
7.放老師講嘅物件在一個拉鏈袋內再拉埋 -老師叫花放蛋同香蕉入袋再拉拉鍊

當然可能每個人的老師問的都唔同,有人話比唔同地方圖,老師講例如library/park等就指反出嚟。

由於之前花唔答問題,老師同佢玩耐左就再問花花叫乜名,花花都係唔答,老師問你係咪叫Alexis呀。花點頭,老師比左塊餅比花,叫花講thank you,但花就照走了。我就同花講要講thank you,講完佢即走(>﹏<) 我就叫花推反張椅。佢就好開心咁走了出去仲同其他老師make funny face`(*∩_∩*)′

其實都係志在參與,花的表現已在我期貨以外,我已經覺得好安慰了。

SJC K1 interview

花花今年K1第二個interview,同PN相比, SJC今次開放左遊樂場比小朋友玩,好多小朋友都唔捨得走啊!

當PN成個interview至簡介都以英文進行,今次就有中有英。其實今次K1 interview其實對好多小朋友都係一個大挑戰,因為小朋友要一個人入去interview.最可怕的地方其實係一個一個叫入去,好似進行死刑咁╯﹏╰

幸好,我同花花講Miss Heidi hides inside the room, can you please find her? She hides like Mickey and Minnie. Mickey and Minnie hide behild the chair. 好彩美語世界有教呢個字。 跟住花花仲要急不及待咁起身想入去,實依家仲interview緊架。坐在外面的家長都係傾下計上下網,同時聽到小朋友不斷的喊聲。(>﹏<)

如果小朋友未有返PN或未能習慣同陌生人一齊,對小朋友來講都係一個大挑戰。最後,小朋友都由老師們帶出來,當中有小朋友笑笑口,有小朋友喊晒口,亦都有小朋友呆呆滯滯咁。