AIA 嘉年華

又到一年一度的AIA嘉年華，又係花爸花媽燒銀子的一天。上年因為草草太細，所以冇同草草去，今年終於可以同花花草草一齊去了。但原來花媽發現，草草因為得果歲半，大部份玩意都玩唔到。

上年花花玩完喊，今年再接再厲，都喊😭😭

其實草草真係太細個了，花媽都唔放心比草草玩。今年花媽先發現有Circus show啊!!明年真係要同花花草草一齊睇呀!咁佢地就可以將迪士尼美語世界書本、CD、DVD、Activity games 入面Circus Show的畫面滆入係現實生活中。

花花草草第一年一齊到AIA玩啊

其實花媽好明白，好多人都會話迪士尼美語世界都成廿年了，out-date晒啦!!!原來唔係架，只不過係轉換左另一個方法，依家Circus Show都有strong man有Clowns 有beautiful ladies。只係可能因為安全問題而冇左Bear, Lion等等的危險動物呢。

花花第一次玩的新玩意

上年花花因為年紀細，好多機動遊戲都玩唔到，但今日已經唔同了，好多要父母陪玩的遊戲，花花已經可以自己一 個玩。好明顯花花係唔太喜歡有離心的遊戲，一有離心，佢基本上都會喊，你睇，佢今次玩碰碰氣墊(花名自創名字)，玩得幾開心幾自如!

好有花爸風範啊

花花第一次玩呢個車車過山車，相信對小朋友都幾刺激，特別係花花選左一個motor bike，中間高高底底起起伏伏，如果花媽當年有呢D機動遊戲玩，真係開心死我了。

草草的第一次,驚到喊住要落嚟

相對花花，花媽反而覺得草草好細膽呀!佢玩完呢個兒童版千秋，即時喊住叫花媽抱佢落嚟，真係佢一路玩我就一路驚，最驚佢會鬆手跌左落嚟!好認真，呢D機動遊戲真係未到年齡都盡量唔好比小朋友玩。

佐敦谷picnic

因為就快新年，花花的畫畫老師都教小朋友們學畫一D過年物品，例如水仙呀財神呀等等，之今日花花完成之作，有水仙。真係估唔到三歲幾的小朋友畫畫都可以咁仔細，究境有幾多係老師幫手呢?

花花話要同佢畫的水仙影相喎

其實花花的水仙都幾仔細幾靚呀.好有花花的風格。字都唔識寫，老師就教左佢大吉大利。

花花master piece - 水仙

上完堂，我地就答應花花同佢去公園玩及野餐。Well...唔識煮食的花媽真係好懶，雖然前一晚已經決定要野餐，我同花爸就決定紮個營，買個Mc Donald就算。其實一家人在一起，開心就足夠，有乜話食乜好。回想花媽細個，又真係冇玩過野餐，除左當年小學的鴨仔團去九龍公園玩同食野之外。😆

野餐的食物係Mc Donald >_<

草草，邊個比你飲菊花茶架?

年三十晚行年宵

花花話要買個氫氣球

年三十晚同花花草草食完團年飯，我地就同公公婆婆一齊去行下花墟公園的年宵市場，一年一次當然要行。上年有同爺爺一齊去，但今年夜了一點，花爸就同爺爺回家了。今年總覺得要買一點東西比花花，花媽其實都 predict到花花會選最大呢個Anna Elsa氫氣球呢！草草今年未有太大認知，相信下一年都一定要買野比草草了，但今年我地都買左一個風車比草草。

退色寫字薄

花媽係網上買左一套三本的退色寫字簿，入面有中英及數的本子，連同退色筆及芯，最好就係寫完會退色，可用不繼重用。為左花花草草唔爭，我都買定一套比草草。花媽其實係facebook買架！如果大家想知係邊到買可以留言問我架！


看看，花花好專心咁寫呀！後來花媽特意換左個三角形套比花花拎住寫字。現在花花已經習慣寫字了，而且一日只寫一頁，又可以給花媽安靜時間，又可以練習寫字啊！

大樹先生

今日第一次同花花草草一齊去大樹先生玩，其實一直都好想帶佢哋行但係就冇呢一個機會，好彩有朋友突然之間話不如一齊去大樹先生啦！佢仲好好咁book埋位，咁我哋終於可以一齊去玩呀。說冬月其實一直都好想帶佢哋行但係就冇呢一個機會，好彩有朋友突然之間話不如一齊去大樹先生啦！佢仲好好咁book埋位，咁我哋終於可以一齊去玩呀。

一向以波波池聞名嘅大樹先生，我以為只有波波池玩啦！原來佢仲有其他玩具玩架， 好似doll house，車仔，煮飯仔等等。最估唔到原來仲有沙池玩架，而且佢哋仲好細心安排買風筒比家長幫小朋友吹走啲沙。冬天去唔到沙灘玩，去大樹先生玩都好呀。


開頭我以為細佬會驚波波池，原來小朋友都係好鍾意玩波波池架，仲要成個訓落去玩添！最近因為流感好嚴重，花媽都有擔心過係咪仍然應該帶佢哋去波波池玩呢？ ！但原來佢哋好乾淨架，因為頭先走嘅時候花媽已經見到工作人員喺度清理。

玩完之後其實兩個小魔怪都已經瞓咗覺啦！不過其實我覺得都要有少少建議，雖然佢話一定要有家長陪同小朋友一齊玩，好多家長陪左小朋友入去玩之後就放低小朋友自己就走左啦！有一個小朋友佢玩緊車仔走過去想一齊玩，個小朋友就不停狂尖叫推撞草草。當個小朋友嘅家長聽到小朋友尖叫嘅時候，先至係外面餐枱度走過來睇吓發生咩事。其實大樹先生已經講明要有大人先可以陪同小朋友入去玩，點解有啲家長可以就咁走左去呢？花媽只可以做好自己保護草草，所以其他家長都要小心。

Devil three

當以為花花會去到devil three時好難搞時，原來花花三歲時變乖了。突然乖乖自己食野，鐘意做功課，晚上一定會自動叫媽媽睇書，仲會識得show and tell.花媽真係好安慰啊！雖然草草出世後，花花因為呷醋又會打又會推撞草草，但同時都會照顧草草。

花媽希望你倆能夠相親相愛

佐敦谷影相

等左差唔多三個月，終於收到相片了。辛辛苦苦影戶外，得來的相片真係特別珍貴，花媽都好鐘意。個人來說，如果伓叫我影多一次戶犟，我應該會拒絕🤣因為實在太辛苦，最辛苦仲要係夏天影，簡直攞左我同花爸條命，小朋友都大汗疊細汗，特別係花花，不停跑來跑去。

但真心要配服我們的攝影師，超級專業仲好識氹小朋友笑，又跑又引小朋友，絕對辛苦錢。Facebook search Coochichi 就可以搵到佢地。花媽朋友都係影呢間，一樣同樣評價。同小朋友影一次戶外，其實都可以接受的。

花媽係到提提大家：

1.如果想影戶外就要有心理準備改期，早前打風我地都改左一次期，而且攝影師期都full,改期可能人係個幾兩三個後先有得影。

2.帶勁多水

3.防蚊用品太陽油絕不能少

4.如只影兩套衫，帶定多一套換，因為真係好dirty

5.帶定bubble 比小朋友玩

6.時間最好不要正午啊！早上黃昏都可以接受。

工作桌

早前在mamaishop買了五個$39的月曆，$39這個質素算是不錯了，我的工作桌滿是子女及老公的圖片，真的有一點氾濫呢！但正正因為工伯不能常常看見小孩，更加想將小孩放到自己身邊，相信不少在職媽媽也會明白我。剛好我旁邊同事也是和我一樣，都是家庭照氾濫🤣

早前聖誕節買咗一個聖誕座，其實質量真係不算好，但係做左就算啦！

姐姐的衣服

作為一個有姐姐的弟弟，最多穿的衣服頻色應該是粉紅色吧。所以花媽習以為常草草穿上粉紅色衣服。但今次姐姐幫草草穿上呢件明明就是花花的新年連身裙🤣沒想到弟弟都carry到。而且呢件係女花花上年空竹的新心年裝（3歲），草草現在歲半著都覺得有少少緊🤣🤣

花媽當然都有問姐姐做乜著到草草咁女仔，姐姐又啱喎！咁凍，又搵到咪著住先啦！哈𠵇....

聖誕澳門遊

婆婆一直都想同花花草草去旅行，由於時間緊迫，去澳門係最唔洗plan同最容易的外遊。其實花媽心入面唔水係咁鐘意澳門，對花媽來講都係賭賭賭，很少親子活動。今次三日兩夜親子活動為浸浴及去play room。



其他活動則是帶左花花聽佢人生第一次演唱會，很可惜，除左第一二首歌外，花花都覺得太嘈，結果我地好開咁走左，再去返酒店房過我們的2017到2018年。幸運地花花及草草都很早訓了，花媽有一個獨自浸浴黃金期可以休臮一下。