陳守仁1 st Interview

今日同花花去interview陳守仁，感覺陳守仁真的很Organise。首先，只有一位爸爸或媽媽可以陪同小朋友上去，之後會多次確認手頭上的紙本是否該名學生。然後家長就留在課室等待小朋友，而小朋友則由老師帶領到另一個班房。

小朋友被帶到別的班房interview

由於陳守仁主要是用英語interview，花花跟我說他玩了Bingo遊戲，是用iPad玩的。雖然花花很少接觸ipad，但也有用過，所以感到很幸運🥰。所以真的跟各位家長建議，適量地用ipad對interview也有幫助啊☺️。同時老師也有問英文及中文生字，雖然花花都話佢識晒，但小朋友說的話真的只能信20%。🤣🤣

另一名家長則在樓下等小朋友

到花花給花爸出來的時候，曾發現一個很奇怪的現象。就是我發現花花身上的名字及考生編號帖子變了另一個小朋友😱😱😱，為什麼這些事情都發生在我的身上！ ！ ！然後花爸花媽要走到校務署同職員聯絡，同時立即給學校發了一個電郵告知他們評分可能因此有錯😞。副校長事後約三小時致電給花媽，告訴我因為老師評分不是看身上label，而是用小朋友手上的緍一上QR code 以評分，所以是不會錯的。😌😌

DIY首飾盒

今日花花突然拎啲裝飾用的布帶出嚟，我突然覺得我買咗咁多布帶都冇用過，咁不如試吓廢物利用啦！😁咁啱我見到草草學校之前派嘅單個月餅食剩嘅月餅盒，度完個尺寸之後，發現布帶長度剛剛好可以圍住細月餅盒。咁我就決定用我小小嘅創意去完成一個小小首飾盒比花花做生日禮物🎁了！

草草學校派左一個單個裝嘅月餅，有個細細的盒仔剩低 

首先將布帶用熱溶膠槍貼於月餅盒上，再貼上一張粉紅色的底紙作為背景。

這個公主的圖案是在一張首飾包裝底咭上剪下來的。絕對是廢物利用！😁

然後花媽再用熱溶膠槍一粒粒小瑚木珠咁貼上去背景上，
而這些小珠珠就是之前花花整爛一些首飾的殘骸。🤣

媽媽們不妨廢物利用，也可以整到很多別致的東西給小朋友。最重要是可以教導小朋友也珍惜身邊每一樣物件，即使一些很多人認為是垃圾的東西，只要花一點心思，也可以變成精美及值得擁有的物件！😊

小學統一派位「明星論」

又到一年一度嘅大抽獎時間，花媽每年都會重新再講一次呢個「明星論」，今年一樣要再同大家講一講。😎當然，每一年嘅報名人數都不同，這個都是讓家長容易理解這個大抽獎的玩法，希望可以幫到大家。

我鍾意Tom Cruise>劉德華>福山雅治>松本潤>梁朝偉>余文樂>蕭正楠，我會填：

甲1 (Tom Cruise) 甲2 (劉德華) 甲3 (留空)
乙1 (劉德華) 乙2 (余文樂) 乙3 (蕭正楠)﹒﹒﹒﹒ 乙29(麥長青) 乙30(艾威)

問題1：我點解甲3留空？做乜唔填福山雅治？答：因我愛劉德華>福山雅治，如我在甲3抽中福山雅治，咁我咪等於放棄乙1抽劉德華個45%Quota? 所以我情願甲3留空，都要抽劉華。

問題2：點解乙2唔填梁朝偉？而填余文樂？答：因為梁朝偉與劉華是同level大熱，乙一必然45%全被抽光，乙二仲抽是呃自己，只會浪費機會，所以我填次一皮的余文樂

問題3：做乜要填滿乙部三十個？冇心水可否留空？

答：唔應該，因甲部留空，電腦會Skip，但乙部留空，電腦會亂抽，所要乙部要盡填，起碼填d唔討厭的，否則，可能會派阮兆祥俾你。答：唔應該，因甲部留空，電腦會Skip，但乙部留空，電腦會亂抽，所要乙部要盡填，起碼填d唔討厭的，否則，可能會派阮兆祥俾你。

有些家長會選擇「1-1-1」的方法去選擇自己最心愛嘅小學。但花媽並不建議，因為這個方法真的很冒險。除非爸爸媽媽已經有一些私校的offer或是某間學校的die heart fans，否則呢冒險的方法，花媽並不建議啊☺️

翠樂庭Tea Buffet

花花一直都想同唔同迪士尼人物影相，可惜次次入到迪士尼都要大排長龍，所以花媽思前想後，又唔想齋曬咁耐先影一兩張相，所以決在定同花花去翠樂庭食個 tea Buffet，食物只算一般，但呢個價錢的話性價比不高，要不是吾以同迪士尼人物影相，應該冇人去🤣🤣

但態度真係很不錯，入面的員工都非常有禮貌👍🏻因為枱面只有一份比壽星仔/女的小禮物，花媽知道花花草草一定爭，所以要要多一份🤣$88有生日帽、Mickey親手寫的犄日咭、波波一個同掛帶一條。雖然唔平，小朋友開心唔好嘈最重要。同時，成件事真係好趕😥彷佛每個入去食buffet的人都知道時間有限，一入去就埋位出去拎野食，當你拎完第一round， 注意啊係拎完啊，仲未放入口食！😂Mikey就來影相了...好似椅子都未坐暖，Heho (Winnie the pooh的驢仔）又來影相。休息一陣食下野3:30pm就上蛋糕🍰，大家一齊唱生日歌，最搦廿心真係小朋友，其實花媽都好開心，心裏不禁問自己點解我細個香港冇迪士尼🤣🤣

而今次嘅費用都唔平，好似三個大人兩個小朋友之後再加左啲零零碎碎買吓相咁，呢度就差唔多$2000了！😥不過咁講，小朋友的快樂是無價，唔可以唔錢來衡量。

午餐有兩個時段，我地選第二個時段☺️少30分鐘平$40一個人

唔知係咪花花草草由細到大都係迪士尼嘅卡通人物陪同下成長，佢哋特別鍾意迪士尼嘅人物，而且差唔多每一個佢哋都會記得認得出😏今次的自助餐，竟然遇上了花花的小學同學，感覺真的很特別啊！因為花花已經長大了，有自己的朋友有自己的想法有自己的玩伴。希望花花5歲身體健康，開心快樂成長下去😊

直資學校

今天花媽想同大家分享一下直資學校的資訊，很多人都會覺得直資和私校有什麼分別？兩者都要付費，但當中的區分是如何呢？

簡單而言，直資即是直接受政府資助學費相對私立學校比較便宜，但課程相比私立學校更受教育局規管，但相對傳統的「統一派位」學校寬鬆。不少傳統名校都是直資學校例如聖保羅男女中學附屬小學、保良局陳守仁小學、英華小學⋯⋯等等。

於價錢上，直資學校相對私立學校便宜，但當然是一分錢一分貨啦！😊

但如果你問花媽我，我絕對鼓勵大家在銀蛋的許可下先投考私立學校。為什麼呢？因為私立學校是自由決定收生的標準，所以當成功於私立學校取得學位後，仍可參加大抽獎的遊戲。正所謂「一腳踏兩船」，只是為自己小孩買一個保障呢！😁當然，有一些私立學校會採取保留學位後便沒有大抽獎的機會，所以家長們要留意啊！然而，由於直資學校有政府的資助，當學生考取到直資學校的學位後，政府規定選擇了直資學校的學生更一定要放棄大抽獎。有辣有唔辣。

同時，直資及私立學校都有自由選擇收生的標準，這個時候就要視乎小朋友平日下的苦功了。面試當然少不了，所以中英數小朋友都要有認知及理解的邏輯思惟。花媽都忙了從那時開始政府規定了小一面試的小朋友不能考筆試，所以小朋友的面試就變成了考認字和理解能力。但認字和理解能力絕對不是一日半日就可以成功啊！必定是要累積回來，所以現在很多家長為什麼幼稚園已經開始緊張小朋友的學校就是這個原因。當然，花媽有不少朋友也有報面試班去壯壯膽或有一個之前乜都冇比小朋友的內疚感和迫切感而於K2尾開始去迫小朋友，虎媽就是這個時候迫出來啊😩😩

花媽真的很明白天下父母也想自己下一代比自己有更好的出路，如果小朋友有能力的話大家都想比小朋友入大學，但要記著...小朋友愛閱讀定愛手機，愛看書定愛玩具都是父母培養出來。小朋友將來條路都是我們作為父母代為舖排，所以我們也要好好為我們下一代設想，選擇一條最適合自己小朋友的路給他們行啊😊

九龍灣3E Club

對上一次花媽接觸3E Club已經是上年花花四歲的時候，上次花花是在3E Club舉辦她四歲的生日會。因為今年花媽太忙，沒有時間為花花綢繆舉行生日會，咁啱早上去完九龍灣德藝會，所以下午就決定到九龍灣的MegaBox閒逛。本來打算到IKEA隨便玩玩他們的免費playroom，但是因為內部裝修的問題，我們只能改到樓上逛。無意間發現了3E Club，而且時間又吻合，所以我們就玩了一個session。花爸說為免浪費錢，反正兩個入去又係等一個又係等，所以就只買一個成人門票🤣結果花媽努力一人戰鬥二人，當中走失細佬喊又有，仲比人叫咪😑😑😑最搞箸叫咪時，花爸坐正係門口等都唔發現草草喊緊，笑死我了🤣🤣🤣

九龍灣的3E Club感覺比尖沙咀的又大又新爭，而且波波池的波波多到滿寫咁滯，而尖沙咀的波波池的波波真的比較少，可以用稀疏去形容🤣。另外值得一讚，就是因為剛剛是中秋節，九龍灣3Club特別製作了一個小迷宮比小朋友拎住他們提供的燈籠🏮可以比小朋友係入面數下免仔花仔咁，大人的童年回憶都返晒來。而他們的小迷宮是用紙皮搭起的，看出了他們的心思，即使是低成本的製作也看到他們的努力和創意，花媽對這個十分欣賞。☺️☺️

佢裏面有一個好直好直嘅滑梯，花花叫我陪佢玩，真係嚇到我心都離一離😨😨。好彩最後花花自己玩，仲玩得勁開心。而另外草草亦都克服左去玩滑梯嘅恐懼，最後自己一個人上上落落咁樣玩左數十次滑梯。🥰🥰都直得推介👍🏻👍🏻

DWE Birthday Show

大約兩星期前的一次機緣巧合下，花媽見到DWE club service的app內竟然仲有Birthday Party的位置。😃😃太surprise了🎉🎉🎉即時報名幫花花報生日Party。之前花媽覺得DWE的playgroup 比較難報名，但係依家真係好容易報名好多，可能位多十左堂又多左的原故吧！

花媽對上一次同花花去玩生日party已經係2年前。花花當時三歲，果時有蛋糕、小手工、唱歌跳舞為主，而今次形式變左，比較似舞台劇的感覺。如果你問花媽，花媽呢D師奶仔，更係有得食好喇🤣🤣

但真的不能不讚佢地送的小禮物，有一把zip and friend 的扇，草草一見到勁開心。因為佢依家晚晚都睇Zippy and friends的書🥰而且仲送一本小練習，有今次party唱的歌及一些小練習😊花媽又有小遊戲同花花草草玩了（花媽一向都當練習當成遊戲同花花草草玩），內容用返DWE的圖畫，小朋友一睇自然有一個特別的親切感☺️

最後仲送一張我們的全家福！今次好開心，花花又見到佢drama class的老師Miss Miaka一齊表演，花花即時表演出佢又要怕羞又要開心的感覺🤣🤣

DWE給花花草草不單是英文的語境，仲有無數的童年回憶都是圍繞著迪士尼美語世界🥰如果大家都想了解多一點，歡迎申請隻兒歌體驗版返去試聽試睇啊😊

http://www.worldfamily.com.hk/ffp/sl/preaf143

不要成為後悔的媽媽

今日花媽有一個只希望仔女擁有輕鬆愉快學習的朋友搵花媽，朋友首先問我CKY是否很難考，因為報名費要$400，如果好難考的話佢變打算不報名，目的是不想浪費$400。但是花媽則有一個自人見解，如果不考的機會是零，考了的機會就是五十五十，只是$400 ，為何不值一試？如果你問我CKY是否很難考，我只會說並不是太難考，只要平時有準備的話，我們也應該相信我們的小朋友。

花媽的朋友打電話給我也有別的原因，就是因為她的大兒子今年是小學二年級生，打算插班到別的學校。突然之間花媽覺得很奇怪，因為她本來就是與輕鬆愉快學習，對於小朋友的學業成績沒有太大的要求，為何在這時需要轉校呢？

一問之下，她兒子熱愛運動更熱愛籃球足球，更於公開足球⚽️比賽中拿了季軍，其他隊友的學校都會因為小朋友於校外活動拿取好成績而記優點或給他們就結業禮上公怖喜訊，但她兒子學校沒有這樣做。對於一個媽媽來說這確是失望及有一點力不從心。大約兩星期前，她的兒子竟然對她說「我很想入英華！」朋友細問下，因為兒子的隊友在英華讀書，而且有很多sport的配套，她兒子現在讀的學校沒有這些配套，所以兒子很想轉校。我的朋友立即報英華做插班生，但似乎石沈大海😭。

可惜最力不從心的是她本身對兒子的學業沒有要求，雖然兒子有小聰明，但英文方面即使再下多少苦工也未能到達需要的英文水平。花媽聽到真係好心痛，我完完全全能夠感受到朋友的無助感。🤧🤧當然花媽也給了她一些見意，希望她兒子即使考不到英華也希望她兒子能入讀別的對運動有支援的學校。

這也說明了花媽一直堅持要比英語環境小朋友的重要性，無論各位父母著重小孩那一方面都好，英文對於入讀幼稚園、小學、中學及大學都很重要。只要根基打得好，小朋友的選擇亦更加多，到時就不是學校選你，而是你選學校。

如果大家都想比一個機會小孩，想比小朋友一個英文根基，對英文有興趣及唔怕英文，歡迎拿隻迪士尼美語世界體驗版返去試聽同了解一下，我只係唔想大家重蹈我朋友的舊路☺️
http://www.worldfamily.com.hk/ffp/sl/preaf143

國際學校

入讀國際學校的花花草草

一直都有人問花媽點解要比花花草草讀國際學校，好多人都會話國際學校又貴，小朋友學嘅嘢太淺，一點都不學術性😅。其實花媽的原意很簡單，就是給花花草草一個輕鬆愉快活學活用的環境給他們。

其實花媽由細到大都係喺一間非常本地既本地學校讀書，咁啱鄰居嘅小朋友正正就讀國際學校，花媽細細個都好渴望自己能夠入讀國際學校同講一口流利的英語，個心都成日問自己點解我唔可以讀國際學校😭究竟係學費太貴家庭負擔唔起呀？定係自己英文能力唔夠高所以考唔入呢？原來長大之後先至發現讀國際學校唔係話讀就讀，可能要買債券啦、小朋友嘅英文程度一定要有溝通能力啦、更何況當年花公公花婆婆識得幫我揀私校已經係花婆婆能力範圍給我最好的。

而花媽比花花草草讀國際學校的最大原因是我希望我自己讀得好辛苦嘅英文唔使比花花重蹈覆轍，辛辛苦苦考完會考之後去到外國升學仍然要重新適應，原來英文係咁重要的。當然花媽唔會質疑本地學校的質素，因為有不少名校讀書嘅學生都是狀元級的！😄😄但亦都好老實，有幾多個狀元呀？ 花媽亦都深明花花唔係一個讀書嘅材料，佢要透過一個玩樂模式先至可以學到野，所以我從來都唔會迫花花去學任何一樣野，而且以花花的性格，花花讀本地學校一定會令我佢的關係決裂😭😭

好多朋友都會同我講覺得花花草草好叻😅，其實佢哋只係語言能力比較高，語言能力高嘅小朋友佢哋能夠認知嘅範圍會更多及理解能力較強下，感覺上亦都會比較聰明🤣而入到國際學校最基本嘅條件除左錢之外，就係要小朋友有一個英文嘅根基打好個底。所以我都會同讀者講，如果想要小朋友可以入到國際學校，必須一早想好及作好準備，否則中途入學就好有機會要買債券了☺️歡迎大家再問我一D國際或本地學校資訊