郵䑳初體驗 Day 1

 係呀！大家…好耐冇寫呢個日記

因為最近都好多野忙☺️最忙都不外乎照顧花花草草

最近花花話要做YouTuber,所以花媽我都要努力學拍片剪片😂

希望大家唔好介意我拍同剪得唔好啦！請多多支持

歡迎like, subscribe and share 🙇🏻‍♀️🙇🏻‍♀️

幼稚園面試攻略免費講座

 「迪士尼美語世界」線上免費講座

主題：幼稚園面試攻略

講座內容:

🔹細B v.s. 大B v.s. 超大B？

🔹Top 5 熱門幼稚園面試重點

🔹幼稚園面試攻略&技巧

🔹家長如何為小朋友作面試前準備？

日期：2021年10月16日（六）

時間：2:30-3:30pm

對象：0-3歲小朋友家長

形式：線上ZOOM

費用：全免

凡參加者可獲贈精美禮品🎁

有興趣可以直接按以下連結報名👇🏻

https://bit.ly/3FeTAG6

🌟報名截止日期 : 

2021年10月11日晚上11點59分

花花7歲了

花花7歲了

我同花爸都好努力為花花怖置架😊

不經不覺花花已經7歲了！原來呢個blog都已經6歲，好感恩有呢個blog記錄住我同花花草草的回憶。呢7年…好多謝花花越人越乖，越來越有做姐姐的感覺，雖然未話可以take care細佬，但可以照顧自己我已經好滿足了！

花媽係一個懶媽媽，所以除左花花K2大搞過生日party外，基本都係在屋企處理左件事！當然今年請左花花的好朋友們，一堆小朋友自己玩真係可以好開心！BFF

同朋友仔一齊去playroom玩一陣

當然我地唔少得 Piñata及切蛋糕呢D節目啦！花爸花媽希望你同草草相親相愛😍互相照顧，keep住做我的乖乖Bb

媽咪知道自從花花同草草上左小學後，我都見少左你地，但媽咪promise一定會努力擠反多D時間同你地一齊架☺️

放假玩自己日 - AIA

草草表示：請你食

話說花爸公司送左兩張AIA入場券連代幣加小食，我同花爸只需買兩張小童就可以入園玩，係覺得好抵的心態下，我地決定熱都要去🤣🤣結果真係好攞命

AIA 摩天輪 🎡不可缺

張入場券包埋玩摩天輪，我地只係比兩個小朋友錢就有得坐！真心抵！不過依家因為疫情，所以唔洗同人共用cabin，平時$160的包廂變成$20包廂。

又要影🤣

講反今次AIA玩先，真係唔洗唱咁多錢玩，唔抵！基本冇乜野玩，除左彈彈床同碰碰車外，真係唔需要玩，所以一個小朋友唱$100 Token都覺得多左🤣🤣平時我同花爸都一定唱作成蚊比小朋友玩🥲今次叫做省唔少。

食晚飯都坐唔定

難得去到港島，我地又坐下丁丁周圍行一陣。然後再返屋企附近Dinner ☺️真係…返到屋企沖完涼已經準備入睡🤣

好愛Anson Lo

Mc Donald 的Anson Lo及草草

話說學校雖然開左學，但草草因為第一年Y1,所以隔日返，是日休息😌😌。話說草草堅持送花花返學，所以送完返學我地就去食早餐㞱😋當然草草好鐘意Mc Donald的開心樂園餐，所以我地就去左食喇！ 

誓估唔到，草草主動要求要同Anson Lo影相😆仲要擺晒post …mirror果然魅力逼人，連一個五歲小朋友都識同鐘意🤣🤣其實點解小朋友會識Mirror,90%都應該受大人影響，即花媽本身🤣🤣

影完一張都算，要影多張🤣

 

我們都在同一間學校返學了!

我終於感受到一齊返學的輕鬆了！

今日終於有一個小小me time 😌😌睇住花花草草經歷完幼稚園再經歷小學interview …入到一間龍校，真係最放心。呢個考學校遊戲，我已經完成了😁😁依家只要花花草草讀書開心，我就最滿足。

見到草草長大，由我口中的BB BB,到依家佢同我講佢唔係BB 🥲 但其實你地無論幾大個，都係媽咪心目中的BB。

唔少朋友都會問我花花草草點入ESF，其實花花當日考ESF仲未係龍校，如果真係要開個post講點樣冇passport 冇買債券入ESF可能有少少長，我遲少少有時間再開post同大家分享啦！我還是要好好享受我的me time 😌😌

 

Secret Day - 汪汪拯救隊 Paw Patrol

我地咁啱撞到？🤣

唔知大家有冇試過，如果預早同小朋友講我地嚟緊會去邊，小朋友一定不停追問，追問到一個勁煩的點，結果我同我的媽媽朋友一向都會當日出門口先同小朋友講去邊😁今日的mission就係小朋友期待已久的Paw Patrol Movie. 亦都係我地secret Movie day 🥰

又咁啱睇同一套戲？

所以我地特別拎埋Paw Patrol的衫去同小朋友換，兩個小朋友真係好enjoy換晒衫睇戲，好期待☺️因為花媽疫情後好少睇戲🎬甚至就算有睇本身都唔會買爆谷 🍿 ，原來依家戲院係唔可以食野架😨真係唔同小朋友睇戲都唔知…

兩個小學雞

花花返足全日

等左個幾月，終於開學了！花花正式成為Year 3大姐姐✌🏻希望花花在學校會take care草草啦！雖然話就話大個女了…但都依家好大意😣今日想搵返平時返學頂cap帽唔見了，又要再買一頂新的比花花😑😑唔叫佢執功課佢唔記得，重要係執左佢冇交比老師🤣🤣功課真的不重要嗎？返學…真係太開心了…

草草隔日返，今日返個半鐘

草草今日同花媽一齊返學，第一次𩾷為小學雞的佢，聽到花媽叫佢BB，佢竟然話佢唔係BB…🥲🥲小孩張大了，花媽未能適應🥺簡簡單單1.5小時，等家長更了解學校嚟緊教小朋友乜野，點令小朋友閱讀重新以自己手法演繹故事書內容，然後好快就放學了。

因為唔同時間返放學，所以要草草等埋家長先影到合照

 今年花花草草學校都換上新的校服，都幾靚呀！感覺統一好多🥰 花媽今日勁開心…因為終於唔洗咁早起身🤧🤧仲可以一齊返放學！苦盡甘來…其實花媽細個好想讀國際學校，今次…我終於將自己的夢想實現在仔女身上了😍😍

EpicLand 愉景灣

 

好多人啊！一定要預先購票

https://www.epiclandhk.com/

其實今次去Epicland主要因為花花一早放左暑假，但因為疫情，小朋友基本上好少機會出去玩，見同學仔的時間又唔多，所以花花小學有同班家長提議暑假一齊出去玩🥰結果速成左成件事！

同時，花媽好建議各位特別假日去玩，一定要預先上網book定...唔好以為愉景灣好遠，但其實又有得玩又陽光與海灘 🏖 真係好多一家大細一齊去玩！嚟緊花媽有時間都想同花花草草再去玩啊！

咁都同大家分享一下，基本上花花草草都大個仔大個女...係我未準備好，佢地耳仔已經聽唔入我同佢地講的一字一句。奉勸各位家長，係落樓梯前要brief定小朋友🤣🤣例如話佢知我邊到等你，你可以邊到搵到我之類😌😌

當中有好幾個活動花媽會建議如果冇人一定要排左先，例如Rock Climbing, 跳彈床等等...大人都有個高空行繩索都要預先去到時立即排隊！而花媽推薦要玩彩紅滑梯，花花推薦玩垂直高滑梯，草草推薦兒童波波繩索！總有一款啱你地玩架！

除左遠以外，極力推薦！而且仲有Cafeteria...爸爸媽媽唔玩可以邊食邊等小朋友啊！☺️

綠色Cap 畢業

上始藍色Zippy後，終於有時間拎埋Elvis 

今日終於有時間同花花草草拎埋個綠色cap program。好多媽媽都pm我問我究竟cap係咩嚟？🧐🧐等我話比大家知啦！其實呢個program 係比小朋友唔同階段拎張cert咁，叫做鼓勵小朋友叫佢地努力加油，慢慢去到畢業 🎓

咁可能你地就會問我...花花草草唔係畢左業咩？！係呀！畢左喇，但因為花媽之前太懶，一直冇同佢地做cap😥我想成個過程完正D先幫佢地做反個cap架😂😂

如果大家想了解更多迪士尼美語世界，快D申請個兒歌禮品包比小朋友試聽試玩啦！

http://www.worldfamily.com.hk/ffp/sl/preaf143

Sorry,係媽咪唔好，太忙冇帶你地拎cap

 其實小朋友真係好enjoy每個成長階段架😌😌

草草K2畢業了

畢業順便慶祝埋生日🎂

天氣不似預期...天陰陰🌦 在大合照同下雨間，小朋友出出入入前前後後咁完成左佢地的結業相😣。因為疫情，花爸花媽冇得睇草草K2畢業...回想起花花，我地都去睇花花畢業，感覺圓滿好多🥺🥺

 草草同佢最好朋友要分開了🥲

不過...可以返到學畢到業已經好好，最少...唔會好似噚日咁突然冇得返學，見少朋友仔一日一樣。草草出年小學雞了，希望佢繼續開心做最純真的小baby☺️識更多新朋友。終於同一間學校 🏫 ...花媽終於等到呢一日😂😂

Rugby試堂

 

今朝一早9:30am集合玩Rugby 🏉 

某日花媽撞到中學同學，因為大家小朋友都係同一集團讀書，所以雖然少見，但都好多嘢傾。嗰日我見到我個朋友點解唔使拖住個仔嘅，佢就話我知佢參加咗區內的欖球隊，而且好平，所以佢都叫我搵下😁

而我地都搵反近我地屋企的欖球會，第一堂係免費試堂。其實主要都係比小朋友跑下跳下拉下筋，烈日 ☀️ 下真係連大人都覺得熱🥵

拉筋好重要啊❣️

由於草草一直缺乏大肌肉嘅訓練，所以有啲手眼協調，或者可以叫做四肢不靈活🤣🤣跑步是長期處於蘭花手成個女仔咁樣，而花花則運動細胞強烈，好多野都handle得非常好👍🏻有花花帶住草草我地都比較安心！

由於花媽同花爸都係第一次同小朋友去欖球會，所以唔建議各位準備同小朋友參加戶外活動嘅家長一定要帶大量嘅水，含有乾冰的冰袋及毛巾、風扇、可以的話帶埋椅子過去，必要時可以坐低休息吓。☺️

因為限聚的緣故，要隔星期上堂...$400（已半價）玩到2021年8月底，另加$400製服。各區收費不同，請自行問Google大神☺️

Legoland Discovery Centre HK

自製父親節Tie

又到一年一度的父親節！我地花花草草當然唔會放過花爸🤣一朝早我地同花花草草試堂玩Rugby，然後再畫畫😁之後再去Legoland!Rugby的話我地一陣再開個post同大家分享，今次先講講我地在Legoland的經歷🥰

要踩單車咁先會升高的飛船😂

其實花媽一直好想帶花花草草去Legoland玩，好可惜因為疫情飛人唔到，所以今次就去一去位於K-11 Musea到玩一玩！當然小朋友就一定掛住玩機動遊戲，而大人好似我同花爸就想欣賞具有香港特色的Lego展覽館😌

大佛...好逼真😍

花媽真心欣賞展覽，有馬場、大佛、大澳、MTR...各具香港特色的Lego成品！亦有好幾個地方可以比大家參考同注意⚠️

1. 平日會有團體 （一大一小的票出售，但必須於網上訂購），而假日亦都會建議於網上預訂，以免到時去到門口買唔到飛而白行一趟

https://www.legolanddiscoverycentre.com/hong-kong/en/tickets-passes/

2. 3歲以下的小baby是免費啊！😊

3. 場內限時3小時任玩，但如果人數唔多其實會寬限可以玩多一陣。

4. 場內有Food Store,可以場內買野食，因為地方唔大，其實冇乜野玩。

5. 平時花媽有買開LEGO，以為可以在K11 Musea LEGO Shop買一樣可以儲積分，但原來呢間Lego Shop同其他 Lego store不同，所以不能儲積分啊！同時，如果係買左HK Legoland年票先會有折扣！建議不用特意係呢間Lego Shop買Lego!

總結： 玩一次就夠，不用花錢買年票！🤪

花花草草搞笑對話

 因為花媽工作好忙，冇乜時間陪花花草草，所以以下對話係姐姐轉述反比花媽知😆花媽覺得好搞笑...所以要同大家分享

某天...

花花👧🏻 : When Mommy daddy get old, I will help mommy to take a bath. You will help daddy to take a bath.

草草👦🏻: I don’t even know how take a bath for myself, how can I take a bath for daddy 🤷🏻‍♂️

🤣🤣看似簡單對話，出自小朋友口中...原來可以咁純真。小朋友真係好可愛🥰

———————————————

以下為花媽及草草真實對話，某夜晚上刷牙過後...

草草👦🏻： Mommy, can you smell my mouth?

花媽🤦🏻‍♀️：嗯，好香喎！咁你都聞下媽咪個口☺️

草草👦🏻 : 🤢so dusty ... so hot

花媽🤦🏻‍♀️ ：🥲

我個口真係臭到要塵一樣的感覺嗎⋯⋯

六歲半的花花想做作家

有晒封面

有一日，花媽返到屋企...花花拎一本好梅的簿仔出嚟😅我以為咩事啦！佢就同我講佢寫左個故事比Auntie要show 比我睇...skoobydo and the giant chicken 🐓 🤣

有版有眼呀😍

一直以嚟花花都好鐘意睇書從而令佢愛上寫作。咁細個有呢個想法，花媽真係好欣慰啊☺️ 雖然花花大個女，已經冇成日比我wow或細個成日技能解鎖的感覺，但今日佢的性格及閱讀的習慣一定係從小養成。

文法上都啱好多呢👍🏻

而我都好感恩，☺️由自己用完Oxford Path冇人理唔識用嘥左錢，到好無知咁買左二手迪士尼比人呃買左套唔齊的二手教材，到最後先真正遇上了我的顧問。雖然花花草草都大個了，我同顧問都好似朋友一樣...大大話話都識左6年！真係好慶幸自己遇上了她😉每一樣都好似整定...其實6萬幾蚊學到野兩個小朋友，又有人規劃教埋你用...真係好抵！仲抵過請英文老師日日上嚟都冇喝個效果😆

如果都想了解一下迪士尼美語世界，可以拎隻兒歌demo聽下啊！好似仲有小禮物🎁http://www.worldfamily.com.hk/ffp/sl/preaf143

 

6歲半的花花

 Hibernate...到底係咪好多人都識呢個字？🤔

由於花媽細個係讀中文中學，所以對於Bio入面嘅英文都唔係咁認識。今日花花突然同我講hibernate...我問佢乜野係hibernate，佢就用英文解釋比我知！段片其實就係花花比我的解釋🤣🤣 有時真係覺得花花英文比我好好多！well...花媽本身都美國讀書架，不過唔係讀Bio唔識hibernate呢個字咋嘛😆

咁我就問花花係邊到學呢個字啦！佢就話...係Science book入面見到😱😱 的確我家有好多書，National Geographic果D書，我都只係淘寶隨便淘，沒有點讀功能，只係一心貪平買比花花。 omg...真係估唔到花花原來閒時拎一本閒時拎一本，越睇越多...佢仲要同我介紹邊個係Rosa Parks及Martin Luther King 😨😨 重申花花只有6歲半

好彩5年幾前開始左比花花用迪士尼美語世界，如果唔係...以我本身的基因🧬加埋我冇乜時間...佢應該英文唔好之餘仲要唔鐘意睇書。最安慰真係...佢英文叻我好多，同埋自動自覺咁學。唔好以為小朋友教育可以遲D開始...其實3歲定80！真係良好習慣從小培養 

了解一下迪士美語世界，真係可以改變小朋友🥰

http://www.worldfamily.com.hk/ffp/sl/preaf143

大澳半天遊

花爸、花花草草超合作完成相片，只係花媽拍攝技術有待改進😅

以花媽嘅印象，我對上一次入大澳...應該係兩至三年前，草草仲好細個...依家草草都就快5歲了！咁啱有朋友生日...一齊參加玩下啦！

近距離見到牛😄

我地去左大澳的排屋行下睇下，話比花花草草知果到打風會水浸...浸到好高。我地比較幸運唔係住低窪地區...但打風下大雨對好多人有影響...下刪三百字🤣到處行行走走...

點解花花要咁驚😅

 亦好開心可以見返幾年冇見的朋友仔。最開心大家有著差唔多年紀的小朋友，佢大女同花花差一星期...細仔同草草都係差一星期...花花仲約定要8月入去再玩過😅其實佢有冇諗過我同花爸有機唔得閒架🤣

華山搜蛋日 - egg hunt

我地媽媽們將寫左Happy Easter的玩具蛋放在不同地方

以前復活節嘅時間，我哋有時都會同花花草草去報名愉景灣的egg🐣hunt活動，但因為疫情的原因...好多活動都取消晒😞所以我就同朋友們一齊搞反個egg hunt遊戲，大人少少付出，小朋友已經玩得好開心！

媽媽們仲夾手夾腳整張地圖比小朋友搵蛋

首先花媽係深水埗買左一批價價$20玩具蛋 ，入面有一個籃及大約25隻膠蛋，然後再用水筆寫上Happy Easter係蛋上面...我地目的係希望小朋友可以組合反個字出來！ 

然後我地三個媽媽夾手夾腳兩個放蛋（有字及冇字都會放啊！）一個畫地圖🤩好快咁玩成左個路線！小朋友就可以開心玩了

合作團隊精神就係咁發揮了☺️

 原來只要付出媽媽們少少時間...已經可以帶比小朋友無數的歡樂！而歡樂的成本亦唔高...最重要小朋友學了互相合作的團隊精神🥰兩個負責拎地圖指揮其他小朋友，另外三個一齊搵蛋，最後切返相對應嘅字出來！少少付出大大的成功感！

蝶豆花園

大埔蝶豆花園☺️

本身今日預約咗去迪士尼，但因為前幾日花婆婆話打算今日去揼骨，要取消我地的行程，所以我就決定連同姐姐及花花草草去其他地方玩。真係覺得好彩冇去迪士尼，之後聽返人哋話迪士尼今日好多人，排隊都排好耐🙈

仲有考平衡嘅繩索玩，但完全唔會因為平衡力差而跌倒🤣

當我努力搵地方去時，咁啱喺Facebook突然見到有個post關於蝶豆花園，唔知係廣告定咩呢...但見到有得餵草泥馬，即管Send whatsapp問一問😅但唔知點解send whatsapp冇人應...所以都打電話去問下有冇開門，始終咁遠我都唔想摸門釘。當我打電話去嘅時候，有一個比較冇禮貌嘅職員接電話...應該唔休做，或者好少人好似花媽咁麻煩仲要打過去問吓🤣🤣

花花草草勁鍾意呢個球形千秋

既然佢話開門，我就連同花花草草及姐姐一齊去咗碟豆花院玩啦！😁😁原來去到都唔少人個喎，喺門口仲有五隻好可愛嘅草泥馬迎接我哋，但我哋冇即刻為草泥馬，而我哋選擇去咗玩其他項目先。

Cafe check point 

講講入場費俾大家知， $200一個大人， $150一個小朋友。基本上都係任玩，除咗天鵝船只可以踩一次，草泥馬$60餵一次，三歲以下小孩免費。

重點環節

如果你問我覺得抵唔抵玩，花媽就覺得最抵只係餵草泥馬，其他內容就未算係好吸引。😅其實佢哋嘅概念好好，有教蜜蜂嘅成長過程...又有玩的地方比小朋友。不過就有一點被荒廢嘅感覺..

草草係個hammock 跌咗落嚟🤣🤣

事原佢有一個地方講蜜蜂🐝點樣成長...但入面有好多畘之都唔知左，例如隻蜂后😅搞到我都唔知點同花花草草解釋，而入面本身有冷氣都長期關咗...好似同理念有一點不乎

係呢個返去影相真係好靚😍

而佢一開始都會有個理念，就係拎住張地圖，在唔同嘅地方cup印仔，但除咗門口嗰個印仔嘅印台係有墨之外...其他點的印台都係冇墨🤣感覺...又係好荒廢

仲有可以燙印鎖匙扣

咁當然都會有值得一讚嘅地方啦，好似佢有個cafe...雖然我哋冇坐低食嘢，但走入去都有一個幾chill嘅感覺，仲有個打卡位，好迎合而家嘅潮流影下女神相🤣不過女神相呢樣嘢就唔係太啱花媽啦！

佢仲有一啲整鎖匙扣嘅位置，同埋裝飾佢送嗰個布袋嘅位置。要留意小孩嘅package係冇包整鎖匙扣同布袋嘅印章。而小孩嘅package入邊有一個有顏色嘅小錢罌及沙畫。

一齊踩天鵝船

同埋見到佢地落足心機整咗好多新嘅影相📸️區，但嗰啲影相都係需要付費嘅，例如一啲比較靚嘅位置同background，只可以付費影相😅所以花媽都冇特別同花花草草去嗰度影相呀！

充滿着彩色嘅橋

佢每個入場者，都會比三個token你去夾公仔，如果唔夠亦都可以$10玩買一個token，但花媽發現後來花花個袋少咗三個token，大家記得入場時check清楚每個個袋入面係咪都齊晒所有野，我只能說忙中有錯😅而亦都好好彩，我哋夾到一個草泥馬公仔✌🏻

總結如果你問我會唔會再去多一次蝶豆花園，可能未必會亦都覺得一次就夠😎。因為始終兩個大人及兩個小朋友，唔計食嘢我哋都用咗接近$1000，加埋車費就一定過千，性價比低...而且入邊除咗有人管理草泥馬以外，其他位置都冇乜人管理😅

天空之鏡，感覺有啲流🤣