中秋節快樂

花花第三個中秋節。第一個係出世後兩日, 第二個係上年唐6,第三個就係今日海心公園。咁啱朋友係土瓜灣做節,咁就可以同埋一齊去海心公園玩了。

平日係屋企同花花玩bubbles都唔覺花花玩得咁開心,小朋友有伴真係唔同D。即時笑得勁大聲,跑來跑去勁enjoy。

先要講下花媽點解咁唔環保買螢光棒比花花玩先。其實上次去玩具反斗城買puzzle比花花,比錢時cashier姐姐問我要唔要,花媽心諗..又係喎！中秋快到,花花又未玩過螢光棒,咁就買左了。其實花媽真係好無知原來螢光棒係咁唔環保(>﹏<)  花媽決定以後都唔買螢光棒了。但花花玩完螢光棒我先知點解小朋友咁鐘意玩,因為真係好掤。

石澳沙灘記

今日花公公花婆婆帶花花去左石澳玩沙。公公話石澳沙灘係遠少少,但揸車去唔洗行好遠,停車場係正旁邊。之前去過大清水,要行條長長的樓梯好辛苦,所以公公決定去石澳呢。

花花係美國時好鐘意在美國的海邊玩水,仲想越行越入唔肯定,但返來香港後一見到個海即話“bye bye”。其實唔係要帶住細佬,花媽都想去下沙灘游下水relax下 。

迪士尼美語世界生日Party

生日快樂啊!花花

迪士尼美語世界每個月都會為生日月小朋友開生日party,只要該月份生日的小朋友報名便可。由於反應熱烈,花媽又遲左報名,只可以waitlist,幸好多人waitlist,美語世界決定朝早開多一個section,所以花花先可以去生日party└(^o^)┘

仲有生日禮物及生日咭收啊!

由於該月份生日的小朋友都可以參加生日Party,小朋友歲數由最細1歲到4歲都有。當然小朋友有慢熱、有怕羞、有熱情。花花屬於慢熱型,本身仲有少少驚表演的叔叔姨姨,但聽到叔叔姨銕唱出自己日日聽的歌時,花花開始熱情起來,而且仲好投入跟住跳舞添!

今期主題係小朋友都熟悉的 circus

成個party真係睇得出美語世界係用心搞呢個party,由服飾,場地怖置,排舞及編排等方面都做得好好。一開始因為小朋友慢熱,所以先做一D熱身運動,叫小朋友跟住佢地指示跳出跳入 hula hoop仲圍住run around,呢d指令全部係美語世界入面學過,小朋友聽得明自然投入又開心。之後每個小朋友有一張zippy money,比小朋友可選擇買balloon定candy。同時都應對反美語世界入面 huey duey luey買野的情境,小朋友更易代入呢!

當中有自製面具環節

跟住小朋友就可以選擇面具油顏色了,有 clown, bear同 monkey, 而花花選擇了clown。同花爸花媽一齊合作之下油好左,真係估唔到花花會肯帶住個面具,到我地去食野都唔除底呢!油完面具後其實小朋友們都開始投入起來了。當然仲有壓軸環節就係同poompoom又唱又跳啦!呢個時候,當所有小朋友都好投入時,花花係唯一一個喊的小朋友 ―,.―  。仲有同poompoom影相,花花喊得仲勁。哈哈...同花花去迪士尼佢都係勁驚見到人型公仔架,所以花花喊係花媽的預期呢!但最搞笑係poompoom走左後,花花不停叫住poompoom..(>﹏<)

睇下花花喊得幾可憐

Party大約一個半小時,小朋友可以選自己喜歡的snack及飲料,仲每個家庭有一件蛋糕。真係覺得美語世界呢個party係有用心搞的。每個生日的小朋友仲有一份小禮物及一張生日咭呢!好期望花花3歲及細佬一歲再同佢地一齊再來玩啊!

記得要攞反個迪士尼試用嚟玩下啊!
http://www.worldfamily.com.hk/ffp/sl/preaf143

公公生日快樂

花花得寵了!公公又抱又餵食飯。

今年是公公59歲的大日子,明年公公話要擺60大壽,花媽都好同意。看著花公公由當年的年輕力壯工作至上到依家百病纏身弄孫為樂,花媽不禁要感嘆珍惜眼前人。一向花媽同花公公的關係唔錯,直至花花出世半年後,因為一些人和事,我們的關係不似從前。

今天花公公生日,花媽都照樣同花公公一齊慶祝。希望花公公長命百歲,身體健康。

Mother Garden Kitchen

急不及待的花花

早在美國時已經訂左呢款櫥房比花花了。其實一直都想訂mother garden士多啤梨櫥房架,但一考慮到細佬都要玩時,咁就訂左小熊款。雖然比我想像中細座,但手工真係精細又靚。 依家小朋友真係好幸福。

魚仔下面有少許瑕疵,但根本唔留意唔覺的

呢套櫥房我係經facebook購買,因為正好佢地喝個櫥房有少許瑕疵,所以由二千幾減到1960。雖然淘寶只係700幾蚊,但衡量過後再加上運費,不如買日本正貨吧。但花媽決定其他蛋糕小配件在淘寶買\(╯-╰)/ 因為正品真係有少許貴呢,三百幾得幾件玩具。大家都可以參考下呢個淘寶賣家啊!但大前題唔好比小朋友放入口。`∩__∩

http://m.intl.taobao.com/detail/detail.html?spm=0.0.0.0&id=530236726670

懶惰的花媽終於砌左迪尼書架了!

花花媽真係要再讚一下迪士尼的service呢。其實佢地星期六一早送書架來。因為書架代為hold起接近5個月,所以佢地怕會黃。再三打比我問我要唔要換藍色,而我地的白書架已經係最後一個了,花媽依然想keep住要白色,所以都要求要白色呢。好好彩又冇黃呢`(*∩_∩*)′  花媽一直在等花爸砌書架,但花爸太忙了,咁唯有花媽自己砌啦！本身以為要螺絲批,原來只係砌上去架咋。簡單易明,平時唔會砌家俬的花媽都識砌呢。但當然最好有人幫手啦!~@^_^@~

Pebbles

返香港之後同花花報左間在St Cat樓下的playgroup,傳聞中係St cat 開,就好似Art Plus即victoria開的Playgroup.當花媽第一日帶花花返去時,已經見到有職員帶住St Cat的掛牌,而今日花媽收到St Cat的PN及K1申請入學通告,所以花媽可以更肯定Pebbles同St Cat係有關係的。

當花媽有一個tutor time家長朋友同我講覺得Pebbles老師教得好hea時,其實花媽反而覺得唔錯。感覺大致同tutor time一樣,45分鐘中文45分鐘英文,中間有茶點時間。但唔同係Pebbles的中文係以廣東話教學,主要唱歌仔冇故事聽,而Tutor time則係國語故事及唱歌。英文方面Pebbles的老師係亞洲人,tutor time係外國人。Pebbles一本英文故事書可以講幾堂, Tutor Time則一堂一本故事。相對我反而覺得Pebbles 的模式更似幼稚園,可能因為pebbles著重小朋友守紀律(等埋其他小朋友先食及排隊等)。而老師都好著重小朋友的禮貌“請”“謝謝”“please”及“thank you”等字絕對不可缺少。即使大璧心儀的幼稚園未必係st cat,但花媽都會推介比朋友。$480一堂1.5小時的價錢,質量來說花媽覺得可接受呢。

Telephone English

之前報English telephone,報的時候已經見到草草個名,所以都幫花花草草各自選左三首歌,今日終於第一次收到比草草的美語電話。因為出左去食野,所以比較嘈同多雜音,但草草依然聽得好入神。而家姐花花因為去左美國4個月,所以冇聽4個月。開頭一返香港,花花聽第一個call時死都推開電話架。但第二個及第三個(video內為第三個電話)已經口水婆上身,不停同uncle同auntie傾外星語(⊙o⊙) 當然 uncle auntie都好有耐性同花花傾多兩句啦！小朋友對美語電話內的uncle 及auntie有互動真係好感動。

期待花花好似呢個姐姐英文咁叻

最近迪士尼美語世界有一個比用家share英語時光的一分鐘的片段!當然我地都有share呢個“一個會籍,二人享用”的video啦!跟住花媽就望一下其他媽媽分享的片段,無意間比我見到圖中的小朋友,用美語電話時有板有眼對答如流!真係希望花花使用4-5年後會咁叻呢!!!所以花花草草的英文要以呢個小朋友為目標呢!用迪士尼美語世界的小朋友英文真係可以好好,我真係highly recommend比打算買教材比小朋友的家長。

如想睇成段video可以到以下website.

http://worldfamily.com.hk/vdo_sharing/browse.php?age=4

想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143