三週年快樂

3年前的今天,花爸花媽在親朋的見證下在峇里結婚。所謂的三年抱兩,還要一女一子,希望日後我們都能恩恩愛骲,共同為將來努力。

難得一晚可以共享二人世界,但花媽的心依然在家裏。

花爸,三週年快樂。

Mega Box x Tomica

本來打算去megabox只係行下街,點知11:30去就玩到4點幾先走,因為突如奇來的充氣彈彈床。本身我同花爸都唔為意,但見個個有小朋友都5樓出,咁我地都出啦。一出就不得了...人山人海。

只要買滿$200的Tomica的玩具便可有一張遊戲卷,而持有toyrus或babierus的咭,則可以多有一張。如不想購物則可以排隊買遊戲卷,只是$20一張。但一定要留意,玩氣墊床是有分時段,要睇時間排隊啊。我同花花排了大慨45分鐘,又係一個訓練耐性的好時刻。

下星期都仲有架。大家記得去玩了!

誠實的小孩

當大家以為兩歲半怎小孩乜都唔識時,我可以竏大家知...佢地不知幾叻!!!仲要知handsome, ugly同beautiful的分別😆

今日因為下雨,原本打算BBQ都取消了。無無聊聊一家原本打算去mega box,最後還是去了愉景新城。

 花花話要同唔同公內影相(⊙o⊙) 好啦!我地影下啦!!!原本打算排隊玩whale park,但太多人,完全排其到飛,咁算啦!我地享受下有冷氣的indoor 活動啦。

今次又有 trampoline,但只有兩個仲要唔太大的trampoline.當比花花下電啦!結果入到去,花花完全唔slide只係跳,其實咁都好架,因為跳多D能夠強化花花的腳!

ESF AM offer

望穿秋水,終於等到ESF的信了.真係好開心!!!因為ESF收左花花,仲要係收左AM...真係好好彩!!花花終於可以擺脫PM命了 😁

雖然好多人都會誤解只要有錢便可以入到國際學校，對!多年前可能係咁...但現在好多中產的家長都能負擔下而選擇讀國際學校時，相對能考入國際學校並不容易了。我只能說...有些小朋友連面試的機會都未必有,因為有不少小朋友的父母是舊生,亦有不少是有兄姐在讀。

高興的ESF考的並不多,主要希望收的小朋友會聽講英文。現在希望花花能考上year 1吧。

DWE activity card

因為花花已經玩左美語世界一段時間,係時候進入另一個階段,可以玩activity card了。Activity card盒內有4包唔同的咭比小朋友玩,今次等我介紹一下呢個貼紙先。

快來幫mickey minnie換衫吧

每張咭都有唔同的背景,例如夏天,下雨天,晚上,冬天...等等。同時有唔同的衫可以比小朋友貼反上mickey或minnie身上。除左可以比小朋友認識唔同衣服的名稱外,仲可以訓練小朋友的手眼協調。同時可以在玩樂中比小朋友知道冬天應該著毛衣,下雨天著雨衣等。如果花花真係指錯左,佢就會repeat再講件衫名一次及衫顏色。由於小朋友玩得activity card都用左DWE一排, 所以只要認到顏色小朋友都會指啱。玩多幾次,小朋友自然會記得衫名啦!話個秘密你知...我都係剛剛知 turtleneck 係指 roll-neck`(*∩_∩*)′  長知識了。 而且貼紙可以多次重覆使用,唔會貼到塵,花花已經玩左好多次了。

不過唔知點解當花花用minnie pen指向貼紙時,minnie pen都有時反應比較慢,即時答啱左都有機會因指得唔好話你錯。雖然係咁,我多番鼓勵花花再指同一個貼紙多一次,佢就知答案係啱的。如果花花明知自己啱,但minnie pen話佢錯,花花就會講“no! That's right!”越來越對自己所答的都好有信心了。


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

TC ESF

今日放半日,等我同花花可以有少許親子時間

來到2017年,花花又要再面試。ESF面試機會都要waiting list,只有TC因為收生不足而繼續招生。由於花花生性活潑好動,要係比花花讀傳統本地學校應該好辛苦。為免花花成為可憐香港小孩的一份子,我真的很希望花花能成功考入ESF。

基本上,ESF的面試唔係叫interview,而係play section,故明思意即係“玩”。對小朋友來說玩係冇難度,主要係邊玩邊同小朋友傾計時見到小朋友係有英文對答及識英文的。有幸花花能聽講英文。當中花花仲同老師講“Daddy is working. papa is sick”―,.―  明明就冇病...再加一句“Daddy sees the doctor.” 當然去得ESF的小朋友及家長都有一定的英文底子,當中有不少外國人。所以如果能考入的話,我都會非常感恩。

場內setting十分簡單,有幾張桌任由小朋友隨意地坐,有書,有blocs,有lego,有泥膠及有drawing。通過遊戲來玩同小朋友溝通。相對傳統的學校,沒有考核顏色數字等等,相對簡單但更不知收生準則。

有左姐姐後,花花都變成可以靚靚的小公主了。

錦田鄉村俱樂部

咁到撞到朋友仔

最近見到好多朋友都去採摘士多啤梨,當然我地一家都唔會放過今日的大好天氣,沒有太陽又舒服的一日去玩下。本來我以為只係一個摘士多啤的地方,但原來仲有好多野玩架,而且仲有免費泊車。

花花玩得好開心

首先,摘士多啤梨當然要小朋友同大人都唔怕污糟同小昆蟲啦。其次唔好怕曬怕熱,今日係好彩的,因為冇太陽又唔太凍,可以話係靚天氣。我地同花花摘左一磅韓國士多啤梨$100。其實果到有法國、日本同韓國士多啤梨可選。日本士多啤梨我見唔到,只見到法國$80一磅同韓國($100一磅)。而且不設入場費,摘幾多就比幾多。出乎意料之外地甜(大定細都好甜),但建議當造時好去了,因為士多啤梨越摘越少,有機會生唔切呢。

勁多士多啤梨。勁甜

同時都提議小朋友摘完或摘前要check清楚,因為都有唔少被踩爛或本身已爛的士多啤梨。花花十分享受摘士多啤梨的過程,同時花媽都一樣♡(^ε^ )♡ 

第一次騎熊貓

埸內仲有唔少付費設施可玩,例如氣墊床、電動車及碰碰車。花花坐的呢個熊貓就50元玩一圈,碰碰車雙人就$60雙人。仲有免費的睇動物,有rabbit,羊同豬。仲可以買菜餵佢地食,可惜花花乜都驚,不能親親大自然。

借左nana車仔玩

另外仲有個大平原比小朋友玩,可以踩單車同picnic等。花媽仲見到有人BBQ同放風箏,如好似花爸花媽咁乜都冇帶野就可以直接去佢地的小食陪,有包或面食及其他小食可買。除左洗手間拉龍外,冇乜可彈。