迪士尼美語嘉年華

小朋友都勁歌熱舞，好開心啊

一年一度，萬眾期待的迪士尼美語世界嘉年華開始了，其實今年我地都有同草草去，草草第一年參加，雖然未行得穩我地冇比佢出去跳舞，但原來草草由胎教用到依家，對所有歌曲都好有反應，正正就係所謂我地平日input D乜野比佢，依家output反出來。即使草草未講到，但佢的肢體動作，claps hands, hands up等等已經證明左佢已經學到唔少野。

high 到花花呢

同時，係呢個Show最令家長開心的係，所有迪士尼美語世界的小朋友都對美語世界的音樂好熟悉，一大班小朋友一齊唱唱跳跳，感覺仲齊過返playgroup學到的，而且個個小朋友都係開心投入的。雖然未必個個小朋友都會話走出去跳舞，但其實即使係坐位的小朋友比較怕羞都會做下手部等等的動作。

小朋友開心就係咁簡單

同時，最開心同excited的都莫過於家長們，個個化身成龍友為自己心中的小明星不停影相拍video。而花媽最開心竟然係撞到婆婆的鄰居小朋友，原來希希哥哥都有用迪士尼美語世界架!但好可惜...Consultant賣左比佢地之後可能冇做，變左冇人可以解答佢問題lu

想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

迪士尼Jungle Birthday Party

花花終於唔怕大公仔了

終於到左超級期待的一年一度迪士尼美語世界生日Party.上年係circus主題,今年係jungle party,仲可以見到Elvis。開頭我同花爸都以為今次死梗,一定會大喊。出奇地又唔係喎,花花竟然好鐘意Elvis,走時仲要話要再見Elvis。

專心做手工

一開始當然唔少得玩下遊戲,載歌載舞啦。因為年紀大及細的小朋友都一齊,所以好容易見到細的小朋友可以跟住大的小朋友學習。當中有不少細1歲小朋友相當投入,又笑又跳又玩遊戲。而今次仲造左一個小望遠鏡,所以花花都因為咁而識左 binoculars呢個字。一邊遊戲一邊學習正正的迪士尼美語世界的宗旨,真係婇適合不是怪獸家長的我。而當中唱的歌主要係都係美語世界的歌曲,細的小朋友就好有共嗚可以好投入,大的小朋友就直情可以唱出來。

溫馨食蛋糕

最後生日就當然不能少生日蛋糕同禮物啦!每個小朋友都有野飲,餅餅,一個com章同一本小簿子。花花一返到屋企已經急不及待將小簿子畫花了。一個開心的生日party真係好重要呢,希望花花日日開開心心啦。

想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

當花花遇上仙子

 以前我成日唔明白點解D家長對小朋友的表演咁Crazy,現在我明白了,仲好似個小fans一樣咁去影相,認真覺得好搞笑。等左成個鐘,表演兩分鐘。不過咁講,見到花花相對上一次海洋公園表演大有進步,仲成首歌跳晒添。

今次迪士尼酒店表演的感覺好多了,最少唔熱有冷氣。仲有花花遇上SDM仙子,個個小朋友都係咁望住仙子。花花以為 Cinderella真係嚟左,佢又開心又怕羞又要掩飾唔到自己勁開心的一面。真係好搞笑。佢都未試過咁對我同花爸笑架!!!

最後我地去左位於迪士尼酒店的Disney Store.花花又係開心到忘我跑入去,最終我地買左一條白仙公主裙比佢。真係估佢唔到花花竟然鐘意白雪公主(⊙o⊙)

無無聊聊星期六

呢個星期六係花媽最後一天回崇真幫忙,沒有半點的留戀,我只希望可以輕輕鬆鬆過我往後的日子。太有壓力的工作真的不太適合我╯﹏╰ 由於返崇真幫忙了半天,拖住疲累的身軀到新居睇下,回家只能同小朋友係咁二咁玩下。

迪士尼每兩個月寄來的kids magazine係花花最愛

真係唔好少看呢本雜誌,花花好鐘意睇架!仲要期期自己睇,得閒又拎出嚟睇。出面街冇得賣架,迪士尼會員先有,最好係遲D可以配埋點讀筆比小朋友自學自玩。

由於準備搬家,已去到冇野好玩的地步。

 因為搬家,滿滿的書架玩只變成空空的書架。睇下草草幾開心。第一次坐書架。其實當年花花未識行都坐過架。真係有其姐必有其弟。`(*∩_∩*)′

因為執屋,搵到一盒舊玩具

係美國時買左好多玩具比花花,呢一份係其中一份。果時花花未識玩,現在識玩了,仲要一玩就玩左個幾鐘,又可以練手指肌肉,又可以鍛鍊腦筋,都recommend大家可以考慮買。玩具反斗城有售,我果時應該係costco平所以買。但同樣物品我見過深水埗有售,但入面係咪一樣我就唔知了。

十號風球的一天

這個是花花草草的第一個十號風球,突如奇來的一天假期,花媽花爸當然唔會錯過能親子的時間。好,第一件事就係同花花一齊落去感受一下十號風球的厲害(>﹏<)  我地一齊去食早餐。由於風太大的關係,花花驚到要用件雨褸蓋住面唔肯睇。

肯好我們花草一家噚日一早買定大量食物,今天下午同晚飯都唔成問題。同時,因為多了這一天,我就能在百忙中同花草有少許親子時間。係呢個時候,最好就用迪士尼美語世界同花花草草玩。花花可以玩Question and answer cards, 草草就可以玩talk along cards. 我當然都唔放過測試小朋友的機會。花花Q&A cards雖然未能全對,但佢能夠跟咭講句子。草草就能100%拍中talk along cards.其實真係好開心,可以唔洗迫小朋友就能自主學習。

因為天鴿的到來,帶來唔少的風雨,希望各位都能平安地渡過這天.

多謝各位9月媽媽

懷孕除左可以感受到胎動帶來的喜悅，更高興係可以認識到一班一同懷孕的9月廣華媽媽。一班朋友不可能每個都喜歡對方，但好有幸...花媽認識了一批我們都喜歡大家的好朋友，我真心當她們每一位是我的好朋友。更開心是Rain借出她的家來為我慶祝生日，她們都為我送上蛋糕。我真係希望我們的友誼能夠長長久久。花媽明白，小朋友長大了，要為入學功課考試課外活動等開始煩惱而變得少了時間相聚。但花媽亦期望每年最少九月也為我們的九月Babies見一次面，gather一下及更新一下大家的近況。

感謝大家為花媽準備了一個蛋糕。很快花媽亦要離開現在的工作及去到一個新環境，希望新的工作環境會開心啦~ Jez, jill ,rain, kiki...thx alot. Your are always my good friends!

第一次溜冰及夏天下水禮

心情大靚的花花

每次花花經過又一城的一定同花媽講要ice-skating,今次花花得常所願,真的能溜冰了.回想起花媽第一次溜冰係小學,相對現在的小朋友,3歲便要話去學溜冰,真係感慨時代的變遷。當年花婆婆說同樣的價錢,我是學一小時，現在同樣的價錢,花花是學半小時。真係乜都貴啊!

聽老師指示的花花

因為科技的發達，花媽都能即時影低花花整過學習過程比花爸睇。花花的教練是超教練，暫時花媽都覺得超教練係細心的，而且好識得氹小朋友。今日其實都見有一個小朋友唔敢上堂，只係企係出口抱住媽媽，相對花花就一支箭咁出左去(要排頭位等教練推佢出去)。希望花花唔係三分鐘熱度啦!

婆婆忍唔住買個小泳池比花花草草

學完溜冰，花媽就連同花婆及花花一齊去買一個small swimming pool，自從花花在學校玩過small swimming pool後，就一直都要求想係small swimming pool玩。咁好啦~就比花花同草草來一個summer下水禮了。當然花花的興奮到不停笑不停玩水，草草一開始相對比較驚同不停抱住姐姐。後來，玩耐左就手指都縐皮唔肯走。

真係玩得好開心