花花。草草。每一天

2020年3月27日星期五

Home Learning Material 11- 在家學習11 (Earth Day)

因為明天就係「地球日」 Earth Day,所以花媽都準備咗同花花點樣去迎接呢一個咁有意義嘅日子☺️，就係帶花花去回收桶，等佢知道回收嘅重要性同埋唔同顏色垃圾嘅分類。平時我哋都可能忙工作，忙做功課，忽略了身邊嘅事情，而今次抗疫的日子，我哋可以真真正正咁感受一下身邊嘅事物。原來在家學習唔單只係喺書本上，而係日常生活上面對的環境都有唔同嘅事物可以介紹俾我哋嘅小朋友。

抗疫之停課不停學☺️戴住口罩學環保

今天，我選擇不拿着課本教花花環保的概念，啡色是膠樽、藍色是廢紙、黃色是鋁罐等等。當然這個比較困難的概念，我會先教有思考分析能力的，而草草過一兩年再教也未遲。同時Oxford Path其中一本書也教小朋友環保慨念☺️。雖然我未有拿著書本教花花，但原來好多事情在現實生活學習，總比書本來得有趣，小朋友的記憶更會因為真正實淺而成為深層記憶。

大家記住明天8:30am-9:30am是Earth day! 🌍 給地球一小時的休息，減少一小時的碳排放量💪🏻

2020年3月22日星期日

Home Learning Material 10 - 在家學習10

依家都變咗嘅假期日子唔會出街，因為出親去周圍都係人，依家肺炎咁嚴重，都唔敢同小朋友出去。就好似今日星期日…... 我地又困係屋企了😞😞

無無聊聊冇野做，拎隻美語世界出來比佢地玩，一睇之下原來係教運動😎😎真係好，反正平日呆係屋企，乜運動都冇做過☺️有兩個小朋友最開心就係細果個跟住大果個做動作。有時花媽都覺得悶得濟，跟住佢地一齊做運動🤣兩個小朋友同時做運動，真係好得意。

原來迪士尼美語世界唔止關顧小朋友的腦仔發展，仲關顧小朋友的肌肉發展。特別係依家小朋友出唔到去，更加可以係身心及頭腦上幫到小朋友發展。一個教學系統，一個family咁用真係好抵☺️而且我地用足五年，如果大家都想知花花草草點用五年都唔厭，仲玩得咁開心，歡迎拎隻兒歌體驗版比小朋友在家學習一下啦☺️

http://www.worldfamily.com.hk/ffp/sl/preaf143

私立學校

花媽一直都在私立學校工作，而且從小都在私立學校讀書，所以對私立學校都有一定的認識。而花媽工作的私立學校也算是每年都很多人競爭的，學費由數千元起跳而且年年加價啊😅即使每年加價都很多人競爭，因為私立學校一般師資比較好，最重要是NET很多，例如全校老師約有四分之一或三分之一都是外籍老師。相對一所政府學校只有一至兩名外籍老師，小孩能夠接觸英語的機會並不多。而且私立學校課程可以自訂，相對功課量都比較少，這正正是大部份家長喜歡選擇私立學校的原因🥰

當然如果要可以入私立學校，小孩子一定要有相對的競爭力。一般比較多人競爭的私立學校，可能會有二至三個interview。很多人都會說仲難過見工，錯！是比見工還難。因為我的表現，我是可以控制的；但小孩子的表現，不是我的掌握範圍。

以我在學校的經驗，一般First interview會考小朋友的英文、中文及數學，先篩走一些語文能力不太高的小朋友。從而選取語文能力合乎要求的小朋友來second interview。 second interview 是通過小遊戲考驗小朋友的合群性、聆聽、耐性… …等。因為通過遊戲，最能看得出小朋友真正的性格。而最後的是Final interview，這就是最後一關——見家長🧐。亦是很多人很擔心的，小孩能得夠，但因為父母已入不到心儀學校，很多家長也會自責吧。這也是家長會覺得比見工還有壓力的一關😭。

由於私立學校的費用高昂，而且也可以參加大抽獎，很多家長會有私立學校的Offer後，也會比較進取填寫大抽獎的表格。心態就如抽不到是正常，抽到就未來五年比較便宜。

**不是每間私立學校都要過五關斬六將的，這只是花媽工作學校的要求。

2020年3月18日星期三

理解能力

相信有唔少媽媽都會諗我讀完呢一本書俾小朋友聽，到底個故事佢有幾多成係明白嘅呢？即使花花草草用咗迪士尼美語世界五年了，我係知道佢哋會聽得明講得到亦都理解得到迪士尼美語世界的故事內容，但確實點做到… …我都諗咗好耐🧐。直到今朝，我一邊播story and song 4，草草一邊睇book 4，我開始明白佢哋平時點做個環境，點樣系統式的方法去幫小朋友理解故事。🥰

平時我都會有一啲課外書，入面都會有隻CD小朋友講返個故事內容，但往往花花草草都唔可以聽CD內容的同時，自己亦都會因應書嘅內容去揭呢一本書，證明小朋友根本唔知呢隻CD同呢本故事書是相對應及有關連。我甚至乎試過有書係以歌曲形式比小朋友，根本連我大人都跟唔切🤣🤣。

而今次我發現草草會知道CD播的內容，點解會知？因為當草草以為講完果頁揭左去後一頁時，但發現原來前一草仲未完，又揭反去前一頁聽，證明草草有一定聆聽英文的能力😎。跟住迪士尼美語世界的CD仲會有問小朋友問題，草草邊聽又邊答，證明草草又能理解又能會話的能力🤓。

好多人都會誤解迪士尼美語世界需要比小朋友睇好多電視，但我確實可以證明花花草草睇書b📚 的時間一定比睇電視多，DVD只係其中一個輔助品，有如字咭、poster、點讀筆，而書先係小朋友睇得最耐又最多的。我好興幸當年用了迪士尼美語世界比花花草草😊等我呢幾年教佢地都係輕鬆冇壓力☺️

如果你都想自己未來的日子唔洗再煩小朋友英文，提升佢地的閱讀興趣，拎隻兒歌體驗套裝返去了解一下啦！
http://www.worldfamily.com.hk/ffp/sl/preaf143

2020年3月17日星期二

BBQ Day

盡餓的我們，忍唔住洗出一叉四腸絕招🤣

花爸突然之間星期二有假放，所以我哋一家整裝待發咁去燒嘢食。記得對上一次燒嘢食，草草仲未識行，而家已經識得玩 scooter 🛴 了！又係時候慨嘆歲月催人老...😭😭不過今次嘅燒烤比上次來得輕鬆，因為花花草草已經大個仔大個女，識得自己玩自己食。而最特別之處就係我哋除咗食嘢嘅時候，都係要戴住口罩嘅 😷 。

乖乖坐定定

今次我哋選擇咗嘅地點係獅子山燒烤場，隔離就有一個公園俾小朋友遊戲。真係估唔到原來平日都咁多人，我哋大概11點左右去到，相信入邊有30個爐左右，外面大約十多個爐都已經俾人用咗，以我和花爸就選擇一個比較入及比較私隱度比較高的爈。😊跟住我哋仲開埋個麵包超人帳篷俾小朋友坐入去，以免同太多陌生人接觸。真係估唔到，原來平日都咁多人放假… …到我哋差唔多走（大約三點左右），更加有人開始排隊等爐😅

大人燒野食，花花草草玩車 🚗

雖然今次突發燒烤日來得突然，但係被困家中多時的花花草草真的很高興🥰真係太耐冇出街了，究竟肺炎幾時可以完結呢？花花第一個小學生涯、草草第一個幼稚園生涯… …係咪咁就完結呢？😞

特別分享：花媽燒嘢食咁多次，都係第一次有人排隊跟爐。而這個排隊的男士非常好禮貌，佢放低左架車仔，然後就行開一邊坐低等我哋，絕對冇俾個壓力我地！點解花媽知佢坐埋一邊呢？因為當我去廁所的時候，我見到這位男士坐在公園前，一直望着我們的方向。而當中亦都有好幾名女士問我們是否要離開，我們一直表示有一位男士正在等候，而這些女士就會同我地講「放低啲嘢係到！好攰」「可否坐一陣！」。兩種等爐的方法，真係前者比較伸士gentleman!令到花媽都突然有所頓悟。🥰

2020年3月13日星期五

如何培養閱讀習慣

當你放工回家，見到屋企呢個境像，應該❤️都話晒

最近花媽都好忙，放工都中冇乜時間陪小朋友，但今日一開門見到花花草草呢個景象，真係忍唔住要影低佢，☺️覺得自己再辛苦工作都係值得！我好多有兩個小朋友嘅朋友，都話屋企好多玩具同埋好亂，而我屋企最多嘅就係書，無論係童話故事書、science adventure 定係non fiction book 都有一大堆。呢啲一大堆書並唔係得個擺字，而花花草草每一日都會睇唔同嘅書，鍾意嘅書會睇多幾次，唔太有興趣都會最少睇一次😄。我嘅朋友都會問我點解花花草草咁鍾意睇書，呢個問題我都諗咗好多次。

草草小時侯用點讀筆睇迪士尼美語世界的書

如果你問我，花媽我自己絕對係一個討厭睇書嘅人，我細個讀書只會讀學校嘅測驗或考試範圍，課外書只限於學校嘅閱讀報告我先會去睇😅。係我六年嘅小學生涯及五年嘅中學生涯裏，學校嗰張圖書證我只係用過一次，講完自己都有啲尷尬😝。生左花花草草之後，呢5年半我覺得我簡直睇咗我過往三十幾年書的總和😅。究竟呢一個咁憎睇書嘅人，點解我啲仔女會咁鍾意睇書呢？我多番思考之後，我發現應該係一個方法及工具幫助我。

其他書又不斷睇

成個迪士尼美語世界的教學系統，係我做FTM同後期返工嘅時候幫咗我唔少。當我係全職媽媽時，我又要忙於家務又要忙於照顧花花，根本冇時間去用oxford path去教花花玩，成套工具擺為主，又冇人教我用。後來用咗迪士尼美語世界，我簡單㩒個制就可以俾個環境花花，然後有時間就同佢玩下字咭睇下書。原來久而久之花花已經學到好多個生字，同時我都會問自己點解咁快會識咁多字嘅？🧐後來我就發現原來平時花花聽嘅歌同睇嘅書係有關連，睇的書同玩的字咭又有關連，字咭又link up poster，poster又link up點讀筆...等等，每一個工具都係有連貫性，唔係普通出面一本書或一個玩具做到的效果。

花花細個又係坐定定睇迪士尼美語世界

到草草出世，我就開始正式上班。當時我都用了一個唔識英文嘅印尼姐姐，起初都會擔心姐姐點用呢套教材，但原來我返咗工嘅時候，姐姐做返我當年全職媽媽做嘅動作🥰，唔需要用英文同小朋友溝通，小朋友嘅效果都可以好好，甚至連姐姐走果時英文都好左好多🤣🤣。原來小朋友鍾意睇書係因為佢完全了解書本裏面嘅內容先會鍾意睇，所以連貫性咁重要。另外，我們如何提升小朋友閱讀的興趣？🧐小朋友先要了解書本嘅內容才會對書本有興趣。提起興趣後，我們便要增強小朋友在中文以外語言的自信心。所以迪士尼美語世界就會有每星期一次的美語電話，有真人哥哥姐姐打電話同小朋友唱歌講故事，而唱的歌或講的故事都是環繞着迪士尼美語世界的內容。🥰