假日親子活動 - 整餅

未開始時大家勁開心

因為疫情嘅緣故，花媽基本淨係同花花草草點對點咁出去，而去得最多嘅地方就係花婆婆屋企，但係有時候都覺得小朋友太慘啦，所以今日搵咗一個特地節目，整餅整蛋糕！✌🏻

草草第一次用廚房工具

好彩花婆婆幫我手，如果唔係...以花媽嘅實力，都幾難完成作品！🤣🤣而我最欣賞呢個地方，就係有晒食譜、材料、工具俾一家大細或情侶打發時間😊雖然裏面嘅員工未必話識整餅，但起碼我又唔使洗唔使煩唔使準備材料，對於花媽我呢一種冷嗎來講係非常之有用！

睇吓花花幾努力鋪餅底！

對於整蛋糕來講，花媽只可以話我係一個新手！基本上整任何嘢食… …都唔係我最在行嘅地方！🤣🤣而花花亦都揀咗一個中難道嘅乳酪蛋糕...咁就大家一齊努力啦💪🏻

花花努力咁量度完，再撈埋啲材料！

花婆婆醒啊，揀咗做朱古力曲奇，成件事快我哋勁多，當草草整完嘅時候…...就不停走來走去，男仔真係對整嘢食冇乜興趣，定係遺傳咗我嘅基因？🙄🙄

花婆婆比花花一齊參與

我地即時試用草草整朱古力曲奇呢個成品，原來曲奇暖暖地咁食真係好好食！😋但唔知點解花媽總覺得有少少燥燶味...而朱古力曲奇🍪因為顏色問題而見唔佢燶左...

睇下草草又玩鉸剪😑

花媽之所以咁認為自己唔可以做蛋糕，因為今次其實我哋整呢個乳酪蛋糕… …係失敗嘅！😔本身應該會有三層色、又要返屋企食野...沖涼...每層等15分鐘...所以整左兩層我地就走了！😜

放埋D藍莓🫐先

小朋友最開心其實都係放下生果...放下dressing同decorations...完成後就照合照！總結：花媽首先覺得下次要同姐姐一齊玩🤣整野食真係姐姐做最好。

終於完成

花花2021年第一天上課日

 

噚晚勁開心

花花2021年終於返學了🎉🎉

學校實行每年級返一日學直至農曆新年，計下計下...農曆新年之前花花可以返到三日學🤣🤣我同姐姐都表示好過冇，同時都覺得學校已經盡左力👍🏻

今朝花花一早換好晒衫，等待花媽同佢返學🎒 估唔到咁凍天氣，花花冇扭計...證明佢有幾期待返學🤣🤣我細個都未試過咁期待返學

之前朋友同我分享佢女女小二的功課，我見到都覺得辛苦😫，下次同大家分享。原來依家小朋友上到直資，可能話功課少D，但原來都唔輕鬆。我見通式科分左幾大類，但全部都用英文教。英文差D都好難追，特別呢段返唔到學的時間，大家媽媽們，加油啊💪🏻

今日出左門口，因為平時zoom所有野都係花媽搞，花爸突然打比我問我草草zoom點登入😅真係...教育靠男人就死得（最少花爸係）花媽都不禁歎一口涼氣😑

花花迪士尼美語世界畢業禮

花花終於畢業了！

如果大家都想知道點樣同小朋友喺迪士尼美語世界有一個畢業禮，就可以click以下條link去睇返啦！👇🏻👇🏻

http://www.worldfamily.com.hk/ffp/sl/preaf143

花媽、花花草草合照

好開心5年前做咗呢個決定，決定同花花用迪士尼美語世界。雖然我喺懷孕嘅時間錯誤地選擇用Oxford Path，但係今日我唔會後悔再買一套教材工具俾我嘅小朋友，因為我好清楚小朋友嘅成長，學習語言天生嘅能力一生人只有一次。所以花花草草今日中文英文都可以講得咁好😁

仲有花爸Zippy同Pompom

花媽我自己都唔記得咗花花幾大個開始用迪士尼美語世界，但係今次畢業禮我終於知道原來哈哈一歲四個月開始用，前年四歲六個月就已經可以畢業啦！🤧🤧呢幾萬蚊真係用得好抵，最抵係兩個小朋友都可以用到仲要講到一口流利嘅英文。相對Oxford Path 完全冇畢業冇Follow up，我都唔知我嗰六萬蚊用左去邊度！除咗一埋書以外，乜嘢能力都冇！😓

穿上了迪士尼美語世界的畢業🎓袍

而今次令到我比較失望嘅就係因為疫情，花花冇咗畢業禮，令到我最傷心嘅就係花花同我講我幾時可以唱 You Raise me up 😭😭佢苦練左成個月了！

草草都唔執輸，又話要影！

 所以我決定同花花苦讀Cambridge English!等佢出年可以同細佬一齊行畢業禮！因為好多人都唔知原來迪士尼美語世界畢業嘅小朋友，迪士尼美語世界會資助一半價錢比小朋友去考Cambridge English!🤩🤩等花花都可以重新再唱一次You Raise Me Up😊

巧遇Blog Fans

今日竟然因為誤會中嘅誤會遇上花花草草呢個blog的讀者，其實花媽都感到好愕然，冇諗過竟然會因為呢個blog會有人認得！仲要係半蒙面嘅狀態下...😳😳

圖文不附

今日大家傾左一陣，講下因為呢個blog買左迪士尼美語世界😅、花花草草點入ESF、草草點樣係美國出世...點樣拎passport...真心估唔到咁樣都會有人想知。其實如果想搵我，comment留言搵到我架喇🤣🤣

http://www.worldfamily.com.hk/ffp/sl/preaf143

當大家話我好耐冇出post...係呀！因為花花草草上zoom,前排幫草草報小學，仲要自己工作好忙，所以冇時間🥲但我都準備出post架喇！等我😅😅

Merry Christmas

花爸超錫花花草草

花花草草大個仔大個女了，依家會寫信比聖誕老人話想要乜野🤣今年一個話要Dinosaurs Paws Patrol,一個話要lol...🤣🤣🤣結果姨婆、婆婆、花媽本人及花爸都大手筆...仲有好朋友的爸爸媽媽都送大禮比花花草草。真係萬千寵愛的花花草草👍🏻👍🏻

70+開箱

今日boxing day第一件事係叫醒花媽玩拆禮物 🎁 今年聖誕節好特別，小朋友都帶住口罩過日子，所以花爸特別買咁大份玩具比佢地！希望明年會更好...希望明年今日唔洗再帶口罩☺️
 

迪士尼美語世界 cap淺藍及藍色帽

一齊影淺藍色帽

一直都做好左Cap,但一直都未有時間去拎，今日終於有時間了☺️留甜綠青黃下次先拎，等佢地記住呢個重要時刻！依家影完相信可以印反張相做紀念，花媽真係好開心啊😍呢個悠長假期亦完成左妳多CAP，起碼睇到小朋友成長的唔同階段同變化🤩快D了解一下迪士尼美語世界啦！

唔想疫情小朋友在家無無聊聊，歡迎申請兒歌試聽版比BB😊 interview真係好幫到手架👍🏻

http://www.worldfamily.com.hk/ffp/sl/preaf143

藍色帽仔

 

D2 Place 雪の泉 荔の湯

滿心歡喜入去玩😊

 

今日同花花草草去左D2 place 玩順便拎Cap, 我地首先消費左$500，就可以免費入去荔の湯玩，記得要消費啊，如消費$200只可以一人入去😢但確實只能當一個小景點影相。入去出示收據，消費$500會送一個小杯墊，呢個是在D2 Place 2期的

有個日式沒水大浴池

入到去其實有一些小玩意玩，但必須成為會員先可以玩，即使願意直接付款亦不能玩😅，所以我地就冇玩了。隨便影張相就算...唔洗錢入去睇下都可以，但都幾無聊😒

重要景點：雪の泉

記得啊！取票要於D2 Place一期，但景點於D2 Place二期 10被再上一層的天台。最早場次是在3pm，我們1pm拎款，不用排隊，人不多。不過可能聖誕期間會比較多人啊😉

花花要影女神相

因為佢地噴出來的是bubble,有機會整到小朋友眼睛啊！家長要注意啊⚠️不過的確小朋友玩得好開心，更加係因為佢地從未見過真雪。

花花以為呢個泉係熱架😂😂

由於限人數，當中的人唔算多，在疫情下有一點戶外活動真係好開心了！當係苦中一點甜😌😌本身都唔覺得旅行係一件奢侈的事，現在覺得真係有得去要快D去！

令我更想去日本😍