沙田Snoopy Park

咁signature 的巴士，點都要影張相！

因為疫情，好多公園都冇開。趁着花花今日唔使返學，我哋帶咗佢去沙田行吓街，諗住買下返學鞋，因為之前對返學鞋都有啲窄😁。點知返學鞋買唔到，結果發現左有個公園開。仲記得對上一次嚟呢個公園，就係花媽有左草草冇幾耐。一轉眼草草都四歲半了...

原來好多人都知Snoopy Park開左！

因為疫情，小朋友好少出街去公園訓練大肌肉，如果可以...我都好建議爸爸媽媽帶小朋友去呢個公園玩一下😄今日花爸花媽放假，終於感受到唔洗係公園設施陪小朋友爬上爬落的高興😁我地坐在陰暗處，等花花玩完返嚟搵我地...小朋友大了...好輕鬆😌😌

註：入場免費但需要登記。

Poly Vision

 

視光師姐姐很有耐性及愛心☺️

一向政府健康院都會有為年滿四歲嘅小朋友安排一次眼科檢查，但因為疫情，阿媽都唔敢帶草草去健康院，一直都未有預約驗眼。

但最近花媽發現草草睇野唔清楚，點解咁講呢？🤨因為有一次可以外出食飯嘅時候，我同草草等緊位，明明屏幕顯示B82，草草話BB2，我再問花花，花花以小孩角度來看，都是看到B82，所以花媽開始懷疑草草的視覺有問題。

花媽在情急的情況下，冇特別問朋友...只係隨便搵Google大神問，結果搵到Poly Vision，而最快的檔期就只有平日，所以花媽即時今日約聽日咁就帶草草驗眼。因為預約星期六或日的檔期最快要去到7月😱

今日去到，進行一系列驗眼、驗色盲、驗青光眼…等，結果驗出草草天生有遠視及散光，所以草草睇近野又唔清楚遠野又唔清楚，咁樣會令草草腦仔視覺區域比同年小朋友慢，從而要帶眼鏡糾正，希望在8歲黃金視覺發展期可以去反正常小朋友的發展😔

其實花媽同工人姐姐都好內疚😣，因為我地一直都冇為意草草睇書咁近係因為睇唔到，而覺得佢習慣係咁。花媽平時仲要推佢頭仔叫佢佳好D😢...我同姐姐都忍唔住，講到有少少想喊😭😭😭所以我希望大家唔好步我後塵，花媽建議大家要留意小朋友的眼睛發展，及早發覺會更好👍🏻好彩草草係4歲半發現，視光師說是Best time...因為小朋友有一定的認知（例如數字及ABC)能力，又可以表達得到。驗眼過程尚算順利...約左半年後再驗，係時候幫花花定期駈大眼了！

真心推介，好專業

Poly Vision:

http://polyvision.com.hk/mobile/

疫情下的迪士尼樂園

乜野姿勢🤣

疫情下...終於可以再入迪士尼樂園玩了👏🏻👏🏻👏🏻平身打算星期六日去，但full booking...咁啱花爸花媽都星期五放假，所以我地一家四口連同姐姐一齊入園玩！今日我地入到去已經2點幾了，因為我地要等埋花花放學☺️但都無阻我地的心情

咁正常好多🤣

一去到最觸目當然係最新的睡公主城堡啦！花花草草影相都影左幾個字😑😑然後仲要係城堡低下見到睡公主同小朋友影相啊！如果花媽細個可以成日去迪士尼就好了...

上次同草草入園，草草仲未可以玩飛熊山谷，今次草草長高了！終於可以一試...點知🤣🤣入去係威係勢，出嚟再問佢玩唔玩多次...佢話夠了，有少少恐怖😌原來...草草咁細膽！

好靚的堡壘...又令我想起新天鵝堡

因為天雨關係，今次我地睇多左show！睇左lion king 👑...花花草草極之投入👍🏻👍🏻真係估唔到！睇show的過程中，花媽不期然在想...真心希望疫情快一點結束。

由於預約好快爆滿，所以建議大家及早預約，但亦唔需要怕好多人，當大家排隊時，可能會見到大排長龍，但因為有間距，所以感覺雖然好似好多人，但其實排隊嘅時間非常之短！

迪士尼入園預約：可按此預約入園

 

義工日

 

花花草草人生第一次做義工，我們去了派飯☺️

早前花花突然同花媽講想做義工幫助poor people，一直花媽都有一位好朋友是義工愛好者，心地善良有愛心，亦都同花媽識左差唔多廿年。所以當花花同花媽講想做義工，花媽第一時間想起我呢位好朋友😊

我朋友都話第一次有小朋友同佢一齊派飯，而花花今次亦用左佢零用錢來贊助水比有需要的人👍🏻小朋友真係好天真及充滿童真！朋友亦大讚花花草草幫到手同埋乖余乖女...雖然有走來走去，但都有小小幫手🥰

幫助有需要的人是一件開心事

今年除左初一要返婆婆到拜年，初二冇野做就去左做義工😊花媽好感恩花花咁有愛心🧡希望佢呢個愛心可以keep住啦！第一次做義工，花花草草企左兩小時，準備左半小時，用晒D電了🤣🤣好早...佢地就訓左了！

Esf kindergarten Gallery

Kindergarten Gallery

早前收到學校嘅邀請，我就同草草做咗一幅關於牛年嘅圖工俾學校，估唔到學校咁有心思會有個Gallery 🥰有興趣嘅朋友，都可以聽以上嘅連結去睇吓其他小朋友嘅作品😊

製作簡單，我最開心係草草自己寫字架

雖然上年同前年基本冇返過學，但草草的進度都算唔錯（自我感覺良好🤪）

新年art & craft - 龍

首先花媽為草草準備所有素材

之前做左個牛年牛牛勞作，今日等我地做個龍的勞作啦！😊今次我地準備左綠色的紙做身體、白色的紙做眼牙耳仔、紅色的做火及一支飲管

草草幫手用膠水

萬事俱備下，草草只係用漿糊筆將需要嘅部份貼在正確的位置，做法非常簡單👍🏻

再貼貼貼

好快龍就越來越似樣了！貼好後再將飲管放入並將紅色的火放在上面。當小朋友一吹，火🔥就會郁了👍🏻造法好簡單。可以培養大家的親子關係，好可以訓練小朋友的手眼協調啊😊

草草好專心啊🥰

Credited to: https://youtu.be/fjkwQDVon4U
 

假日親子活動 - 整餅

未開始時大家勁開心

因為疫情嘅緣故，花媽基本淨係同花花草草點對點咁出去，而去得最多嘅地方就係花婆婆屋企，但係有時候都覺得小朋友太慘啦，所以今日搵咗一個特地節目，整餅整蛋糕！✌🏻

草草第一次用廚房工具

好彩花婆婆幫我手，如果唔係...以花媽嘅實力，都幾難完成作品！🤣🤣而我最欣賞呢個地方，就係有晒食譜、材料、工具俾一家大細或情侶打發時間😊雖然裏面嘅員工未必話識整餅，但起碼我又唔使洗唔使煩唔使準備材料，對於花媽我呢一種冷嗎來講係非常之有用！

睇吓花花幾努力鋪餅底！

對於整蛋糕來講，花媽只可以話我係一個新手！基本上整任何嘢食… …都唔係我最在行嘅地方！🤣🤣而花花亦都揀咗一個中難道嘅乳酪蛋糕...咁就大家一齊努力啦💪🏻

花花努力咁量度完，再撈埋啲材料！

花婆婆醒啊，揀咗做朱古力曲奇，成件事快我哋勁多，當草草整完嘅時候…...就不停走來走去，男仔真係對整嘢食冇乜興趣，定係遺傳咗我嘅基因？🙄🙄

花婆婆比花花一齊參與

我地即時試用草草整朱古力曲奇呢個成品，原來曲奇暖暖地咁食真係好好食！😋但唔知點解花媽總覺得有少少燥燶味...而朱古力曲奇🍪因為顏色問題而見唔佢燶左...

睇下草草又玩鉸剪😑

花媽之所以咁認為自己唔可以做蛋糕，因為今次其實我哋整呢個乳酪蛋糕… …係失敗嘅！😔本身應該會有三層色、又要返屋企食野...沖涼...每層等15分鐘...所以整左兩層我地就走了！😜

放埋D藍莓🫐先

小朋友最開心其實都係放下生果...放下dressing同decorations...完成後就照合照！總結：花媽首先覺得下次要同姐姐一齊玩🤣整野食真係姐姐做最好。

終於完成