花媽生蛇

正當我噚日同part time同事講完自己皮膚好,皮膚好少出疹等等,轉個頭心口有幾粒水泡。點知今日背脊都生埋水泡,趁公司人唔多速去睇醫生。醫生一睇話我生蛇,天啊!我連水痘都未生過竟然生蛇(>﹏<)  經我同jeanjean研究,應該係星期六去元朗playhouse出事。

由於生蛇,我要展開同花花隔離的生涯了。依家所有野都只能靠花爸了。Q_Q

Noble Place 聖誕Party

花花第一次到迪士尼酒店開聖誕Party

第一次到Noble Place搞的聖誕Party,所以特登為花花扮靚D。去到除左有好多美味食物外,仲可以同Micky, Minnie及Pluto影相啊!今日花花一定好開心啦！有bouncy castle,有車車玩,又有美食。花花簡直大解放,而我同花爸就得番半條命了。因為花花係bouncy castle 不停玩,我同花爸就要輪住睇住佢,最終花花都玩到體力透支,玩到訓左係個castle入面。哈哈…(～ o ～)~zZ

和micky minnie及 pluto合照啊!

一上車花花就即訓了。真係放電良物(仲放埋爸媽電啊！)跟俶就放聖誕假了,我地真係要好好休息,準備我地的上海之旅呢!

九龍城蒙特梭利playgroup

早前花媽在ilovemama買左個4次的蒙特梭利課程，貪佢又平又近啦。近到我地行過去都唔洗10分鐘。

老師一開始就話小朋友其實可以自由活動，去“工作”一下。佢地稱呼玩玩具為“工作”，佢真係有好多蒙氏工作，但不一定全木制，有一D“工作”亦可以自行製作，都值得參考呢。小朋隶每次做“工作”時都要將“工作”放於自己桌上玩,玩完收拾好再放回原位。今日只有一個年紀大少少的小妹妹做到，其他就直接自己係地下玩。

但呢個playgroup花媽覺得麻麻地。因為個老師英文唔標準而且超港式。一句中一句英，真係好差。

文娜雅拔面試

今日花花面試文娜雅拔，花花心情認真麻麻。可能今日天氣比較熱，去到manhabit小朋友同大人都多，冷氣不足下真係好煩燥。建議真係要著短袖衫去啊。

首先，登記完就在外面等叫名面試。如果小朋友唔夠訓或心情唔好，陪等都幾辛苦架!

終於叫花花名面試了，(>﹏<) 竟然好似playgroup咁大家一齊坐底唱兒歌!(天啊!花媽著裙著絲襪，是日淑女feel啊!)好!我硬著頭皮坐下。老師帶領小朋友唱下兒歌，講下今日係“friday”,“windy”咁。老師同小朋友shake hands，其他老師就企係到比分。

上完playgroup之後，就到一枱5-6人玩玩具。玩具有形狀蛋蛋同背後可疊高的車車。玩完分組玩具後就被安排到一間房坐下等下玩玩具。後來花被叫名一對二老師面試了。首先老師會比個公仔花花問花花“眼睛”“咀巴”“耳朵”等等，再 一張咭月有不同生果。之後用英文問where is the apple? Where is the banana?等。再而問顏色(都係用英文問的)而老師都問左花媽幾個問題“平日邊個湊BB架?”“平日同BB講咩語言?”“點解選呢間學校?”“同BB去邊到玩多?”等等

後記:花媽真係有少少頂唔順隔離個爸爸不停為表現個女用高8度及勁唔準的英文去教個女。當個女玩緊蛋蛋時，佢不停open同close。當佢個女想攞花花玩具時佢就同佢個女講“No!one time one toy”等半中半英的語言。每次佢個女做啱左動力佢都以高8度的聲線尖叫“Oh! Good girl!”“good girl” 其實佢可以用下“excellent” “well done” “good job”等字。咁咪顯得冇咁詞窮囉╯﹏╰  當然我即時O咀同唔再出聲了。

再戰Noble Place

花花的手仔肌肉真係唔錯喎。連綠豆都攞到

今日上玩friendship garden後已經1:30了。花花3:30又要上noble place。咁好啦!我地唯有到婆婆家休息一下啦。本身想花花食完lunch再訓一陣。點知花花完全唔訓，仲好精神，咁唯有3:10出發上noble place 啦。

今日係pg，花花第一次唔洗扶野自己企左起身呀!看到花花自己企起身真係好感動呀!上完noble place上車唔洗一分鐘就訓左了。Y(^_^)Y。不過放佢上床佢曲住腳咁訓，轉眼間佢就對腳跌左落床企係到訓左。好搞笑。

體力透支的花花(～ o ～)~zZ 

Friendship Garden Playgroup

終於幫花花報到呢個又平又正的playgroup了。語境全英文，香港人有幾個,日本人有幾個,印巴人又有幾個。我估個到都有十個以上的小朋友架!但呢個價錢真係又平又抵玩。

有大量玩具比小朋友玩，有顏色有入錢有水波波玩，同一般pg好唔同。

唱下兒歌玩下bubble做下動作，不過真心唔太鐘印巴小朋友，可能因為佢地父母本身唔會睇住自己小朋友啦，其中一個印巴妹妹為左拉開花花扯左佢D頭髮幾下，果下我真係O左咀。不過唔緊要啦！扯下可能快長D呢！哈哈

我地係出面的playground玩bubble，為左氹花花開心，花媽不停吹，吹到頭都暈了。哈哈*@_@*  跟住就返去課室食茶點了。omg....茶點係佢比埋，大人都可以食架。點解可以平靚正到咁。

當花花遇上小花

好嗲人的小花啊

OMG...唐6出現了米奇啊~正正噚晚當花媽沖茶時見到,真係嚇死我呀!而花爸仲訓到成隻死豬咁呀~經花媽尖叫左幾下,花爸終於醒來了.花爸當然唔會幫我捉米奇啦~但當花爸去洗手間時米奇又出現了,花爸尖叫左一下再一個盤飛埋去,米奇立即吐血身亡.花爸掃走左米奇後,再同我講一個好消息.OMG....more than 1 mickey!!!!!

所以今日我立即去問鄰居杜先生杜太太借出可愛家貓小花,真係好有緣啊!!!!又是花...我家小狗叫綿花...女兒要花花...借來的貓咪叫小花.當花花叫到小花時,真係好開心,伸出兩隻手係咁叫小花走入佢懷抱.小花真係一個好嗲的可人兒.但可能怕生保啦,小花一直躲在梳化底啊,花花就爬係地下搵小花呢.呢個場面真係好搞笑呀~就因為小花呢個名字,今日花花不停"花花花花"咁叫...佢又學試一個新的音了.

明慧簡介會

我排時人龍已去到"一點心"

上星期係北角分校的簡介會,今星期終於到太子分校了,由於花花要學游水,唯有我地要分開行,係排隊其間我見到多多一齊上堂的媽媽呢!大家一齊坐一齊討論下明慧的好及壞的地方.

其實花媽都參加左唔同我媽媽whatsapp谷,好多媽媽聽完簡介會都覺得明慧唔錯,的確,佢K1開始上次學日文,小朋友可以在幼稚園後已認試日本的音,我都好欣賞呢樣野.校舍兩層又大又靚,老師就當日睇似乎都有愛心呢!佢仲有一D課程唔係所有學校有,例如教小朋友睇立體圖形由幾多個正方形組成及教小朋友發"sit"自己的情緒等等我都覺得唔錯.一開始的片段,小朋友能自己放書包入櫃又能放自己的用品入書包,令我同多多媽媽都好喜歡.

可惜,當校長講野時,我就有另一個感覺了.當佢話如果學校收左你而你又比左票留位,但第二日另一間心儀學校收左你喎,如果你想問學校攞返留位費就當然唔得啦!OK,作為一個家長,我好明白架,但都唔好由校長口中講出嚟呀.我真係覺得好市儈呀!而好似除左英文課外,其他課堂都以中文為主咁...似乎真係唔係我太想要的東西!片中見到的K3小朋友的英文都好港式呢~~~似乎佢的語言唔係太好咁.

Noble Place的 Halloween Party

由於花媽要返工的關係,唔可以同花花一齊返萬聖節party啊!好SAD...不過今天其他同學仔真係好得意啊!!!由於花媽真係冇時間幫花花買萬聖節裝,我地只能著返唐老鴨裝.花花保持可愛!這是花花第一個Halloween Party啊!上年花花還細,現在大個了,同朋友仔一齊Party了!唔知出年仲著唔著到唐老鴨裝呢...哈哈

B+ Studio

 

4R的相架

精美的包裝

等左一個月終於等到了!!!!花花的一歲相終於收到了!!!
呢個團購真係算好抵，又包化妝又影相又有4R相架，都只係二百蚊左右，呢個價錢咁的質素相當唔錯啊!作為花花的一歲生日禮物真係好合適呢!

前兩日仲要好好彩，在facebook中左奬呀!我地每個月都能為花花印五張免費的相呢!相信只要果間公司唔執笠，我地都可以每個月印五張免費相啊!

花花一歲一個月了

你真係咁唔鐘意同媽咪影相嗎?

花花又大一個月了!成為媽媽後，數住日子看住自己女兒成作，一天一天長大，每日學習的東西越來越多了。由只會發"BaBa"音，現在我教識佢"Bubble"音，聽到指令會跟著指令做。小孩的成長真係好amazing!!!!

目前花花還是不會行路，但只要我同花爸拖住，佢就可以行得比較耐，應該花花仲係唔夠信心呢~ 希望花花能快樂成長。

英藝PN面試

花花每逢星期六都會學游水，但大部份的面試都會係星期六，所以同游水撞時間係無辧法的。但咁啱今日英藝的interview在2pm，花花學完游水11:40am。咁我心諗“時間啱啱好，食埋飯訓一陣就出門口啦!”點知...原來返得屋企再同花花沖涼餵飯自己打扮下，同花爸分工合作搞掂花花，花爸搞掂自己，原來已經1:20pm。我地屋企其實好近英藝，只不過要搵位泊車又唔想遲到，我地寧願提早出門口。(結果花花冇訓午睡就去interview了)

花花,“omg!!點解我得一歲已經要面試?!”

去到英藝門口，先1:30pm，但已經有大約20多個人在等，當我同花爸泊好車再等一陣就可以入去。由於今天太陽伯伯高高照的關係，大家都熱到成頭汗(溫聲提醒大家下次有interview必要準備太陽傘及小風扇)。

入到去先係一位家長帶小朋友去享用一下佢的playground (由於花花未會行路，我地選擇同花花坐下等叫名)，另一位家長則登記及會收到一份校刊。校刊內容大致係佢地的老師們及學生們的照片及一D課外活動圖片。在大家等候的同時，英藝準備二playgroup同小朋友玩，先忯一名外籍男老師同大家唱遊下同做下動作，不過花媽確實覺得男老師好hea，對小朋友的愛心似乎有點假，這都是花媽個人值覺。後再來一個國語老師，都係做下一D大的動作，但花媽只會覺得呢一箹列的動作有點唔應該係in PN小朋友可以做到的。

英藝interview撞到Pario的同學仔啊!黎先生你好

說時遲那時快，花花花要interview了。遇上一 一個年輕女老師。在interview過程中覺得呢個老師好有愛心，花妹有係咁耳望下其他進行面試的老師，感覺似乎冇乜愛心呢。

Interview有幾個班房，每個班房約有5-6張枱用來interview。首先老師見到花花就會同花花say hello但花花冇反應，因為第一次見面花花比較cool但轉身見到有別的小朋友就say hi。(⊙o⊙) 

桌面上有三個玩具，不是每張枱都一樣但必定有jisaw puzzle。花花的枱上有jisaw puzzle、豬仔錢箱及“除”仔玩具。花花一見到豬仔錢箱就愛不惜手了，不停入錢└(^o^)┘  後來老師比jisaw puzzle花花，花花同佢平日表現一樣，拎晒出嚟但放唔啱位。而“除”仔玩具花花就不停枱高個玩具，老師都忍唔信問我人平時係咪咁大力。囧 只不過係花花唔識玩個玩具咋 ~_~ 後來老師問左我幾條問題“小朋友主要邊個湊” “平日同BB去邊到玩定返playgroup” “會選國際班定本地班、上午還是下午” “屋企主要講咩語言” 等等 最後老師送上一雙小熊。哈哈…花花笑了,仲立即攞。之後我同花花講要share返比老師，結果來來回回比來比去左兩三次。走後花花仲比左good bye kiss 同byebye老師。

結括我覺得in得唔錯，最少我同花花都唔覺有壓力啊！

申請幼兒園竅門

繼zenith及明慧後，今日再收到文娜雅拔的面試通知信。正當好多朋友都會有啟思及明慧撞期時，我很幸運沒有撞期。明慧我係一開始可以報就立即報名(大約9月頭)，而啟思9月開始報名但我10月先報。而我的朋友9月報啟思，所以assign到11月interview。 咁我相信，學校提供的interview時間係跟報名先後。即如果有兩間或幾間心儀幼兒園或幼稚園，但又唔想撞時間，那就應該分開唔同時間交申請表，咁撞時間的機會就會變少了。

今星期六花花便要到zenith面試了，花花加油啊！到時再同大家分享面試內容啦!└(^o^)┘

O8小朋友聚會

五大七小

又一居playroom

估唔到當日一齊去玩的少女們，今日都已為人母!最估唔到當年的酒精人Tammy今天滴酒不沾，因為要餵母乳。媽媽們真係太偉大了。

雖然大家冇話特別回顧O8事件，但大家的話題依然不斷。大家一直傾仔女經及講下大家近況，真係好懷念大家一齊飛的日子啊!希望第時大家可以一齊飛去美國一齊探Tammy啦！

只有FTM最明白FTM，現在我已是PTM了。不能陪同花花上playgroup雖然有一點唔開心，但諗深一層我可以賺錢比花花上更好的學校不是更好嗎?

Tammy同我講果次佢去銀行叫老公睇住兩個女，佢覺得離開屋企果短短時間好似vacation咁\(^?^)/  真係咁誇張??? 但我想講，即使我返左工但自己放工後還是要煮飯洗碗。╯﹏╰  根本冇休息過。

Elaine姨姨 zizi姐姐 farewell Parry

小朋友見到玩具真係唔捨得走

Elaine同吱吱真係要移民去澳洲了。一直佢地都話走，終於一年後捨得走了。我都會好唔捨得吱吱同Elaine。

大韓的朋友仔一個一個咁離開，離開的都是花媽的好朋友啊！(>﹏<)

每一晚Dinner花花都好愛睡，我同花爸就開心到不得了。因為我倆都有得食嘛。哈哈…所以好多合照都冇花花份。最後花爸忍唔住整醒花花啊,但換來當然花妹狂喊啦。

07及08的大韓靚媽同人妻們

Noble Place

花花樣樣都似花爸,就連敏感都同花爸一樣
一轉天氣,眼都腫埋>_<

今天花媽終於有時間同花花返新playgroup了。想不到10月5日第一次上，到依家先上左一星期但仲有兩日因為病而冇返，但花花竟然會識做老師比的指令。可能真係大家同學仔有影響啦，首先去到，花花就好似世界小姐咁同每個小朋友say hi，當然唔少得同老師say hi啦!!!

再而老師叫小朋友出去拎自己的相片再放入箱入面，估唔到平日只係我面前行最多四步的花花，竟然可以自己行出去拎自己張相再放入箱，再而同老師hi five然後返入黎。而依家花花懂得的指令除左hi five, clap hands 仲有 where is your head, where are your ears, kiss, byebye, hands up and hands down。花媽真心覺得唔錯....哈哈，我又戀女了!

真心一個小時的Noble Place，算是唔錯!老師都想教晒佢地有的，例如DEF的字及音(phonics)、ears eyes nose、食小食前要洗手及去gym room發展一下大肌肉。而$2800一星期有五堂一小時的，真的算抵啊!

佐敦谷

第一次感受草地的花花似乎唔太enjoy

手手唔夠長

早前見到朋友帶同兩個小朋友去佐敦谷玩，咁啱今日天氣又唔錯，花媽花爸決定帶花花去玩下啦。但原來佐敦谷真係比較適合已識行的小朋友玩，花花去到因為行唔得太耐，所以成日都想爬，我已經好放縱比佢爬，只可惜佢爬完又咬手指，花媽頂唔順了。決定等佢大個少少再帶佢嚟玩啦!

York 簡介會

早前收到York的invitation，即使再忙，花媽當然唔會放過呢個了解自己心儀學校的機會啦！

去到已經有一條長長的人龍入緊去，老師們都會先看invitation letter再比一張綠色紙比家長。呢張紙好重要啊!因為interview時有呢張紙會收生機會大D。

入到去先聽老師介紹完學校的教育系統後，校長就開始介紹自己學校及教育理念。媽媽真係好偉大，校長當年為左比好的教育兒子，所以開York。 oh my god!!!(⊙o⊙)   校長在介紹學校時講左一句說話，我真的好認同。佢地會收細B因為雖然佢係細B但唔代表佢冇能力。所以細B佢地會安排佢地遲一點先interview。不是因為花花是細B，但的確BB要是同大過自己月齡的小朋友比或爭學位真的太不公平。小朋友真係相差幾個月都可以差好遠。

其次我真的好喜歡York有一個大大的campus，有足夠位置比小朋友活動。在K3時每個小朋友都可以於音樂堂學小提琴，如果學得好仲有機會表演呢!學校主張兩文三語，佢的英文語境好我一早已知，但簡介會仲介紹左原來佢地出來的小朋友國語及數學都可以取得優良的成績。

以上種種都令到花媽覺得雖然PN只有兩小時都係值得的。花媽不是什麼怪獸家長，但只要能夠給最好的比花花，那怕別人說我怪獸!(～ o ～)~

一歲針的威力

雙眼皮了，花花又病了!

花花9月29日打完一歲針，本以為冇事啦!!!但原來唔係冇事架，真係斷斷續續的發燒，食藥低燒訓覺高燒食藥低燒訓覺高燒咁不停持續左兩日，大家睇下，花花又燒到雙眼皮了!!!!但發燒中的花花依家好活躍同精神，可以爬來爬去同玩。

花媽今日都要返工啊!呢幾日都極速15分鐘內食完lunch再同花爸傾一陣電話及同花花玩一陣wechat。返工呢幾日，花媽真心好累啊!可能真係太耐冇返office工了!真的好配服所有在職又能晚上親子的人奶媽媽，真的真的好辛苦啊!

正式返part time了

好耐冇咁早起身化妝返工了

自從花花出世後，我已經係全職媽媽了。日常生活都圍繞住花花，就連自己都彷彿失去了靈魂。唔化妝唔打扮唔買衫，所有的錢都比晒花花上playgroup同買衫。

好幸運朋友介紹我去返part time，仲要請埋我，真係好意外。今次為期一星期五天8:30-6的part time。今朝離開花花時我都會好唔開心。放工只想一支箭咁錶返屋企。

放工一開門就見到花花了，佢報以一個微笑然後示意要我抱。我急不及待要抱抱我的乖花花。

我不在家，花花玩潮車

JMC Beauty 新店 swiss club 產品試業價低至65折

作為一個代理，唔親身試過，我絕對唔會隨便介紹比美女們。雖然blogger都大讚呢款面膜，但始終我都想用清楚先介紹比美女們。

噚日用完kiwi gel，等我連續用三日睇下膚質有冇好轉先。都係果句，淡淡的奇異果味，好清新，中間有有一D小顆粒可以洗面時當磨沙用。絕對冇用美肌，直接係使用前同使用後分享的版本。

本身我屬於油性皮膚，但好好彩面上冇太多的粒粒，主要係有一D色斑。呢款kiwi gel好啱我，洗完面後感覺好清爽，唔會好乾燥又唔會油淋淋咁。雖然第二次使用未能見到皮膚立即減退色斑，但明顯肌膚明亮左，冇之前咁暗啞。

一盒有10包，每包30ml。用唔晒可留待第二日再用。

市場價 $590
試業價 $390
(一包都只係$39仲可以用一次以上啊!超抵用)

突如其來的約會 -寶姐

大家一齊坐定定睇迪士尼的play along

**特別鳴謝yo姨姨幫花妹影左幾張寫真，性感而不帶色情~@^_^@~

今日花爸突然要返大陸工作，花婆婆又有事忙，剩底花花同花媽，所以花媽就係五小福群組問下有冇小朋友得閒出嚟聚一聚，地點為唐6!!! Omg...想不到yo姨姨帶來了寶寶!!!揹住寶寶行唐6仲有一個媽媽袋，不是久經訓練係會有一點吃力，所以花媽都忍唔住要去4樓幫幫拖Y(^_^)Y

一約小朋友，花花就特別開心。同花花及寶寶玩一下遊戲，小朋友開心、花媽都開心。又同Yo姨傾下計，雖然只係短短幾個鐘，都好充實。由於花妹打完針，花媽都唔敢帶花花出街了。在家一齊休息吧!

Pure Smile 歌舞妓面膜

係花爸面前爵呢個面膜，我真係怕佢會離開我(>﹏<) 

既然要分享代理的美容產品，不如分享更多其他品牌的美容產品啦！好的唔好的我都會有話直說，唔會因為代理而偏幫代理品牌。

今次等花媽介紹呢果之前係日本購入的Pure Smile歌舞妓面膜先。由於花媽用之前冇諗住分享，係突然想分享一下比大家，所以包裝已經拆左了(>﹏<)  唯有比大家睇比花媽整縐左的包裝袋啦!

每次花媽都會用盡包裝入面的精華，所以我的面膜包裝袋一舨都會縐的(冇計，C9心態，用得就用)。花媽絕不是一個美妝達人，對於每張面膜都會抱以C9仔心態，實話實說。好用的讚，不好用的彈!!!

基於花媽以前的工作關係，每天最少都會用一次面膜，而呢個習慣就改唔到了。即使再忙，我都會full面，基本每日一次。所以花媽不論貴平都會搜羅方間的不同面膜，而我的面膜櫃桶更係不缺面膜呢~_~  敗家的花媽!

講番Pure Smile的面膜，包裝上話有 collagen, 婡他命E及hyaluronic acid。除左collagen可補充骨原，維他命E抗氧化，透明質酸可增殖細胞。基本上用完之後真係好滋潤，但滋潤同樣帶來sticky的感覺。但看到包裝話要拍拍拍D面上殘留物等佢吸收，咁我拍完再向上推下塊面。又Ok喎，等佢乾左我再塗自己的護膚品。感覺好滋潤，好似皮膚多左彈性咁。

有趣又滋潤的面膜，大力推介。

打針日

久未好番的花媽，都係用口罩吧!!!

不經不覺，花花已經一歲，又係打一歲針的大日子。今次要打3支針，分別係水痘(之前政府都唔包的)、十三架及麻疹針。聽說呢三支針都會令BB發燒，而發燒更係第3日燒完第5-12日都有機會燒。仲有機會出疹添 X___X

今日去到健康院，oh....我又見到可愛的初生Baby了，又聽到佢地可愛的喊聲了。♡^_^♡  又令我回憶起第一晚接花花回家，初為人母的我唔識照顧BB，結果第一晚都唔知有冇訓到一小時。

唔知花花係咪知道今日打針，特別早起。6:30就起左身唔肯訓，既然係咁，我就一早整好早餐比花花，洗衫，曬衫再出發!!!

原來花花已經有20磅了！原來我每日揹住20磅行6層樓，怪不得我寸步難行啦!花花又唔爭氣學下行(+﹏+)  姑娘都話花花發展良好，唔需要再特登反去跟進，只要歲半時反去打針順便檢查就可以了。

等了又等...等了又等...等到花花都訓著了，姑娘就叫名入去打針。最除左揹帶放花花去我大脾坐，花花一直都處於沉睡狀態，姑娘嚟一招直插入脾，花花痛到成個紮醒仲即時大喊。其實我又唔會好心痛花花打針，因為我知好快會唔記得，只不過支水豆針真係相比另外兩支又長又粗。其實花花都好叻女呀！\^o^/ 因為出門口前已經收聲唔喊lu!!!

東涌一天遊

適逢今日假期，花爸今日帶同花媽、花花及花婆婆到東涌一日遊。其實一切都是其次，主要係想同花花大鄉里一下咁睇飛機。每一次花花見到飛機都會大鄉里上身咁“嘩”一聲。真係好搞笑。

明天花花去打一歲針了。希望花花唔好發咁耐燒啦!

Natural Plus 沖繩黑糖潔面泡泡

噔噔噔噔…………

估唔到成份天然的Natural Plus， 去污功效咁勵害!!!!真係要比10個like佢呀。一向甚少化妝的花媽，今日攞左Natural Plus的新貨。咁好啦！我當然要試下啦。

我分別用左超深色的eye liner gel、液體 eye liner及淺紅色的lips sticks 。呢款係泵樽一㩒就會係泡泡狀。輕力推開再輕力捽。不用30 秒就甩晒色!!!大神奇了(⊙o⊙)

即使唔用嚟落妝，直接用嚟洗面咪仲乾淨!成份天然，依然有少少香甜的黑糖味啊!黑糖的營養含量十分豐富，其中就有我們身體十分需要的鈣、鉀、鐵等礦物質，非常利於人體的酸鹼平衡。其次，黑糖的美白功能十分強大，它所含有的獨特的天然酸類和色素等物質，能夠減少局部色素的堆積，達到美白淨膚的功效。

中秋節快樂

中秋節快樂!!!
花花第二個中秋節啊！不過上一個中秋節我就坐月中，花花仲係未有意識。

相反，一年後的花花，已經識自己拎燈籠了!住九龍城唐6樓最好的地方係連天台。天台可以晒衫洗衫仲可以上去玩添!

我同花爸專登買左一盒蠟燭，重捨一下童年回憶└(^o^)┘ 花花睇到睇光光啊!最好笑就係我同花爸都唔食煙，屋企又無火煮食，偏偏買左蠟燭但冇火。好彩鄰居有火機借比我地咋。

玩完蠟燭同燈籠，我地就立即同花花再沖涼了。因為花花爬來爬去，太污糟了。可能太累了，乖乖10點就入睡。人生太美好了。哈哈…`(*^﹏^*)′

多謝

多謝各位姨姨們送的禮物啊!!!花花好鐘意啊!!!

花媽同花爸打算每年買一粒金比花花作嫁妝呢!希望花花快高長大!身體健康!聰明伶俐!

花花、花媽忙碌的勁一天

韓國大媽游水look

由於今日花爸去做兄弟，所有的活動就由花媽同花婆婆去進行。由於早左去到九龍灣泳池，先幫花花做個韓國大媽look先。一落水，嘩!!!D水凍到我都唔太接受。結果花花全程失控〒_〒

承熙三歲生日

返屋企休息一陣，我地就趕去承熙哥的三歲生日party。仲要係最大雨的時候，一落車我地全身濕晒。(>﹏<) 花花同花媽都係第一次去冒險樂園的生日party。大鄉里的我地唔知要著襪先可以入去。結果用左20蚊買左兩對襪。

唔知係咪第一次去咁大的波波池，花花開心到好失控。爬上爬落，左穿右插。結果，花媽我陪花花玩左兩次滑梯。痛到我。乜依家D滑梯又滑又彈架?!

再回家煮個飯，我地又出去同花爺爺食晚飯了。兩個小時後回家，結果...

邊個發燒呢?

花媽發燒了。呢個moment，花花仲係我身邊爬來爬去。//(ㄒoㄒ)//

花花1歲生日快樂

好有心思的靚靚生日牌

雖然花花唔記得，亦唔知今日咩日子。但呢一日卻係花媽人生中其中一個重要日子 。我上年一朝早懷住輕鬆的心情走到產房，駁上胎動機後，我不能離開床，去手洗間都不能。由於是催生，我連午餐都不能吃。一直由等等等轉變到痛痛痛。好不容易痛到有一刻自己很想疴，但姑娘睇都唔睇仲同我講有排。但過左冇耐，我同姑娘講我覺得個頭仔出左嚟。姑娘連忙送我到產房，花爸爸亦準備就緒陪產。現在所講的就好似剛剛發生一樣，記憶猶新。

轉眼間花花一歲了！佢學識好多野 。佢會扮我地講電話、扮可愛、扭計、企、推住野行幾步。我好感恩花花在呢一年都冇咩大問題。希望花花永遠都開開心心及健健康康。

大韓一聚

好不容易約到大韓好姐妹一聚。今次真係要多謝車厘比間免費房我地玩。做private jet真係人工高又有不少著數。呵呵...今次一聚的感覺真係有當初大韓training的感覺一樣。大家傾下心事、八掛大家近況、感情生活、仔女經。傾一個通宵都傾唔完。5個女仔當中只有兩個還在飛，而現在我們08果界，已經全部人都quit晒。

依家我地只係得番maple姐同車厘未結婚，希望佢地都早日搵到個好的唔好再飛了。即使冇腳的小鳥都有攰的一日，對嗎?