中秋節快樂

中秋節快樂!!!
花花第二個中秋節啊！不過上一個中秋節我就坐月中，花花仲係未有意識。

相反，一年後的花花，已經識自己拎燈籠了!住九龍城唐6樓最好的地方係連天台。天台可以晒衫洗衫仲可以上去玩添!

我同花爸專登買左一盒蠟燭，重捨一下童年回憶└(^o^)┘ 花花睇到睇光光啊!最好笑就係我同花爸都唔食煙，屋企又無火煮食，偏偏買左蠟燭但冇火。好彩鄰居有火機借比我地咋。

玩完蠟燭同燈籠，我地就立即同花花再沖涼了。因為花花爬來爬去，太污糟了。可能太累了，乖乖10點就入睡。人生太美好了。哈哈…`(*^﹏^*)′