石膏花

早前不是講過由於花花一出世就先天性膝蓋甩胶而要打石膏嗎?睇住佢果隻瘦瘦的腳要用一舊重過佢隻腳的石膏包住，見到都真係好心痛!😢😢

正正因為果隻石膏腳，即使我唔係成日抱花花都令到我有媽媽手。幸運地花花細個真係比較乖，唔會因為尿濕或扭計而哭鬧。每當佢一喊就必定因為肚餓，同時花花出世一個月左右已經戒夜奶，可以11pm訓到第二朝的7am。(依家就冇咁聽話了!!😞)

其實花花甩胶的腳就只有花爸見過，當時花爸只同我形容花花一出世就可以做yoga，腳可以直接踢上頭做一字馬。但我心諗BB筋骨柔軟,可以踢上去又幾難呢?後來花爸同我講怕當時我會擔心所以冇直接同我講，其實花妹的腳係向前屈上去而唔係向後屈的。真係感謝花爸的體貼同冷靜，以免我產後會唔開心。

另外，最要感恩係花妹在政府醫院出世，否則醫花妹的腳應該數十萬計呢。😌😌現在花妹住院費$50一天(一共住了四天)一天及只交還尿片紙巾便可。