創健環美醫務中心打針服務

購買創健環美醫務中心的服務單據

在2014年7定8月時的BB展,創健環美醫務中心係果時攞booth,仲有羅霖係到,聽說羅霖係股東之一,伍詠薇的弟弟都好似係股東啊。既然咁多名人,又有$100可以影BB 3D相,咁我就比左$100去買影3D相服務,上到去佢地就sell我打針HIB及食輪狀病毒了,我見價錢都係$1980真係比其他診所平,所以就見新公司都買左了。

結果原來先係麻煩的開始!!!

頭兩次打針都冇問題架!仲會打嚟提醒我要返去打針,到打第三針就開始出事。我冇收到電話,但我照預約時間上去,上到去醫生準備走,我就同姑娘講我約左3點打針!佢地即時叫停醫生,再不停搵我個女的資料都搵唔到!!!但好在我有帶單,佢地就照幫花花打針同食HIB。到走時,花爸同我都再一次提醒佢地要記得keep花花record,而佢地解釋就係5最近轉左批姑娘,上手做錯但搵返我地的record了。咁好啦,再約花花歲半打針!!!

未到打針日,我想幫花花改時間,點知佢地又冇花花record!!!!我瘋了,好彩我早一個多星期打去問啫!應該更好彩係我要轉時間,因為佢地搬左!!!!如果唔係去到舊地址又冇record又搬左我真係人都癲!!!反覆咁問又打電話去追,佢地都係冇record,我又投訴又不停追問都冇回覆,超過不負責任,仲要比預約同事話佢都係想知我買左打3針定4針(態度好差)。我即時話我相信如果我買3針,你地同事唔會咁on居約我時間打第4針啫。當然最後都冇共識又冇人理我下要第過埋Easter先再打去問。

本身我以為自己唔見左張單,好驚佢地唔幫花花打埋最後一針,後來我搵番張單了,佢地都要幫花花打針。終於佢地打比我話可以改時間,咁當然係好事。不過我諗如果我搵唔返張單佢地又唔見左record,佢地真係有機唔幫花花打針!!!

最搞笑係,花花打晒所有針佢就同我地開返record!!!乜佢地覺得咁係有用咩?!

真係唔會再幫親創健環美醫務中心打針服務!!!!衰到冇朋友!!

元朗一天遊

錦上路市集

要不是因為花花,花爸花媽基本好少入元朗,但難得天氣實在太好了,所以一定要帶花花去親親大自然!本身只想去南生圍,但有一位媽媽朋友之前住元朗,同我講錦上路市集好多野睇又可以食野,仲有好多人玩吹泡泡,小朋友好enjoy,而且離南生圍好近又有車位泊。

的確花爸好快搵到錦上路市集,我真係好多野睇,花花又大鄉里上身,乜都嘩一餐`(*^﹏^*)′ 真係好搞笑。而且果到有吹泡泡出售,小朋友唔識吹都識玩,因為只係fing fing下都會有泡泡出 。當我地收埋泡泡準備離開時,花花仲要扭計喊住要玩泡泡X﹏X

其實花花去完錦上路市集已經好攰,當我地去到南生圍佢仲訓左(～ o ～)~zZ...但依然無損我同花媽要帶花花親親大自然。我地一到就準備好潮車,放花花落車,佢依然訓左\(╯-╰)/ 真係好搞笑。但其實冇幾耐就醒左,同花花周圍行下踩下潮車。

太累了

誰願放手的吹泡泡

之後爸爸再帶我到到大山附近一間茶座。入面仲有羊羊同烏龜睇架。本笑以為花花好鐘意狗仔唔怕羊羊啦!點知花花大喊T_T 相信花花長大唔會怕,仲會爭住去餵羊添∩__∩y

結婚2週年紀念

好耐冇試過二人合照弓 `(*∩_∩*)′ 

2014年3月27日結婚當日,花爸掛住同朋友玩冇陪過花媽,當時有花花陪住我。2015年3月27日,花爸去左泰國同朋友玩,當時都有花花陪我。今年花爸終於同我過結婚週年了。三吹四請下,花花爸即日終於book左Harbour City入面的BLT。氣紛環境都好好啊!其實花爸算係咁,佢咁賴玩都同我一齊過。

超級好食的包包!鬆軟

點了個美國rib eye,都ok
但個side dish 芝士貝殼粉一流。必選

Caesar salad麻麻地

好好吃的梳乎里,個熱情果醬酸酸甜甜
花媽好鐘意啊!!

雅培講座

雅培講座

雅培係我今次陀BB唯一去的講座,因為佢的講座送出的禮物永遠都係咁有用咁令媽媽們想要的。今次送出的係胎心機,仲要有錄音功能。不過好可惜,佢當日冇晒貨,要遲下寄比媽媽們。等我仲打算今晚同花爸聽下草草心跳添(>﹏<)

雖然今次送的禮物冇14年果陣咁多,(14年送熊你背包同產後M巾隔尿墊),但胎心機相信係好多懷孕媽媽想買但又唔捨得買的東西!雅培每次送的禮物都好實用又有心思,所以報名都特別難。

雖然每次去講座主要都為禮物,但都同大家講下雅培講座內容先。首先係一名兒科醫生(我忘了名字)講下BB出世一般有咩病及咩叫斜視及BB有鼻涕如何處理等。內容生動搞笑,一D都唔悶場!叻外有個女仕話比大家知懷孕婦女需要的營養,乜食得乜唔食得,仲有點同BB胎教按摩及點幫出世後的BB按摩。

嬰兒按摩教學

花花第一次BBQ

去到大棠花花立即變Monkey,坐唔定

復活節朋友們都去馬灣掘蛋,但花花太細我地就冇報名了,反而花爸約左朋友去大棠一齊BBQ。 一去到大棠,花花見到好多小朋友就已經成為甩繩馬騮,要花媽追住佢(>﹏<)

看到花花長大了,跟住其他哥哥姐姐跑跑跳跳,真係覺得好開心。而且花花尚算乖,佢要去得遠就一定要拖住我或要我跟住佢。其實如果可以同媽媽朋友們一齊去會仲開心。因為始終花爸朋友未有小朋友,所以花花只可以一個人去跟住哥哥姐姐玩。隔離爐有個姐姐仲吹bubbles比花花玩,我仲睇到花花吹到bubbles添。

到走時天已經開始黑了,我地都準備走了。花花完全放電,上車唔洗一分鐘就訓左了♡^_^♡  yeah!!!

其實食野都好難引返花花返來,
我要迫佢先肯坐底同我影相咋!!

花花專心燒野食Y(^_^)Y 

花花歲半了

一家四口大合照

見到candle and cake 花花當然想blow,
啜起個咀想blow。又係迪士尼有教的cake同candle。
花花未識講candle,但我講candle佢會指住架!

唔經唔覺花花又到左歲半了,希望花花越大越聽謝,仲有幾個月就做姐姐了,記得要錫細佬啊!

九龍城Cere Cafe waitresses好差,
但Cere的 bakery shop態度同cake又靚又好傷!
Only 198連埋生日牌啊!

婆婆同婆婆朋友們都一齊切蛋糕架!

迪士尼送來的復活節禮物?

今日突然收到一份迪士尼送來的郵件,封面寫住2016 children’s Day, 一打開原來係一隻DVD。雖然我未睇隻碟,但一份心意已經足夠了。相反Oxford我收到了的是聖誕咭only...╯﹏╰  雖然花媽明白不應該比較的,但突如其來的小禮物,相信花花懂事後收到會更開心呢!!!

花媽立即進入幻想mode,將來要同花花講呢個係Mickey同Minnie送給花花的Easter gift!內容就等花媽睇左先同大家分享啦!!!

最後花花學懂了好多字啊!“duck” “bear” 前兩日仲突然指住“what’s in your basket?”果頁書內的老鼠講“mouse”同屋講“house” (⊙o⊙)  雖然發音未至於好準,但真係好surprise!!!而且花花好喜歡字母,一見到字母好指住係咁講“B” “P” “M” “A”等等...當然佢一邊指我會一邊教佢啦!迪士尼的玩具內又有切切學的生果,當我叫花花比grapes我佢真係比到我喎,我叫花花比strawberry 又比到└(^o^)┘  花媽真係好開心!!但可能tomato同apple有少少似佢仲未分到。 carrot 同orange都係orange color, 暫時都未分到。但我相信假以時日,花花一定學到更多英文呢!

要試用裝嗎?
http://www.worldfamily.com.hk/ffp/sl/preaf143

Noble Place Gym Room

花花不經不覺長大了

花花4月就唔再上Noble Place了。因為花媽想趁花花2歲前帶帶花花到美國玩一玩,探一探花媽在美國的朋友,反正自從畢業後就因為工作關係返左SFO兩次後就冇再返過SFO了。而且花媽發現花花好怕外國人,花媽想趁呢個機會迫花花一定要面對外國人唔好怕。最重要就係2歲前小朋友坐飛機只要比稅等就唔洗再比任何錢了,花花只需比1千多元便可到美國玩,好化算呢!(師奶心態又出現了~_~ )

花花由一歲開始上Noble Place,現在都快一歲半了。呢半年花花由只會爬到現在會行了,從以前伏在千秋玩到依家企在千秋玩,真的長大了不少。說實話,花媽也想繼續同花花上Noble Place,因為真心覺得Miss Ceci好愛小朋友,而花花唯一不怕的外國人就係Miss Ceci了。期待草草出世都再上Noble Place呢!

剪髮梳

日本akachan購的剪髮梳

小小的理髮梳仲可以調校刀片的長度及濶度。
日本人的設計真的很好呢。

唔知各媽媽會唔會同我有同一個想法呢?為小朋友動不動去理髮店剪一個由髮型師操刀的髮型,如果沒有相熟不收費的,就要用上百多元了。先得幾條毛仔,要用上百多元真係有點浪費。倒不如試下自己剪。直接用理髮的剪我又真係有D怕,反而用呢個理髮梳都唔錯啊!特別親花花沐浴時梳去長長遮眼的留海,佢唔知仲以為我幫佢梳緊頭呢。

梳了幾下就掉的留海

理髮前

理髮後

快十年朋友的聚會

4個當年紗齡少女拖住老公小朋友一齊出席飯聚

 一年一度的O8 Gathering又來了,好開心大家都能夠健健康康的出席聚會,更要多謝Loque我地先可以在半島享受半價日本buffet!!環境,服務同食物水準真的相當高。當然我地算是最嘈的一枱,因為我地的小孩一共有6個。很快我地可以增添埋成員草草呢!~@^_^@~  真係想像唔到當年大家都自各拖著男朋友的少女,今天已為人母。感覺好奇妙啊!!

小朋隶,來個大合照吧!!!

身教的重要性

九龍城區其中一間一條龍的傳統男女學校。

花媽為人母不久,唔敢話自己教能教出精英名校的小朋友,亦不敢同兒孫滿堂的老人家相比育兒心得,但亦心明身教的重要性,所以一般只要同花花一齊我都避免同陌生人有無謂的爭執。但真心發現依家的人真係欺人太甚。即使比你能夠讓小朋友送入九龍城區的傳統一條龍學校又如何??小朋友是看著大人作榜樣成長的。

今朝一早難得花爸提出同我及花花食麥當勞早餐,一家三口開開心心去到麥當勞,花爸排隊買野食,花媽同花花搵位。好好彩,見到有一個冇人坐又已清潔的卡位,我就同花花坐上去了,同時有位婆婆放底一D開心樂園餐的玩具在桌上再放入自己手袋,然後坐底。花媽心想“老人家可能累了,坐下休息一陣,等花爸回來再看情況決定啦!”後來一位男人帶住一班四個讀九龍城某傳統一條龍小學的小朋友來到坐在後面的卡位。其實該卡位一早已放滿了兒童餐書包及一堆雜物,明顯已經有人霸佔了。當男人來到,就同我對面婆婆傾左幾句,婆婆就叫男人坐下。此時,花媽就對婆婆講“唔好意思,我地有三個人架!”但婆婆即時話“個位我9點幾已經係到坐,唔係10點已經坐架喇”花媽就同佢講“我坐底時係冇人既”男人就突然加咀話花媽要講道理(⊙o⊙) (⊙o⊙) (⊙o⊙)  天啊!!!誰不講道理了??? 可能荷爾蒙影響,花媽都快哭出來了,同佢講“你係咪蝦大肚婆?” (花媽絕不是以自己大肚來威脅,但佢地根本係人多蝦人少,仲要蝦我一個帶住花花) 男人即時話“唔係話蝦你大肚,係講道理”咁花媽就話“我嚟到係冇人坐,我先會坐。”婆婆即時又強調自己一早已經坐係到只係去左隔離攞野,仲拉另一位師奶抱住師奶話師奶睇住佢嚟一早已坐係到,師奶無言(相信係同一所學校的家長)花媽即話“係呀!張枱只係刻住你個名比你坐架咋!”此刻花爸見到了,行過來。花爸叫花媽唔好再同呢D人爭論。男人見狀就叫婆婆起身,婆婆再來攞個尾彩話“你要坐就讓你坐!!”天啊!!!咩天理???

首先,要是講道理我也能講。當我坐底時,那個婆婆攞幾個玩具放係我地坐係到的枱。既然你一行有咁多人,點解唔留D人坐係你“所謂一早已坐”的卡位?要等花媽坐底你先放底你的玩具?同時,麥當勞的坐位當然係比有需要的食客用,而婆婆及男人根本冇食野,咁點解要同有需要及已買食物的食客爭位呢?第三,當花爸嚟到佢地就走開了,唔係蝦我一個女人仔帶住個小朋友,咁係咩???

所以話,你的小朋友能入一間不錯的學校又如何?你不能身教更做出無賴的行為,那是值得仿效的榜樣嗎?

骨科檢查

半年一次的骨科檢查,我同花花一早就去到廣華,10:15am準時去到,結果等左足足兩小時先見到醫生睇左10分鐘左右。但其實到第5分鐘姑娘已經叫另一個小朋友入嚟(>﹏<)  政府醫生真係好忙...政府可唔可以擺多少少資源係醫院,而唔係一D無謂的浪費金錢的政策上呢??

流感期間,幫花花做足準備先。

但唔到5分鐘就比佢除左口罩了X﹏X 

期間仲等到花花不停發脾氣,扭眼訓

唔敢相信頭一小時都只係叫人量血壓,等待期間有唔少小朋友走來走去,而花花比其他小朋友吸引都要跟住大姐姐們走(⊙o⊙) 唯有花媽都起身睇住花花啦！好不容易花花坐下來了,姐姐又來撩花花玩!!!!天啊,花花要訓覺了。經過一輪哭鬧及掙扎,花花終於訓了。

訓醒剚未到我地(～ o ～)~zZ 

足足兩小時候,姑娘終於叫花花了。入到去,醫生話“都冇得點睇架喎,佢咁細個。”咁花媽話同醫生講“爸爸話覺得佢左腳膝蓋比右腳鬆”醫生就話“女仔骨骼比佢柔軟,好多體操的都係女仔啦!只要行路唔奇怪便可,咁約你一年後返來!”咁好啦！醫生我唯有信你的專業啦!

St Andrew Playgroup

Easter Egg hunt @ st andrew

真心想同大家介紹一下St Andrew Playgroup!! 其實同花花參加左兩期,每次花花喊住去笑住走。喊住去可能因為環境陌生,笑住走因為玩得太開心。

每次去到,花花見到兩位熱情的導師都開始喊。真係唔明點解花花見到外國人都係咁。但St Andrew真係又平又抵玩。由11:30上到下午1點。中間有埋茶點都只係75蚊一堂。而返去的學生主要係香港人,日本人同印度人。當然最好父母都講英文可以同老師溝通啦。但每班共有16個位,都好搶手架!!! 重點只可以家人去,唔吾以比姐姐代去,呢方面我真係覺得好好。其實上Noble Place時,我發現姐姐們都係想早去早走,又唔會特別take care小朋友。有心的父母都係最好自己同小朋友上playgroup。那怕係辛苦一點?依家花媽大住肚都同花花上playgroup架!

講一講St Andrew的流程先!小朋友一般先去到warm up,玩一下玩具(有櫥房,車車,波波,jigsaw puzzle等),再而大家一齊唱幾首兒歌做下團體活動,再講一個關於耶穌的故事後再到茶點時間。之後就會有一D小活動,今次就係easter egg hunt。一般都係玩下玩具睇下書咁。時間都過得好快好開心架!

Harry Wright 最後一課

花花已經識自己扶住池邊了

不經不覺花花又上到最後一課的游水堂。總總括在harry wright上堂尚算不錯,但當然要選老師啦!!好幸運上到Bonnie So老師果堂,一個真係用心教的老師,唔會只著重某幾個學生,每個學生佢都能關顧到。

由於後來有了草草,陪花花游水的重任就交托左比花爸。花媽坐在瞭望台上都會同其他家長交流一下,就聽到家長們都覺得隔離班的女老師唔係咁好,經常遲到及只照顧兩個家長及小朋友為主,其他學生好少理。原來平日我同花花上堂時,瞭望台上的媽媽都可以對其他觀察入微呢!!!(⊙o⊙) 

花媽決定同花花暫時唔學游水住了,因為花爸要返工,星期六要一早起身同花花游水其實都好辛苦了。而且花媽陀住草草,怕一個唔小心在泳池滑倒就唔好了(>﹏<)

迪士尼用後兩個月的成果

自從買了迪士尼美語世界後,花花變得肯開口講野多左,當然亦可能係因為花花到左該說話的月齡。即使花花有一D冇把握讀出來的音,花花都會嘗試。今日就錄左花花會講“sheep”呢個字,其實除左“sheep”外,花花仲會講“frog”,“dog”, “fish”(開始發到sh音,所以發音不太準確)及“bee”等字。每日都陪伴花花從遊戲中學習,花花真係領略了不少生字。

由於全長的片太大upload唔到,

我比個短的大家睇下啦!!!

有我fb的朋友可以去我fb睇下花花的舞姿啊♡(^ε^ )♡ 

最近我同朋友分享花花跟住迪士尼“clap your hands”跳舞的片段,大家都覺得花花好叻!但其實我想講好多有用迪士尼美語世界的小朋友都一早識跳呢隻舞了`(*∩_∩*)′  由於我屋企有一隻迪士尼美語世界體驗版,所以我就送左一隻比我朋友。其實如果大家想要都可以上網免費領取一隻DVD架。佢入面有ABC song及 clap your hands都係花花的最愛。

另外,我都想同大家分享一下花花另外一D進步,今日我同花花玩“what’s inside? Can you guess?”時,喜出望外地花花只要聽到花媽扮咩動物叫聲,花花就能抽出果種動物,仲要百發百中啊!!!下次又錄比大家睇下先!

花花好鐘意play along玩具鴨仔。
我就暹鴨余係佢頭頂要花花hold住3-5秒,
既可以練耐力又可以練counting!!
其實不同玩具都有多種玩法可以自創架!!

想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

Trouble 1.5

好多人話小朋友踏入兩歲就開始trouble 2,但依家花花17M我已經覺得有trouble 1.5了。由於花花唔識表達自己,所以好多時佢都會好忟憎,如果有咩不滿通常會大叫大喊同用手打任何野1-2下(包括地下,花媽大脾或枱等)。

而由近花花突然跟左花爸返工時間起身,7:30花花就會自然醒。咁好啦!!!我地一家同花爸一齊起身啦,但花花第一時間拉花媽入櫥房比野佢食,花媽明白食的確對小朋友好重要,所以早餐我都會比多少少花花食,有時花花飽了都會分享比花媽食。但食完了,花花又開始要食其他野,通常我都會比少少,再食就拒絕了。但花花就好似瘋了咁狂喊同狂扭一段時間,當中少不了典地及拍打啦!!(>﹏<)  呢段時間真係要好好管教花花了。而到大約10:30我都會抱住哭鬧的花花上床訓,仲要攬住佢訓,不用一會就訓了(～ o ～)~zZ

終於訓左

依家花花懂得蝦人了,佢最能欺負的先係花婆婆再而係花媽。其實花媽都好惡架,佢就偏偏唔理我的惡,只係怕花爸 ―,.―

有時兩代溝通真的唔容易,花婆婆總係喜歡抱花花,即使食飯有high chair,花婆婆都要用一隻手攬住花花,究竟點解????明明花花會自己食飯,點解花婆婆都要餵呢?花婆婆話食快D,咁點解要食咁快呢?好趕時間嗎??? 還好,花婆婆係花媽的媽媽,當花媽有不滿都會直接了當同花婆講,當然花婆大部份時間都無視我!!!

說實話,有咩都一定要自己湊小朋友,四大長老都係寵小孩。花花已是一個活生生的例子了。

聖若望PN面試

今日花花就去左聖若望的Interview,應該算是PN的杲後一年interview了。嚟緊我地要開始準備K1 interview了(>﹏<)  真係太crazy!!!

講返今日的interview先,因為我到算早到,所以到我地time slot時算係第一批應考的小朋友,聖若望校舍唔算細,有outdoor的位置,但看似比較舊,校舍內牆上的公仔似是陳年畫作了~_~

Interview內容簡單,基本上同返縮短變5分鐘的playgroup差其多。首先有一堆lego比小朋友玩下疊疊砌砌,根住叫小朋友clean up。跟住就快快手手唱首ABC,可能睇下小朋友投唔投入啦。再而講故事,問下小朋友 monkey係邊,比個hi five monkey同問鼻鼻係邊。跟住又好快手唱手 twinkle twinkle little star 然後比小禮物就走得。成程都只係大約5-10分鐘。好有效率啊!`(*∩_∩*)′

9W6D的草草

相信好多媽媽都熏照結構的呢一日,因為可以睇到小生命的3D樣。同樣,我都好期待見到草草的3D照,但我更期待見醫生,因為我希望草草係一個健康BB。

幫我照結構的醫生係陳敏儀醫生,陳醫生準時開工,我的預約10點佢就一開門就睇我先。結構一D的唔馬虎,陳醫生講解得好詳盡,草草冇鈣化點冇白內障,咀仔靚靚,頭圍肚圍手骨腳骨都正常。同花花一樣,草草的腿都長左一週(應該似爸爸了又)。心臟腦肺胰臟及腎等見到的都屬於正常,總之暫時一切都Ok`(*∩_∩*)′ 聽到醫生咁講我真係好安心,但醫生都講聽力或皮膚等問題要等BB出世後先知,結構係照唔到的。

但原本以為過左3個月唔洗再嘔的花媽真係太天真太傻了,唔知係咪草草覺得我太肥,唔想有個肥媽媽,所以今日下午同晚餐都全嘔出嚟了(>﹏<)  嘔吐又回到我身邊了。其實草草你仲未夠一磅,得果12oz唔洗怕比人笑肥仔喎\(╯-╰)/ 最多媽咪食少D啦～唔好再要我嘔了,今日係花婆婆的草到嘔左一袋。好彩當時迪士尼寄左期兩個月一次的月刊比我,等我有個膠袋咋。如果唔係就成車都係了X﹏X

Noble Place

唔經唔覺花花已經上左noble place 5個月,由佢唔怕外國人到突然怕左外國人到依家好鐘意noble place的老師(當然花花只限上堂節Miss Ceci)。但真係睇到花花的進步,佢已經認得所有同學仔仲可以比返張card比屬於的同學仔。

仲有訓練集中力及手腕肌肉的課堂遊戲

雖然花花上堂冇時停及走來走去,但老師們都好有耐性,佢地會捉返小朋友去家長身邊。真係睇得出老師都對小朋友好有愛心。同時, noble place都有PN班,係比小朋友一個人去上堂。花媽就冇比花花自己一個上堂了,因為我始終覺得小朋友需要自行適應一個人上幼兒園可以待佢真係上幼兒園先學。依家佢適應的係noble place的環境同老師,而唔係將來的幼兒園。當然別的家長有別的想法。而且同樣係一個鐘(只係有冇家長陪及師生比例由1對4變1對2),但就要小7000一個,相比依家係一個double有多啊！自問7000的話我寧願比花花學其他野了。