有時糖癡豆,有時水溝油

Hilary及花花

在美國呢段時間,我一直住在中學同學屋企,佢屋企有個10個月大BB,但因為早產兩個月,所以都比較難湊,仲要成日draw好多attention比佢。由於唔肯食野及生得細粒,真係覺得佢要多加保護(佢依然著到初生鞋同3個月衫仔)。

起初花花都鐘意同Hilary玩架,但後期已經變成“mo”(花花No的意思)Hilary,仲會推佢,打佢同撞佢。我的中學同學Zoey係兒科護士,心明小朋友會Jealous,所以都唔會介意花花咁對Hilary,仲好有耐性教花花。當然我都要不停同花花講道理,叫佢唔好蝦hilary因為佢仲係BB,好需要花花姐姐照顧,而花媽就照顧花花。希望同一句說話重複一萬次花花會明白。

花花在Hilary背後其實準備動手

的確Hilary亦好需要attention同照顧,因為只要冇人在身邊佢就會喊,可以喊足三小時。而花花都試過覺得佢太煩而自己行開一邊唔理Hilary。而重點係Hilary依家已經啟動自我保護機制,只要花花行近或輕力觸碰佢,Hilary已經喊定先了(>﹏<)

互相無視

其實見到咁,花媽都擔心草草出世後,花花的呷醋會變得更難搞。唯有再多放attention在花花身上了。希望到時花花能愛護草草啦。