兩歲花花

今日花花特別扭計

澳門巴黎人咁啱有房比花公公,仲要有成3晚啊！所以噚日即使馬不停蹄都要晚上去澳門,休息足夠我地就出去新馬路行下食下。平時去澳門一般只會留在氹仔酒店,好少出去澳門果邊。今次我地去左食楜椒餅同格仔餅。超及好味♡(^ε^ )♡  同時發現在新馬路果間 Starbucks及Mc Donald都不見了T_T。 去到咁熱想搵個地方休息下都冇。而且平時食開的楜椒餅加價到18蚊一個,要不是有免費酒店,澳門消費咁高真係唔太願去呢!

好迷你,但晚上加左燈真係好靚。

我地仲去左新八百伴買左一件小糕蛋同花花慶生日,簡單但一家人在一齊先最重要啊!今年花爸花媽都係送一粒金粒比花花。但金價比上年貴左2000蚊啊(>﹏<)

雖然房間望唔到巴黎鐵塔,但望都銀河都勁正啦!

好彩花婆一齊去,即使花爸在,帶兩個小友三個大人去都好吃力。今日花花好搞笑,佢食食下蛋糕要走去同花爸一齊浸浴,咁花媽以為佢唔食就掉左佢,點知佢浸完浴出嚟係咁講cake cake cake ~_~  sorry,我只可以同花花道歉。呢兩日花花講甬左好多野,例如mama sleep 意思叫媽咪同佢一齊訓, alexis’s shoes 最叻係同我講“ mami, i want to eat ...pls`(*∩_∩*)′  花花,埥真係希望我地能快一點溝通到。