花花家長日

每次花花家長日我都好期待,因為可以睇下呢幾個月花花在學校的的成長同學習狀況。而我每次都好鐘意呢本校製的potfolio。雖然我唔知其他學校有冇做同一樣野,但呢一樣portfolio 真係睇得出學校同老師們的心機。

Outing同上課圖片

雖然學校細細,但就正因為咁有著一番人情味。如果你問我有冇選錯學校,我真心覺得冇。花花真係好enjoy校園生活。要我選擇離開manhabit而去別的學校,心中都有十萬個不捨。

學校真係好用心有好多outing

我叫花花拎住佢的portfolio介紹我知,揭到 putonghau果頁佢突然同我講“張老師”國語啊!!!原來花花呢個階段吸收真係好快,真係唔可以浪費花花每一天學習。

老師同花爸花媽講,花花現在上課好開心。仲主動hand up答問題,見到老師仲會主動叫老師。同時中文英文的進步了不少。見到花花能主動積極我就特別開心,老師仲同我講花花好鐘意閱讀。仲覺得好amazing花花可以坐下自己一個人閱讀五分鐘。大家可能覺得五分鐘好短,但對小朋友來說,乖乖坐下5分鐘已經好專注了。真係好開心花花喜歡讀書。

花媽奇想

未到3歲都已經係咁😌😌

1. 之前堅持的涼鞋加襪(Fashion我真係識條鐵),到依家日日都話Elsa裙。

2. 見到乜玩具都話買,買唔係問題,小姐...你玩先得架。已經成屋玩具,連婆婆屋企都比你霸埋喇!

3. 晚晚食飯慘過叫佢去死,但返到學校就乖乖自己食,仲要食兩碗!!!!!

4. 最安慰係成功戎片(雖然有時玩到唔記得痾而賴尿),但同佢出街同我講出面 toilet bowl太大唔係佢用,咁我點同大小姐你出街呀?唔係個個商場有兒童洗手間架。

5. 叫你食飯你話眼訓,叫你訓覺你話睇書,同你睇書你又掛住玩,咁你想點?

6. 對於所有唔被答應的訴求都會大喊,目標人為婆婆同我。至於對住爸爸...乖好多。

.

.

.

其實花花都好可愛的。😝

啟德郵輪碼頭

死都要除鞋玩的花花

自從當上working mom後,我更珍惜同花花草草相處的時間。只要每逢星期日,我地都會出外玩。我們一家人的感情都增進了不少。

有霸氣

對上一次來,細佬仲太細只可以訓係到,長大了不少的細佬已經可以坐住潮車了。呢一架潮車當年花爸花媽東京旅行抬反來,700港幣左右就玩足兩個小朋友。但很可惜花花仲未識踩,只可以向後踩(>﹏<)

花花話要推細佬

上一次到郵碼頭我地只在平台玩,今次去左下一格平台。終於見到果個早前因為冇乜人而空置的賣野地方(不能算是商場啊)。我係到諗..如果將果個地方放D兒童遊戲設施及充氣彈床,一定吸引到不少人流。現在...間直係浪費冷氣地方同資源。

花花越玩越叻。

玩左2小時夠晒皮,泊車只係30蚊。

Mikiki Play House

位於Mikiki的新開Play House.小朋友的天堂

幾經波折,花媽終於在上上星期打通電話,預約到今日lunch time 去又食又玩。 lunch time時段$220一大人一小孩(可以用當中$120買野食)。單丁一大人則$120(可用來買野食)。

很細心的有小孩餐椅

先說說環境,可能仍然開業不久,每樣設施都好新淨,冇爛的情況。而且在玩的同時會有員工姐姐在遊戲設內睇住小朋友(特別在滑梯住),亦有清潔姨姨不停抹,所以係安及清潔度上都加分了。但我會健議小朋友著長褲去玩。因為著短褲玩滑梯唔太滑, 有機會“絕”住左產生小意外。

小朋友都不斷爬爬爬,大人都係。

由於為左遷就小朋友的高度而設,高頭大碼的家長就可能要鄔底身咁睇住小朋友,的確係辛苦一點的。但裏面有得射波波及迷你千秋,花花真係玩足三小時唔肯食野。結果餓住咁走,仲不停同我講“I am so hungry”。由於叫花花食的時候,花花放棄食野選擇去玩,所以我都同花花講因為頭先你放棄食物而去左玩,所以依家肚餓了。要等到晚飯才可以吃。花花都點頭表示明白。

地方算乾淨

至於食物方面,真心覺得唔太好食。只能話求其搵D野填飽個肚,特別係田螺薯蓉(花爸覺得好腥),所以真係唔好抱太大期望。我地仲點左Hawaii Pizza, Carbonara及雞翼,算是不過不失吧。

我兩個小千秋,只合不太譏的小朋友玩。

花花連續玩左3小時,一上車冇耐就要訓覺了。而草草都有玩少少,佢有少量BB玩具及小型滑梯比Bb玩。其實除左動態活動外,小朋友都有大量靜態活動。好似小遊戲等可供在桌面上玩,都算多種類。

每個小朋友都好驚行呢個

由於要預約先有位,本身以為滿滿逼逼咁,但原來又唔算好逼喎,都有唔少沒人坐的位置,唔係係咪lunch hour比較少人玩呢。

收成期

看到自己努力的付出,原來有所回報,原來真係好開心架。片中花花食緊樂天熊仔餅,如果大家仲記得,上星期日我們一家去左海洋公園玩,當日仲有新館“澳洲歷奇”,入面正正有樹熊而學識左koala。到今日花花上完Playgroup後,學校姐姐比左一包樂天熊仔餅花花,在車上...花花一邊食餅一邊唱“my name is koala my name is koala. Hello how do you do...it’s nice to meet you koala. It’s nice to meet you too.”  花花唱到迪士尼歌已經唔係新鮮事,但奇就奇在花花已經能夠有效掌握到要替換的字。即例如佢會唱my name is Alexis my name is Corrie或my name is Alvis...等等。在沒有家長(即係花媽我)的指導下,不經不覺間學會了句子,生字及 preposition.

對!沒錯...是很抽象的preposition. 剛剛花花拿了minnie手偶公仔放在草草頭上。再同我講“Minnie is sitting on Alvis’s head” 不要看呢句句子很簡單,請記得花花只有兩歲半。is sitting 即我們小時候學的present continuous tense.  試問大家小學幾年級學懂的呢? “on” 大家又幾年級學懂呢???

花花閱讀迪士尼美語世界的書本同時,加上音樂及DVD的協助下,花花自然地學懂了迪士尼美語世界的歌曲,亦不知不覺間學懂了tenses及preposition。所以我說這是收成期,看到女兒英文不知不覺間的進步起來,真的很感恩。

同時,花花現在已懂得分辦中文及英文。例如佢會以英語同我、花爸、草草及姐姐溝通。但面對公公婆婆及爺爸則會以廣東話溝通。有一次更好笑的例子是某天我同花花及花婆帶同花花去飲茶,花花看見旁邊大佢少少的姐嫋看youtube.好奇心下,花花大聲問姐姐“what’s that?”問左幾次後姐姐冇反應比花花,花花再以中文問“咩嚟架?”

不要認為幾萬元買一套教材的係虎爸虎媽的行為。其實我們只係想比一個輕鬆及有效的方法教小朋友英文。花花在沒有壓力下學懂解英文,我沒有逼亦沒有打罵...自自然然的學懂了。爸媽只需每日陪睇書,播歌及播DVD,又有何難???快拎套試用裝比小朋友玩下啦。小朋友都好有反應架喇!


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

南生圍

今年清明節正正是4月4日的兒童節, 所以我們一家四口連同婆婆及姐姐來一個小picnic。雖然係picnic,但因為太突發,所以連食物都冇準備便出發了。

其實草草已是第二次picnic

第一次連同花婆婆及姐姐去郊遊,多一D人多一點開心。其實真係好想可以同朋友仔一齊去,但要約大家真的不容易。花花見到其他小朋友踩 scooter都想一齊玩,可惜其他小朋友都比較大唔想同佢一齊玩(>﹏<)

很有型吧!

希望花花草草大左可以同花花一齊玩啦!!!最近草草周屋爬,仲開始學企了。所以都要多加小心。

噚日仲買左架scooter比花花,即時帶佢出去踩下車先。雖然未係好叻,但相信多玩便可以叻DD。