Mikiki Play House

位於Mikiki的新開Play House.小朋友的天堂

幾經波折,花媽終於在上上星期打通電話,預約到今日lunch time 去又食又玩。 lunch time時段$220一大人一小孩(可以用當中$120買野食)。單丁一大人則$120(可用來買野食)。

很細心的有小孩餐椅

先說說環境,可能仍然開業不久,每樣設施都好新淨,冇爛的情況。而且在玩的同時會有員工姐姐在遊戲設內睇住小朋友(特別在滑梯住),亦有清潔姨姨不停抹,所以係安及清潔度上都加分了。但我會健議小朋友著長褲去玩。因為著短褲玩滑梯唔太滑, 有機會“絕”住左產生小意外。

小朋友都不斷爬爬爬,大人都係。

由於為左遷就小朋友的高度而設,高頭大碼的家長就可能要鄔底身咁睇住小朋友,的確係辛苦一點的。但裏面有得射波波及迷你千秋,花花真係玩足三小時唔肯食野。結果餓住咁走,仲不停同我講“I am so hungry”。由於叫花花食的時候,花花放棄食野選擇去玩,所以我都同花花講因為頭先你放棄食物而去左玩,所以依家肚餓了。要等到晚飯才可以吃。花花都點頭表示明白。

地方算乾淨

至於食物方面,真心覺得唔太好食。只能話求其搵D野填飽個肚,特別係田螺薯蓉(花爸覺得好腥),所以真係唔好抱太大期望。我地仲點左Hawaii Pizza, Carbonara及雞翼,算是不過不失吧。

我兩個小千秋,只合不太譏的小朋友玩。

花花連續玩左3小時,一上車冇耐就要訓覺了。而草草都有玩少少,佢有少量BB玩具及小型滑梯比Bb玩。其實除左動態活動外,小朋友都有大量靜態活動。好似小遊戲等可供在桌面上玩,都算多種類。

每個小朋友都好驚行呢個

由於要預約先有位,本身以為滿滿逼逼咁,但原來又唔算好逼喎,都有唔少沒人坐的位置,唔係係咪lunch hour比較少人玩呢。