Oxford用家及迪士尼美語世界用家分享

呢篇blog我一直都想分享,可惜花媽工作、湊小孩、新居、舊舖等,真係忙到冇時間更新blog。希望大家唔好介意我的緩慢,但今次必定要同大家分享。

 一直以來,花媽都在blog內提醒大家買一套教材必先要考慮清楚,畢竟大部份的媽媽們都係節儉自己來心最好的小孩,同時教材唔係平。未必每個人都好似花媽咁,買左一套唔得的教材醒捨得再買另一套。即使用埋私己錢,都要再買。我一心希望介紹大家找到一套好的教材(不止書或CD)配套同樣重要,所以一而再,再而三地提醒各位。其實除左我的分享,原來都好多媽媽都有買兩套教材,只有我的分享可能大家唔信,今次有更多媽媽分享,希望大家明白我的苦心。

由於購買oxford path後,教育顧問採取話知你的態度,所以花媽參加左一個oxford path用家自組的whatsapp group,希望會有資訊或有人識用唔好浪費左套教材。結果...發現同路人不少。有不少人有兩套教材,比較下都覺得迪士尼美語世界比較有系列及連貫D。仲有人後悔購買(請睇圖一),點解後悔?不用多說了,本身教育顧問答應購買後家訪一次,結果成功過數後無影無蹤。迪士尼美語世界的教育顧問都家訪左我3次了!一套教材最重要係識用,教育顧問唔理你,試問又點會識用呢???而且迪士尼美語世界的配套又多又好又齊,有telephone English,有CAP閱讀做功課計劃幫助畢業,有多項不同種類的playgroup/story telling/ parties.

當然有人堅持唔需要買教材,始終小朋友需要快樂童年,不止讀書不止英文。但花媽正想比小朋友快樂童年先買迪士尼美語世界,因為迪士尼美語世界主張唔吹谷。真心提示大家,如果真係買oxford path,不要太大期望啊!!!無論教育顧問銷售時點答應你,當送貨過數後就冇人理你了。不止我一個苦主呢!


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

母親節玩自己節目

玩到唔願停

自從上班後,我更珍惜每一個能陪同小朋友的星期六及日。就連母親節我都要為左小朋友而同佢地去玩。今次我地選擇了去baby-mo在亞洲博覧舉行的小型活動,參展商唔多,完全唔會好似會展BB展咁大咁多攤位。但勝在氣墊多,全場最少有6個氣墊,花花玩左5個。同時都有為2歲以下小朋友而設的小玩意,能夠兼顧不同的年齡層。

波波池

其實有兩個氣墊遊戲都可以家長陪同玩,其中一個就係超大氣墊內有波波池,另一個就係勁高滑梯。其他都係小朋友係氣墊入面跑跑跳跳。唔知係咪太遠,入場人數唔多,所以大量氣墊都係只排10分鐘內有得玩。同時,大會真係好窩心,有配套餵奶室,換片墊,小朋友攜式餐椅。在飯桌上仲有fisher price的玩具呢!雖然食物質素有街相確,但套取勝。

爬行比賽排第五`(*^﹏^*)′ 

同場亦有寶寶爬行賽及寶寶推車仔比賽。細佬以10 個月的高齡排尾二,唔係細佬爬唔快,係細佬掛住同隔離行大眼BB女聯系感情,及向橫爬而排尾二。我深信細佬打橫爬會爬第一的Y(^_^)Y

好吸引小朋友的氣墊玩意

是晚母親節,作為女兒的我亦同我的媽媽一齊慶祝。各位偉大媽媽。母親節快樂!!!

Flora姐姐的跟進

Flora姐姐就好似睇住我一對小朋友長大一樣

又到跟進的時候了，真係要多謝Flora...😇😇真係覺得一個好的教育僱問好重要!!由於我兩個小朋友年齡上有差距,為左方便我呢個在職媽媽,Flora姐姐仲度身訂造左個schedule比花花草草，真係好有心思!!!

由於上一次來花花扭計,今次Flora姐姐可以認真跟進花花。相對上一次來到,Flora姐姐都覺得花花講多左好多野(上一次來大約半年前定四個月)，真係唔好相信其他人話迪士尼美語世界的consultant唔跟進，我唔肯定其他consultant，事實證明我的美語世界consultant就跟得又足又好。

同樣地,細佬9個幾月以已選到10張英文字咭,而ABC咭雖然唔係百發百中,但都可以10張選8張出來。當然會有人問10張咭撞中8張又有何出奇。我唔排除呢個可能,但同樣地10張都可能撞錯8張吧。呢方面我選擇相信,最少...我看過的美語世界小朋友都能做到。當然,我亦堅持一定要有大人陪玩先有效,就算姐姐都得。因為草草正是姐姐用迪士尼美語世界教出來的。 其實能認咭就好以圖案咁印在小朋友的腦中,我唔係想小朋友咁細個就識晒ABC,而係希望透過迪士尼美語世界系統性的教學,能開心讓小朋友學習英文及在幼兒是激發腦部發展。

如大家想了解更多,歡迎攞套迪士尼美語世界試用裝睇下啊!
http://www.worldfamily.com.hk/ffp/sl/preaf143

草草第一次發燒

去醫務所一定要帶口罩

噚晚半夜突然發現草草好似小火爐咁熱,一度之下已經38度高燒了。即時比佢食少少退燒藥(早前打針有退藥退),雖然冇退到燒,但總可以令我安心一點。然後我就即時搵屋企附近的醫務所,最快都要9am先開。相信呢個焦急的感覺,每個媽媽都會感受過。

又攰又八掛的細佬

去到診所,醫生見到活躍及大隻的草草都唔覺得佢只有10個月大∩__∩y。明白的。草草真的好肥美。醫生話草草可能凍襯,其實都有機會的,我地開左冷氣訓。醫生話小朋友發燒千萬不要焗汗。唔好著咁多衫,散熱最重要。多休息同飲水。有得訓就比小朋友訓。

買左balance bike 必配的頭盔

由於我地一早plan左要去同花花買頭盔,所以草草病我地都要出去,草草又要八掛又攰,堅持唔訓...*@_@*  但最後去到ikea都訓了。而花花就死都帶住個頭盔周圍撞。兩個小朋友,兩個快樂。

成長中的花花草草

只要在書架前,花花都會翻書來看。真的坐定定看的啊。

成日有人話因為迪士尼美語世界太多DVD而唔喜歡閱讀，那我們家的花花就做了一個好例子了。雖然好多時bed time reading時,花花都唔會坐底聽我講故事。經過家長日後,老師同我提及花花經常自己在書架取書及自己坐底慢慢睇時,我就發現原來花花比較鐘意自己選自己喜歡的書來看。

由於現在的工作,花媽認識了不少的英文老師。當中一位經驗老師同我講小朋友首先要喜歡閱讀,自自然然小朋友便會學懂更多生字及語法。雖然暫時花花以學生字為主,但同時迪士尼美語世界都教了小朋友語法。例如早前提及的花花會說的 preposition及多於一的會用“s”。對於花花“突然”認識的英文語法,花媽真係無從稽考,我只能歸功於迪士尼美語世界,因為即使花媽有oxford path,花媽也只會同花花用迪士尼美語世界,書本都會睇oxford path,但對比較少。

迪士尼美語世界也陪著草草成長

由於花花已進入不斷說話階段,所以不難說明花花能講能明白英文。一直因為太少時間陪草草,所以一般就由不會英語的印尼姐姐用迪士尼美語世界教草草。姐姐最近都開始覺得草草明白英文,現在已會clap, wave hello及splash等。而最好笑是一次我地在車中聽“if you happy and you know it”(我們不是用迪士尼美語世界版本啊!)當時草草在車上訓了,突然聽到clap your hands 時自己突然拍手。就好似反射動作一樣。快到十個月的草草已會“baba”“baba”咁想學說話,胎教已用的小朋友真係學野好似快D咁,希望這不是幻覺^ o ^ 。希望草草會帶比我們更多驚喜啦!

如需要取試用裝，可以click入以下連結比小朋友玩下啊!
http://www.worldfamily.com.hk/ffp/sl/preaf143

咖啡灣沙灘遊草

草草真係越坐越定

呢個星期多左兩日假期,親子活動又多了。去完大棠BBQ,今次再戰黃金海岸咖啡灣。起初花花成日beach beach beach...原來去到沙灘勁驚。明明當天在美國又玩沙玩水,點解香港就咁驚?!相反草草就好開心了。

不小心影錯的相`(*^﹏^*)′ 

花花成日都話要見Frederick,好啦!終於見到Frederick了。今次我地決定去咖啡灣又玩又picnic。有咩開心過小朋友有得食又有得玩呀?

花媽和草草

今次 Fredereick媽媽帶左水槍玩,大人小朋友都玩到好開心。而大家的目標都係花爸同婆婆們。當然花媽都有中招啦!玩得最濕的都係花爸♡^_^♡ 因為花爸帶多左套衫嘛。

樹熊上身花花見到個海好驚咁kim住花爸

本身想帶花花去踢下水,但唔知點解一見到個海,花花就不停咁叫住要走。為免太影響玩的情緒,我地最終都係玩下沙算了。由於有限地玩,所以花花洗下腳便可。

看我們開左一個營三危沙灘墊的陣(⊙o⊙) 

今次除左食物,花媽仲帶左個potty比花花。除左第一天大便外,花花都可以同花媽講想去小便。真心覺得雖然誇張,但今次帶potty去沙灘是對的Y(^_^)Y

51大棠勞動日

不合作的花花

以我印像一年多前同花花來過大棠燒野食,但當日因為同花爸朋友一齊去,所以好多野都冇準備。今次同花公公花婆婆一齊去,所以準備得好好多了。

草草咁快鐘意酒?!

當然草草第一次去,為免草草周圍亂爬,我們都帶左潮車比佢玩,由於在外草草唔太肯訓,都走果時要放佢係BB車先肯訓。

走去人地個營到玩

由於之前第一次去冇工人姐姐代為分擔,今次有姐姐,花媽的確舒服了不少。而且婆婆都幫忙睇住花花,所以今次我舒服了不少。本身打算同花花玩風箏,但花公公話今日風力不夠,所以冇買風箏。希望下次可以再玩過啦!

花媽係到恰著左―,.―