草草甲型流感

繼花花甲型流感後，雖然我們已即時隔離花花，但原來都已經感染到草草，結果我地打算去私家醫院做測試時，私家醫院同我地講冇晒快速測試，只有特敏福。結果，我地要再到同一間所做快速測試，再到私家醫院配特敏福。亦正實了草草都有甲型流感，但還是要感謝主，因為我們都能配到特敏福及發現得早嘛!

其實快速測試並不是100%準確，我的朋友告訴我，他仔仔在醫院做快速測試但是 negative，但晚上發燒至40度及抽筋，立即送小孩到仁安醫院，但醫院真的太滿，所以要私院寫轉介信到瑪加烈，最終能上配離病房，但小孩及媽媽都心力交瘁。再經公院的半天驗血，得知係甲型流感positive，所以快速測試未必準啊!大家都要小心，小朋友發燒就不能輕視呢!

花花甲型流感

今日接花花放暑期班時，老師拖佢比我就同我講花花有少少熱，由於我知道早上用同一課室有人甲型流感，本身一向都覺得小朋友少少發燒係可以自行好反的我，同事提醒我快去做快速測試。咁我立即提早下班一小時，搵到一間可以做快速測試的診所，果然係positive。由於診所冇特敏福，本身打算到公院排睇醫生及取特敏福，但早前睇新聞都話公院人太多，所以我還是打去其他私家醫院問下有冇得只配特敏福，好好彩，醫院有特敏福。等配好藥後，我地就拖住疲累的身軀回婆婆家。我們為免感染到草草，所以只能將花花暫放於婆婆家。

在此亦提醒各家長，不要輕視發燒，原來真係可以病到甲型流感架!醫生都同我講因為太多小朋友病，所以診所已經冇晒特敏福，真係要到公院先有機會有啊!

八號風球戰書展

睇下花花幾鐘意Flora姐姐

無風無雨就突然來個8號風球，平日大風大雨就唔會掛8號風球，香港的天文台不得了。但都無阻我同花爸帶花花大戰書展。 來到書展，我地當然不能錯過見Flora姐姐啦！畢竟都從小見慣Flora姐姐，花花見到Flora 姐姐就即時比佢抱了。

花花選左Minnie,草草當然要Mickey

 去到書展，花爸花媽都行左好耐，搵極都搵唔到合心水的書，因為真係好多習作，花媽真係唔可以想像過幾年後就到花花不停做習作，暑假都唔可以好好玩同休息。本身見到小樹苗有一套中文字咭連袋的，但花爸話太難，未必係花花玩階段需要用。

唔平但為左令花花坐係 

最後我地買左好幾本可以比小朋友揭開的書，希望可以引發花花好奇心去睇書。雖然花花現在都好鐘意睇書，但花花一般都只係睇好幾本自己鐘意的書，幾日到我就會換書。我仲買左一套只係200元的公主書比花花，希望花花會鐘意啦。

我同花爸決定要買的書.今年收獲不多

 其實現階段帶花花去書展玩都好架，因為花花都開始了解到同可以玩到一D參展商的小遊戲。而今年Dr Max有一個好大的攤位，相對迪士尼同oxford真係好似爆滿咁。但Dr. Max已練習為主，相信合適大少少的小朋友。如家長想買Dr. Max比小朋友，我絕對提議家長考慮買多少少的習作比小朋友。

一套8本的公主書,鐘意公主系列的女生必備啊

迪士尼還是oxford path?

每逢書展或BB展,總有媽媽都欵問究竟迪士尼美語世界妳定oxford path好?同樣作為家長的花媽,三年前都有著同一個欵問。我選擇了相信oxford path,oxford path的 consultant大致都係話迪士尼美語世界的內容outdated,第時小朋友長大一定成日叫你去迪士尼好嘥錢呀(其實作為家長,唔係去迪士尼就去海洋公園架啦!)...等等。oxford path的 consultant能成功打動我同花爸,真金白錢一次性買了一套五萬多元的教材比花花。在一年多後,我努力胎教又使用教材天天和花花閱讀,成課...花花連ABC也認不出來。相對草草十個月大使用迪士尼美語世界後已經會認出ABC,是資質還是教材的問題?大家用心細想一下便可知一二。 如

如果家長問我迪士尼美語世界好還是oxford path好,我只能答你看自己小朋友需要什麼。真心的迪士尼美語世界很易用及方便,即使不會英語的四大長老也能幫忙使用,full time mom便能有更多時間做自己的事。oxford path則需要父母不停努力伴讀,伴讀是很好的,但父母有沒有時間也是叻一回事。現在花花快三歲了,我亦開始給花花閱讀oxford的書,說真的...因為花花已能自行閱讀迪士尼美語世界的書本,她讀到悶了。要更多其他書,所以不一定要oxford path, oxford reading tree或其他書本也很合適。說實話,如果真的要買oxford path,三歲之後才買也不遲。但胎教及黃金學習時間,真的不能錯過使用迪士尼美語世界來刺激腦神經的發展。

其實開這個post是提醒所有新手爸媽或各打算購買迪士尼美語世界或oxford path的家長,必須要細心選擇,選自己認為適合的教材。始終都是自己的血汗錢,我也是以過來人的身份來跟大寥分享。今天看到一個媽媽的whatsapp msg,真的令我很生氣!!!這就是oxford的態度嗎?我已是買了oxford path而沒有人follow up的受害者,點解oxford的consultant可以咁唔專業???唔買就要咁樣比你話???

以本傷人。為左更多單,以利誘方法吸引家長,家長真的不要因小失大。
介紹人買就可以有800超市現金券,如果好的,自然有人買架啦!

幾萬蚊買套教材考慮下都正常啦!考慮都要比你鬧,
講真,你咁樣的服務唔通我仲要比你賺commission咩?

真心想不通點解oxford path的consultant可以咁無耻!無論你套教材幾正都好,你咁樣真係令都家長連行入去你個booth了解的勇氣都冇。講真,要你大拿拿拎幾萬蚊出來買套教材喎,你都要考慮啦!

如需要取試用裝，可以click入以下連結比小朋友玩下啊!
http://www.worldfamily.com.hk/ffp/sl/preaf143

草草一歲大了

由於17號係星期一，為左就花爸花媽，所以我地都提早慶祝。真心感恩草草咁快就一歲大了。呢一年由美國回港到今天在香港仲搵到工，發生的事情太多了。希望草草身體健康，快高長大，花媽心儀幼兒園會收草草。


一向都唔走大搞路線的我，一貫簡單的作風，一家人一齊食餐飯切個蛋糕，今次我地買左個立體 minion蛋糕。當然少不了花花唱生日歌比草草及代吹蠟燭啦!

同時在此祝各位朋友，生活愉快，身體健康。

迪士尼美語世界活動-生日Party

上年因為遲左報名，所以要報朝早時間，所以今次我提早報名了。但最開心係見到上一年花花在生日party內的小片段，所以我自己到crop底左留做紀念，希望下年就同草草報名，都會記得有呢個快樂時光啦~

其實美語世界除左教材有用之外，其中一個值得家長購買的就係佢的活動。除左生日party外，每年仲有一個大型的美語嘉年華。美語嘉年華就好似一個故事性的話劇，而劇本內的歌主要用反美語世界內的音樂及類似而改少許字的歌詞，等小朋友睇歌劇時都能應用到美語世界的音樂。小朋友仲會覺得更有歸熟感，我睇返以前美語嘉年華的DVD都見到小朋友們都好enjoy咁於台下載歌載舞，希望今年花花都能夠一樣的投入啦~

在美語生日Party內,上年用馬戲班的主題，今年則用熱帶森林做主題。其實見到迪士尼美語世界咁有心思同請咁多人去為我地一班已購買的家長服務，我真心覺得好抵。最少每月有美語電話的服務，仲有唔同的課程比用戶參加，雖然係收費，但價錢都好合理。特別現在暑假開始，仲有Summer Camp 夏令營為36個月的小朋友而設，最少父母唔洗煩同小朋友有乜野活動又可以學都英語。

由於花媽已是全職工作，工作好煩忙，所以平日好少時間去搵節目比花花草草，現在美語世界已經設立好一系列的節目比家長平日或假期同小朋友一邊玩及一邊學英文。如果暑假去完旅行就可以帶小朋友參加美語世界活動玩下了。美語世界的活動只限美語世界的會員啊~美語世界會員記得要參加啊!!!

想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

淺草/涉谷

唔知大家有冇試過夾到公仔果種心情?花媽第一次感受到。用左2200yen夾到一個迪士尼公仔Y(^_^)Y 感覺實在太high 了。

今日花爸花媽先去雷門寺行一轉,仲抽到支吉纖∩__∩y。去完雷門寺再去涉谷,因為開始減價了。買左二十樣hysteric mini 精品都係兩萬幾yen,之後再同花爸買左少少野,其中仲買左一套木製玩具。一套有7件都係7000yen。真心好鐘意,最鐘意係度高果個。其他木玩具都係花花草草可以玩的。

輕井澤

好啱小朋友的thomas 火車

 今次遊世界的主角係草草,由於花花仲要返學,所以我地一於掉抵花花,帶同草草去玩。噚日花花仲同我講自己都想去Japan呀。於心有愧的花媽一於要買勁多野比花花補償。噚日下午機去到東京已經晚上了,我地冇乜玩就晚餐,為今日的出發作好準備。

首先我地出發到築地食個魚生飯早餐,再到上野買左張3days JR pass (記得要帶passport啊!),坐左1小時多的新幹線到達了輕井澤。輕井澤有好多唔同牌子的產品。最令花媽開心的是hysteric mini有唔少減價貨,平到你唔信。花媽買左張摺椅都只係5000yen。花媽同花爸不停諗,如果同花花來我地會點...花花一定好開心了。希望明天或後年有機會再來。

第一次玩跳跳樂的呆子(>﹏<) 

 由於買野太多,所以離開輕井澤就立即返酒店放下行李。然後再出發到錦系町的akachan。大家一定要多買,真係好抵買呀!蚊貼牙刷等...小朋友的都應有盡有。只係有牌子的鞋太貴了。

成績麻麻,有待努力