愉景新城

草草，係咪好大風定係好多沙吹左入眼呀?😂😂

其實愉景新城真係一個同小朋友放電的好地方，最鐘意佢可以簡唔中會有姐姐同大公仔同小朋友玩，唱下歌跳下舞咁。今日除左唱head and shoulder knee and toes，仲唱if you happy 仲有所有小朋友最鐘意的baby shark添!!

個個小朋友都好投入架!但唔知點解草草要跳到恰埋晒對眼仔，真係好搞笑呀!

佢仲開左一間親子餐廳係Donut Village入面，但係因為事前花媽唔知，所以我地walk in就冇位了。唯有下一次打去先預約時間啦!但原來咁啱今日花爸有朋友去左，佢朋友話兩個家庭都各只有一位小朋友，大約用左千幾蚊，價錢花媽覺得係中上的。如想知更多詳情，可以去website睇下
https://www.dpark.com.hk/

而花媽最唔鐘意就係次次都要去拎飛先可以入去個公園玩，好似好小氣咁。但係往往香港人就覺得要排隊先係好野，花媽都一樣，一去到未泊車就即時攞飛!😃結果12點幾去到拎左3點飛，的確小朋友係玩得開心的。

下次有機會再同大家介紹下 Donut Village啦!