草草K1第一天

草草好叻仔呀！入到媽咪好想佢入嘅學校🥰

今日早早第一日返學，花花、花媽、花婆同姐姐都隆重歧視，一個小朋友返學，四個人一齊帶佢去🤣🤣！草草今日好開心，可以第一次着校服返學，雖然過程中有一點黐住花媽，但尚算合格，起碼沒有到大叫。

花花係大姐姐了😊

今日同嚟緊星期五就係花媽最後可以同自己小孩一齊上堂的日子了， 所以唔花媽都特別留心同草草玩每一個細節，原來國際學校嘅小朋友真係好似玩為主咁，我見佢哋玩下沙玩下小動物、剪剪貼貼咁樣就一堂了。

被寵壞的草草竟然自己拎茶點食😱😱

但我相信英基的小朋友要有一定的自理能力，因為我見相對本地幼稚園的小朋友，本地幼稚園的老師或校工會帶小朋友依時地去洗手間，英基的小朋友就是自行去洗手間。相信這都是老師特意安排，讓小孩自己能獨立地完成一些基本指令。

小朋友就係最鍾意玩玩具啦！

老師讓小朋友食完小食，自行收搭後就可以再玩一陣玩具，然後就安安靜靜咁叫小朋友tidy up及坐定定聽故事。真心估唔到草草會tidy up 😓😓😓平時講到口水乾都唔肯收搭，真係老師一句好過阿媽一百句。 然後草草就坐定定聽書了，仲要坐頭位😮😮不過都明白的，因為草草真係好鐘意睇書☺️☺️

個個都好用心聽老師講故事！😍