Merry Christmas

花爸超錫花花草草

花花草草大個仔大個女了，依家會寫信比聖誕老人話想要乜野🤣今年一個話要Dinosaurs Paws Patrol,一個話要lol...🤣🤣🤣結果姨婆、婆婆、花媽本人及花爸都大手筆...仲有好朋友的爸爸媽媽都送大禮比花花草草。真係萬千寵愛的花花草草👍🏻👍🏻

70+開箱

今日boxing day第一件事係叫醒花媽玩拆禮物 🎁 今年聖誕節好特別，小朋友都帶住口罩過日子，所以花爸特別買咁大份玩具比佢地！希望明年會更好...希望明年今日唔洗再帶口罩☺️
 

迪士尼美語世界 cap淺藍及藍色帽

一齊影淺藍色帽

一直都做好左Cap,但一直都未有時間去拎，今日終於有時間了☺️留甜綠青黃下次先拎，等佢地記住呢個重要時刻！依家影完相信可以印反張相做紀念，花媽真係好開心啊😍呢個悠長假期亦完成左妳多CAP，起碼睇到小朋友成長的唔同階段同變化🤩快D了解一下迪士尼美語世界啦！

唔想疫情小朋友在家無無聊聊，歡迎申請兒歌試聽版比BB😊 interview真係好幫到手架👍🏻

http://www.worldfamily.com.hk/ffp/sl/preaf143

藍色帽仔

 

D2 Place 雪の泉 荔の湯

滿心歡喜入去玩😊

 

今日同花花草草去左D2 place 玩順便拎Cap, 我地首先消費左$500，就可以免費入去荔の湯玩，記得要消費啊，如消費$200只可以一人入去😢但確實只能當一個小景點影相。入去出示收據，消費$500會送一個小杯墊，呢個是在D2 Place 2期的

有個日式沒水大浴池

入到去其實有一些小玩意玩，但必須成為會員先可以玩，即使願意直接付款亦不能玩😅，所以我地就冇玩了。隨便影張相就算...唔洗錢入去睇下都可以，但都幾無聊😒

重要景點：雪の泉

記得啊！取票要於D2 Place一期，但景點於D2 Place二期 10被再上一層的天台。最早場次是在3pm，我們1pm拎款，不用排隊，人不多。不過可能聖誕期間會比較多人啊😉

花花要影女神相

因為佢地噴出來的是bubble,有機會整到小朋友眼睛啊！家長要注意啊⚠️不過的確小朋友玩得好開心，更加係因為佢地從未見過真雪。

花花以為呢個泉係熱架😂😂

由於限人數，當中的人唔算多，在疫情下有一點戶外活動真係好開心了！當係苦中一點甜😌😌本身都唔覺得旅行係一件奢侈的事，現在覺得真係有得去要快D去！

令我更想去日本😍

 

綠田園

可以餵下羊同牛啊！

疫症數字慢慢咁回升，花媽好相信嚟緊又有一場嚴重的時間要去仗，所以親依家可以出街我地就出多D😌今次帶小朋友親親大自然。去左位於天水圍的綠田園，有免費泊車...即使唔揸車，去到天水圍西鐵站再轉的士都好方便👍🏻

碰碰車

同小朋友去玩就預左燒錢，就當刺激下香港經濟啦😂小朋友乜都話玩，不過當然都有推介同唔推介的活動。碰碰車、坐船、滑車及餵羊都好好玩啊！

花花餵魚

其中我覺餵坐船餵魚一定要玩，$90 10分鐘再分買買魚糧，船唔算難踩，花婆婆同花媽帶兩個小朋友都好易處理。好似花媽我一個踩都完全冇問題。

草草餵魚

平時好cool的草草仲開心到邊划船邊高歌 🎶 比小朋友感受下大自然真係好開心🥰玩左幾個鐘...小朋友又累，我地大人都攰。但值一得👍🏻

最唔抵玩遊戲，千萬不要玩

同埋綠田園有得BBQ，限聚令四人一爐都唔錯。今日星期日下午2點左右去到，唔算多人。不過唔知點解綠田園內地味甚重😅有少少似反左大陸。

十二生肖像

正當我哋準備走之際，打算玩最後一個遊戲，就見到花媽個好朋友啦！😄本身冇諗過比佢哋玩滑草，因為花媽覺得係澳門唔使錢可以無限玩嘅遊戲，但係而家要比$60玩6分鐘，感覺好似好貴。所以我當時冇比花花草草玩，但係因為朋友仔仔好想玩，我哋三個大人帶住三個小朋友一齊玩。 原來亦都係佢哋最enjoy嘅一個遊戲！

巧遇好朋友
 

幼稚園不能上學的日子 - 迪欣湖

同Baby Alexis去迪欣湖玩

政府宣佈幼稚園停課兩個星期，一星期裏邊除咗星期三，其他嘅時間都需要上zoom，時間大概15分鐘。所以其實草草都仲有好多時間係屋企逗留，花媽決定星期三佢又放假自己都放假一日，幫草草約埋佢個朋友仔Baby Alexis一齊去迪欣湖嗰邊玩。😊

要唔要咁sweet呀😒

一去到嗰邊，唔多小朋友，可能始終比較遠的關係，好耐冇試過除咗口罩喺公園玩啦！🥰所以草草及Baby Alexis都玩得好開心好盡興！我哋喺公園帶佢玩左半個鐘就出發遊湖，兩個小朋友兩小無猜咁樣踩住滑板車遊湖一週！其實有時候放假鬆一鬆個感覺都真係好享受！👍🏻👍🏻迪欣湖呢邊除咗可以踩船仔亦都有家庭樂嘅單車比大家租用☺️野埋餐應該可以玩一天啊！其實今日都有10個內家庭野餐！因為地方好大，所以一D都唔逼！但花媽建議向湖右手邊行一段路先進行野餐比較好，因為右手邊比較少人😌

係女仔面前自己食晒碗飯

 遊湖後我地就決定返去東薈城食野☺️依家薈城多左好多野食及商舖！玩完去shopping及行街都好不錯呢！

N班 K1 拍片interview

 

呢段時間真係好多朋友問我點樣拍片interview，朋友都認為我好有經驗，因為我有兩個小朋友，大女仲要係細B嘅時侯，都有好多間學校嘅Offer，好多人都問我點訓練。其實冇話點樣訓練，我主要同小朋友玩😌而家我都見市面上有好多唔少面試玩具出售，反而以花媽嘅經驗來講，我都冇特別買一啲面試玩具比佢哋玩，其實我用最多時間都係迪士尼美語世界呢套玩具，點解我用玩具來形容？因為我真係本住同小朋友玩的模式比佢地學習，當中冇壓力嘅時候，小朋友玩得固然開心同樣地亦都學到。👍🏻

我甚至乎見到有朋友今年同我講話收到個interview嘅內容，連應付拍片嘅能力都冇，因為佢嘅小朋友完全合乎唔到面試嘅要求，所以決定唔拍放棄。😣花媽都明白真係好心力交瘁，又要拍片又要剪片！所以我成日都話準備小朋友絕對唔係今日教佢，佢聽日就識。機會永遠都係留俾有準備嘅人！

其中一間九龍塘N班要求面試內容（from 朋友）

所以我成日好建議我的朋友唔好林急抱佛腳，想輕鬆去教小朋友反而用一套更加有系統嘅教學才工具先會幫到你！雖然有好多人同我講話呢一套迪士尼與世界絕對唔平，但我想都會問返大家您報playgroup或者買書買玩具好平嗎？🤨我以前都行過一條比小朋友嗰幾個playgroup嘅路，錢都用咗但係小朋友乜嘢都學唔到😩更何況上年疫情嘅關係，小朋友係屋企日日無所事事...過來人身份同大家分享🥰

想幫自己省時省錢咁教小朋友，申請隻兒歌CD了解一下啦😊

http://www.worldfamily.com.hk/ffp/sl/preaf143

空服生崖

 

我都唔記得邊個係自己😅

當我十幾年前踏入社會，第二份工就係一個空中服務員，但絕對唔係香港而家最大嘅呢一間航空公司，呢兩間係我當年夢寐以求想入嘅公司，唔知係好彩定唔好彩考極都考唔到😅。結果去左一間新開亦兩年後結業的廉價航空公司工作，主要係飛英國為主。嗰陣時就好似每個月都會去英國三次咁樣；由公司新成立到到公司結業，兩年嘅時間我都喺嗰度工作。公司結業之後我都係搵返一啲航空公司嘅工作，結果入大韓航空。

其實依家回想，點解咁想入港龍...只不過因為覺得套制服好睇。想入國泰因為工作好hea...對於當時冇經濟壓力的花媽，絕對係一件好事😝。結果我入左一間人工算空中服務員唔差的新開簾航工作，成日件好似命註定咁，識左一班依家都會contact的朋友，當日公司宣布破產，我在加拿大🇨🇦。其實公司倒閉對花媽來講唔係乜野大問題，因為我冇經濟壓力。但我當時都好理解好多阿哥阿姐有經濟壓力，有家有室突然冇左個收入真係好難照顧家庭😣😣。其實同今日CX及KA一樣，眼見好多朋友突然失業都會為佢地擔心。

因為當時花媽失業都仲細，要搵另一份工唔難。試過國泰港龍都唔請之下，大韓航空請左🥰仲識左我的好朋友！我做左一年，飛左好多自己想去的地方後決定辭職。之後我就決心回歸地面，始終...飛我可以飛幾耐？我從來冇諗過航空公司會結業，我只係諗...我可以飛到幾多歲？飛人的生活啱唔啱我？除左飛以外，回歸地面我仲可以做乜？呢個算係乜野工作經驗呢？以上種種問題...我當時決定離開，擁有美好的回憶已經是最值得了！😊

K2 Halloween

一班Super Hero及一個公主

小孩子的童年十分重要，少解大半個學年的K1生崖，記得對上一次就是草草着住恐龍衫過萬聖節，不久就因為疫情及社會運動而漸漸停學，在無聲無息中突然K1升上K2 ，當中的確有很多缺失。😶😶上年買的美國隊長戰衣今年已經變得有啲緊，把握埋最後嘅機會着埋今年就可以送出比朋友。🤗🤗

原來草草好朋友都鐘意Captain America☺️

今年冇得club house trick or treat😞花花學校又冇得扮鬼扮馬...仲記得上年佢地一齊餐大學去溜冰著Halloween custom。希望疫情快好轉

疫情中的迪士尼

有咩比湊兩個小朋友辛苦？😣😣

原來係湊4個小朋友呀！

第一次見都咁friend 🥰🥰

今日放假本身打算同小朋友去玩下，同朋友講完佢志火都話join喎👍🏻咁一齊啦⋯⋯結果5個大人4個小朋友，冇乜點玩，但好開心！

遙距影相

由於年齡層有如樓梯咁一年一個，所以都可以話大照顧細，亦都顯示左花花的姐姐風範☺️而草草就突然同一個細佢一年的妹妹好friend (自作多情地friend,妹妹其實唔show佢）😅😅成日想拖妹妹但妹妹唔比佢拖

拖住一齊入園

花爸一打四咁比我同朋友玩下過山車，久經訓練後由豬隊友變成半豬隊友☺️花媽要求太高了！希望可以再同小朋友玩過啦

花花好照顧小妹妹啊

花花變身YouTuber

最近花媽好忙，因為我要處理花花草草開學嘅事，又要同步準備花花嘅生日又要慶祝中秋節，所以一直都冇停過😖😖

唔知發生乜嘢事，花花最近同我講話想成為YouTuber，想being famous。係花花生日當天，就不停咁叫我同佢拍片影佢開箱！😅咁好啦… …為母則強，我硬着頭皮咁幫佢拍片，然後用咗好長嘅時間再剪片，希望大家都可以多多支持🥰🥰記得like咗花花段片，然後share出去👍🏻最重要咁埋個鐘仔 🔔 Subscribe Alexis & Alvis嘅Channel😆 

唔知佢哋係咪對鏡頭嘅敏銳度都比較高，坐到成個公主咁介紹佢個LOL surprise🤣🤣賴媽剪片，希望大家唔好介意🙇🏻‍♀️🙇🏻‍♀️🙇🏻‍♀️

如果大家都想提升小朋友的show and tell skill，英文能力，可以了解一下迪士尼美語世界，可以click入下面條link 😊花花草草英文都係DWE教返嚟架！

http://www.worldfamily.com.hk/ffp/sl/preaf143

報復式閒逛

出嚟就係為左呢個雪糕

呢個疫情真係令花媽真係變左緊張大師，乜都擔心一餐，基本上花花草草冇出過街，同時都增磅唔少🤣🤣有見及始，親住長假期，帶花花草草出去玩下...食下久違了的雪糕🍦 😋 

巧遇花花兒時玩伴，9月同年BB

雖然我地少出街，但有緣就會遇上好朋友😊帶住口罩都認得🤣🤣只因Yona爸爸太厲害...咁都認得我地。我地巧遇位置就係小朋友天堂ToysRus👍🏻👍🏻講到呢間又大又正的ToysRus花花草草冇買野都行左超過一個鐘。重點係花媽行行下人有三急，要換地方解決，同時女厠鬥等得耐大家都知，但我去玩返到去都起碼20分鐘，我再入返去...其實只係行多左一排🤣🤣小朋友去玩具反斗城有如女人要shopping...趕都唔走

 

花花六歲了

花媽特意訂造的扑扑蛋糕 
(https://www.sweethk.com/)不賣廣告，誠意推介

唔知大家有冇聽過扑扑蛋糕，其實呢呢一兩年多左人買，外面係圓球珠古力，入面可以係糖果（當然可加錢做一半係蛋糕）。呢間真係做得好靚竹好精緻，花媽一個月前訂，問左花花鐘意乜野公主，馬車要乜色就搞掂。雖然長髮公主加馬車好怪...原小朋友原來冇所謂😊

有糖後，蛋糕仲有用嗎？🤣🤣

扑玩蛋糕切完蛋糕，花媽仲特意買左個外國小朋友好慶生日扑Pinata...就係屌起一個盒，然係小朋友扑爆個盒再拎入面D糖。我都懷疑點解花花會識....🧐應該係睇迪士尼美語世界有見過小朋友玩。原來花花一直都記住...所以生日叫我買比佢🥰所以DWE對花花影響好深遠...

http://www.worldfamily.com.hk/ffp/sl/preaf143

花花生日，最勞苦功高一定係湊大佢的婆婆。日日追學車出車入，為左唔想花花咁辛苦坐校車要早起...世上只有媽媽好，對的...媽媽的媽媽更好😘

雖然公公好少照顧花花，但花媽知道公公好錫花花。花公公成日都讚花媽教花花草草教得好，不論德育定學術😅😅其實...花花草草只係比同齡小孩英文好同鐘意閱讀，其他都一般般😁 

花花小學雞之二年級

過了一個悠長的假期，花花終於回歸校園。雖然只上半日，都可以見到小朋友有幾開心。

開學之後，花花話我知snack time可以坐長椅，Y1就坐地下。平時長椅係比Y5及Y6的哥哥姐姐坐，依家可以坐好開心🤣🤣🤣

話說放學，花媽同花花作一個小小review，睇下佢今日玩左乜識左乜野朋友。原來真係養兒100歲長憂99😔😔，花花今日同我講snack time佢自己坐長椅子食，咁我問佢...你覺得點呀？點解唔同同學一齊坐嘅？根住花花答我因為佢坐底坐唔可以轉位。諗住同學仔會佢坐架...點知佢地坐第二邊。🥺🥺🥺

咁花媽當然會擔心啦...咁我問佢有乜野感覺。佢話都想自己一個坐，因為快D食完可以去玩😆😆而且唔會同人講野，唔洗周圍口水唔衛生...😅

究竟係花花本身個人豁達，定係我過份優心呢？

 

悠長暑假後的第一天

 今日終於終於返學了 🎒唔少爸爸媽媽都特別請半日假同小朋友迎接新的一個學期☺️花媽都唔例外。而花花就在家繼續zoom😅

在車程中，草草好開心。見到橋話我地知附近係學校😊最搞笑係佢已經唔記得左我地放底佢的地方，然後問你地去邊呀？平時唔係咁🤣🤣🤣跟住我話你唔記得左？我地係出面放低你再踩scooter 入去架嘛！然後草草話Yesyesyes 🤣🤣🤣真係好可愛

希望唔好再停學啦！草草今晚興奮到10:30都唔肯訓覺😅😅

上zoom的煩惱

 花花終於開學，作為一個在職媽媽，除左返工仲要照顧小朋友開學，幸好有時可以work from home，所以多一D時間可以陪花花草草上堂🥰但依家課堂以外的功課都係要花媽陪做，有時就咁樣...過左一日😔😔

花媽都有唔少朋友遇上另一問題，小朋友唔似花花咁大，歲幾兩歲，明知嚟緊interview可能要錄片，但就冇idea可以拍乜野片，作為媽媽爸爸的一定心力交瘁 💔。即使有學校收左，但復課無期…...小朋友係咪淨係坐喺屋企已經可以學到野呢？大家真係相信zoom可以教到小朋友？🧐草草今年K2，花媽覺得控制佢都唔易，更何況再細一點的小朋友？最重要就係小朋友睇電子屏幕的時間真係好長，有時覺得佢好似zip左草草入去一樣，而由細睇DWE大的草草都未試過咁...

越坐坐近😞

好多人都話DWE睇好多DVD,但原來果D DVD唔會令小朋友沉迷，依家學校比花花草草睇的youtube 片先令小朋友勁沉迷😭😭唔知大家有冇同我同一個想法呢？

想小朋友又學習到又輕鬆唔係只睇youtube,了解一下迪士尼美語世界的教學方法，應該好過學校用Zoom 或睇youtube ☺️

http://www.worldfamily.com.hk/ffp/sl/preaf143

在家學習之迪士尼美語世界 - Let’s Play

有晒工具好方便

唔經唔覺又就快開學，但同樣地花媽自覺小朋友嚟緊未必有得返學...返學呢件事好似好遙遠😩但都唔代表我可以唔處理花花草草教育。有時花花草草練寫字都悶，我就會拎Let’s Play出嚟同佢地玩。

今次我係拎一D整circus train的圖工同佢地玩，整玩仲可以同佢地玩估動物係邊架車！👍🏻👍🏻成件事即使係玩...我地都邊玩邊學，唔係一未只得抄讀寫背，成件事都生動好多😊同時又可以重溫反青色書的課文內容。

 花媽真心覺得迪士尼美語世界唔止課本咁簡單，而係一個工具...小朋友可以用幾年（係用幾年唔係擺幾年）😂😂可能我可以用幾萬蚊買幾千本書日日同小朋友讀，但非常單一的只有我讀，小朋友即使識聽都講唔到！但迪士尼美語世界的互動性好高，透過不同方式叫小朋友講（美語電話/zoom playgroup）....六萬蚊我用左差唔多六年，一年一萬...一個月都唔洗一千，一千...我可以比小朋友補乜野英文？仲要花花草草一齊用🤗🤗一個唔洗$500。想幫自己省錢省時間？，歡迎申請兒歌試聽版比BB😊

http://www.worldfamily.com.hk/ffp/sl/preaf143

第四隻牙仔

又準備甩牙了

花花未到兩星期，又甩牙仔了🦷。花媽真係覺得花花大個左好多，仲好可愛。今次佢不斷話自己要食蘋果，結果咬咬下開始流血，不過成件事花花好勇敢，自己去洗手間漱口，然後拎紙巾止血...就係呢個時間，花花隻門牙就咁樣甩左😅....一個唔痛的情況下，甩左牙仔。👏🏻👏🏻👏🏻

今次好大膽，冇喊過

而今次花花講野再搞笑好多，完全漏風的狀態。而且好搞笑係唔可以用門牙先咬碎再食，而係直接放入大牙位係咁咬。我的花花真係好可愛啊！🤣🤣

又開始漏風之旅🤣🤣

 花花成長的路途，我又回想起了自己不少的成長過程。花媽記得自己細細個係花太婆照顧，甩牙的過程花婆冇陪住花媽，反而花花甩牙時，花媽花爸同花婆婆都係到。回顧呢六年，變化好大...我相信每一個媽媽都同我一樣，覺得小孩大得太快。

花花甩第三隻牙仔了

未甩牙就喊到死

唔經唔覺快6歲的花花甩第三隻牙，意味住花花越長越大個女了🤧🤧感覺好似噚日的事一樣！明明我地叫姐姐幫手脫佢第一及第二隻牙仔時，佢乽大勁興奮，但第三隻牙就喊到死咁濟🧐🧐女仔真係好善變🤣🤣🤣

結果花爸叫姐姐比D生果花花食，點知姐姐比士多啤梨 🍓...花爸就同姐姐講有冇蘋果 🍎 果然一咬，成隻牙甩左🎉🎉🎉我地勁日開心！婆婆今晚咁啱係到食飯，見證住花花成長的其中一幕！☺️

甩完牙食雪糕是常識吧！😁

甩左牙就勁開心

花媽敗家記

俾個藉口自己，當係花花生日禮物啦

兩個小朋友最大嘅問題就係會—-爭。玩。具，甚至乎有時都花花攞埋細佬嘅玩具來玩，搞到細佬有Lego好似冇Lego😣。所以花媽把心一橫，決定去Lego ship 買盒玩具俾小朋友。由於疫情嘅關係小朋友冇可能親身到Lego shop。亦因為科技嘅發達，小朋友可以視訊咁樣睇到有咩玩具。然後我就係一個遙控嘅操控底下，就買咗兩盒大嘅玩具。唔使半個鐘，二千幾蚊就係咁容易洗咗啦！

小朋友細個猶自可，大個就會話要呢樣要果樣。但係因為疫情嘅關係，平時唔會有咁多禮物送嘅Lego shop送咗好多禮物啦 🎁!快說大大小小加埋送咗5分唔同嘅小禮物，小朋友開心之餘媽咪都洗錢洗得開心。希望疫情快啲個小朋友可以準時九月開學啦！😉

其實我都會好建議家長會買Lego俾小朋友玩，好多學校都會考小朋友砌Lego，其實呢度可以考核嘅範圍都好大…例如顏色嘅配對， pattern...仲可以睇埋小朋友手眼協調及創造力👍🏻👍🏻，以前，花媽總會覺得lego俾男仔玩，所以一直都冇買Lego比花花，直到花花去St Cat interview就發現出事，花花完全唔知做緊乜😣大人的過失絕對會影響小朋友。等小膎口長大時，再玩啲細粒啲嘅Lego，仲可以增強小朋友嘅創意思維😊

四歲Alvis BB

花媽都係第一次食雪糕蛋糕 🎂，正！

原來距離我喺美國生細路都已經四年啦，祝肥仔四歲開開心心快快樂樂，最重要健健康康！🥰🥰今年都好明白唔可以同細佬搞啲乜嘢生日party，因為疫情嘅關係。其實只要一家人坐埋一齊，齊齊整整咁去慶祝生日，都係一件好美好嘅事。👍🏻

估唔到堅持左咁耐，呢個blog都經營左快6年，見證着花花嘅成長真係好開心！希望嚟緊我都可以唔單止淨係分享小朋友幼兒教育嘅部份，都可以分享一啲升小升中嘅部份俾大家！😊

今次同草草慶祝，草草真係好開心！開心到就係擘大個口得個窿🤣🤣🤣叫佢許個願就乜都話Paws Patrol Paws Patrol...同草草傾計，佢真係可以講一整晚Paws Patrol😅😅原來當日的小Baby,今日已經長大有自己思維了☺️即使疫情，花爸花媽都決定帶兩個小朋友一齊去玩具反斗城買佢哋鍾意嘅玩具，所以細佬就有份大嘅因為佢生日正日，家姐就有份細 ！做人爸爸媽媽真係困難順得哥情失嫂意😂😂

終於可以用Oxford path了

只要培養左閱讀嘅習慣，乜嘢書都鍾意睇🥰

草草就快4歲了，花花都就快6歲。6年前，我為花花做好準備，買咗一套價值接近六萬蚊嘅教材—Oxford Path。今日終於可以大派用場，六年後的今日...花花草草終於有興趣去睇吓😅

如果你今日問我點解當日會揀迪士尼美語世界同Oxford Path二選一，我都可以好清楚話俾你聽我6年前的想法：
1. 6年前Oxford出左冇幾耐，買野當然要買新啦🤣
2. DWE出面大把二手，買一套再加埋淘寶，邊洗幾萬蚊？
3. 當時花媽FTM,自己又美國返來，要教花花英文有何難？🤪
4. Oxford Path 顧問描述到套教材超級好，又有跟進，又會教我用。
5. 書本勁深，小師奶心態，有排用...勁抵！😎

六年過去，如果你再問我DWE同OP二選一，我可以好老實同你講反我六年前的是如何無知！🥺今日...我同你們慢慢分享
1.買新野當然好，但係...一個教學系統...完全冇任何reference 可以比我睇到小朋友發展成點😓點解當年我會咁白痴拎花花去試新野，幾萬蚊唔緊要。我今日仲諗緊花花冇草草咁叻，係咪我胎教做得唔夠好😢
2.DWE二手先搞笑，完全唔識用，買反來唔齊不單止，仲要比人呃。除左聽歌睇碟以外，我乜都唔識做，結果花花半桶水，有少少反應又做唔足。玩具唔齊，又怕污糟唔敢比小朋友玩，睇住朋友用一手，小朋友突飛猛進😩淘寶買套DWE返嚟，主要係擺...因為我發現好dirty，我點可以比小朋友掂😒
3.FTM無事忙，每日忙足廿四小時。低B的我仲以為生左可以做公主🤣，做得家務照顧小朋友衣食住行後，跟本連同小朋友睇本書都覺得攰。我英文幾好都係假，用我口音日讀夜讀一本書，每日早上baby set 15mins,下午主set 15mins。今日睇反我都覺自己點解可以講到無字天書15mins😅重點，努力過後，花花一粒字都唔識。反而朋友輕輕鬆鬆咁容易DWE，小朋友未到兩歲26個字母認得晒，動物全部認得晒。相對之下，我每日30分鐘伴讀我做咗啲乜？
4.買左之後，有朋友介紹...顧問就圶里我我，冇人介紹就消失於空氣中！結果...走埋，邊個教我。聞說，Oxford Path今年請左一班妹妹仔做follow up，每月打比家長跟進...係咪我小朋友唔洗跟進？從未收過電話。不過我DWE顧問直接follow 我，我有問題whatsapp佢有問必答👍🏻咁諗，搵個未接觸過我小朋友的人跟進，我覺得好奇怪😅
5.原來深到D字花媽花爸都唔識，我真係...唉，只能算我美國讀書的日子太短，我浪費了花公公多年多的悉心栽培😔而且，真係好抵，擺足六年，六年後今日拎出嚟用仲好新淨🤣🤣

好建議家長買任何一套教材都要了解晒兩邊，要諗下係咪真係幫輕到你或者小朋友。千萬唔好急住做決定啊☺️

我Oxford Path顧問冇做了，想了解可以直接去佢地website預約示範。
而想了解迪士尼美語世界，可以直接click以下連結啊😊
🌟🌟 免費拿取迪士尼美語世界兒歌試用或預約了解 🌟🌟

花花入院記

見到個女咁，真係好心痛 💔

 最近花媽所有野都唔算太順利，估唔到最唔順利就係花花要入院😢。話說尋晚凌晨四點幾，花花走過嚟我間房同我一齊瞓，一開始我都唔覺得有乜嘢，因為平時佢都嗲我同花爸。但花花就越訓越熱，然後我就問花花點解會咁熱，但係佢又唔出聲......之後我忍唔住出去攞個探熱計出嚟幫佢度體溫，一度之下原來已經38.8度。😱

因為屋企冇退燒藥嘅存貨，第二朝一早，我就同花花一齊到普通科醫生到胶及下乜事發高燒。由於武漢肺炎肆虐，花花沒有任何病徵嘅時候，醫生建議我哋到廣華醫院做深喉唾液測試及流感測試。😷但原來去到廣華，醫生話小朋友係冇得做深喉測試，如果要做就要留院過夜🤔，當然我同爸爸都唔願意啦！所以我哋決定回家之際，醫生同我哋講不如照過X-Ray，咁我哋又覺得OK就照埋X-Ray啦！結果X-Ray顯示花花的肺部組織有少許花左......😨😨😨醫生已安全起見為理由，叫花花做返個深喉唾液測試及驗血。

目送花花入院😞

 我同爸爸就係係一個毫無準備之下同花花入咗兒科病房，但由於只可以一個家長陪同，所以花爸決定陪花花。我亦都覺得好好彩係花爸入去，如果唔係......我聽到花花喊同扦支野入鼻，應該一定喊。其實...當我聽到花花個肺花左，我都忍唔住喊住打比花婆婆😭😭😭😭😭媽媽們，你們一定懂的。然後抺乾淚水同花花講話佢知佢細個都喺呢度出世，細個都係呢間醫院做個複診，所以我哋同呢間醫院好有緣份，一定可以好快返屋企。😳😳其實我當時都唔知自己講緊啲乜嘢😅

送左花爸花花隔離病房後，我就準備做外賣妹買野比佢哋食啦！

到咗夜晚10點 ，花花個報告已經出咗，報告顯示武漢肺炎呈陰性反應，花花終於可以出院喇！ ！ ！🎉🎉🎉花花咁大個女第一次咁有意識咁知乜野係抽血、點樣痛...我都想俷人唔到有幾痛😭😭作為媽媽嘅我，希望仔仔女女都係健健康康，有咩事都係媽咪病好啦，你哋病我個心仲痛過我自己病😢