第四隻牙仔

又準備甩牙了

花花未到兩星期，又甩牙仔了🦷。花媽真係覺得花花大個左好多，仲好可愛。今次佢不斷話自己要食蘋果，結果咬咬下開始流血，不過成件事花花好勇敢，自己去洗手間漱口，然後拎紙巾止血...就係呢個時間，花花隻門牙就咁樣甩左😅....一個唔痛的情況下，甩左牙仔。👏🏻👏🏻👏🏻

今次好大膽，冇喊過

而今次花花講野再搞笑好多，完全漏風的狀態。而且好搞笑係唔可以用門牙先咬碎再食，而係直接放入大牙位係咁咬。我的花花真係好可愛啊！🤣🤣

又開始漏風之旅🤣🤣

 花花成長的路途，我又回想起了自己不少的成長過程。花媽記得自己細細個係花太婆照顧，甩牙的過程花婆冇陪住花媽，反而花花甩牙時，花媽花爸同花婆婆都係到。回顧呢六年，變化好大...我相信每一個媽媽都同我一樣，覺得小孩大得太快。