2017年8月6日 星期日

SDM海洋公園表演

上左SDM的暑期班6堂,花花終於有機會上台演。不過講真,成件事真好亂同好冇計劃。如果你問我會唔會因為女兒有一次表演機會而再比佢報暑期班,我會話一定唔會。恒常班我都仲會考慮。

排隊就等成個幾鐘,入去表演真係2分鐘。真係要睇家長覺得值唔值。而且成件事好似走馬看花,好似好趕咁。基本上,你的小朋友表演完就叫你即走,成件事似滿足父母的表演心態為主(>﹏<)

由於對上一次我地一家人去完海洋公園就知有area玩水,所以我地都帶備左泳衣比花花同草草玩。當然細膽的花花又係不停喊同話No\(╯-╰)/  反而細佬就唔驚同冇乜反應。由於太熱同太累的關係,我地都提早離開。

沒有留言:

張貼留言