突如其來的約會 -寶姐

大家一齊坐定定睇迪士尼的play along

**特別鳴謝yo姨姨幫花妹影左幾張寫真，性感而不帶色情~@^_^@~

今日花爸突然要返大陸工作，花婆婆又有事忙，剩底花花同花媽，所以花媽就係五小福群組問下有冇小朋友得閒出嚟聚一聚，地點為唐6!!! Omg...想不到yo姨姨帶來了寶寶!!!揹住寶寶行唐6仲有一個媽媽袋，不是久經訓練係會有一點吃力，所以花媽都忍唔住要去4樓幫幫拖Y(^_^)Y

一約小朋友，花花就特別開心。同花花及寶寶玩一下遊戲，小朋友開心、花媽都開心。又同Yo姨傾下計，雖然只係短短幾個鐘，都好充實。由於花妹打完針，花媽都唔敢帶花花出街了。在家一齊休息吧!

Pure Smile 歌舞妓面膜

係花爸面前爵呢個面膜，我真係怕佢會離開我(>﹏<) 

既然要分享代理的美容產品，不如分享更多其他品牌的美容產品啦！好的唔好的我都會有話直說，唔會因為代理而偏幫代理品牌。

今次等花媽介紹呢果之前係日本購入的Pure Smile歌舞妓面膜先。由於花媽用之前冇諗住分享，係突然想分享一下比大家，所以包裝已經拆左了(>﹏<)  唯有比大家睇比花媽整縐左的包裝袋啦!

每次花媽都會用盡包裝入面的精華，所以我的面膜包裝袋一舨都會縐的(冇計，C9心態，用得就用)。花媽絕不是一個美妝達人，對於每張面膜都會抱以C9仔心態，實話實說。好用的讚，不好用的彈!!!

基於花媽以前的工作關係，每天最少都會用一次面膜，而呢個習慣就改唔到了。即使再忙，我都會full面，基本每日一次。所以花媽不論貴平都會搜羅方間的不同面膜，而我的面膜櫃桶更係不缺面膜呢~_~  敗家的花媽!

講番Pure Smile的面膜，包裝上話有 collagen, 婡他命E及hyaluronic acid。除左collagen可補充骨原，維他命E抗氧化，透明質酸可增殖細胞。基本上用完之後真係好滋潤，但滋潤同樣帶來sticky的感覺。但看到包裝話要拍拍拍D面上殘留物等佢吸收，咁我拍完再向上推下塊面。又Ok喎，等佢乾左我再塗自己的護膚品。感覺好滋潤，好似皮膚多左彈性咁。

有趣又滋潤的面膜，大力推介。

打針日

久未好番的花媽，都係用口罩吧!!!

不經不覺，花花已經一歲，又係打一歲針的大日子。今次要打3支針，分別係水痘(之前政府都唔包的)、十三架及麻疹針。聽說呢三支針都會令BB發燒，而發燒更係第3日燒完第5-12日都有機會燒。仲有機會出疹添 X___X

今日去到健康院，oh....我又見到可愛的初生Baby了，又聽到佢地可愛的喊聲了。♡^_^♡  又令我回憶起第一晚接花花回家，初為人母的我唔識照顧BB，結果第一晚都唔知有冇訓到一小時。

唔知花花係咪知道今日打針，特別早起。6:30就起左身唔肯訓，既然係咁，我就一早整好早餐比花花，洗衫，曬衫再出發!!!

原來花花已經有20磅了！原來我每日揹住20磅行6層樓，怪不得我寸步難行啦!花花又唔爭氣學下行(+﹏+)  姑娘都話花花發展良好，唔需要再特登反去跟進，只要歲半時反去打針順便檢查就可以了。

等了又等...等了又等...等到花花都訓著了，姑娘就叫名入去打針。最除左揹帶放花花去我大脾坐，花花一直都處於沉睡狀態，姑娘嚟一招直插入脾，花花痛到成個紮醒仲即時大喊。其實我又唔會好心痛花花打針，因為我知好快會唔記得，只不過支水豆針真係相比另外兩支又長又粗。其實花花都好叻女呀！\^o^/ 因為出門口前已經收聲唔喊lu!!!

東涌一天遊

適逢今日假期，花爸今日帶同花媽、花花及花婆婆到東涌一日遊。其實一切都是其次，主要係想同花花大鄉里一下咁睇飛機。每一次花花見到飛機都會大鄉里上身咁“嘩”一聲。真係好搞笑。

明天花花去打一歲針了。希望花花唔好發咁耐燒啦!

Natural Plus 沖繩黑糖潔面泡泡

噔噔噔噔…………

估唔到成份天然的Natural Plus， 去污功效咁勵害!!!!真係要比10個like佢呀。一向甚少化妝的花媽，今日攞左Natural Plus的新貨。咁好啦！我當然要試下啦。

我分別用左超深色的eye liner gel、液體 eye liner及淺紅色的lips sticks 。呢款係泵樽一㩒就會係泡泡狀。輕力推開再輕力捽。不用30 秒就甩晒色!!!大神奇了(⊙o⊙)

即使唔用嚟落妝，直接用嚟洗面咪仲乾淨!成份天然，依然有少少香甜的黑糖味啊!黑糖的營養含量十分豐富，其中就有我們身體十分需要的鈣、鉀、鐵等礦物質，非常利於人體的酸鹼平衡。其次，黑糖的美白功能十分強大，它所含有的獨特的天然酸類和色素等物質，能夠減少局部色素的堆積，達到美白淨膚的功效。

中秋節快樂

中秋節快樂!!!
花花第二個中秋節啊！不過上一個中秋節我就坐月中，花花仲係未有意識。

相反，一年後的花花，已經識自己拎燈籠了!住九龍城唐6樓最好的地方係連天台。天台可以晒衫洗衫仲可以上去玩添!

我同花爸專登買左一盒蠟燭，重捨一下童年回憶└(^o^)┘ 花花睇到睇光光啊!最好笑就係我同花爸都唔食煙，屋企又無火煮食，偏偏買左蠟燭但冇火。好彩鄰居有火機借比我地咋。

玩完蠟燭同燈籠，我地就立即同花花再沖涼了。因為花花爬來爬去，太污糟了。可能太累了，乖乖10點就入睡。人生太美好了。哈哈…`(*^﹏^*)′

多謝

多謝各位姨姨們送的禮物啊!!!花花好鐘意啊!!!

花媽同花爸打算每年買一粒金比花花作嫁妝呢!希望花花快高長大!身體健康!聰明伶俐!

花花、花媽忙碌的勁一天

韓國大媽游水look

由於今日花爸去做兄弟，所有的活動就由花媽同花婆婆去進行。由於早左去到九龍灣泳池，先幫花花做個韓國大媽look先。一落水，嘩!!!D水凍到我都唔太接受。結果花花全程失控〒_〒

承熙三歲生日

返屋企休息一陣，我地就趕去承熙哥的三歲生日party。仲要係最大雨的時候，一落車我地全身濕晒。(>﹏<) 花花同花媽都係第一次去冒險樂園的生日party。大鄉里的我地唔知要著襪先可以入去。結果用左20蚊買左兩對襪。

唔知係咪第一次去咁大的波波池，花花開心到好失控。爬上爬落，左穿右插。結果，花媽我陪花花玩左兩次滑梯。痛到我。乜依家D滑梯又滑又彈架?!

再回家煮個飯，我地又出去同花爺爺食晚飯了。兩個小時後回家，結果...

邊個發燒呢?

花媽發燒了。呢個moment，花花仲係我身邊爬來爬去。//(ㄒoㄒ)//

花花1歲生日快樂

好有心思的靚靚生日牌

雖然花花唔記得，亦唔知今日咩日子。但呢一日卻係花媽人生中其中一個重要日子 。我上年一朝早懷住輕鬆的心情走到產房，駁上胎動機後，我不能離開床，去手洗間都不能。由於是催生，我連午餐都不能吃。一直由等等等轉變到痛痛痛。好不容易痛到有一刻自己很想疴，但姑娘睇都唔睇仲同我講有排。但過左冇耐，我同姑娘講我覺得個頭仔出左嚟。姑娘連忙送我到產房，花爸爸亦準備就緒陪產。現在所講的就好似剛剛發生一樣，記憶猶新。

轉眼間花花一歲了！佢學識好多野 。佢會扮我地講電話、扮可愛、扭計、企、推住野行幾步。我好感恩花花在呢一年都冇咩大問題。希望花花永遠都開開心心及健健康康。

大韓一聚

好不容易約到大韓好姐妹一聚。今次真係要多謝車厘比間免費房我地玩。做private jet真係人工高又有不少著數。呵呵...今次一聚的感覺真係有當初大韓training的感覺一樣。大家傾下心事、八掛大家近況、感情生活、仔女經。傾一個通宵都傾唔完。5個女仔當中只有兩個還在飛，而現在我們08果界，已經全部人都quit晒。

依家我地只係得番maple姐同車厘未結婚，希望佢地都早日搵到個好的唔好再飛了。即使冇腳的小鳥都有攰的一日，對嗎?

Pario畢業了

我們都畢業了

爸爸第二次同花花上playgroup

 

這是花花人生第三張畢業證書。其實都好搞笑架!花花都未懂事就有三張畢業證書了Y(^_^)Y

每期課堂完結時，老師一定派反一份報告比家長的。報告除左話花花的小肌肉發展良好外，其他都正常。

我冇再為花花報Pario了。因為我地要正式上noble place 每日一小時的playgroup了。♡^_^♡

B+ studio

早前經ilovemama團購左一個攝影套餐，其實花媽想買另一個架，不過唔小心㩒錯，咁算啦！抱住一試的心態。

原來影一歲相真係好辛苦架!花花影過初生、5個月相。兩次都好合作，但今次幾乎由頭扭到尾(+﹏+) 

今次錯有錯著，以為平野冇好(花媽第一次團購影相)。但原來真的錯，攝影師專業。專業得好似影大人或明星相一樣。影完立即可以係電腦睇到相，簡直係邊睇邊影♡(^ε^ )♡ 

由於花媽買左298的貴plan，包埋化妝，媽咪出門口都省不少時間。不過我覺得由於攝影師一直主打影大人相，所以吸引小朋友的玩具或小朋友的頭飾服飾都比較少。但以專業而言，我絕對相信攝影師的專業。

而且我都係第一次即影即選相。一共影左500幾張相啊！所以我地都加1288要埋其他相呢。

B+studio 主要只有兩張大紙做背境。同平時我去的有主題的都好唔同。睇得出攝影師的專業。`(*^﹏^*)′ 

Natural Plus 黑糖嬰兒沐浴露 - 濕疹專用

去完沖繩，先知黑糖係當地好出名。花媽搵到一間賣黑糖嬰兒沐浴露的公司叫Natural Plus。即官買一枝返來試試啦!

黑糖可有美白、抗氧化、促進血液循環及緩解痕癢，好適合濕疹人仕。雖然花花冇濕疹，但因為花爸有濕疹，預防勝於治療。今日終於收到貨品了，沒有甜甜的味，有一陣淡淡的味，都算清新。花花今日第一次用就好鐘意喇!

由於花花好鐘意，花媽決定代理Natural Plus的產品。如果大家都想要一支Natural Plus的黑糖沐浴乳，請留言啦！

***$88 - 200ml

大人小朋友都合用架，對濕疹人仕極好架! Natural Plus 主打以天然配方製作，適合敏感肌或BB使用啊!

一段男女關係

今晚同一D朋友食飯，有一對情侶朋友拍拖7年以上，一直遲遲未婚。男的比女的細，不要緊。愛情冇分年齡。但我同老公一直都覺得好可怕的係女的太大女人，男的變得小鳥依人。呢感覺得，我覺得好怪，亦接受唔到 。

朋友們都紛紛借醉同女的講要比反D空間或自主權比個男仔。但女的就回應一句，我比好大自由度佢，但佢鐘意比人管。OMG....真係有人鐘意比人管?

有一次，我地一班人大約一個月前約好左一齊去某餐廳食野，事前日子時間都問准個女仔了。點知女的就話鬼門關果晚關，佢唔出嚟了，而佢男朋友都唔出嚟了。佢男朋友係group入面一句聲都唔出，天啊！這是男人嗎?

有一次，我地約左一齊出去食野。因為女的住港島佢，好多時我地都未必預到佢食野。但果次我地去試新餐廳，女的未去過架!點知個仔去左，個女就係電話不停鬧個男仔，搞到成餐飯個男仔都好唔開心。

最近一次，我地玩segway。我老公見個男仔望住poster話想玩，咁好啦!我地就打算一齊玩。點知去到個力仔突然話唔玩喎。點解?因為個女仔唔比佢玩囉！

真係一個願打一個願捱。好多時我真係睇唔過眼，但作為局外人的我又可以點呢?其實個女仔都一把年紀，佢真係唔怕個男仔出去搵到個新女朋友嗎?佢仲要大大聲同我地講如果佢男朋友出面搵到個，佢一定會放手。嗯…是嗎?女人，你真係睇得咁開嗎?

發燒打千鞦

星期日當然係我地的family day!我地食完早餐，行行下就去左九龍城廣場，我問花爸不如帶花花去玩千鞦啦！估唔到爸爸批准帶發燒中的花花玩千鞦。花花玩得好開心呀！

雙眼皮真係好重要。對眼可以大一倍。哈哈…點解咁講?每逢花花發燒，佢一定會變雙眼皮，今次都唔例外。(⊙o⊙)  作為媽媽的我，又戀女狂上身了。花花真係好靚女♡♡♡♡♡

感謝Yoki姨姨

飲茶想佢靜?一定要比餅。

今日我的朋友蝴蝶帶埋女女Mochi嚟我地屋企玩。花吪見到妹妹當然好開心啦，即使見到我抱妹妹或婆婆抱妹妹都冇呷醋，果然夠大方!!!(應該未識呷醋，哈哈)

但係Mochi走前，我覺得花花個身好熱。一度之下38.2度 X﹏X ，我唯有即時退熱貼啦。問下朋友們，佢地話未開過的退燒藥放雪櫃可以等一年，但開左放雪櫃只可以方兩個月。oh no!!!!花爸因為26號要做兄弟，出左去傾野，花婆婆留係到同花媽合力照顧花妹。幸好Yoki姨姨早前帶寶姐睇醫生有開退燒藥以防萬一，花爸回來前就去Yoki 姨姨到拎了。感謝主!花妹食完退燒藥回到37.8左右。起碼冇咁熱先啦。因為發燒，花妹就更黏我了。

簽約日

當我不在家，花花總係乖乖訓覺(>﹏<)  

今日花媽一日到銅鑼灣簽約，係呀!我去見工有人請喇。我唔再係FTM了。本來呢間公司係想請我做full time，但係花媽我真係太唔捨得花花。結果我turn down左full time 的offer，我問佢介唔介意請我做part time。 manager 真係好好人，佢願意請我做part time呀。所以我就今日去正式簽約了。

如果可以，我真係想最少等到花花正式入K1先返工。不過時勢迫人，唯有頂硬上啦!Y(^_^)Y

Pario學習重點

每次上完堂，花花一定好攰。
今次攰到坐係到訓著
(～ o ～)~zZ 

今日上Pario主要教BB們用“倒”呢個姿勢。張姨姨建議我地可以沖涼時用杯左右咁倒。當然，花花仲未做到。而上堂則用杯放住五個鈴鈴，比佢左邊倒去右邊咁。但花花當然只鐘意拎晒D鈴鈴出嚟入杯`(*^﹏^*)′

另外仲有一個好細的小膠樽比小朋友入鈴鈴。呢個反而花花做得好好，因為花花成日係屋企玩我特製比佢的樽仔嘛。

張姨姨都建議依家可以買一D叉仔比小朋友自己學習拮野食。係我的協助下，花花係四個小朋友中食最多蛋糕的一個^_^;

相對之前，感覺花花難教左好多。因為開始有性格，佢未必事事再聽我講，或迹來順受。當花花唔鐘意佢會好忟咁發出“唔”聲。

入學申請個人感

每天都好忙。忙住同花花讀書、玩遊戲、準備各幼兒園入學申請。今日去左think交表了，希望有機會能夠interview啦。而由於花花9 月出世算係細B，即使親身到迦南攞表都唔派form。只係話依家派表比大B，細B要12月留意網頁。唉…呢個年代做人父母真艱難。在fb的朋友中，10個作為父母的9個都為小朋友準備入學申請填form交表等，而剩下的一個就只係小朋友係今年先出世(+﹏+)

講到入學申請同playgroup呢個敏感話題，我真係唔明白點解有D媽媽總係喜歡講反話。自從參加了各大小媽媽谷，認識了不少媽媽。當中好多都成為了好朋友，但每一個圈子總有“怪”人，或者咁講，可能我先係果個怪人。

由始至終，我一直堅持小朋友要上playgroup同多元化學習，亦確定左花花必定要上預傋班。如果冇人收我都會要佢返每日的playgroup。我更加願意同媽媽們分享花花上playgroup時老師如何教導。但總有一些媽媽說了不想浪費錢上playgroup或覺得playgroup冇用，郤自己第一個走去報playgroup或走去團購playgroup或不斷去playgroup試堂。有一些更同我講唔會比自己小朋友請預備班，K1先比小朋友讀。但結果就自己第一個走去報預備班。

作為父母，不是應該更加作為小朋友榜樣嗎?道你上了playgroup而我的小朋友唔上會成為賣剩蔗?你申請了預備班唔話我知，會令你小朋友一定入到學嗎?

**個有人感而發。

Little Gym

去完沖繩，花花已經冇上Pario及游水成個星期了。所以我地絕不懶散，返到香港第二日即時返little gym做下運動先。

哈哈…基本上運動都係花媽做，又跑又跳。

唔知點解，花花對堂上一個男同學仔特別有好感，上一次兩小無猜一齊你跟我，我跟你咁爬。今次花花仲主動出擊，企係到強吻同學仔好幾次%>_<%  乜依家D女仔咁主動嘅咩?!

沖繩 Day 5 - hysteric mini

今日行種依然緊密!先去鐘乳石洞。但未去之前有得玩segway，當然玩一玩。5000yen 玩50分鐘，一開始以為好難玩架，但原來都唔難handle嘅。仲好好玩架!

去到鐘乳石洞。某程度上唔係咁鐘意遊客們摸D鐘乳石。
因為手上的油脂會鐘乳石變黑。
希望遊客們唔好再手多多了!

在網上搜尋過，以為hysteric mini店在美國村附近。但原來在Naha Main Place附近。款式當然唔算多，但都有少許減價的貨品。最開心買到兩對mini減價絲襪。

 上面呢間係二手古著店。24小時架!仲要做緊半價。我同花爸爸買左2件衫都只係2000yen咋。

要記得沖繩名產石垣牛,Nago豬同海葡萄啊!

沖繩 Day 6 - bye bye Okinawa

今日係酒店食完早餐，花爸爸提早出發還車，而我地就準時11am check out，坐黑色貴的士到機楊，都只不過係1560 yen。

在黑色的士上

當我地struggle緊點樣可以會儳花爸爸時(我地都冇wifi啊)。突然在機場等巴士返簾航專用的Terminal 時，花爸突然經過。就係咁我地就可以一齊前往機場了。

等待飛機中

好sweet♡(^ε^ )♡ 

由於航班並唔full，花爸旁邊的位又冇人坐，我地幸運地能二人佔三坐。花爸呢幾日一直揸車，太辛苦了，所以一上機就訓;而花媽我呢...一直照顧花花。但後段頂唔順，將花花交由花婆婆睇住先。到我休息一下了!

沖繩 Day 4 - 向那霸進發

今日我地打算去鹽廠，因為唔小心的行錯路，竟然來到了沖繩的沙灘。沖繩的沙灘同香港好唔同，所有設施及入場都係收費的。難得嚟到，當然入場感受一下陽光海灘，好可惜花花竟然驚沙灘(>﹏<) 

明明大膽花，點解變成細膽花。

原來鹽廠唔單止做鹽，仲有護膚品、鹽餅同鹽味雪糕。

下午我地去到魚市場食lunch，泡瀨魚港。佢的蠬蝦係必食啊!我地6個大人，食三隻剛剛好。魚湯非常鮮味。魚生好平，不過未必係首選了。

去完泡瀨漁港，我地就揸車返那霸市check in，住位於步行離國際通8分鐘的okinawa nahana spa & hotel. 一去到我、花花、花爸爸同花婆婆去左國際通行街，而花公公則同朋友在酒店休息。今晚晚餐於國際通的“道頓掘食堂”享用。感覺好地道，仲冷我覺得有置身於香港某街市樓上的感覺，但乾淨好多`(*^﹏^*)′

我們的刺身船，見到都流口水啊!
個蠬蝦頭仲攞左去煲湯添!

沖繩 Day 3 - 海洋博物館

呢個博物館係遊客必到景點。
其實除左欣賞鯨鯊外，仲有好多細魚可以欣賞架。

 又到影相位∩__∩y 

Orion係香港唔算係多人飲，但沖繩則佔據左重要地位。

黃昏時我地去“萬坐無”

一個同時可坐上萬人的草原。
香港都有一個“維園”但石屎地。

晚上則以美國村為終結。
明天就離開北面，要到南部玩了。└(^o^)┘ └(^o^)┘