Pario學習重點

每次上完堂，花花一定好攰。
今次攰到坐係到訓著
(～ o ～)~zZ 

今日上Pario主要教BB們用“倒”呢個姿勢。張姨姨建議我地可以沖涼時用杯左右咁倒。當然，花花仲未做到。而上堂則用杯放住五個鈴鈴，比佢左邊倒去右邊咁。但花花當然只鐘意拎晒D鈴鈴出嚟入杯`(*^﹏^*)′

另外仲有一個好細的小膠樽比小朋友入鈴鈴。呢個反而花花做得好好，因為花花成日係屋企玩我特製比佢的樽仔嘛。

張姨姨都建議依家可以買一D叉仔比小朋友自己學習拮野食。係我的協助下，花花係四個小朋友中食最多蛋糕的一個^_^;

相對之前，感覺花花難教左好多。因為開始有性格，佢未必事事再聽我講，或迹來順受。當花花唔鐘意佢會好忟咁發出“唔”聲。