大鄉里出旺角

又到星期六,我地一家4口出發到九龍灣游水,今次花花好叻女呀,喊都冇喊,其實係花爸氹花花有方。一邊同佢玩一邊同佢游!!!

在花爸手中的花花睇落特別細粒!!!

夜晚我地就帶左花花去旺角的“賣藝街”即西洋菜街,花花開心到好想落地架,不過花爸話太多人怕危險,所以全程抱住花花。花花對唱歌的人特別好奇,可能佢地的打扮比較不同啦!!後來我地就去左朗豪坊,其實唔好講花花,自從花花出世後,花爸花媽已經好少出旺角行街,一般都係出去睇醫生或最多唔好逗留多過1小時。做左父母後,我地都變得宅左或者所有活動都變成以花花為主的家庭活動。咁耐冇去朗豪坊,竟然開左間花媽大愛的炒雪糕Holly Brown.佢地仲有套餐叫,$68連飲品(有各或意粉或 burger) 。但炒雪糕都要$58一個(>﹏<)  真係食餐抵過食甜品。由於花媽太飽了,所以食雪糕呢個重任留左比花花同花爸。

拎住炒雪糕的花花,好開心啊♡_♡

臨走前我地仲去先達搵好朋友臻臻。睇住兩小無猜真係覺得好可愛啊!!希望佢地能夠從小到大都係好朋友啦!!!

依家D小朋友真係好open\(╯-╰)/ 

花爸女朋友就咁比人搶走了。//(ㄒoㄒ)//  女生外向

日本買比花花的chip外套。
Ps.請留音花爸個樣。開心到好似執到金咁\^o^/