池田、梅田、心齋橋

去到日本都未食過一蘭,今朝早終於食番個先!

食完一蘭立即食番個蟹道樂先,由於晚上好多人,我地就選擇食11點早場。去到蟹道樂食左個懷石料理,真係好好食啊。亦都因為一早又食一蘭又食蟹道樂,花媽個胃真係食唔到咁多野,成日頂住頂住。

如果到大阪,真係建議大家到道頓堀的本店食,又大又靚service同食物都好好食!!!食完又再去返大大間的大阪hysteric mini了。京都果間太細,花媽乜都買唔到,所以今日自己行過去買。花爸唔係到真係買得爽好多~@^_^@~ 由於池田的instant noodle museum 關4點,花媽1點血併完就返酒店會合花爸。由大阪去池田都大約要45分鐘架,所以花媽都冇休息就立即出發。

我地自製左三個杯麵。佢仲有特別版的雞雞同love片乾架!!

去完池田我地再坐subway到梅田,梅田係一個大站,去到行下食下野,就去坐世界上第一個建於建築物上的摩天輪。大家想浪漫一下都可以去架,位於Hep Five 7樓,建議大家黃昏去可以睇下咸蛋黃同欣賞下夜景。而且service好好架,即使你一個人去都係比你坐一卡,唔會逼你同陌生人坐架`(*^﹏^*)′ 坐完摩天輪,花媽竟然見到懶洋洋的蛋蛋食店(sorry,我唔知佢叫乜名)。香港我就見到都冇食,咁我就食下日本呢間啦。

佢個咖喱飯真係唔錯,花媽一個人食光了。

摩天輪,梅田夜景,建議大家都去坐下啊!