十五個月人奶媽媽

今日係自1957年以來,最凍的一日。凍到我呢個花媽同花花宅係屋企一整日,而花爸出街都係迫於無奈\(╯-╰)/ 因為今晚我們打邊邊冇餸啊!

頭先於身上傷口(生蛇位置)搽一D補濕lotion以免因為太乾燥而又痕起身。突然想起因為生蛇,我只能當15個月的人奶媽媽。而且因為有了草草(花花的弟弟或妹妹),醫生亦唔建議我繼續餵人奶,因為會令子宮收縮有機會危害草草,停止餵人奶亦係在所難免。希望草草出世後,我能分一些母乳比花花及餵草草有咁耐得咁耐啦!始終母乳是給寶寶最好的第一份禮物。

St Catherine Interview 分享

由於花花係9月BB,所以連in st cat的機會都冇。但花媽在媽媽谷都收到一D資訊,希望可以同各媽媽分享啦!

圖中就係其中一位媽媽的分享,有4條的問題要於問卷答。雖然好多媽媽都話唔重要,因為只有10分鐘仲要睇住小朋友未必能夠全部作答,但起碼有個預備嘛`(*∩_∩*)′

睇嚟真係要操練一下花花分類了。始終花花對物件分類未算太認識呢。

Noble Place

玩筆pasta 

平時花媽帶花花上playgroup好少影相架,但今日呢個活動我覺得幾好呢,所以特登同大家開心share。只要用一隻碗放入未煮的字母粉,再要小朋友用一隻膠匙將字母粉筆入杯入面。可雝訓練小朋友筆食物的技考,筆的過程个可以訓練小朋友的專注力啊!

迪士尼讀咭機

由於花花倒瀉水樽內的水,當然要自己清理啦！

由於st andrew 早前水浸,仲未清理好,所以今日星期四都比較得閒。訓醒直接到noble place上pg了。回家同花花沖完涼,花花又捉花媽入房玩玩具及字咭。花花真心喜歡字咭,基本我一日同花花玩一次,但花花有時一入房指住咭機,我就知道佢又想玩咭機了。

由於迪士尼咭機我係放於當眼處,每日花花入房就會指住咭機要我碌咭比佢。當然花花有好學之心,花媽亦不能懶惰,而且每日碌10張咭又唔辛苦。最近碌ice cream咭,花花就能指出poster上的ice cream了。今日花花仲發現了原來另一張poster都有ice cream呢。雖然花花未能發音,但見到花花能夠對一樣可以啟發到佢喜歡英文的玩具感到興趣,呢樣是最難能可貴的。


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

Victoria HMT PN 面試

去左咁多間學校正試,最有規律的可算是victoria了。等候時間約10-20分鐘。interview過程好流暢。首先大約有6個小朋友及一名家長入到課室內。注意:小朋友有冇拉椅子都有計分啊。有4個老師評分。當中有吊魚玩具,疊高玩具及一個放物件的玩具。小朋友隨意坐下玩玩具,玩玩下分別有英語,廣東話及國語老師同小朋友玩。當中只有國語老師會問家長問題。分別係“在家同小朋友講什麼語言?”及“會講國語嗎?” 我在媽媽谷同其他媽媽交流下,得到同一樣的問題。

後來就到類似pg環節,英文老師會同小朋友唱遊,仲唱左一首在tutor time常唱的歌啊!可惜花花一直都望住老師呆呆的~_~  到廣東話老師就推波比小朋友捉住再推返比佢,然後就派每人一本小冊子就完成了。

大致上花花表現一般。後來得知8-10月出世小朋友上午收20人下午收20人,一共40人收就知道機會好微。當中仲要預留學位比有兄姐或victoria親人,仲有上art plus pg的小朋友。花花機會微中更微了。而且有家長即日已收到有2nd interview了。

去完victoria先知花花原來已識疊高。好拿出迪士尼玩具睇住play along 玩。冇教情況下自己收到咁,我都覺得花花好叻女了!

York PN 面試

Interview完就可以玩小火車了!

本身應該12月21日面試的花花,因為果時我地要去上海,幾經內心爭扎決定寫信比學校希望可以改時間,本身就咁打去問可唔可以改期,校方好決絕咁話唔可以。我絕對明白啊!個個都謝改期,學校咪好唔得閒?!後來我再打去問學校因為我地一早已出機票了,校方知道後叫我地影印花花的機票及寫封信比校長。結果就比左1月9日的期我地了。

今日花花特別早起,8 點就起左身了。食完餐,我地打算叫花花再訓,點知花花唔肯。結果去到interview仲好精神,york 的校舍真係好大。去到仲有 bouncy castle,小火車同滑梯玩。由於我地早到,花花見到滑梯就兩眼發光,越玩越精神(>﹏<)  為左面試唔好體力透支,花媽花爸決定面試前5分鐘停止花花的活動,準備心情面試。

由於只有兩個班房,一次只面試3個小朋友。花花又係最尾數group。最後我地等左1小時(⊙o⊙) 天啊!!花花由8am到12都未訓喎！！！幸好花花心情尚可。面試時有少許扭計。一共有6個題目,有ball,fruit,matching,stacking cup,body parts及另一個花媽忘了。我幫花花選了ball,matching及body parts.

Ball老師叫roll the ball, catch the ball及throw the ball,除了roll the ball做唔到外,花花都ok。matching 則有紅及黃色積木各兩舊要分反開，花花做唔太到//(ㄒoㄒ)//  而最後 body parts 只係問眼耳口鼻Y(^_^)Y。花花完全成功!!!大致上我媽同花爸覺得花花表現相當唔錯啊!!

老師亦問左花媽幾條問題,對花花有咩期望,點解選york,用咩語言同花花溝通及平日同花花有咩活動等等。

生蛇後第一次當面見花花

花爸知我掛住花花,帶花花比我睇啊!

由於臨近過新年先生蛇,所以過2016就係我自己一個隔離咁過〒_〒  生蛇的日子真係好辛苦,要每4小時起身一次搽藥膏同食藥。而搽藥膏又痛又痕,由於長期痛同攰的關係,頭幾日我除左食野,搽藥膏同沖涼外,其他時間全部都係床上過。真心覺得自己好冇用。

幸好花爸時不時都wechat我比我見花花,原來咁耐唔見女女真係好掛住女女架。所以花爸今日帶左花花到娘家比我見。再同花花到會所餐廳比我近距離見花花。花花當然好想我抱啦,但真係要忍住。如果傳染就麻煩了。