Victoria HMT PN 面試

去左咁多間學校正試,最有規律的可算是victoria了。等候時間約10-20分鐘。interview過程好流暢。首先大約有6個小朋友及一名家長入到課室內。注意:小朋友有冇拉椅子都有計分啊。有4個老師評分。當中有吊魚玩具,疊高玩具及一個放物件的玩具。小朋友隨意坐下玩玩具,玩玩下分別有英語,廣東話及國語老師同小朋友玩。當中只有國語老師會問家長問題。分別係“在家同小朋友講什麼語言?”及“會講國語嗎?” 我在媽媽谷同其他媽媽交流下,得到同一樣的問題。

後來就到類似pg環節,英文老師會同小朋友唱遊,仲唱左一首在tutor time常唱的歌啊!可惜花花一直都望住老師呆呆的~_~  到廣東話老師就推波比小朋友捉住再推返比佢,然後就派每人一本小冊子就完成了。

大致上花花表現一般。後來得知8-10月出世小朋友上午收20人下午收20人,一共40人收就知道機會好微。當中仲要預留學位比有兄姐或victoria親人,仲有上art plus pg的小朋友。花花機會微中更微了。而且有家長即日已收到有2nd interview了。

去完victoria先知花花原來已識疊高。好拿出迪士尼玩具睇住play along 玩。冇教情況下自己收到咁,我都覺得花花好叻女了!