十五個月人奶媽媽

今日係自1957年以來,最凍的一日。凍到我呢個花媽同花花宅係屋企一整日,而花爸出街都係迫於無奈\(╯-╰)/ 因為今晚我們打邊邊冇餸啊!

頭先於身上傷口(生蛇位置)搽一D補濕lotion以免因為太乾燥而又痕起身。突然想起因為生蛇,我只能當15個月的人奶媽媽。而且因為有了草草(花花的弟弟或妹妹),醫生亦唔建議我繼續餵人奶,因為會令子宮收縮有機會危害草草,停止餵人奶亦係在所難免。希望草草出世後,我能分一些母乳比花花及餵草草有咁耐得咁耐啦!始終母乳是給寶寶最好的第一份禮物。