9月廣華媽媽生日會

我們的生日蛋糕

今個weekend有點忙, 噚日去完manhabit 的meet the parents day. Manhabit收的學生真係唔多,上下午班加起來只有6班。每班只有14人,一班有三個老師啊!真係唔錯!

今天花爸花媽都是屬於花花的

講反今日一年一度的生日會先,最開心當然係小朋友啦,有波波池,有車車又有充氣滑梯。小朋友開心,大朋友就跟住小朋友尾。今次場地在火炭的PP duck,地方唔算大,但夠冷氣都幾乾淨。相對上年去觀塘的唔夠冷氣算係咁。 但花媽唔會推介比朋友,唔知點解總係差少少咁。

好大的波波池,但唔夠波波同好多爛波皮(+﹏+) 

原來識左呢班廣華媽媽們兩年多了, 大家由陀住BB到夜晚起身餵奶傾計,再睇住各BB成長,又爬爬爬再到行路,依家小朋友們都開始講野了。真係感觸良多。希望大家可以一直keep住呢個友誼落去。卍朋友一齊長大呢!

到唱生日歌了。每個小朋友都好投入♡(^ε^ )♡ 

每次唱生日歌花花都會尖叫架,唔知係咪因為太感動呢。花花仲大喊添(>﹏<)  真係好搞笑啊!花花.媽媽祝你身體健康,永遠開心。