York Parents’ briefing

今日老公車我去York briefing,我一心諗佢呢個briefing主要係講細B唔係唔收,但要由8月開始交學費。點知唔係,佢係同我地講york美孚開左新的children care centre,叫我地呢班細B去果邊返學,又講本身個campus係中學,依家改為維兒院及幼稚園,campus又新又大又靚等等。當然睇相我都覺得靚又新,但你叫我同花花去美孚上堂我就真係郤步了。本身我地住九龍城,我娘家又在九龍塘,有時行開行埋又可以叫婆婆接送,累了又可以返娘家休息,唔通花花去美孚新campus我就係麥當勞坐兩個鐘嗎?還是每月多花千幾二千蚊坐校車呢?

臨走時我仲選到兩個以前返tutor time的媽媽,佢地同我講原來佢地都有join york playgroup,其中一個比一次比兩萬幾上60堂,因為上次簡介會york校長話上左佢地的pg會優先收反,叻外仲識到一個媽媽,佢的大仔在york讀PN細仔又有上york pg,點知都冇優先收生。所以我地有懷疑york校長話優先收york pg的學生其實只係想為pg收生。說實話,花媽noble place到有個小朋友8月出世,冇參加york pg都收左。其實我覺得york只想收大B啫,而校長所做的一切都係為左pg及美孚新校收生!

對花媽而言,學校commerical 我唔介意,只要學校能比到我想要的。但york 校長一而再、再而三地講優先取錄,但其實只要係細B,即使做齊所有野都唔係優先取錄,花媽真係覺得對有因此而報york pg的家長不值,亦慶幸花花沒有參加佢地的pg。