Felix 100 days party

我們一家第一次一家四口食buffet,雖然唔係食好多。但見番D舊同事真係好開心,上次草草百日宴我都冇乜同舊同事傾計,今次可以傾餐飽了。

場地怖置都係sam老公整,真係好有心。佢地仲要一大早去喎,充咁多汔球真係好勁呀。上次我吹幾個汔球都冇氣。哈哈

KE的舊同事。但大家都冇做了

當年08年,KE請左十二個香港女仔,最終大家都離開了。8年後做人妻的,做媽媽的,單身的,拍拖中的都有。當中我的好朋友去了新加坡的 SQ工作,仲有一個將為第二任媽媽,在澳洲待產。真係希望可keep住大家的友誼。BFF

爸爸送返學

爸爸抱返學,勁嗲!

今日爸爸休息啊,所以花爸可以送花花返學。爸爸送返覺的小朋友孛係特別乖。平日不停“mama school”無限loop的花花,只係講左一兩次。跟住就乖乖自己揹書包返入學校。難道媽媽真係好蝦D???花媽平日仲要驚花花扭計,相都唔敢影多張就走了,睇下花花今日表現,仲要笑晒口―,.―  又係恰我。

爸爸送返學就特別乖

香港永久性居民身份

等左3個月,登登登登...草草終於核實了香港永久性居民的身份,可以在香港讀書,健康院打針,有香港身份證了!!!其實預約時間4:30,花媽都早左3點幾到,都係等左個幾鐘先拎到。

原來草草都可以申請特區戶照,但特區戶照對草草來說未必有用,等草草大個仔先自㣔決定要唔要特區戶照啦!!

題外話,在今日等待過程中,草草試過肚餓又試過大便。竟然一個政府公共機構係沒有 nursery room╰_╯  我在25樓,問接待員,佢話育嬰室只在3及7樓。咁我就要搭到地下再轉到3樓及7樓。而所謂的 nursery room只係在殘厠加一塊板比你換片。plus殘厠勁dirty―,.― 。所以花媽同草草快速換完片就走。拿嗱啉又轉返25樓。肥草過一陣又要食 奶又大便了。今次索性用餵奶巾同最後排換算了。

草草百日宴

原來話咁快草草已經三個多月大了,回想過去在美國待產,要盡快返香港而東奔西跑地去拿出世紙做passport。就咁樣,我地就返左香港3個月了。

多謝KE朋友仔

今次又係又一居會所搞,原本打算7:30開席,始終都係影相影到過晒時。而今次蛋糕都在cgcg cake買。真係又平又靚,1288仲包送貨♡(^ε^ )♡ 物超所值呢!!!

其實今次真係整得冇花花果次咁有心思,起碼花媽牌曲奇餅的回禮,變成蜜糖,只要包裝一下便可。

9月媽媽group!

仲估唔到我在媽媽谷認識的朋友都有嚟,因為最多只可話大家認識三年咋,朋友對細佬評價都係似爸爸(>﹏<)

花花百日宴都有來的朋友,草草百日宴都出現了!

特別鳴謝天頌生日都來草草的百日宴。多每每位出席的朋友。招呼唔到呀!

8號風球下的一天

平日的星期五,花花11點都要去做物理治療,今日8號風球,花花可以小休一下。仲可以玩下迪士尼書書添。因為返左學後的花花都好忙,每日只可襯早餐時間碌咭,睇一陣DVD,長開住CD及晚上story telling外,已經好難有時間再同花花玩美語世界。但原來即使少玩了,亦唔代表放抵左。因為每日都有聽CDs同間中睇DVD,花花不經不覺會跟住唱成首ABC。好可惜只係每次花媽未能及時拎起電話碌抵,今次一碌已經唱緊W了(>﹏<) 同我的education consultant所講的,只要input夠(播歌,睇書,玩咭),output一定有,只係睇下幾時爆發出來。

當然,我都聽過好多人話用完美語世界的小朋友會好鐘意睇電視,但事實相反。花花好少坐定定睇電視(當然都有投入時,只限特別有小朋友出現的影片),其餘花花一般都係邊睇邊玩,就好似背景音樂一樣。而且選用美語世界的小朋友都好鐘意睇書。花花不單止睇美語世界的書,oxford path, oxford reading tree 甚至係中文書,花花全都會又揭又睇。誰說選用DWE的小朋友鐘意睇電視唔睇書???`(*∩_∩*)′

花花悶到時自己著鞋出去玩(⊙o⊙) 

如需要取試用裝，可以click入以下連結比小朋友玩下啊!
http://www.worldfamily.com.hk/ffp/sl/preaf143

Baby set from my childhood playmates

Baby set from Flora F flower & gift shop

真係估唔到花花出世時,花媽的兒時玩伴文文同阿妹送我一個精美kitty果籃,今次就為草草送上一個精美BB set,花媽真係好感恩。即使依家我地冇聯絡,但佢地知我生左小朋友都送上一點心意,花媽真係好感動。

雖然感動, Flora F flower & gift shop真係差!草草已經三個月了,而且係一名肥仔,衫仔就係比2-4個月的小朋友著。好可惜,草草著上去好明顯係會迫爆型,所以花媽就打去問下可否換件衫仔啦,因為件衫仔著唔到根本冇用。接電話的員工就好似乜都唔知咁仲好唔想換咁話“係你朋友揀架喎！”“你要換就12點後先嚟啦！”“只可以換size”...一大堆的說話,根本唔想我換。首先個set係我朋友選的,但衫仔size係跟埋個set ,網站上寫清楚了個set入面衫仔size,並冇特咂比我朋友選size。其次明明佢地開9點,但叫我唔好咁早去...你唔係開9am嗎???最後,我當然換size啦,唔通換款咩?!―,.―

破相的花花

閒情地去九龍公園,花花郤破相了〒_〒 

今日一家四口打算一早起身出去食個早餐就出發去九龍公園玩下行下,點知花花的trouble 2又出現了,一落街即時要抱,花爸當然唔肯啦。直接抱返花花回家,除埋花花的鞋襪,花花即時又發癲了。叫花花自己著襪同鞋就死都唔肯。結果差唔甬兩小時後先可以出到門口。期間花花不斷哭鬧不停,花媽花爸又鬧又氹終於成功出門口。唔洗抱就坐車仔啦`(*∩_∩*)′

正當一家人開開心心咁上去九龍公園斜路時,花爸輕輕一推,花花的車仔上斜再落返來,花花都覺得好開心咁卡卡笑,再而推動花爸大力一推,點知車仔回程時車碌轉向,車仔就向左跌落地,花花都即喊了。本身我地普通安撫花花,好似平時咁話冇野冇野,花花又好乖咁收起淚水,行行下...花媽一望,嘩,不得了,起左個瘤 T_T 花花好似知到有問題咁大喊,花爸都好自責。其實花爸花媽都有問題,安全意識太低了,應該加強的。希望大家唔牀好似我地咁無知啦,我個心真係好痛。

九龍公園內有個小博物館

估唔到九龍公園內有個文物同講香港建築的博物館。其實入面好多野睇,花媽同花爸都想睇多陣,可惜花花坐唔定,要周圍睇下跑下,我地唯有未睇完就走啦！真心建議小學生來看看,有趣同學到野。

仲有可以比大人小朋友素描下瓷磚的紋理

同時,草草都差唔多時候要食奶了,我地一直行到泳池果到有個育嬰室,雖然舊但勝在企理,要搵保安開門方可使用,唔怕人濫用。 但正因為呢個原因,花媽幾乎在餵奶途中比人開門入嚟,而開門果個仲要係男人!!!!真係唔明白,點解要搵個男保安來開門,而有人用緊育嬰室冇人知嘅咩??佢地咁冇 communication?好彩花媽平日餵奶只會睇下手機,如果聽住音樂的話仲唔咩都比你睇晒???當時好彩花媽即時叫停,佢地冇入嚟。但當花媽試下開度門時,原來佢已經unlock左我度門!!!!大家媽媽真係要小心要搵人開門的育嬰室。

仲有個觀鳥的地方

花媽真係依家先知原來九龍公園有咁多野睇,有博物館又有鳥。我以為只有泳池同遊樂塲添╯﹏╰ 花媽太無知了。哈哈...基本行左小半日花花都冇晒力氣訓左lu。

K1面撞期了

相信各位家長都陸陸續續收到面試時間,花媽亦唔例外。之前收到劍鳴話花花11月5日下午2:30 interview,滿心歡喜咁諗,又幾好喎!11月1日 SJC 11月3日St Cat 11月5日 劍鳴。時間啱啱好,但好景不常,下午收到崇真interview撞到啪啪聲。

經過多番考慮,花媽決定選擇崇真。雖然學校排名差幾丈遠,但花媽報崇真 local 班,有政府資助仲有小學直升,只係地區差D啫。而且花媽早前報左簡介會又住得近,應該相對劍鳴容易吧。因為劍鳴真係太多人報考了,花花屬9月細B,陪跑的機會比較大,仔細想一下,還是崇真啦!

已經唔喊了

有少少唔想主學

當我以為花花放完長假期後要返學,佢會好唔習慣啦！點知除左著校服時面有難色,返到學校又冇喊喎,只係有依依不捨的眼神,但都乖乖入班房`(*∩_∩*)′ 

今晚出街食飯,可能花花太眼訓,有扭計唔食飯的狀態,跟住我就同花花講“梁老師asks you to finish to sushi”花花竟然乖乖食晒坐定定―,.―  當花花唔坐好要落地,我又話梁老師is here,佢即時爬返上椅子\(╯-╰)/  都話小朋友蝦媽咪架啦!

坐定定1奐鞋

因為花花太攰,食完晚飯就在坐上訓了。爸爸返到屋企見到花花半醒,即時向花花索吻,點知花吪拒絕左(>﹏<)  

爸爸: do u like papa?

花花:no

爸爸: do u like mama?

花花:no

爸爸: do u like 梁老師?

花花:yes

爸爸:梁老師asks u to kiss papa.

花花果然錫爸爸一啖♡(^ε^ )♡ 哈哈...女生果然外向

York AM offer

早前收到York的offer letter,其實有offer 預左,因為York係人都收,但就冇諗過有AM的國際班offer。當日花花又有扭計又有問題唔識答,冇諗過會有am offer架!!真係好吸引。究竟交唔交留位費好呢?

問過老師,其實老師都話有朋友在York教,唔算太好。但我真係同老師講am實在太吸引了,佢就叫我同校務處講,我話講左啦,不過佢地無視我。老師就話其實早上真係好full...我都明白。一班14個人,朝早又係得兩班,full係當然的。

唉...花媽苦惱中。(+﹏+)

Story Telling

Circus為主題的小房間

上個月花花未返學,我就同花花報名返迪士臣美語世界的Story telling。除左因為平($50一次),仲可以比花花聽下不同的迪士尼故事。

今次講的故事係“灰姑娘”,唔係同花花一齊睇故事書,都唔知原來成個故事係咁精彩架!!當然,由於花花仲細,要佢坐定定聽故事係好難的。所以花媽會recommend年紀大少少的小朋友去,同場有一個應該大約5歲的小女孩,佢聽得入神又坐定定,花媽都期待花花可以坐定定睇書呢。

本身花媽以為普通聽故事啦!點知姐姐都同小朋右唱Hello song及what’s your name?小朋友自己唱返My name is ...都有應用課本的小小內容。聽完故事完來仲未完架!姐姐教小朋友整 magic wand,又能汞合灰姑娘內的小仙子有magic wand又能配合美語世界主課程的Mickey Magician。

製作magic wand中

其實50蚊一次的講故事(大約一小時)真係又平又抵。仲可以同小朋友放放電,基本一上巴士,花花又訓著了`(*∩_∩*)′  小朋友仲可以做少少art work拎走呢！

Magic wand在花花落到，唔洗5分鐘已經被摧毀了 

想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

Manhabit的第三天

放學咁開心就知咩事啦!

第三日返學的花花,雖然花媽再三同佢講左要勇敢,返學有問題可找梁老師,媽媽會好快來接佢,花花都全答yes同ok!但當花媽一同花花講“go into the classroom” 花媽頭也不回即閃。花媽都未行出校門已經聽到花花大喊大叫。作為媽媽的我沒有心軟,因為心軟只會令事情變得更差。

花媽自己的三小時去左同花婆飲茶,再返公司處理一點小事已經差唔多要去接花了。打算直接揸車到學校門口接花花遇上大塞車。當差唔多到時,花媽怕花吪等太耐又大喊,即時跑去接花花放學。但花媽見到一個不停同花媽講要play同去park的花花,沒有眼淚的。花花長大了,加油啊!明天連返入課室見唔到媽媽都唔好喊,因為你有好多同學仔及老師同你一齊玩啊!

花花長大了!明天更另更乖啊!

Manhabit的第二天

穿上校裙的花花

由於老師話花花的表現唔錯,由原本有家長陪同下只返1.5小時變成自己一個返3小時。花媽當然求之不得啦!當花媽送左花入課室,老師示意打眼色叫花媽走時,花媽頭也不回直衝離開。

沒有花花的三小時,花媽盡情抱抱錫錫同照顧草草。睇左一陣十優港姐媽媽的著作(遲下同大家分享呢),上一陣網...話咁快三小時過去`(*∩_∩*)′ 花媽懷著期待的心情去接花花,去到班房門口,老師叫花花出來,天啊!!!!喊到好慘呀╯﹏╰  但花媽覺得好搞笑,沒有心痛!反而覺得呢個係經歷。老師話暫時未適應,但已經唔錯了。

老師同花媽講,花花能夠坐定定上堂(點解花媽同佢睇書都唔坐定定嘅╰_╯ ),本身冇事,但上上下堂係細細聲自己喊唔出聲(好可愛的花花啊!♡(^ε^ )♡  但老師氹花花話打比媽媽接佢走,花花又冷靜下來,諗諗下又喊!小朋友真的好可愛啊!

花花,加油啊!!!明天再努力一點!克服思媽後群症!

Manhabit 的第一天

望穿秋水，花媽一直等今日可以帶花花返學。花花，你長大了同時都係姐姐了。你要乖啊!

著校服的花花好醒晨 ^^

花花穿上校服，感覺好不一樣啊~今日可以同花花一齊上。當花花見到花媽時就會走過來，但老師話花花都好溶入小朋友，而且都好原意自己玩，如果唔反對明天可以試自己返足一日學!!!OMG...花媽真係唔敢想像啊~我的自由可以咁早來臨...哈哈...花媽當然唔會反對仲一口答應了~

音樂堂時小朋友都好enjoy...花花係其中一位enjoy中的小朋友~

今日只返1.5小時，其中上左音樂同英文堂，起初音樂堂時花花都木木獨獨咁一個坐係到，後來因為朋友輩影響，佢都開始一齊做動作。其實Manhabit唔算係太出名的學校，學生唔多(今堂計埋花花都只有7個小朋友其中一個仲係插班生呢,原本班上只有10個小朋友,現在有11人.有3個小朋友未足歲未能上堂) 但老師就可以更加睇住小朋友了.上課時都係一個中文老師一個英語老師跟住。其他班最多都只有14個小朋友,變相一個老師可以睇住7個小朋友,師生比例很小啊!雖然六千幾蚊一個月而且又有一筆雜費,但都算OK的!希望花花會喜歡呢間學校啦~

英文課情形

今日花花返半日,學校同佢食上完英文堂就去洗手,本身花媽覺得洗手冇乜好睇啦~但sit in的媽媽問我睇唔睇.一睇就見到花花坐左係馬桶○_○咁順嘆....平時花花唔肯坐potty架喎~小朋友真係要比人教...蝦媽咪！sit in時同插班生的媽媽傾計,原來佢係元朗的學校轉出來,因為學校唔好,就算今個月交左學費都要照走了!當然花媽問佢係咪想入蔡繼有啦,佢都好老實話係,因為佢朋友的仔仔就係第一屆manhabit的學生,覺得老師唔錯教學又唔差呢!

第一次返教會

禮賢幼稚園的小禮堂

花媽一直都想帶花花參加教會活動,雖然花媽冇宗教信仰,但深信教會世界比較平和,希望小朋友可以在溫和的世界成長。有幸花媽的姑姐係教會的教友,上星期花媽姑姐同花媽講佢地教會有一個主日學在星期日早上十點半,花媽都一口答應要去睇一睇呢~

原來教會的主日崇拜就好似幼稚園一樣,要由K1開始升班上到K3,要自己一個上啊~經花媽姑姐再三請求下,花花終於可以sit in  一堂啊~起初花花唔太敢入課室,因為課室內有一個比較巨形的男人,花花好明顯對果位男仕有少少怕,所以不停咁講byebye表示要離開。好吧~花媽同花花行出課室,睇下小朋友打籃球,原來體賢幼稚園正正係呢個教會附屬幼稚園,真係咁啱花媽都打算幫花花報禮賢呢!

花花玩到好忘我 >__<

過左一段時間,花媽帶花花再走入課室,巨大身形的男仕仲係到,所以花媽就同花花就坐係較遠處,後來巨大身形男仕走了,又有玩具玩.所以花花都開始放鬆,離開花媽自己走去玩。成個過程就好似返學一樣,小朋友唱下歌,做下動作,聽下故事及食茶點,唔同的係所有故事及歌都係圍繞耶穌基督。當然花媽同樣接受,因為花媽從小都係在教會學校長大的。再次聽到聖經故事,感覺好得意,依家帶自己囡囡返教會,感覺...原來我老了..^^:

比D信心小朋友

經過一輪學校報名潮,花媽暫時幫花花報左11間學校,根德噚日報名取form同創價今日上網報名。當然陸陸續續仲有唔少學校需要報名,同時都有朋友會話呢間專收大B、果間難考、我個小朋友坐唔定呢間學校唔鐘意佢、我小朋友唔得架喇等而決定唔為小朋友報學校。當然每個人有自己的想法,但在於花媽角度報到一定要報,擔心反而係撞期唔去邊間好。

首先,我地要對自己小朋友有信心,連我地都唔相信自己小朋友的能力,小朋友又點信對自己有信心呢?作為母親的我一定會經常鼓勵小朋友嘗試,不一定在於面試,但人生旅途上都有好多困難需要小朋友面對。

其次,面試費都只係40元。即使學校未必收都好,試左就有一半機會,唔試連果一半都冇。積極咁諗,可能喜出望外收左咪仲開心。其實方間有唔少面試班都二百幾三日蚊次,依家仲有實戰機會,都只係40蚊一次呢!

最後,都係花爸同我講的。有得選擇總比冇選擇的好,學校選小朋友,小朋友都可以選學校啊！