 |
| 禮賢幼稚園的小禮堂 |
花媽一直都想帶花花參加教會活動,雖然花媽冇宗教信仰,但深信教會世界比較平和,希望小朋友可以在溫和的世界成長。有幸花媽的姑姐係教會的教友,上星期花媽姑姐同花媽講佢地教會有一個主日學在星期日早上十點半,花媽都一口答應要去睇一睇呢~
原來教會的主日崇拜就好似幼稚園一樣,要由K1開始升班上到K3,要自己一個上啊~經花媽姑姐再三請求下,花花終於可以sit in 一堂啊~起初花花唔太敢入課室,因為課室內有一個比較巨形的男人,花花好明顯對果位男仕有少少怕,所以不停咁講byebye表示要離開。好吧~花媽同花花行出課室,睇下小朋友打籃球,原來體賢幼稚園正正係呢個教會附屬幼稚園,真係咁啱花媽都打算幫花花報禮賢呢!
 |
| 花花玩到好忘我 >__< |
過左一段時間,花媽帶花花再走入課室,巨大身形的男仕仲係到,所以花媽就同花花就坐係較遠處,後來巨大身形男仕走了,又有玩具玩.所以花花都開始放鬆,離開花媽自己走去玩。成個過程就好似返學一樣,小朋友唱下歌,做下動作,聽下故事及食茶點,唔同的係所有故事及歌都係圍繞耶穌基督。當然花媽同樣接受,因為花媽從小都係在教會學校長大的。再次聽到聖經故事,感覺好得意,依家帶自己囡囡返教會,感覺...原來我老了..^^:
沒有留言:
張貼留言