Manhabit的第二天

穿上校裙的花花

由於老師話花花的表現唔錯,由原本有家長陪同下只返1.5小時變成自己一個返3小時。花媽當然求之不得啦!當花媽送左花入課室,老師示意打眼色叫花媽走時,花媽頭也不回直衝離開。

沒有花花的三小時,花媽盡情抱抱錫錫同照顧草草。睇左一陣十優港姐媽媽的著作(遲下同大家分享呢),上一陣網...話咁快三小時過去`(*∩_∩*)′ 花媽懷著期待的心情去接花花,去到班房門口,老師叫花花出來,天啊!!!!喊到好慘呀╯﹏╰  但花媽覺得好搞笑,沒有心痛!反而覺得呢個係經歷。老師話暫時未適應,但已經唔錯了。

老師同花媽講,花花能夠坐定定上堂(點解花媽同佢睇書都唔坐定定嘅╰_╯ ),本身冇事,但上上下堂係細細聲自己喊唔出聲(好可愛的花花啊!♡(^ε^ )♡  但老師氹花花話打比媽媽接佢走,花花又冷靜下來,諗諗下又喊!小朋友真的好可愛啊!

花花,加油啊!!!明天再努力一點!克服思媽後群症!