2015年9月3日 星期四

對於環保尿布的堅持

那天還是初生的花花已經選用環保尿布啊!
今日同吱吱媽(花媽好朋友)傾計,佢話應該我要同其他媽媽分享點解可以堅持用尿布咁耐。因為當日係吱媽幫我在日本買尿布,同時吱媽起初都打算用尿布,但始終敵不過尿片方便的引誘,吱媽捨棄左尿布。╯﹏╰
但對於花媽我嚟講,尿布真係唔錯。至今花花未有爛patpat或紅patpat狀況,當然唔排除花花係非敏感型BB,因為晚上用尿布第二朝都唔會紅。可能因為用尿布,我地都好捨得幫花花換尿布,只要一尿濕我地就即換。最勁兩小時換三次片片架,如果係尿片的話,相信有唔少媽媽會唔捨得呢。
另外,花媽我絕對唔算係一名環保人傢,但點解我對尿布咁堅持,除左因為“錢”的問題,我都搵唔到其他原因。的確,花媽曾經邀請十個朋友仔到我家歡聚,一人最少一個BB。結果不足4小時,已經打爆左我地的垃圾桶*@_@* 而當時花花更係冇使用過尿片,花花更上演了一場爆便便,花媽當場洗一條充滿咖哩積尿布,朋友們都忍唔住同我講會寧願掉左條尿布。但其實還可以吧,因為尿布上我會加上一層隔尿紙,隔尿紙可以阻隔便便同布水,只怕花花動作太大,隔尿紙隔唔住便便呢。隔尿紙大約一盒不用一百元但有220片。就算花花已用10盒都唔洗1000蚊,但已經可用2200次了(如一天換7次片,可用300天了)。
之前提及過花花所有尿布及外膽大約加起嚟大約2000元定3000元。而佢地更加可以用到花花90cm長。現在花花先75cm呢,應該可以用上一段時間。下次再同大家分享尿布使用方法啦。`(*∩_∩*)′

沒有留言:

張貼留言